مع وقف التنفيذ بقلم دعاء عبد الرحمن ج3
أتسعت عيناها وصاحت يه بغضب وسبته بشدة رافضة ابتزازة لها ثم قالت:
– وشوف بقى هيحصلك أيه من باسم لما يعرف انك كنت بتجسس عليه
ضحك حسن متهكما وهو يقول :
– بمنتهى البساطه لو قولتى لباسم هفضح حكاية التزوير اللى عملتوها فى القض..يه
صاحت متهكمةً :
– شوف يا بابا أنت ..انا مش هجيب سيرة لباسم علشان بس أنا مبحبش أذى حد لكن تنسى حكاية الفلوس دى خالص واللى انت بتهددنى بيه مرمى فى المعتقل ولو ضايقتنى تانى هتحصله .. قالت كلمتها وأغلقت الهاتف بشدة وعنف
نظر حسن إلى الهاتف وقال بغضب :
– ماشى يا استاذه لما نشوف …..
************************************
ضحك باسم ضحكات رنانة فى ذلك المكان العام المُطل على كورنيش النيل ثم قال :
– بقى فى حد فى الدنيا يقعد يتكلم فى قض..يه على البحر كده معقول لسه بتخافى مني ده أنتى قلبك اسود أوى يا شيخه
مالت للأمام وقالت بإنفعال :
– وطى صوتك شويه يا أخى الناس بتبص علينا
هدأت ضحكاته أخيراً وتحولت ملامحه للجدية مباشرة ثم قال :
– خلاص خالينا فى المهم … الجلسة اللى فاتت كانت جلسة إجراءات شكليه بس زى ما أنتى شوفتى كده مجرد تسجيل أوراق وحضور المتهم وكلام من ده… الجلسة بتاعة بكره هى اللى لازم تبدعى فيها لازم تترافعى وأنتى واثقه من نفسك وعارفه بتقولى ايه فاهمانى
أومأت برأسها بأنصياع وهى تقول :
– فاهمة ..هاخد المذكره اللى كتبتهالى دى أحفظها صم من النهارده لبكره
أخذ رشفة من القهوة التى وضعت أمامه وقال :
– برافوا عليكى ..عاوزك تصميها صم
نظرت اليه نظرة خاطفة ثم قالت :
– طب ممكن تدينى فكرة صغيره بس علشان تسهل عليا حفظها
تناول أخر رشفة قهوة من الفنجان ثم أزاحه جانباً وقال شارحاً:
– شوفى يا ستى دلوقتى المتهم أنكر معرفته بيها أصلا وقال أنها هى اللى ظهرت قدامه فجأة وملف القض..ية مفيهوش أقوال الشهود ولا محضر اثبات الواقعة الاصلى اللى عمله ظابط الشرطة .. اللى موجود دلوقتى قدام القاضى محضر الشرطة اللى أحنا مظبطينه
واللى بيقول نفس كلام المتهم وده اللى بيثبت خطأ المجنى عليها وأنها هى اللى أندفعت فجأة قدام السيارة و المتهم مقدرش يتفاداها … وده كان السبب فى موتها ..
ومحامى المجنى عليها معهوش الورقة الاصليه اللى يثبت ان الحادثة كانت مقصوده ولا حتى صوره منها
ثم ظهرت نظرت خبيثه على جانبى شفتيه محاها سريعاً وهو يقول :
– وفى الحاله دى المحكمة مش هيبقى قدامها حاجه غير أنها تحكم بالبراءة ..
