اقدار الحب 2

الحلقه ((((11))))

في الصباح أكمل صحي ونزل بس طبعا مش زي كل يوم تسنيم مش مستنياه ولا واقفه تحضرله القهوة ولا حتحضرلوا هدومه ولا عايزة تشوفه اصلا . بس كان قاعد مستنيها عايز يشوفها و يطمن عليها . ولما اتأخرت . طلعلها أوضتها وخبط وفتح الباب لقي الاوضة فاضية . نزل تحت بسرعة لدادا صباح .
أكمل : فين تسنيم يا دادا لسة بدري علي معاد الشركة هي حصلها حاجة .
صباح : وهي بتبصله بأرف واحتكار . ملكش دعوة بيها سيبها في حالها كفاية عليها اللي شافته . منك .
أكمل : دادا ارجوكي ارحميني انا اللي فيا مش في حد مش ناقص . قوليلي هي فين .
صباح : مش حقولك .
أكمل : راح لعمه بسرعة يسالوا فين تسنيم . عمي هي تسنيم راحت فين بدري كدة .
شوكت : سافرت السخنة
بتقول انهم كلموها امبارح وكان لازم تسافر تشوف في ايه .
أكمل : عرف انها سافرت علشان مش عايزة تشوفه بعد اللي حصل بس هو كان لازم يفهمها ويشرحلها اللي حصل . وقرر انه يسافرلها السخنة ويتكلم معاها.

في قرية السخنة .

تسنيم بتتمشي علي البحر وطبعا تسنيم جميلة حتي وهي حزينة وتعبانة وهي بتتمشي وشعرها الجميل طاير وراها بسبب الهوا كان فيه اتنين شبان بيتمشوا طارق وحازم . وحازم هو اللي كان عازم طارق علي القرية . وطارق رجل اعمال وباباه كمان رجل اعمال كبير. وطارق شاب وسيم جدا بشرة بيضة وعيون عسلي وشعر بني وشكله رياضي كمان . طارق اول ماشاف تسنيم . فضل مسهم ومش مصدق جمالها وفضل لتفف وراها ومتابعها لحد مامشيت .
حازم : مالك يا بني . فيه ايه تنحت ليه كدة .
طارق : وهو حاسس انه مسحور . مش ممكن انت شفت اللي انا شوفته.
حازم : ههههههه اه يا خويا شوفت كلنا عملنا زيك كدة اول لما شوفناها . جامدة صح .
طارق : جامدة ايه بس ايه الحلاوة دي هو في كدة ايه العنين دي مش ممكن عسل اوي .
حازم : بس خسارة مبتصاحبش . ولاحتي بتتجوز .
طارق : بتهزر . مش ممكن ده قلت انها اكيد متجوزة . دي متتسابش اصلا.
حازم : متعرفش بقي هي قافلة ليه من حكاية الجواز دي . حتي مش حنقول بتحب حد عمري ماشوفتها مصاحبة ولا مرتبطة بحد .
طارق :هي اسمها ايه .
حازم : تسنيم . وعلي فكرة دي بنت صاحب القرية .
طارق : معقول . دي بنت شوكت التهامي .. بقولك ايه انا حروح اكلمها .
حازم : ريح نفسك مش حتاخد منها حاجة .
طارق : لبس نظارة الشمس وعمز حازم . حتشوف ده انا طارق.
طارق جري ورا تسنيم لحد ماحصلها . ومشي قريب منها . تسنيم كانت ماسكة الفون وبتسمع الهاند فري . والتليفون وقع منها . طارق مد ايده واخده وادهولها .
طارق : بيديهولها وبيبص في عنيها . اتفضلي .
تسنيم :اخدتوا منه شكرا.
طارق : وهو باصص في عنيها . مش ممكن هو البحر قدامي ولا ورايا انا حاسس اني باصص للبحر ايه العنين الحلوة دي .
تسنيم : رفعت حاجبها . نعم ؟؟
طارق : هههههه اسف والله انا مش بعاكس . بس غصب عني عمري ماشوفت عنين حلوة كدة اعزريني
تسنيم : ابتسمت . انت جرئ اوي علي فكرة .
طارق : مش دايما والله . ومد ايده ليها يسلم عليها . طارق العوامري .
تسنيم :سلمت عليه . تسنيم التهامي
طارق : امممم صاحبة القرية صح
تسنيم : هههه لا طبعا بابا هو صاحب القرية مش انا .
طارق : اممم يعني لوعندي شكوة اكلم مين
تسنيم: شكوة ليه مين زعلك . عموما انا موجودة قلي
طارق : بصراحة حشتكي منك انتي .
تسنيم :انا ليه . ده انا حتي اول مرة اشوفك
طارق: ما هو علشان كدة . انتي بسببك . عنيا مش حشوف بيها تاني خلاص . من بعد ماشوفتك وشوفت جمالك .
تسنيم : اممممم . دي كمان مش معاكسة .
طارق : ههههههه لا بقي دي معاكسة . بس قلتلك اعزريني بقي
تسنيم : ابتسمت . ماشي . حعديها عن اذنك .
طارق : تسنيم . ثانية . ممكن اعزمك علي العشا النهاردة لو سمحتي اوعي ترفضي . واوعدك مش حدايقك ولااعكسك والله . بس بجد حزعل اوي لو رفضتي .
تسنيم :تليفونها رن رنه رسالة من اكمل .
أكمل : انتي فين بدور عليكي في القرية مش لاقيكي .
تسنيم : من غير تفكير . اه يا طارق موافقة نتعشي سوا . وكمان ممكن تتمشي معايا دلوقتي لو تحب.
طارق : ابتسم ابتسامة واسعة وفرح جدا . احب ده ادفع نص عمري واتمشي معاكي . اتفضلي .
ومشيت تسنيم مع طارق وبيتكلموا . وهي كانت قاصدة ده لما عرفت ان اكمل جه وكانت عايزاه يشوف طارق معاها . وفعلا أكمل راح علي البحر يشوف تسنيم لقاها بعيد ماشية مع شاب وبتتكلم معاه جري عليها وقرب منهم .
أكمل : تسنيم انتي هنا وانا بدور عليكي من بدري .
طارق : عقد حاجبه ومستغرب مين ده .
تسنيم :شايفة النظرات النارية بين اكمل وطارق . طارق العوامري . رجل اعمال ونازل عندنا في القرية . وده أكمل اخويا .
أكمل : بصلها بغيظ وبيجز علي سنانه
طارق :فرح انه اخوها. اهلا اكمل
اكمل : سلم عليه وهو نفسه يخنقه ومش طايقه . اهلا… تسنيم ممكن تيجي معايا عايزك في موضوع مهم .
تسنيم : بجفاء . لا مش دلوقتي انا لسة بتمشي مع طارق لما ابقي ارجع. يالا يا طارق
أكمل :مسكها من ذراعها وشدها . نعم تتمشي مع مين انتي اتجننتي ولا ايه
طارق : مسك ايد اكمل . اهدي يا أكمل مش كدة ده مش اسلوب تتعامل معاها بيه
أكمل : وانت مالك انت خاليك في حالك .
تسنيم : وبعدين انت عايز ايه يا اكمل دلوقتي
أكمل : امشي معايا بسرعة انا مش طايق نفسي
تسنيم :وهي مضايقة ومش طايقا أكمل . طيب معلش يا طارق . انا لازم أمشي دلوقتي ونبقي نتقابل بالليل.
طارق : براحتك يا تسنيم حبقي اكلمك ونتفق .
أكمل : كان خلاص فافضله دقيقة ويضربهم هما الاتنين . مسك ايد تسنيم وشدها ومش وهي وراه.
تسنيم : ايدي اوعي . وشدت ايديها منه ووقفت. ممكن اعرف انت جاي ليه وعايز مني ايه.
أكمل : تعالي نروح الشاليه ونتكلم .
تسنيم : لا مش حروح معاك في حته ابعد عني وروح شوف عروستك .
أكمل : بيجز علي سنانه . قلت تعالي معايا علي الشاليه من سكات بدل والله اشيلك علي هناك غصب عنك . انا عفاريت الدنيا بتتنطت في وشي دلوقتي
تسنيم : قلت لا امشي انا لاعايزة اشوفك ولا اسمع صوتك . ولفت ومشيت .
أكمل : كدة طيب انتي اللي جبتيه لنفسك .
وشالها ومشي بيها علي الشاليه وهي عمالة تزعق وتزقه .
تسنيم : انت اكيد مجنون نزلني . نزلني بقولك .
أكمل : ماشي ولا بيرد عليها . ووصلوا الشاليه . وفتح الباب ونزلها .
تسنيم : انت اكيد حصل لعقلك حاجة . ايه اللي انت عملته ده .
اكمل : ايه عملت ايه هي اول مرة اشيلك . طول عمري بعمل كدة . ايه الجديد .
تسنيم : الجديد ان خلاص انا وانت . مينفعش نعمل كدة ولا حتي نتكلم . انت. واحد داخل علي جواز . بس تعرف زوقك حلو . مايا جميلة وتستاهل .
أكمل : ممكن بقي تبطلي جنان علشان اعرف افهمك .
تسنيم : بعد خلاص مبقتش قادرة تتماسك وتكون جامدة ودموعها خانتها . تفهمني ايه تفهمني انك غدرت بيا وضيعتني . تفهمني انك رفعتني لسابع سما ونزلتي لسابع ارض من غير حتي إنذار . تفهمني انك خلتني اختارفستان الفرح واشتريه . تفهني انك كنت فب حضني وبعدها بساعات طلبت تتجوز اختي . تفهمني ايه ايه ده انا لو قتلتلك قتيل وعايز تنتقم مني . مش حتعمل كدة . ليه ليه عملت فيا كدة انا اذيتك في ايه . ده انت طول عمرك روحي كنت افضل اني اموت ولا اشوفك بتتألم . لكن انت الظاهر بقت متعة عندك انك تشوفني بتألم وزي مايكون مكافكش سنين عذابي والمي اللي فاتت . جيت تكمل عليا دلوقتي . انت مش ممكن تكون أكمل اللي حبيته ووثقت فيه كنت اتخيل الغدر ده من اي حد الا انت .
أكملى كان بيسمعها ومش قادر يهديها ولا يقطعها علشان معاهاةحق في كل اللي قالتوا . وكان هو كمان دموعه نزلت كتير عليها وعلي وجعها .
أكمل : خلاص خلصتي اتهام خلصتي سوء ظن فيا . ممكن تسمعيني.
تسنيم : كانت خلاص من كتر العياط مش قادرة تتكلم ولا ترد .
أكمل : انا لما دخلت مع عمي المكتب علشان نتكلم في موضوعنا . لقيته شكله تعبان و مش قادر ياخد نافسه. خفت اتكلم معاه ليرفض او يتعب زيادة وانا السبب . ولما سألتوا مالك . قالي ان مايا كانت سايبة البيت وعايشة مع اياد اللي كان عايز يتجوزها . وكمان غلطت معاه . والولد هرب . وعمي كان حيجراله حاجة من الزعل . مكنش ينفع اكمل عليه بموضوعنا . وسكت .
وبعدها لقيته بيطلب مني اتجوز مايا علشان الفضيحة وان مبنفعش يجوزها لحد تاني الا لما تتجوز الاول والناس تعرف انها كانت متجوزة . لو كنت رفضت كان عمي عمره ماحيوافق . بعد كدة علي جوازنا .
تسنيم : عيطت زيادة. يعني كمان مايا غلطت زي . اه يا بابا معرفتش تربي بناتك الاتنين طلعه زبالة وضيعوا نفسهم وضيعوك معاهم .
أكمل : حضنها . لا انتي لا انتي حاجةتانية .
تسنيم : زقته . ابعد عني اوعي تلمسني تاني فاهم .
أكمل : تسنيم انا فهمتك كل حاجة . ارجوكي اهدي . انا بس حتجوزها كام شهر وبعدين حطلقها وساعتها عمي عمره ماحيرفض جوازنا . استحمليني بس كام شهر .
تسنيم : والله يعني انت تروح تنقذ اختي من الفضيحة وتسيبني انا اوجه مصيري لوحدي وكمان نفضل حبايب لحد ماتطلقها ونتجوز. اه انت بقي متخيل اني ممكن اوافق علي كدة انسي انت خلاص من النهاردة ملكش وجود في حياتي ولا ليك حقوق عليا .
أكمل : تسنيم لو سمحتي كفاية انا مش متحمل . انا ليكي ليكي انتي وبس افهمي جوازي من مايا حيكون علي الورق بس مش أكتر والله صدقيني .
تسنيم : انا مش عايزة اصدق حاجة ولا اعرف أكتر من اللي عرفته انا خلاص مش مستحملة . لو سمحت سيبني لوحدي انا تعبانة وعايزة انام .
أكمل شاف تسنيم مهمدة وشكلها تعب وزي ماتكون مش قادرة تقف . وابتدت تدوخ .
أكمل : سنادها. وشالها ونيمها علي السرير وهي كانت مرهقة جدا وتعبانة . طلبلها دكتور القرية وجه الدكتور
.
أكمل : خير يا دكتور هي ليه فجاة همدت كدة ومش قادرة تتحرك .
الدكتور : متخافش هي بس شكلها مأكلتش حاجة من امبارح . وكان عنها هبوط انا علقتلها محلول وان شاء الله لما تصحي حتبقي كويسة المهم تاكل كويس .
أكمل : شكرا يا دكتور اتفضل انت . ومشي الدكتور . واكمل راح جنب تسنيم ومسك ايديها وباسها وخادها في كضنه وعيط . حبيتي سامحيني والله غصب عني مكنش قدامي حل تاني . والله مش سهل عليا اشوفك كدة تعبانة بسببي . وفضل حاضنها لحد ما نام هو كمان حنبها . وبعد شوية تليفونه رن .
تسنيم : صحيت مخضوضة . انت ايه اللي نايمك هنا وقاعد ليه امشي من هنا .
أكمل : تسنيم ارجوكي اهدي بقي وافهمي . انتي لسة شكلك تعبان نامي وارتاحي.
تسنيم : ملكش دعوة بيا اوعي . وشدت الكالونه اللي كان فيها المحلول من ايديها جامد . وفجأة الدم اندفع من ايديها بسرعة .
أكمل : اتخض وجري عليها ومسك الفوطة وحطاها وكتم بيها الدم . انتي مجنونه حد يعمل كدة . شوفتي نزفتي ازاي .
تسنيم : وانت بتسمي ده نزيف اومال اللي قلبي ده ايه . امشي يا اكمل ارجوك انا تعبانة ومش قادرة اتحمل اكتر من كدة .
أكمل : مسك ايدها وباسها . حاضر حمشي دلوقتي وحروح الشاليه بتاعي. ومش حنام لو عزتيني كلميني

