مع وقف التنفيذ بقلم دعاء عبد الرحمن ج3

وضعت مُهرة يدها على صدرها وهى تشعر أن قلبها سيقفز من مكانه فرحاً
وأحتقن وجهها بشدة وهى تستمع لأم فارس تقول من بين دموعها :
– يعنى أنت طلعت يا فارس ؟..بجد يابنى طلعت طب أنت فين
ثم أخذت تقبل السماعة وهى تبكى قائلة :
– تعالى بسرعة يا فارس تعالى بسرعة نفسى أخدك فى حضنى يابنى وحشتنى أوى

أنهى فارس المكالمه وهو يمسح دموعه ويد الدكتور حمدى تربط على كتفه قائلا بمرح :
– ايه ده هو أنت لسه شوفت حاجه أومال لما تروح بقى هتعمل ايه

ثم مد يده بالهاتف إلى بلال قائلاً :
– يالا خد أنت كمان التليفون وكلم والدتك وبلغها أنك خرجت
ابتسم بلال وأستنشق الهواء النقى خارج جدران المعتقل حتى أمتلىء صدره به ثم زفر بهدوء وقال :
– لا يا دكتور معلش أنا عاوز أعملهم مفاجأة
ضحك الدكتور حمدى وهو يقول :
– حرام عليك يلاقوك قدامهم كده فجأة
ضحك فارس ثم قال :
– طول عمره بتاع مقالب يا دكتور هو كده من زمان

ضحك ثلاثتهم وهم يستقلون سيارة الدكتور حمدى فى طريقهم إلى منازلهم …
كان الدكتور حمدى يقود السيارة وهو ينظر إلى فارس الجالس بجواره نظرات خاطفة ورأسه يدور لا يعلم ماذا يفعل ..
لابد أن يخبره بأمر زوجته التى قدمت ضده بلاغ وزجت به فى معتقلات الأهوال تلك ظلماً ولكن هل يخبره الان أم ماذا ؟…

قطع فارس عليه تفكيره وقال متسائلا :
– معرفتش يا دكتور مين اللى عمل فينا كده ؟

ألتفت اليه الدكتور حمدى ثم أعاد النظر للطريق وقد حسم أمره ثم قال :
– فارس .. لازم تعرف الدنيا دى كلها فيها الكويس وفيها الوحش فيها اللى بيعمل خير لوجه الله من غير سبب وفيها برضه اللى بيأذى الناس من غير سبب ولو الاذيه جاتلك من أقرب الناس ليك أوعى تزعل نفسك ابدا واعرف ان ربنا بيكشفلك اللى حواليك علشان متفضلش عايش موهوم ومخدوع فيهم .. أستدار فارس بجسده إليه ونظر للخلفإلى حيث بلال ألتقت نظراتهما فى تسائل صامت قطعه فارس وهو يلتفت إلى الدكتور حمدى قائلا :
– الكلام ده معناه ان حضرتك عرفت مين

أومأ الدكتور حمدى برأسه وهو يقول :
– أيوا عرفت … بس كنت محتار اقولك دلوقتى ولا لما تروح بيتك وترتاح شويه من اللى شفته
أعتدل بلال فى جلسته وقد شعر أن الدكتور حمدى يقصد شخصاً قريب جدا من فارس بينما قال فارس سريعاً :
– مين يا دكتور قولى مين
أضطرب صوت الدكتور حمدى وهو يقول ببطء :
– مراتك دنيا