مع وقف التنفيذ بقلم دعاء عبد الرحمن ج3

غادرت نورا على الفور بينما بحث هو عن دواء لألم الرأس ولكنه لم يجد فنهض فى تعب وأخذ الملف معه وقرر أن يكمله فى المنزل …

***************************************

كانت دنيا تجلس أمام التلفاز تتنقل بين قنواته فى ملل وقد تركتها أم فارس ودخلت غرفتها لتنام فهى لم تعتاد السهر الطويل ..
أغلقت دنيا جهاز التلفاز وأتجهت لغرفتها وتناولت هاتفها من فوق الطاوله ودخلت غرفتها وآوت الى فراشها ..
أستلقت على الفراش وهى تفكر فى حالها وكيف سينتهى زواجها وهل سيطلقها فعلا أم ستتغير الامور

أنتبهت على صوت رنين هاتفها النقال ..تناولته ونظرت فيه فزفرت بملل وردت بتثاقل قائلة :
– أيوا
رد المتصل بلهفة قائلاً:
– ايوا يا أستاذه دنيا أنا وائل
قالت بضيق :
– منا عارفه يا وائل خير فى حاجه ولا أيه
قال بشغف :
– قض..ية يا استاذه أنما أيه هتنقلنا نقله كبيرة أوى
قالت بأزدراء:
– أفندم ؟
أستدرك متوتراً:
– قصدى يعنى هتنقل الدكتور فارس والمكتب نقله جامدة أوى

بدأ الاهتمام يتسرب إلى صوتها وهى تقول :
– نظامها ايه القض..ية دى
قال على الفور:
– أبن راجل مليادير متهم فى قض..ية قتل والراجل جاى مخصوص للدكتور فارس
وعاوزه يشتغلها بنفسه ومستعد يدفع بدل المليون تلاته
سال لعابها عندما سمعت الرقم وقالت بخفوت :
– وأنت عرفت منين

قال وائل متهكماً:
– يا استاذه انا مفيش حاجه تخفى عليا فى المكتب
أومال حضرتك أخترتينى أنا ليه علشان ابقى ايدك اليمين فى غيابك
– طيب متشكره أوى يا وائل
أردف وائل قائلاً بلهفة:
– استنى يا استاذه مش ده كل اللى عندى

أرهفت سمعها له وهو يتابع قائلاً:
– القض..ية دى أتنشرت فى الجرايد من يومين بس وأنا قريت تفاصيلها كلها ولما شمشمت حواليها عرفت أن فى محضر تحريات وشهود بيدينوا الواد المتهم فى القض..ية علشان كده انا قلقان أن الدكتور فارس يرفضها ..
سكت ثانية من الوقت وأستدرك قائلا:
– لاء ده انا متأكد كمان انه هيرفضها ولو أتعرضت على الدكتور حمدى هو كمان هيرفضها
الواد المتهم شكله مش مظلوم وده اللى مخلينى متأكد ان فارس باشا هيرفض يشتغلها وهيضيع علينا المبلغ المهول ده

تسرب القلق إليها فهى تعرف طريقة تفكير فارس جيدا
وتعلم أنه لو وجد المتهم غير مفترى عليه وبأنه قاتل فعلا سيرفض الدفاع عنه مهما كانت الاتعاب مغريه ..
فقالت فى توتر:
– طب وانت ايه رأيك يا وائل