وخرج أكمل وحالته باينة عليه وتسنيم كانت لسة بتعيط . وقعدت تفكر ومش عارفة هو ايه اللي حصل فجأة وليه كل حاجة راحت منها في ثانية .
أكمل : رجع الشاليه وكلم عمه لانه هو اللي كان بيتصل بيه اما كان نايم عند تسنيم . الو ايوة يا عمي
شوكت : ايه يا أكمل انت فين من الصبح ومجتش الشركة ولا اعرف.
عنك حاجة .
أكمل : معلش اصلي حيت السخنة تسنيم تعانة وكان لازم اكون معاها
شوكت: بقلق مالها تسنيم يا أكمل قولي بسرعة .
أكمل : لا ابدا هي بس كان عندها هبوط علشان مبتكلش كويس وكمان سافرت النهاردة وساقت لوحدها .
شوكت : طيب خالي بالك منها اوعي تسيبها ولما تخلصوا شغل ابقي انزل معاها علشان نحدد معاد الفرح.
أكمل : بضيق ان شاء الله .

((((أقدار الحب)))) بقلم ريحانة الجنة

(((الحلقة الثانية عشر )))

تسنيم لسة قاعدة في الشاليه وبتعيط وبعدين تليفونها رن …. طارق . تسنيم يييوووه وانا ناقصاك انت كمان عايز ايه ده دلوقتي .. ااااه تلاقي مستنيني انزل اتعشي معاه . اوفففف . بس لا وليه ما نزلش اهو علي الاقل الاستاذ أكمل يشوفه ويعرف اني حياتي مش حتوقف عليه . ودموعها نزلت . بس هي فعلا وقفت ووقفت من زمان انا عمري ما ححب ولا حتجوز غير حبيبي أكمل . بس خلاص لازم يخرج من حياتي كفاية اني مش حعرف اخرجه من قلبي . ايوة انا حنزل واقابل طارق .

تسنيم : اتصلت بطارق لانه كان بيتصل كتر وهي مبتردش بتفكر ……
طارق : ايوة يا تسنيم . حرام عليكي انتي مبتدوديش ليه
تسنيم : معلش كنت مشغولة شوية .
طارق :انا قولت بقي دي تلاقيها الشمس الصبح كانت مأثرة عليها علشان كدة كلمتني ووافقت انها تتعشي معايا . ودلوقتي فاقت خلاص ونسيتني اصلا.
تسنيم : ابتسمت . لا متخفش الشمس لسة مأثرة عليا وحنزل اتعشي معاك .
طارق : بجد . خلاص انا مستنيكي . متتأخريش ارجوكي انتي متعرفيش الكام ساعة دول عدوا عليا ازاي .
تسنيم : كانت حاسة انها بتغلط وانها مش حتقدر تتمادي مع طارق وانه ملوش ذنب في اللي هي دخلته فيه.
طارق : واضح اني زوتها انا اسف والله مش حضايقك بس انزلي بسرعة
تسنيم : لا عادي مفيش حاجة انا ساعة بالكتير وانزلك . سلام .

وفعلا تسنيم اخدت حمام ولبست ونزلت وطبعا كالعادة جميلة وزي القمر . وكانت لابسة فستان اصفر وعاملة زيل حصان عالي وميكب هادي وكان طارق واقف مبهور بجمالها .
طارق : صفر صفارة طويلة وهو معجب بتسنيم . مش ممكن هو انتي بتحلوي كل قد ايه بس علشان ابقي عارف ايه الجمال ده
تسنيم : وبعدين حنبتديها كدة من اولها والله امشي انت حر .
طارق : لا ابوس ايدك ده انا مصدقت
بس اصلك بصراحة حلوة وحلوة. اوووي . تعرفي انا لما شوفتك الصبح مصدقتش انك انسانة زينا في الاول كنت فاكرك حورية وطالعة من البحر .
تسنيم : هههههههه لا واضح انك مجنون رسمي مش بس جرئ.
طارق : ههههههه بس والله بقول الحقيقة . انتي اصلك مشفوتنيش قبل كدة انا عمري ما في واحدة عجبتني كدة ولا لخبطتني بالشكل ده اسألي كدة عن طارق العوامري . حتعرفي ان البنات هي اللي بتجري وراه وهو عمره ما جري ورا حد الا انتي كنت مستعد اعمل اي حاجة بس اكلمك واقعد معاكي .
تسنيم : امممم شكلك حتقضيها رغي ومفيهاش عشا .
طارق :يا نهار ابيض وهو انا اقدر حالا. حورية البحر بس تؤمر عايزة تتعشي ايه وانا تحت أمرها.
تسنيم : ههههههه لا انت فعلا مش معقول كفاية ايه كل ده .
طارق : اعمل ايه بس هو انتي مبتشوفيش نفسك في المرايا ولا ايه . انا عنيكي دي لما ببوصلها اكني شايف السما والبحر .
تسنيم : الابتسامة راحت من شفيفها . علشان افتكرت ان أكمل هو اللي كان بيقولها كدة وسرحت .
طارق : اممم واضح اني زوتها خلاص اسف والله حاحاول اسكت بس متزعليش .
تسنيم : لا عادي مفيش حاجة . ممكن بقي نتكلم جد قولي انت بنشتغل في ايه بالظبط .
طارق : بصي يا ستي انا ماسك مجموعة شركات بابا . و…….

