مع وقف التنفيذ بقلم دعاء عبد الرحمن ج3
تصنعت الدهشة وهى تقول :
– معقوله أومال كان بيدينى مغلق ليه
ثم استدركت وهى تقول :
– أومال أنت كنت فين من ساعتين كده لما كان بيدينى مغلق
– كنت مع المتهم بتاع قض..ية القتل
أدعت المرح وهى تقول :
– شكلك كده وافقت على القض..ية
هز رأسه نفياً وهو يقول :
– لاء رفضتها
أبتلعت ريقها بصعوبة فهذا ما كانت تتوقعه الا أنها كان لديها بصيص من الامل فى ان يقبلها ويريحها مما هى مقدمةً عليه ..
قالت بتماسك :
– بلغت والده بالرفض ولا لسه
– لا لسه لما أروح المكتب بالليل هخلى السكرتاريه تبلغه علشان يجى كمان ياخد الاوراق بتاعة القض..يه
شعرت بالوهن يدب فى أوصالها فهاهى ستضطر ان تلجأ الى أكثر شخص تبغضه على وجه الارض وسمعته ينهى المكالمه
قائلا:
– طب معلش يا دنيا هقفل دلوقتى علشان ألحق أخلص غدا وأنزل
قالت بلهفه :
– رايح المكتب بدرى كده
– لالا أنا عندى ماتش كده مع الدكتور بلال وعمرو ويمكن اروح المكتب متأخر شويه ..يلا سلام
أنهى مكالمته بينما قالت والدته بأهتمام:
– ليه يا فارس هتسيبها تقعد لوحدها يابنى فى حاجه مزعلاها ولا ايه ..
طب شوف ايه اللى مزعلها مينفعش تقعد لوحدها كده دى دلوقتى بقت يتيمه يا فارس
نظر لها فارس وهو يشعر بالاشفاق تجاه والدته لطيبتها الزائدة حتى مع من يُسيئون معاملتها وقال :
– مفيش حاجه يا ماما هى طلعت فى دماغها النهارده الصبح أنها تروح هناك شويه وصممت .. خلاص براحتها
نظرت له والدته بريبة ثم تذوقت الارز وهى تتمتم بإعجاب :
– والله شاطره
رفع فارس رأسه ناظراً اليها بتسائل وقال :
– مين دى اللى شاطره
قالت والدته وهى تتناول طبقها :
– ولا حاجه مُهرة أصلها نفسها حلو فى الرز
رفع حاجبيه وقال :
– هى اللى عملته ؟!
أومأت برأسها وهى تكمل طعامها دون أن تنظر إليه فقال :
– فين طبق الرز بتاعى يا ست الكل
رفعت رأسها بدهشة وقالت :
– أنت مش قلت بتحب السبانخ مع العيش
مط شفتيه قائلا:
– هجربها مع الرز
نظرت له والدته وهو يأكل الارز بإعجاب شديد وكأنه لم يأكله من قبل فلاحت ابتسامة صغيرة على جانبى شفتيها رغماً عنها …
وبعد أن أنتهى من طعامهما ..اعد فارس الشاى كما يفعل دائماً …وضع واحدة امام والدته التى قالت :
– أنت هتقابل عمرو والدكتور بلال النهارده
ارتشف رشفة منه وأومأ برأسه قائلاً :
– أيوا عندنا ماتش النهارده بعد صلاة العصر على طول يدوبك أخلص وأرجع أغير هدومى وأنزل على المكتب على طول …..
أنهى فارس أغتساله وبدل ملابسه وأرتدى حلته الرياضية استعداداً لماتش الملاكمة ..
