مع وقف التنفيذ بقلم دعاء عبد الرحمن ج3

لاحت أبتسامة نصر على شفتيه وهو يقول :
– بسيطة يا استاذه ..حضرتك ممكن تاخدى وتدى معاه فى القض..ية لو لقتيه قبلها خلاص بركه يا جامع
لو لقتيه رافض يبقى مفيش غير حل واحد..
– ايه هو ؟!!
– حضرتك تشتغلى القض..يه بنفسك
ضحكت وهى تقول :
– أنت بتهزر مش كده ؟..أشتغلها ازاى يعنى وأبو المتهم هيرضى يخلينى أخدها ازاى يا فالح

قال بسرعة:
– يا استاذه القض..يه مش محتاجه شغل كتير زى ما أنتى فاهمه ..لو أعتمدنا على شغل المحاماه يبقى الواد هياخد أعدام القض..يه دى عاوزه شغل من نوع تانى
قالت بترقب :
– مش فاهمه …
– شوفى يا استاذه القض..ية كلها مربط الفرس بتاعها التحريات والشهود ولو تقرير التحريات اتسحب من الملف بصنعة لطافه والشهود غيروا اقوالهم يبقى مفيش دليل والواد هيطلع براءه

قالت بحنق :
– وأنت فاكر بقى انى أعرف أوصل للورقه دى ..و حتى لو عملت كده فارس مش هيسكت
ده غير أنه لو رفض القض..يه الراجل اصلا مش هيرضى حد مش معروف زى يشتغلها مهما قلناله
نظر وائل للجالس بجواره مبتسماً بأنتصار وقال لها :
– المشكلتين دول محدش هيقدر عليهم غير واحد بس…الاستاذ باسم

أعتدلت على الفراش وكأن حية قد لدغتها وهتفت متسائلة:
– باسم مين ؟..اللى كان معانا فى المكتب ؟
قال وائل مؤكدا:
– ايوا هو …هو الوحيد اللى فى كان فى مكتبنا ليه معارف كتير فى النيابه ويقدر يخلصلنا موضوع الورقة والشهود وهو برضه اللى هيقدر يلاقى حل لمشكلة الدكتور فارس

صمتت دنيا لتفكر بالامر كادت أن ترفض وتنهى المكالمه على الفور رافضة للعرض والاقتراح
ولكن المبلغ المعروض أدار رأسها ..ليس بهين على الاطلاق انه كافى أن يذيب الصخور بينها وبين باسم
وينسيها ما فعله بها وما تلاقيه الان بسببه وان يلتقيا من أجله مرة أخرى ..قالت فى تردد :
– طب أدينى فرصه افكر

أنهى وائل المكالمة معها ووضع الهاتف فى جيبه وهو ينظر لباسم الذى كان يقف بجواره ويلقنه بعض الكلمات ..
ربت باسم على كتف وائل وهو ينظر امامه بتفكير قائلا:
– برافوا عليك
قال وائل لاهثاً :
– متأكد يا استاذ باسم أنها هترضى
ابتسم باسم وهو يجلس خلف مكتبه ويشبك كفيه فى بعضهما وقال بثقة :
– زى ما أنا متأكد أنك واقف قدامى دلوقتى …. ثم همهم بخفوت
وقال :
– دى تبيع ابوها علشان الفلوس