فضل طارق وتسنيم يتكلموا وطارق تقريبا حكي لتسنيم عن كل حاجة واتعشوا . في الوقت ده كان أكمل راح لشاليه تسنيم يطمن عليها وملاقهاش . ونزل يدور عاليها لحد ما لاقاها قاعدة مع طارق . أكمل اتغاظ .
أكمل : اه يا مجنونة بتغظيني وتحرقي دمي بالزفت ده ماشي .
وراح أكمل عليهم .
أكمل : انتي ايه اللي نزلك وانتي تعبانة . وليه مقولتليش .
تسنيم : الحمد لله بقيت كويسة وخصوصا لما قعدت مع طارق نسيت التعب .
أكمل : كان بيجز علي سنانه وعايز يشدها من شعرها ويمشي بس مسح وشه بإيده علشان يهدي . اه طارق قولتلي بقي .
طارق : ما تقعد تتعشا معانا يا أكمل
أكمل : لا معلش اصلي مبتعشاش بتجيلي كاوبيس . وانت كمان خالي بالك علشان ممكن يجيلك كابوس ويكتم نفسك وانت نايم .
طارق : هههه لا متخفش انا متعود علي كدة ولو علي الكابوس انا اللي ممكن اكتم نفسه .
أكمل : تسنيم كفاية كدة تعالي علشان تنامي . انتي لسة تعبانة
تسنيم : شوية كدة وجاية امشي انت .
أكمل : مال عليها ووشوشها . اقسم بالله لو ما قومتي معايا لحكون شايلك زي الصبح . قومي احسن ليكي .
تسنيم : اوففففف حاضر . عن اذنك يا طارق تصبح علي خير .

ومشيت تسنيم مع أكمل وطارق كان متغاظ ومش طايق أكمل وجه حازم صاحبه .
حازم : اه يا بن اللعيبة معقول عرفت ازاي تخليها تتمشي معاك الصبح وكمان تتعشا معاك دلوقتي دي مبتعملش كدة مع حد ابدا .
طارق : ما قولتلك بقي ده انا طارق . بس انا مش قرافني غير اخوها ده غتت.
حازم : قصدك أكمل . لا هو انت لسة شوفت حاجة أكمل مبيستحملش عليها الهوا يا بني ده محدش بيقدر يكلمها ولا يرقص معاها بسببه طارق : شكله حيتعبني اوي سي أكمل ده . هي ليها اخوات تانين .
حازم : لا بيقولوا ليها أخت وحيدة بس عايشة مع مامتها في لبنان .
طارق : وحيدة ازاي اومال أكمل ده ايه
حازم : هههههههه انا حفهمك أكمل يبقي ابن عمها
طارق: نعم اومال هي قالتلي اخويا ليه
حازم : اصل هو ابوه وامه ماتوا من وهو صغير وعمه ابوه تسنيم هو اللي اخدوا ورباه مع تسنيم علشان كدة بيعتبروا نفسهم اخوات فهمت
طارق : بس تعرف اللي يشوف نظراته ليها وغيرته عليها ميقولش انهم اخوات ابدا ده أكن واحد شايف مراتوا مع واحد تاني .
حازم : لا هو كدة من زمان بيغير عليها موت . بس مفتكرش يكون بينهم حاجة والا ليه متجوزهاش كل ده ماهي قدامه من سنين وعايشين في بيت واحد
طارق : مش عارف . قلبي بيقولي ان الحكاية فيها حاجة بس ايه مش عارف
حازم : اه قولتيلي قلبك . انت لحقت علشان قلبك يوقع كدة .
طارق : لحقت ايه بس ده انا من اول ما بصيت في عنيها وانا في دنيا تانية خالص . خطفت قلبي يا حازم بنت اللذين فظيعة .
حازم : ههههههه شكلك الليلة دي مش حتنام .
طارق : هههههه انام ايه بس
وانا لسة كنت قاعد معاها وبكلمها تعرف انا حاسس اني خلاص ربنا بعتلي اللي تخليني افكر في الجواز وافرح بابا وماما.
حازم : جواز مرة واحدة طيب قول قضيلك وقت الاول معاها
طارق : مين دي اللي اقضي معاها وقت تسنيم وهي دي يتشبع منها تؤ دي لازم اتجوزها واتمتع بيها براحتي دي تجنن بس تفتكر هي حتوافق .
حازم : متهيألي أكيد ممكن توافق اصلك الوحيد اللي قبلت تقعد معاه ولا حتي تتمشي معاه غير أكمل .
طارق : امممم خلاص انا حاحاول اقرب منها اليومين اللي قاعدنهم هنا واول ما نرجع القاهرة حكلم بابا ونخطبها .
حازم : طيب ايه نظام البنات اللي احنا جاينهم دول خلاص قلبتهم
طارق : ههههههه بنات ايه بس هما دول بنات اومال سمسمة دي تبقي ايه
حازم : ههههههه تبقي ايه يا اخويا
طارق : بيعض علي شافيفه . تبقي شيكولاتة . آيس كريم . حاجة كدة خيال .
حازم : بيني وبينك معاك حق دي مفيش حد في النادي مبيتهبلش عليها
طارق : انا مش عارف ازاي كل السنين دي مشتركتش في النادي بتاعك ده وانت مش تقولي ان النادي في حاجات جامدة كدة يا غبي
حازم : هههههههه معلش المرة الجاية .
طارق : لا ولا جاية ولا رايحة هي تسنيم وخلصت . اه اه والله ماحعرف انام النهاردة
حازم :ههههههههههههههههه

(في شاليه تسنيم )

أكمل : امممم ممكن اعرف بقي انتي بتحاولي تعملي ايه وايه سي طارق ده اللي من الصبح راحة جاية معاه
تسنيم :انت مش منحقك انك تسألني وبعدين انا عايزة افهم انت سايب عروستك وقاعد هنا ليه انا اصلا جاية هنا علشان مش عايزة اشوفك .
أكمل : تسنيم ارجوكي كفاية حاولي تفهيني انا زيك بالظبط بتقطع والله بس مفيش قدامي حل تاني قوليلي انت كنت اعمل ايه
تسنيم : اقولك ايه اقولك انك كان المفروض تخاف عليا انا مش مايا تداريني انا مش مايا تخبي فضحتي انا مش مايا اقولك ان كان الفروض انت اللي ترفض عرض بابا وتقولوه لا انا بحب تسنيم وحتجوزها . اقولك انك كنت لازم تخدني ونتجوز ونسافر زي ما كنا متفقين اقولك انك مكنش ينفع انك تتجوز غيري وياريت اي واحدة دي اختي . أكمل انت دبحتني بسكينة تلمة ومش حاسس بالنار اللي جوايا انا لولا نفسي اتوب من الغلطة اللي غلطنها مع بعض كنت انتحرت وموت وارتاحت من اللي انا فيه .
أكمل : مخنوق ومش متكتف . قرب منها علشان يحضنها
تسنيم : زقته ابعد قلتلك واوعي تفكر تلمسني تاني .
أكمل : يا تسنيم افهمي يا حبيبتي انا مكنش ينفع اعمل اللي قولتيه ده عمي كان ممكن يقع ساكت فيها تخيلي لما يعرف فجاة ان بناته الاتنين ضاعوا منه علي ايد اتنين جبنا وكلاب كان حيعمل ايه . تسنيم انتي بتاعتي وليا انا وبس انا بس حتجوز مايا علشان تقدر تعيش حايتها بعد كدة وبعدين حطلقها ونتجوز والله انا ما بكذب عليكي ارحميني بقي انا مش بسهولة اني اعمل كدة انا أكتر واحد مضغوط فيكم انا اللي حسيب حب عمري مجروحة واتجوز اختها حتي لو زي ما انا قلتلك . جواز بس علي الورق .
تسنيم : وانت فاكر اني ممكن اتجوزك بعد ماتطلاقها ازاي ازاي اتجوز جوز اختي . والناس حتسيني في حالي . حيقولوا طلقت اختها واتجوزت جوزها . طيب ماهو كان قدامها من سنين لكن لما اختها اتجوزته حلي في عنيها . واسمع بقي الكلام اللي يوجع . ده غير اني مش ممكن حكون ليك بعد النهاردة انت خرجت من حياتي يا أكمل ولأخر العمر حتي لو طلقت مايا اناعمري ما حكون ليك .
أكمل : لا انتي أكيد بتهزري . مش ممكن انا مستحيل اتنازل عنك خصوصا بعد اللي حصل بنا ولا انتي ناسية .
تسنيم : لا مش ناسية . بس خلاص ده شئ يخصني انا ميخصكش انا حعرف ازاي اتصرف ملكش دعوة انت . احنا من النهاردة اخوات وولاد عم وبس مش أكتر
أكمل : ازاي بقي مش فاهم حتعملي ايه
تسنيم : قلتلك ميخصكش واتفضل امشي بقي وياريت ترجع القاهرة .
أكمل : كدة طيب اسمعي بقي انتي ليا وبتاعتي ولو فكرتي تكوني غير كدة حتشوفي مني أكمل تاني خالص غير اللي تعرفيه . فاهمة انا حتجوز مايا علشان عمي مش علشان بحبها ولا عايزها . وحطلقها وحتجوزك بمزاجك اوغصب عنك . سامعة .

