مع وقف التنفيذ بقلم دعاء عبد الرحمن ج3

حاولت أن تضفى بعض من المرح عليه فغيرت مجرى الحديث وقالت مداعبة :
– قولى بقى ناوى تعمل ايه النهاردة فى فارس وعمرو
أستجاب لمداعبتها وأبتسم بمرح وقال :
– ناوى أدشدشهم طبعاً
تحسست ذراعيه بإعجاب وهى تقول ضاحكة :
– أنا متأكده أنك هدشدهم بضمير
خلل أصابعه بين خصلات شعرها و همس فى أذنها قائلاً:
– فكرتينى بالضمير .. الولاد لسه نايمين مش كده …!

**************************************

– طيب هسيبكوا أنا شوية يا متر علشان تعرفوا تتكلموا
قال الضابط هذه العبارة وهو ينهض من خلف مكتبة ويأخذ هاتفه وقبعته العسكرية وأتجه خارج مكتبه..
أنتظر فارس حتى خرج الضابط وأغلق الباب خلفه فألتفت إلى الشاب الذى وقف أمامه مُطرقاً برأسه فى حزن
وقال وهو يشير له بالجلوس:
– أقعد يا هانى

جلس هانى ببطء وبدون أن يرفع رأسة أو ينطق ببنت شفة ..تفرس فيه فارس ملياً وقرأ بسهولة تعبيرات الحزن والوجوم فى ملامحة الشاحبة المترقبة .
لايبدو عليه الإجرام أبداً على العكس تماماً وجهة فيه البراءة ما فيه ..
حاول فارس أن يقرأ لغة جسده فلكل جسد لغة من الممكن ان تكشف عن مكنونات مشاعره أثناء الحديث ..
صمت فارس برهة من الوقت لكى يجعله يتوتر أكثر ويسهل استدراجه وقاطعاً عنه أى اسلوب للمراوغة من الممكن أن يلجأ إليه
ثم قال فجأة :
– أنا عارف أنك مكنش قدامك حل تانى ..!!!

رفع هانى رأسه بحذر ناظراً إلى فارس الذى مال للأمام مقتحماً عينيه و تكلم وكأنه رآه يوم الحادث رأى العين
وأردف قائلاً بثقة :
– كانت بتهددك كنت هتعمل ايه يعنى غير كده ..
حدق هانى فيه مندهشاً وقال متعجباً :
– عرفت أزاى أنها كانت بتهددنى !!!!
قال فارس بهدوء وتركيز :
– أحكيلى كل حاجه وأنا هقولك عرفت أزاى

نظر له هانى وهو يفرك كفيه فى اضطراب وتوتر كبيرين وقال متلعثماً :
– زى ما أنت قلت مكنش فى إيدى حل تانى كانت عماله تهددنى أنها تفضحنى فى كل حته وتقول لابويا وأنا خلاص كنت هتعين فى السلك الدبلوماسى وأى قلق كان هيحصل حواليا كان هيطير منى الشغلانه اللى كنت بحلم بيها طول عمرى…ثم بدأ فى البكاء وهو يرتعش
قائلاً :
– صدقنى أنا عمرى ما كنت أحلم أنى أعمل فيها كده بس هى اللى اضطرتنى ..
دفن وجهه بين كفيه وهو يرتعش بقوة ويقول:
– أنا مكنش قصدى أموتها أنا كنت عاوزها تسقط بس وخلاص مكنتش أعرف أنها هتموت