مع وقف التنفيذ بقلم دعاء عبد الرحمن ج3

**************************************************

فتحت عبير باب شقتها لعزة التى دخلت مسرعة وقالت بلهفة :
– عبير عرفنا مكانهم يا عبير

أتسعت عيناها وتشبثت بملابسها وهى تقول بلهفة أكبر :
– بالله عليكى يا عزة عرفتوا مكانهم طب هما فين وعاملين ايه وعرفتوا ازاى ؟
جائت أم بلال على صوت عبير الملهوف وتعلق بصرها بعزة وهى تنقل أبصارها بينهما
وتقول :
– الاستاذ صلاح اللى عمرو كان شغال عندهم فى الشركة كان جه سأل على عمرو من يومين كده
ولما عرف اللى حصل قالى أنهم هيحاولوا يعرفوا طريقهم وكتر خيره أتصل بيا النهارده من شويه وبلغنى أنهم عرفوا موجودين فى سجن طره وأنهم كويسين اوى وبيتعاملوا كويس أوى ومفيش تهمه معينه متوجهالهم وهيخرجوا قريب ان شاء الله

وضعت أم بلال يدها على صدرها وهى تقول :
– الحمد لله

ولكن عبير هوت إلى الارض ساجدة تبكى وتدعوا وهى تشعر أن قلبها لم يعد ينبض
منذ أن غادرها فى ذلك اليوم المشئوم ولكنها بدأت تطمئن شيئا قليلاً بعد هذه الأخبار
وأخذت تدعوا الله أن يرده اليها رداً جميلاً وأن يحفظه لها ولأمه ولأبنائه …….

عانقت أم فارس مُهرة وهما يبكيان من الفرحة لمجرد أن علموا أنه بخير ولم يصبه مكروه مما كانوا يسمعوا عما يحدث للمعتقلين من قبل …
أبتعدت مُهرة قليلاً وهى ممسكة بيد أم فارس وقالت بهيستيرية :
– لازم نعمل المستحيل ونروح نشوفه يا ماما

أبتسمت أم فارس وهى تستمع لتلك الكلمة من فمها لأول مرة
وقالت :
– يابنتى الحمد لله اننا عرفنا مكانه وأنه بخير هو وصحابه الحمد لله مش عارفه بقى حكاية الزياره دى هتنفع ولا لاء وهنعملها ازاى … صمتت قليلاً
ثم قالت :
– انا كده كده هتصل بدنيا علشان أبلغها الأخبار الحلوه دى وأكيد هى مش هتسكت وهتحاول تروحله وساعتها تبقى تاخدنا معاها … هرولت مُهرة إلى الهاتف وهى تقول بلهفة :
– طب يا ماما كلميها دلوقتى مش لازم نضيع وقت

أخذت أم فارس الهاتف وقصت عليها ماحدث مما جعل دنيا تبتلع ريقها بصعوبة
وأستشعرت الخوف من أحتمالية خروج فارس بهذه السرعه فالقض..يه ما زال امامها شهرين على الأقل قبل النطق بالحكم
سمعت ام فارس وهى تقطع عليها أفكارها فقالت :
– ايوا معاكى معاكى .. طيب انا هشوف الحكايه دى وابلغك بالتطورات قريب أوى ان شاء الله انا هقفل دلوقتى علشان معايا شغل مهم ..