ومشي أكمل وفضل هو وتسنيم بيتوجعوا ومش قادرين علي اللي هما فيه . وأكمل أخد عربيته ونزل القاهرة علشان مكنش متحمل يشوفها مع طارق تاني وحس انه ممكن يرتكب جناية وتحصل مشكلة وكل حاجة تتفضح .
وكان مشغل الاغنية دي وهو ماشي وفكرته بالموقف اللي هو فيه هو وتسنيم (كانت لعمرو دياب.. اه من الفراق)(اه من الفراق اللي يتفقه الحابيب في يبقوا صحاب ااه من الفراق اللي بيشوف الحبايب فيه اصعب عذاب اصعب عذاب ويا عيني علي اللي كان بيحب التاني أكتر بيهرب من المكان وبيبقي عذابه أكبر. ويا عيني علي اللؤي من غير غيرة وعتاب ده مفيش بين الصحاب غيرة وعتاب . وافقته غصب عني ووفقني غصب عنه . مابانش ضعف مني ومبنش ضعف منه . ومشينا وكل واحد راضي بالاتفاق . وبان حزنه كله وضعفه لما فاق. ويا عيني علي اللي كان بيحب اكتر . بيهرب من المكان وبيبقي عذابه اكبر. دلوقتي لؤانا هادي قال يعني شوقنا غايب ويبان كلامنا عادي مع انه كلام حبايب . وان شوفته ويا غيري مطول في السلام وشافني شايفه يعند ويطول في الكلام . ويا عيني علي اللي كان بيحب التاني اكتر . بيهرب من المكان وبيبقي غذابه اكبر )
وكان أكمل خايف من وجود طارق مع تسنيم خصوصا انها مجروحة وضعيفة وممكن يبقي سهل تتعلق بيه . كان مرعوب ان ده يحصل وقال انه لازم يخلي عمه هو اللي يخلي تسنيم ترجع القاهرة بأقصي سرعة . وفعلا شوكت كلم تسنيم علشان ترجع وتجهز مع مايا ترتيبات الفرح . بس تسنيم قعدت 4 ايام في السخنة وبعدين نزلت وطول ال4 ايام دول طارق مكنش بيسيب تسنيم معها طول الوقت وبيكلمها في كل حاجة وطارق كمان دمه خفيف كان طول الوقت بيضحكها . بس عمره ما حيقدر ياخد مكان أكمل في قلبها ولا ينسيها الي كان بينهم . تسنيم كانت عايزة طارق يكون موجود في حياتها علشان تبعد أكمل عنها ويفتكر انها حتنساه .
ورجعت تسنيم وكانت كل يوم بتموت وهي بتجهز مع مايا للفرح . كانت بتتقطع وهي معاها بتقيس فستان الفرح وكل حاجة وافتكرت لما كانت بتختار هي وأكمل فتستان فرحها والكلام والهزار اللي كان بينهم وكانت سرحانا ومش مركزة مع مايا.

في الاتيليه
مايا : قاست فستان وبتفرجوه لتسنيم هاه ايه رأيك حلو ولا اشوف حاجة تانية انتي يا بنتي مبترديش ليه .
اومال انا جايباكي ليه مش علشان تسعديني
تسنيم : هاه ااااه حلو جميل . بس اكمل مبيحبش الظهر العريان حاولي تشوفي حاجة تانية .
مايا : هههههه ليه هو قديم اووي كدة . عموما لا مش حغيره هو عاجبني . كمان خليه كدة علشان واحنا بنرقص في الفرح وهو يكون حاضني . يتأثر اوووييي والليلة تكون جامدة .
تسنيم : كانت متغاظة من كلامها وتلميحاتها . بس مش قادرة تبين
وفعلا كل حاجة خلصت وجه اليوم اللي تسنيم متوجعتش قبله ولا بعده زي اليوم ده وهي شايفه حبيبب عمرها في الفرح ومايا هي اللي جنبه ولبساله الفستان الابيض … اكيد حيكون يوم صعب . حنشوف

(((الحلقة الثالثة عشر)))

وجي يوم الفرح فرح أكمل ومايا وتسنيم علي قد ما كانت جميلة لكن حزنها وألمها كان مغير ملامحها. تسنيم واقفة بعيد بتحارب دموعها انها تنزل وتفضحها وعنيها علي أكمل ومايا وأكمل كان عنيه علي تسنيم . وعارف وحاسس بوجعها ومروان كان قريب من أكمل . أكمل شاور لمروان
أكمل : وشوش مروان . روح اطمن علي تسنيم انت مش شايف شكلها عامل ازاي .
مروان : انا مش عايز اروحلها لتضايق وبعدين شروق صاحبتها جنبها .
أكمل : انا عايزك تطمني عليها روح بسرعة .
مروان : حاضر
تسنيم : واقفة مع شروق وماسكة ايديها وايديها بتترعش ومش قادرة تمسك نفسها وابتدت تعيط .
مروان: راح في الوقت ده . تسنيم ارجوكي اهدي مينفعش كدة تعالي معايا هاتيها يا شروق برة شوية لحد ما تهدي .
تسنيم : مشيت معاهم .وأكمل عينه عليها وبيموت وهو مش قادر يقوم ويروحلها ويخدها في حضنه .

برة القاعة في مكان بعيد شوية عن الفرح .
شروق : كفاية يا تسنيم . ارجوكي كدة ممكن حد يا خد باله انا من الاول قلتلك بلاش تيجي
تسنيم : وعيطتها اكنه مطر مبيقفش مش قادرة مش قادرة ليه ليه بيحصلي كدة انا بموت يا شروق بموت
مروان : تسنيم . أكمل بيحبك وعمره ما حب غيرك وانتي عارفة ارجوكي متظلمهوش . هو زيك ويمكن أكتر بس لازم يتماسك لوسمحتي اعذريه .
تسنيم : وانا انا مين يعذرني مين يكفي النار اللي قلبي يا مروان وانا شايفة حبيبي واختي بيتجوزوه . انتوا محدش حاسس بيا محدش حيفهمني .
شروق : يا تسنيم كفاية . تعالي معايا نروح التوايلت تظبطي الميكب اللي اتبهدل ده انتي مش شايفة شكلك بقي عامل ازاي من العياط . عن اذنك يا مروان .
مروان : اتفضلي وانا موجود لو عذتوا حاجة قوليلي.
مروان كان صعبان عليه الحالة اللي شاف عليها تسنيم وانهيارها ده ووجعت قلبه وشكله كان باين عليه.
أكمل : قام وراحله . مروان فين تسنيم هي عاملة ايه .
مروان : انت ازاي تسيب عروستك وتقوم كدة روح اقعد معاها . الناس تقول ايه .
أكمل : وهو خلاص جاب اخره . ملعون ابوا الناس تسنيم فين وحصلها ايه .
مروان : بصراحة حالتها صعب منهارة وبتترعش ومش قادرة تقف اصلا وشروق اخدتها علي الحمام تغسل وشها اللي اتبهدل من العياط.
أكمل : جري علي برة .
مروان : اكمل . أكمل . انت يا ابني استني .
شوكت : ايه يا مروان . أكمل راح فين وساب مايا كدة .
مروان: ايه لا اااصل جاله تليفون مهم من دبي حيرد ويرجع بسرعة . انا رايح اشوفه خالي حضرتك جنب مايا .
عند الحمام أكمل مستني تسنيم . وواقف ماسك دموعه بالعافية . واول ما تسنيم خرجت كانت ضعيفة ومجروحة ومش قادرة تهدي واول ما اكمل شافها وعنيهم جات في عين بعض
أكمل جري عليها وخدها في حضنه وهي كانت منهارة وبتعيط وحضنته اووي .
أكمل : حضنها وبيطبطب علي شعرها. كفاية كفاية يا روحي والله انا روحي بتروح مني وانا شايفك كدة . كفاية .
تسنيم : بتعيط جامد. مش قادرة مش قادرة والله مش قادرة . ده أخر حضن ليا قبل ما تكتب كتابك عليها. بعد كدة خلاص مش حيبقي من حقي حيتحرم عليا يا اكمل حتحرم منك خلاص خلاص.
أكمل :كانت خلاص دموعه نزلت ومش قادر يمنعها . ضمها اكتر اوعي تقولي كدة . ده حضنك ومكانك انتي مفيش واحدة حتتخلوا غيرك . انتي حبيبتي والله حبيبتي ومليش غيرك .
مروان :يا جماعة كدة مش حينفع الناس حتاخد بالها أكمل لازم ترجع الفرح ارجوك .
أكمل : حاضن تسنيم ومش عايز يسبها . مش قادر يامروان مش قادر اسيبها والله ما قادر .
شروق: شدت تسنيم من حضن اكمل وهي كانت متعلقة فيه وماسكة فيه بالظبط زي البيبي الصغير اللي بتاخده من حضن امه او ابوه وعنيهم علي بعض ودموعهم نازلة . بس تسنيم مرجعتش الفرح جريت وأخدت عربيتها ومشيت .
أكمل: مروان انا حروح وراها بسرعة دي ممكن تعمل حادثة بالشكل ده.
مروان : لا طبعا ادخل انت عمك بيسأل عليك انا حروح وراها تعالي يا شروق معايا بسرعة
أكمل كان مش قادر مش عارف يروح وراها ولا يدخل الفرح .
اكمل : بيمسح دموعة . الله يخربيتك يا مايا الزفت انامش عارف انتي طلعتيلي منين . ربنا يخدك

ودخل اكمل الفرح وهو مش طايق مايا ولا طايق عمه لانهم السبب في اللي وصلوا هو وتسنيم .

مايا : ايه يا كيمو كنت فين كل ده .
أكمل : مش طايقها ولا عايز يرد عليها
مايا : اممم طب ايه مش حنرقص ولا ايه .
أكمل : انتي بتكلمي بجد . ولا انا بيتهيألي
مايا : اه بتكلم جد ايه قولت ايه غريب . بقولك تعالي نرقص زي اي اتنين يوم فرحهم .
أكمل : لا انتي اكيد مجنونة او تنحة ومبتحسيش .
مايا : ليه بقي عملتلك ايه .
أكمل : وهو بيجز علي سنانه ونفسه يديها بالبوكس . مش عارفة عملتي ايه انتي ناسية المصيبة اللي عملتيها والتدبيسة السودا اللي اتدبستها بسسبك. كل ده وليكي نفس ترقصي وتفرحي يا باردة .
مايا : لا مش ناسية وبطل تغلط وبعدين متعشي الدور اوي وتعملي فيها المضحي الشهيد
أكمل : تصدقي انك فعلا مستفزة وبادرة . انتي كمان ليكي عين تتكلمي .
مايا : هههههه اه ليا عنين كمان مش عين واحدة . وبعدين يا حبيبي انت متجوزتنيش علشان تداري فضيحت عمك زي ما انت ممثل علي بابا اللي مصدق اصل بابا ده طبيب وبيضحك عليه .
أكمل : انتي بتقولي ايه يا مجنونة انتي . اومال اتجوزتك ليه ميت فيكي مثلا ده انا لو اطول اقطم رقبتك كنت قطمتها وارتحت منك .
مايا : تؤ بكرة تحبني . متقلقش وبعدين انا عارفة انت اتجوزتني ليه عادي وانا موافقة
أكمل : بيهز دماغه مش مستوعب حاجة . لا معلش يا حلوة قوليلي انت انا اتجوزتك ليه
مايا : يا كيمو انت قلت الراجل مكسور بقي علي عملة بنته فأنا اتجوزها واستر عليها ويبقي جميل عليه وكمان اهو تكوش بقي علي نصيبي في فلوس بابا ده غير انك لو طلبت منه اي حاجة مش حيرفضها .
اكمل : اقسم بالله كلمة كمان وحبيتك النهاردة يا في المستشفي او المدافن اهو ابقي خلصت منك يا بجحة . انتي فاكرة الناس كلها زيك طامعين ومعندهمش احساس . بس حقولك ايه انا اللي غلطان علشان ضحيت بنفسي وبواحدة متساويش ظفرها علشان اغطي علي عملتك السودا .
مايا : امممم عادي . مش حزعل منك
بكرة لما تعيش معايا حتحبني انا متاكدة انك من اول ما ندخل أوضتنا اني حعرف اخليك تنسي كل الكلام اللي قولته ده ومش حتقدر تستغني عني ثانية واحدة ده انا مايا
أكمل : بيبصلها بإستغراب وأرف في نفس الوقت . اوففففف صبرني يا رب وعدي الليلة دي علي خير. بدل ما ارتكب جناية

نسرين قاعدة مع شوكت علي طرابيزة واحدة
نسرين : خلاص بقي يا شوكت ماهو كل حاجة كويسة اهو وأكمل اتجوزها . انت لسة زعلان مني .
شوكت : كويسة هو ايه اللي كويس . اني اتزليت لابن اخويا وكنت حبوس ايده علشان يتحوزها وندراري علي البلوة اللي عملتها ويارتها علي راي اكمل زعلانة ولا ندمانة الا بنت باردة ولا فارق معاها حاجة .
نسرين : متقلقش انا متأكدة ان مايا حتقدر تخلي أكمل يحبها وهو اللي يتمسك بيها ومش حيطلقها انا متأكدة دي بنتي بنت نسرين .
شوكت : هههه لا متتعشميش اوي كدة أكمل راجل زي ابوه وعموه ومش هو اللي يخلي مجرد واحدة حلوة تنسيه رجولته ولا حب عمره
نسرين : قصدك ايه يا شوكت . وبعدين وهو اكمل كان ببحب مين .
شوكت: لا مقصدش حاجة انتي عارفة كل حاجة واهو اللي انتي معرفتيش تعمليه زمان بنتك عملته دلوقتي . واتجوزت أكمل اللي نسخة من ابوه الله يرحمه مش كدة ولا ايه .
نسرين: احممم . وبعدين يا شوكت . ايه لازمته الكلام ده .
شوكت : ملوش لزوم ولا حاجة . انتي كنتي فاكرة لما تطلقي مني ان سليم ممكن يتجوزك بس انتي كنتي بتحلمي ده كان اخويا ولايمكن يخوني ابدا . ولمامات حاولتي ترجعيلي كتير بس انا كان لايمكن ارجع لعصمتي واحدة كانت حاطة عنيهاعلي أخويا . ونفسها في .
نسرين : تصدق انا غلطانة اني قاعدة معاك . انا حقوم اسلم علي الولاد.

نسرين : راحت تسلم علي مايا وأكمل . وحضنت مايا . مبروك يا حبيبة مامي اهو اخيرا اتجوزتي الراجل اللي كنت بتمناهولك .
مايا : ميرسي يا مامي .
نسرين : حضنت اكمل وحضناه اوووي كمان . مبروك يا حبيبي الف مبروك . متعرفش انا قد ايه فرحانا بيك .
أكمل بيحاول يوقف الحضن ده علشان طول وكمان طريقة الحضن مش مريحاه .
أكمل : احممم الله يبارك فيكي . ربنا يعدي الكام شهر دول علي خير .
نسرين : حبيبي ليه بنقول كدة . لا انا عايزاك تدي نفسك ومايا فرصة تقربوا من بعض وتحبه بعض . وقربت من اكمل ووشوشته في ودنه . كمان اوعدك انك تنبسط مع مايا دي حته مني متقاقش
أكمل : بغيظ . انتي حتقوليلي ما انا عارف . دي نسخة من حضرتك .
مايا: مش كفاية احضان بقي ولا ايه . انا بغير علي كيمو يا ريري خالي بالك
نسرين: اه يا وحشة تغيري من مامي ده أكمل ده حبيبي .
أكمل :كان حاسس انه نفسه يقوم يضربهم هما الاتنين . الاتنين عديمين الاحساس والتربية ولا فارق معاهم المصيبة اللي هما الاتنين السبب فيها . لا وكمان ليهم نفس يهزروا ويفرحوا .

في مكان هادي بعيد تسنيم قاعدة في عربيتها وبتعيط وقريب منها مروان وشروق قاعدين في عربية مروان .

شروق : انا تسنيم صعبانة عليا اوي . مش عارفة ليه اكمل اعترفلها بحبه وبعد كدة راح اتجوز اختها . بجد مش فاهمة .
مروان : من جواه . ولا عمرك حتفهمي هما متوجعين قد ايه .
شروق : انا حروحلها يا مروان
مروان : لا بلاش سيبيها تعيط وتطلع اللي جواها .
شروق : بس انا اتاخرت ولازم امشي . وكمان سايبة عربيتي في الفندق
مروان : طيب بصي خدي مفاتيح عربيتي وروحي انتي وانا حفضل مع تسنيم . وابقي اروح معاها .
شروق : بس عربيتك حتخدها ازاي
مروان : مش مشكلة ابقي اجي اخدها من عند البيت .
شروق : بس خالي بالك منها علشان خاطري .
مروان : متخفيش تسنيم . دي في عنيا
ومشيت شروق بعربية مروان ومروان راح لتسنيم وقعد جنبها وكانت صعبانة عليه من كتر الحزن اللي هي فيه .
مروان : خلاص يا تسنيم لو سمحتي كفاية . انا بجد مش مستحمل اشوفك كدة .
تسنيم : لسة بتعيط . مش قادرة يا مروان . صعب اللي انا حاسة بيه صعب عليا اوي اوي .
مروان : معلش انا عارف بس انتي لازم تتماسكي أكتر من كدة . وانا جنبك ومش حسيبك اوعي تخافي وانا معاكي .
تسنيم : عيطت زيادة
مروان : متحملش . شدها واخدها في حضنه وطبطب عليها
تسنيم : مكنتش مركزة في حاجة كانت خلاص تعبت من العياط وهمدت . ومش مركزة انها مينفعش تكون في حضن مروان
مروان : لسة حاضنها . ششش بس علشان خاطري كفاية انت دموعك دي غالية اوي انا لو عليا اخد جرحك يا تسنيم والله ما اخليكي تتألمي ولا تتوجعي انا ممكن اديكي عمري كله . وحضنها اكتر واكتر وقرب منها اوي
تسنيم: ابتدت تحس ان مروان مش بيهديها . لاده في حاجة تانية . شالت نفسها من حضنه وبعدت . انا اسفة مكنش المفروض ده يحصل
مروان : اسفة علي ايه انا مكنش ينفع اشوفك في الحالة دي وقربش منك . تسنيم . انا عارف اللي حصل بينك وبين اكمل ومستعد اتجوزك وصدقيني والله مفيش مخلوق حيعرف اي حاجة وكمان اوعدك اخليكي اسعد واحدة في الدنيا دي كلها . مش حخليكي تبكي تاني . انا بحبك يا تسنيم من زمان من واحنا صغيرين في المدرسة بس لاني كنت عارف انك واكمل بتحبه بعض مكنتش قادر اقولك . لكن دلوقتي متهيألي ده الوقت المناسب . قولتي ايه
تسنيم : مصدومة . أكمل حكالك علي اللي حصل بينا . معقول انا سهلة عنده كدة للدرجة دي . مش مصدقة والله مش مصدقة . وعيطت تاني .
مروان : باس ايدها. اوعي تخافي مني انا مستعد اعمل اي حاجة المهم تطمني ومتخافيش انا عمري ما أذيكي ابدا فاهمة .
تسنيم : انا عايزة اروح تعبانة .
مروان : لو تحبي تيجي عندي النهاردة انا عارف مش حتقدري النهاردة تنامي وانتي عارفة ان أكمل ومايا مع بعض
تسنيم : يعني انت عارف اني بحب أكمل وعمري ما ححب غيره . ومع ذالك بتطلب انك تتجوزني طيب حتي لو انا وافقت انت ازاي حتقدر تعيش مع واحدة بتحب واحد غيرك .
مروان : قرب منها بحنية وباس ايديها انتي لسة بتحبي أكمل علشان مدتيش نفسك فرصة انك تعرفي غيره وانا متأكد اني حقدر انسيكي أكمل والدنيا بحالها بس انتي وافقي وانا حعرف ازاي اسعدك .
تسنيم : دورت العربية . انا لازم اروح دلوقتي اتاخرت وهما زمانهم روحوا وقلقنين عليا .
مروان : طيب تعالي مكاني وانا حسوق .
ووصل مروان تسنيم عند البيت وكان أكمل ومايا وشوكت روحوا ولسة واصلين ومايا كانت في الحمام وأكمل واقف في البلكونة مستني تسنيم وبعدين لاقاها رجعت مع مروان في عربيتها وهو اللي سايق ونزل وكان مقرب منها وبيكلمها وباس ايديها ومشي وتسنيم دخلت الفيلا.
أكمل كان الدم بيغلي جواه وخرج من البلكونة علشان يروح لتسنيم ويسألها علي اللي شافه وكمان كانت فين ده كله.
بس يا تري مايا حتخليه يخرج ولا لا

((((أقدار الحب )))) بقلم ريحانة الجنة

(((الحلقة الرابعة عشر)))

أكمل داخل بسرعة من البلكونة علشان ينزل لتسنيم . لقي مايا واقفة مستنياه بعد ما غيرت هدومها وطبعا كانت لابسة زي اي عروسة في يوم زي ده . وقربت من أكمل
أكمل : انت أكيد بتهزري . انسي واوعي من قدامي . وزقها وجه يمشي
مايا :راحت قدامه تاني واتعلقت في رقبته . ايه يا كيمو . كل ده ومش عاجبك . انت عارف كام واحد النهاردة كان بيحسدك علي الليلة دي .
أكمل : هههه لا والله يجوا يا اختي يشوفه الخيبة اللي انا فيها . دي ليلة سودا
مايا : طيب سيبلي نفسك وانا اخليك تغير رأيك
أكمل : مايا ابعدي عني انا مش طايقك . انا ناول اشم هوا مخنوق .
وجه يفتح الباب لقاه مقفول بالمفتاح . اتجنن . انتي بتستعبطي . فين المفتاح .
مايا : وقفت علي السرير . اهو عايزه تعالي خده .
أكمل : راح بسرعة علشان يخدوا منها . بس هي فجأته بإنها اغرته بشكل مينفعش يتقال ولا بتحكي ……….
وبعد شوية أكمل قام من جنب مايا وهو مخنوق .
مايا : ايه يا كيمو مالك. مش قلتلك سيبلي نفسك وانا حخليك تغير رأيك . هاه قولي بقي ايه رأيك .
أكمل مش طايق نفسه ومش عارف ازاي عمل كدة وهو كان معاهد تسنيم انه حيكون جواز علي الورق بس.
أكمل : الله يخربيتك انتي ايه . انا مش عارف انا ازاي عملت كدة.
مايا : في ايه يا أكمل ده انا مراتك وده عادي يحصلى
أكمل : بس انا متجوزتكيش علشان كدة . انتي عارفة كويس احنا اتجوزنا ليه . اوعي ابعدي عني واياك تفكري ان ده ممكن يحصل تاني فاهمة . انا من بكرة حرجع أوضتي وانتي زي ما انتي هنا .
ودخل أكمل الحمام واخد حمام . وكان واقف تحت المياه ومضايق .
أكمل : انا ازاي عملت كدة ازاي ده معاهدها اني ملمسش غيرها . الله يخربيتك يا مايا.
وخرج أكمل من الحمام ولبس هدوموا . واخد المفتاح وخرج . وراح علي أوضتة تسنيم علشان يطمن عليها وخبط مفتحتش ولما فتح ملقهاش في الاوضة. نزل يدور عليها في البيت كله ملقهاش . ولما نزل الجنينة لقاها قاعدة في الارض وبتعيط .أكمل جري عليها
أكمل : تسنيم قاعدة كدة ليه . قومي معايا اطلعي أوضتك.
تسنيم : ساكتة وبتعيط ومبتردش .
أكمل : حبيبتي انا والله مستهلش اللي انتي فيه . ده انتي احسن مني كتير. انا اسف
تسنيم : فعلا انت متستهلش . انا حاسة اني مكنتش اعرفك ولا عاشرتك كل السنين اللي فاتت دي الاول عملت اللي عملته وبعدين سيبتني وانجوزت اختي ودلوقتي بتبعني لصاحبك علشان تلبسوا غلطتك . والله برافوا عليك مكنتش اعرف انك شاطر كدة .
أكمل : مش فاهم انتي بتقولي ايه . صاحب مين اللي بعتك ليه .
تسنيم : مش عارف صاحبك صاحب عمرك . مروان اللي حكتلوا علي اللي حصل بينا . وجه قالي وكمان مستعد يتجوزني ويداري علي فضيحت صاحبه . والله مكنتش اعرف اني ممكن يجي عليا يوم ابقي في زي الفريسة اللي الكل بينهش فيها وعايز يقضيلوا معاها وقت وينبسط .
أكمل : بيسمع ومش مصدق . مروان مروان طلب منك كدة . الكلب ورحمة ابويا مانا سايبه انا حعرف ازاي اربيه .
مسك تسنيم من ذرعها الاتنين . واللي كانت مهمدة وزي ماتكون في دنيا تانيه لما كانت بتكلمه .
تسنيم انا عمري ماابيعك ابدا فاهمة انا لما حكيت لمروان ده كان علشان مكنتش بلاقي حد اكلمه وافضفض علي اللي جوايا. لكن انا عمري في يوم ما حخلي. راجل تاني يلمسك غيري فاهمة . تسنيم انا بحبك وعمري ما حبيت غيرك .
تسنيم : مردتش وزقت ايده وقامت وهي مش قادرة تمشي وكانت حتقع .
اكمل : بيسندها . حبيبتي تعالي اشيلك واطلعك أوضتك
تسنيم : زقته بعيد. ومشيت وهي مش عارفة اصلا تتحرك وطلعت اوضتها واخدت حمام ولبست وقعدت في البلكونة لقت أكمل لسة قاعد في الجنينة وماسك راسه وعينه في الارض .
تسنيم قعدت في البلكونة وكانت بتسمع الاغنية اللي أكمل لما سمعها . ندم علي اللي عمله واتمني انه كان ساب عمه ومايا يحلوا مشكلتهم بعيد عنه وعن حبيبته وكمان ندم انه حكي لمروان اي حاحة وكنت
(انا لو ازيته لحماقي )( انا لو اذيته كان عملي زيادة عن كدة ايه . بالعكس عمري ماخت منه نص الي انا بديه . كان عايز ايه يموتني يعني يرتاح وانا المجروح . ده مشفش غير حنيه مني مشفش غير الخير . وانا لوقاتلوا حد اسهل من كدة بكتير . خايف لايعرف قيمه اللي في ايده لما يروح . عموما يالا مش فارقة ومش خسران . عشان اعرف دلوقتي انا الكسبان . ده منةبدري يريحني وانا بنسي ومش يمكن لو انا كملت اعيش ندمان . عموما يلا مش فارقة ومش خسران .عشان اعرف دلوقتي انا الكسبان . لو غلطة مني مين يقولي انا طب غلط في ايه. طبيعي لما تحب حد تكون مأمن ليه . قصر الكلام حيفيد بأيه . خلاص كلامي عليه . زمانه رتب كل حاجة وعاش حياته خلاص . مش فارقة عنده اي عيشرة بينا ولا احساس . و انا مش حوقف يوم حياتي . الدنيا مليانة ناس . عموما يالا مش فارقة ومش خسران )

وفضل اكمل قاعد في الجنينة لحد الصبح . وتسنيم قاعدة في البلكونة ونامت في الارض وهي قاعدة .
شوكت صحي وشاف اكمل قاعد في الجنينة نزلوا .
شوكت : مالك يا أكمل قاعد كدة ليه وليه مش مع مايا .
اكمل : بصله بإستغراب وعتاب في نفس الوقت . انت اللي بتقولي كدة . ماانت عارف احنا اتجوزنا ليه .
شوكت : بس متنساش يا ابني انها بقت مراتك وليها حق عليك . ولو ماادتهولهاش حتتحاسب.
اكمل : والله . طيب وحقي انا فين وحبيبتي اللي سيبتها علشانها وكسرت قلبها فين حقها . قولي يا عمي ليه هي اللي تاخد حقها واحنا نتعذب علشانها
شوكت : معلش يا أكمل استحمل علشان خاطر عمك .
أكمل : عمي ارجوك . متضغطش عليا اكتر من كدة . انا اتجوزتها بس علشانك انت لكن اكتر من كدة لا مقدرش . ولعلمك هو حصل امبارح
بس دي كانت لحظة ضعف ومش حيحصل تاني . ومن النهاردة انا حرجع أوضتي ومايا مش حتكون بالنسبة ليا غير بنت عمي وبس . عن اذنك .
ومشي أكمل وطلع أوضته ولف من البلكونة وراح بلكونة تسنيم لقاها نايمة في الارض . صعبت عليه وهي حالها متبهدل كدة وهو السبب. شالها بالراحة ونيمها في السرير وباس راسها وغطاها ورجع أوضته من البلكونة تاني .
وراح أكمل علي بيت مروان . واول ما فتح أكمل ضربه علي طول وفضل يضرب فيه .
مراوان : في ايه انت اتجننت . ايه اللي بتعمله ده
أكمل : والله مش عارف يا ندل بقي رايح تساوم تسنيم علشان تتجوزها . تصدق انك ندل وزبالة وانا مكنتش عارف
مروان : أكمل انا لو ندل وزبالة مكنتش عرضت الجواز علي تسنيم . ولو عايز اسوامها كنت طلبت انها تعمل كدة من غير جواز او افضحها . بس انا مش كدة وانت عارف . أكمل انا بحب تسنيم من زمان بس كنت ساكت ومش بتكلم علشان كنت عارف انك بتحبها وهي كمان بتحبك لكن بعد ما انت اتجوزت هي مينفعش تفضل كدة افرض ابوها الح عليها انها تتجوز . تقدر تقولي هي حتعمل ايه وحتتجوز ازاي . لكن انا لو اتجوزتها حكون عارف وعمري ما حفكرها باللي حصل علشان بحبها بجد . وعايز اسعدها ونسيها الالم والارف اللي شافته معاك . وانت لازم تساعدني لو فعلا بتحبها .
أكمل : انت مجنون معقول كل السنين دي بتحب حبيبتي وانا مش عارف . اسمع انت عمرك ما حتطول تسنيم انت فاهم علي جثتي انها تتجوزك انت او غيرك . تسنيم مراتي وحتفضل كدة لحد ما موت فاهم . ومن النهاردة احنا مش صحاب فاهم .
مروان : مسك أكمل . أكمل احنا مينفعش نبعد احنا اخوات مش بس اصحاب ولو علي حبي لتسنيم اللي خبيته عليك . ده غصب عني ومش بإيدي وانت أكتر واحد عارف . ومجرب كمان الحب مش بإيدينا . لكن انا عمري ما خنتك ولا عملت حاجة من وراك . انت مشوفتش تسنيم كانت عاملة ازاي انا كنت بتقطع عليها . كان قلبي واجعني عليا اوي يا أكمل . أكمل حتي لو مش حتجوز تسنيم . ده مش معناه اني ممكن اأذيها او اتكلم عليها او حد يعرف اللي حصل بينكم انا مش ندل زي ما قولت انا واحد حب وحب بجد . بس خلاص مادمت مش حتقدر تتجوز غيرك . يبقي ننسي كل حاجة . ونفضل اخوات واوعدك مفتحش الموضوع ده تاني ولا معاك ولا معاها . بس اوعي تقول مبقناش اصحاب دي تاني انا مليش صاحب غيرك . وحضن مروان أكمل .
أكمل : توعدني انك تنساها ومتفكرش فيها ولا تفتح موضوع الجواز ده تاني
مروان : اوعدك ححاول انسي بس مش بإيدي لكن ححاول.

وعدي بعد كدة تقريبا شهر علي جواز مايا وأكمل . وطبعا مايا مش ساكتة وكل شوية مشاكل مع تسنيم وأكمل وفي يوم وهما بيتغدوا كلهم علي السفرة . أكمل بياكل لقي الاكل سبايسي . اتنرفز هو اصلا مبيحبش الاسبايسي
أكمل : مين اللي حطلي اسبايسي في الاكل . دادا انتي مش عارفة اني مش بحبه.
صباح : والله يا ابني انا قولت لمايا انك مبتحبوش لكن هي اللي اصرت تحطلك انا مالي .
أكمل : وهو بيجز علي سنانه . امم مايا . وانتي لما دادا قلتلك حطيطي ليه
مايا : هههههههههه شكلك تحفة وانت مولع من الاسبايسي . احسن علشان تبقي تبات في أوضتك لوحدك .
شوكت : انت مبتتكسفيش . في حد يقول كدة واحنا كلنا قاعدين .
مايا : وفيها ايه يعني مفيش حد غريب . اااه اقصدك تسنيم عيب تسمع كدة . اممم عندك حق هي بردوا ممكن تغير مني علشان انا اتجوزت قبلها وهي اكبر مني ب6سنين يعني عانست. هههههههههه
أكمل : انتي مجنونة هي مين دي اللي عانست دي برقبتك . تسنيم لو عايزة تتجوز كانت اتجوزت من زمان . بس هي اللي مستخسرة نافسها في حد علشان تسنيم كتير علي اي حد فاهمة واوعي تتكلمي معاها كدة تاني انتي سامعة .
مايا : عجبك اللي اكمل بيقوله ده . يا بابا
شوكت : اه عجبني هو ماقلش حاجة غلط . انتي لازم تتعلمي الادب وانا حسيبه يربيكي علشان مامتك معرفتش تربيكي . انا قايم سديتي نفسي .
أكمل : انا كمان قايم . ربنا يريحني منك .
مايا: ايه يا حلوة انتي كمان مش عايزة تقومي . اتفضلي والله يبقي احسن علشان اكل براحتي .
تسنيم : مايا انتي ليه بتعاندي أكمل والله هو طيب وحنين خاليكي حنينة معاه وهو حيبقي كويس معاكي حاولي تكسابيه .
مايا : تؤ انا كدة مبسوطة اصلي بحب المناكفة.
تسنيم : اوفف انتي بجد مستفزة . ممكن بقي تقومي توديلو حاجة حلوة علشان الاسبايسي اللي أكله بسببك ده علشان زمانه مش طايق نافسه
مايا : ههههههه لا خاليه كدة مولع انا فرحانة فيه . وبعدين انا لسة باكل واسكتي بقي مش عايزة وجع دماغ
تسنيم : ياربي انتي فعلا باردة ومستفزة .
وقامت تسنيم المطبخ .
تسنيم :دادا لو سمحتي ممكن تدي لأكمل الاتشيز كيك دي زمانه تعبان من الاكل ده
صباح : لا خليه والله فرحانة فيه
تسنيم : يا دادا لو سمحتي انا مش عايزة اوديه انا علشان خاطري
صباح : قلت لا وسبيك من قلبك الحنين اللي. واداكي في داهية ده
تسنيم : اوففففف والله حرام كدة . طيب انا حوديها وامري لله . هاتي العصير ده .

أكمل في أوضته متنرفز الباب خبط
أكمل : ادخل
تسنيم : فتحت ودخلت ومعاها الاتشيز كيك والعصير . احممم . دادا صباح بعتالك . دول علشان تضيع طعم الاسبايسي اللي أكلته
أكمل : ابتسم . دادا صباح بردوا . دي لو تطول تشربني مياه نار كانت شربتني . تؤتؤ الحاجات دي متجيش غير من قلب ابيض وحنين زي قلبك .
تسنيم : أكمل لو سمحت . ماتتكلمش كدة تاني . واتفضل كل. انا ماشية
أكمل : شدها من ايدها وقفل الباب . تعالي هنا انا مصدقت اكلمك انتي بقالك شهر مش بتكلميني ولاحتي بعرف اشوفك الا قليل اوي
تسنيم : اكمل ايه اللي بتعمله ده انت اتجننت . اوعي خاليني اخرج .
أكمل : قلت لا وبعدين عادي هما كلهم عارفين انك بتدخلي عندي عادي فين المشكلة
تسنيم : أكمل الوضع اتغير انت اتجوزت ومش اي حد دي اختي يعني اللي بتعمله ده حرام من كل ناحية فأرجوك كفاية عليا اللي حصل زمان واللي بنتعاقب بسببه لحد النهاردة اوعي بقي علشان امشي وفتحت الباب . اسمع كل الاتشيز كيك بسرعة واشرب العصير
أكمل : ابتسم . حاضر يا سمسمة بس علشان انتي اللي جبتيهم . تسلم ايدك . وعلي فكرة انا مش حضايقك تاني بس لحد ما اطلق الزفته دي. بس متحرمنيش اني اتكلم معاكي واطمن عليكي ممكن .
تسنيم : ابتسمت ومشيت .
أكمل : اه اه يارب عاديها بقي انا تعبت ربنا يهدك يا مايا ده انتي فعلا. عقاب من ربنا والله ربنا بيخلص مني بيكي القديم والجديدربنا يخدك

وعدي شهر كمان علي جواز أكمل ومايا وهما علي نفس الحال كل واحد في أوضته لحد ما جه يوم وحصلت فيه مفاجأة

((((أقدار الحب)))) بقلم ريحانة الجنة

(((الحلقة الخامسة عشر)))

وبعد مرور شهر تاني علي جوزا مايا وأكمل . في يوم بالليل أكمل نايم . تسنيم دخلت صاحته
تسنيم : أكمل . أكمل اصحي بسرعة أكمل قوم بقي
أكمل : قام مخضوض. ايه يا سمسمة في انتي كويسة .
تسنيم : اه كويسة بس قوم معايا بسرعة
أكمل : مسك ايدها وابتسم .ايه وحشتك ولا ايه.
تسنيم : اوعي والله انت فايق ورايق قوم شوف مراتك بسرعة تعبانة
أكمل : بخنقة. اوففففف مرات مين . وانا مالي ما تتقلق .
تسنيم : أكمل اوعي تنسي انها مراتك وكمان أختي . قوم بقي دي مغمي عليها ودادا صباح بتفوقها .
أكمل : اوففف قايم . ربنا يهدها. مفيش من وراها راحة ابدا . مقرفة تعالي يا حبيبتي لما نشوفها.

في أوضة مايا . أكمل واقف ومربع ايده وساند علي الدولاب .
أكمل : اهي فاقت وبقت كويسة اهي . كان مالك يا حلوة تكنيوش تعبتي من الصرمحة واللف في النادي طول النهار . احسن علشان تتهدي وتقعدي شوية .
مايا : وانت مالك . ايه تكونش بتغير عليا . خلاص حليت في عنيك .
أكمل : هههههههههه لا والله هي مين دي اللي أغير عليه و حليت في عيني . ده انتي لو أخر ست في الدنيا مش حبوصلك . يا غلسة .
تسنيم: ممكن بقي تبطلوا اللي بتعملوه . ده أكمل لوسمحت كفاية انت شايفها تعبانة. روح أوضتك لحد الدكتور ما يجي
مايا : وانتي مالك واحد ومراتوا بيهزروا يخصك ايه . كيمو بيحبني وعلشان كدة بيحب يناكفني اصل بعد كدة بيجيني الاوضة ويصالحني صح يا كيمو .
أكمل : مسح وشه بخنقة . اقسم بالله انسانة غلسة وباردة مين ده اللي بيجيلك يا كدابة هو انا دخلت أوضتك اصلا من يوم الفرح . وبعدين انتي أخر واحدة انا ممكن احبها فاهمة .
تسنيم : عن اذنكم انا في أوضتي لحد ما الدكتور يجي .
أكمل : دكتور ايه ماهي بقت زي القردة اهي ده احنا اللي عايزين دكتور
تسنيم :معلش علشان نتطمن عليها
مايا : استني هنا اقعدي حنبي يمكن احتاج حاجة انا لسة دايخة
أكمل : مسك ايد تسنيم . ليه بقي ان شاء الله وهي كانت شغالة عندك . تعالي ياتسنيم تحت لحد الدكتور مايجي . وانتي خاليكي كدة بغلك ده

تسنيم قاعدة وشكلها زعلان . أكمل قعد جنبها .
أكمل : حبيبي زعلان ليه . اوعي تزعلي من كلام الرخمة دي والله ماودخلت أوضتها من يوم الفرح .
تسنيم : ووووانا مالي ما تدخل ولا تخرج انت حر . دي مراتك .
أكمل : حاوطها بيإيده . انا مليش غير زوجة وحبيبة واحدة بس انتي يا سمسمة. فاهمة
تسنيم : كانت ابتدت تضعف .اااأكمل اوعي لو سمحت . ميصحش كدة ممكن باباولا مايا ينزلوا
أكمل : تؤتؤ عادي عمي بيشوفك وانتي في حضني كتير فاكرة لما كنا نقعد نتفرج علي الافلام وناكل فيشار وكنتي تتفرجي وانتي نايمة في حضني
تسنيم : اتنهدت . يا ريتها دامت الايام دي وفضلنا اخوات
أكمل : لا احنا عمرنا ماكنا اخوات انتيى حبيبتي وانا حبيبك . تسنيم انتي وحشتيني وحشتيني اووويى.
تسنيم : مش قادرة تتحمل أكتر من كدة ولا تتحمل قرب أكمل منها . قامت . انا طالعة اشوف مايا
أكمل : شدها من ايديها وحضنها وباسها
تسنيم : قاومت بس ضعفت وكملت لانه واحشها
تسنيم : أكمل . كفاية اوعي اللي بيحصل. ده غلط لو بتحبي متعملش كدة تاني فاهم انا مش ناقصة كفاية.
أكمل : تسنيم انا حكلم عمي الصبح واطلق مايا . كفاية كدة احنا بقالنا شهرين انامش حقدر اتحملها ولا اتحمل بعدك عني أكتر من كدة .
تسنيم : أكمل انا قولتلك انامش حكون ليك حتي لو طلقت مايا فاهم وان كنت ضعفت دلوقتي فاأنا اوعدك مش حضعف تاني . ومشيت
أكمل : ماسك راسه بخنقة وغيظ استغفر الله العظيم . يا رب انا بس نفسي أعرف ايه الحكمة من وجود مايا دي في حايتنا دي ملهاش مميزات كلها عيوب يارب ريحني منها بقي ورجعلي تسنيم انا مش قادر ابعد عنها ولا أعيش من غيرها.

في أوضة مايا الدكتور كشف عليها وكلهم واقفين .
شوكت : خير مالها يا دكتور
الدكتور : ابتسم . متخافش هي كويسة بس عادي دي حاجة بتحصل لكل العرايس اللي زيها .
أكمل : تنح . يعني ايه مش فاهم
الدكتور : ابدا مدام مايا حامل.
أكمل :خبط راسه بيإيده . يا نهار اسود حامل ازاي ده انا ده انا ممحصلش والله . انا مش فاهم
الدكتور : مالك يا أكمل . عادي انت مستغرب ليه
أكمل : هو ينفع من ليلة واحدة بس دي متكررتش ازاي انا مش فاهم
الدكتور : بص لشوكت . عادي يا أكمل بتحصل الحمل يحصل عادي من مرة واحدة .
أكمل : بص علي تسنيم لقاها كاتمة نفسها وعنيها كلها دموع .
أكمل : لو سمحت يا دكتور انا عايز اعمل D. N. A.
شوكت : اكمل ايه اللي بتقوله ده محصلتش لكدة
أكمل : قرب من عمه لا حصلت انت ناسي انها كانت عايشة مع اياد قبل ما اتجوزها وانا لازم اعرف ده ابني ولالا
شوكت : بص في الارض عنك حق . اعمل اللي يريحك .
الدكتور : بس ده بنعمله اثناء الحمل للضرورة لانه في خطر علي الجنين
أكمل : مش مهم المهم اعرف انا مش حقدر استني 9 شهور
الدكتور : حاضر بكرة خاليها تيجي المستشفي وانا حخليها تتابع مع دكتور نساء وهو حيتصرف عن اذنكم حبقي اكلمك يا شوكت سلام
تسنيم : جربت علي أوضتها وشوكت كمان
مايا : متخفش ابنك انا متأكدة
أكمل : بسخرية هههه والله متأكدة ازاي اه صح بيقولوا لما الست لما بتنام مع أكتر من راجل وتحمل بتعرف هو ابن مين وانتي متتوصيش في كدة
مايا : ههههه ماشي حعديهالك يا كيمو بس مش علشان كدة تؤ اصل إياد بيشرب حاجات كتير وخلتوا عقيم لكن انت رياضي وواخد بالك من صحتك وبعدين محدش لمسني غيرك من يوم فرحنا بس كان يوم جامد هو اللي مصبرني عليك علشان دخلت دماغي ساعتها اوي
أكمل : دب علي الدولاب بإيده بغيظ انتي جنس ملتك ايه مبتحسيش معندكيش كرامة باردة . والله انا ماعيزه ابني خاليني اطلق وتغوري بيه بعيد عاني
مايا : اممم وتتجوز تسنيم
أكمل : اتصدم انتي بتقولي ايه جبتي الكلام ده منين
مايا : انا حاسيت انك بتحبها بس تعرف انا ببقي مبسوطة وانا بغيظكم انتوا الاتنين ولسة لما البيبي يكبر في بطني وهي تشوفه حتوت كل يوم وهي شايفة ابنك في بطني انا مع اني مكنتش حبا حمل وولادة وجسمي يبوظ بس مش مشكلة المهم احرق دمهاعلشان هي فاكرةانهااحسن مني
أكمل : انتي مفيش فايدة فيكي كل يوم بكرهك أكتر انا رايح انام
ومشي أكمل ودخل أوضته ولف من البلكونة علشان يطمن علي تسنيم لقاها قاعدة بتعيط وصباح معاها بتهديها
صباح : اهدي يا حبيتي كفاية. انتي من يوم جوازهم ودموعك منشفتش .
تسنيم : كاتمة نافسها بالمخدة. اه اه يا دادا أكمل حيكون اب من واحدة تانية ليه ليه انا بيحصلي كدة ليه حبيبي يروح مني ليه اشوفه في حضن غيري ويخلف كمان ليه ليه والله حرام حرام انا تعبانة يادادا تعبانة .
صباح : يا بنتي كفاية الله يخليكي . انتي وجعتي قلبي
تسنيم : اشمعن هي يا دادا ليه هي اللي حملت ماأنا واكمل كنا مع بعض انا ليه محملتش زيها
صباح : يا نهار ابيض يا تسنيم انتي كمان كنتي عايزة تحملي منه من غير جواز . مش كفاية اللي حصل كان حرام كمان تحملي في الحرام . يا بنتي قولي الحمد لله ان ده محصلش كنتي ساعتها عملتي ايه .
تسنيم : بتعيط كنت حخده واسافر وابعد بس كان يبقالي ذكري منه تفكرني بيه مش يمكن كان يطلع شبه زي ماهو شبه عمه سليم . انا بموت يادادا والله بموت .
أكمل : كان في البلكونة مش قادر يسيطر علي دموعة وقلبه بيتقطع عليها .
صباح : لا انتي وجعتي قلبي انا نازلة وانتي كفاية كدة ونامي بقي وبطلي تفكير
وخرجت صباح وأكمل خرج من البلكونة وجري علي تسنيم . وخادها في حضنه .
تسنيم : مصدقت لقته وحضنته . خلاص يا أكمل خلاص احنا اتفرقنا خلاص .
أكمل : بيعيط . لا يا عمري عمرنا ما حنفترق انتي حتفضلي حبيبتي وحنتجوز . انا حطلقها ولو البيبي طلع ابني خخدوا منها وهي تمشي تشوف حياتها واحنا نتجوز . بس اوعي تعملي في نفسك كدة انا بتقطع وانا شايفك كدة .
تسنيم : بتعيط جامد فيةحضنه ومش قادرة تبطل .. ابتدت تاخد نافسها . ابعد يا أكمل ابعد وسيبني انا مش مستحملة .
أكمل : لا مش حسيبك انا حفضل جنبك لحد ماتنامي . مش حقدر ابعد عنك
تسنيم : لو سمحت امشي لو حد جه او راحلك اوضتك حتبقي مشكلة
أكمل : قام وقفل الباب بالمفتاح . اهو بابك مقفول وانا باب أوضتي مقفول بالمفتاح . وراح جنبها تعالي انا حنيمك في حضني انا عارف انك بتنامي وترتاحي وانا حضنك ومتخفيش مفيش حاجة حتحصل اوعدك انا بس حنيمك وارجع أوضتي تعالي ….. ونامت تسنيم في حضنه والغريب انها نامت بسرعة من العياط او من احساسها بالامان وهي معاه حاجات كتير بتجمع بين أكمل وتسنيم وعمر مافي حاجة ممكن تغيرها او تكسرها حبهم ملوش زي وهم فعلا زي ما قال مروان . وبعد ما تسنيم نامت واكمل حاضنها قعد يملس علي شعرها ويطبطب عليها وغطاها ورجع أوضته وحتي معرفش ينام لحد تاني يوم . علشان يروح المستشفي ويعمل التحليل . وساعتها حيعرف اذا كان البيبي ابنه ولا ابن اياد محدش عارف

((((أقدار الحب)))) بقلم ريحانة الجنة

(((الحلقة الحلقة السادسة عشر))

تاني يوم راح أكمل وشوكت ومايا المستشفي علشان تحليل DNA وفعلا مايا عملت التحليل بس النتيجة كانت لسة كمان اسبوعين . ورجعوا البيت بس أكمل راح الشركة علشان يطمن علي تسنيم .

في الشركة في مكتب تسنيم
تسنيم قاعدة بتفكر في الوضع اللي هي فيه وايه الحل لكل اللي بيحصل ده وازاي حتقدر تعيش وهي شايفة أكمل كل يوم حياته بترتبط بمايا. في الوقت ده الباب خبط
تسنيم : ادخل .
طارق : فتح الباب ودخل . مفاجأة مش كدة .
تسنيم : ابتسمت وقامت تسلم عليه . اهلا طارق هي فعلا مفاجأة تعالي اتفضل .
طارق:اممم بس يا تري بقي مفاجأة حلوة ولا وحشة .
تسنيم : ههههه والله ده يتوقف علي عدد المرات اللي حتعاكسني فيهم واحنا قاعدين .
طارق : هههههههه لا ده انا كدة ممكن تطلبيلي الامن .
تسنيم : هههههههه والله انت بجد مش ممكن مبتعرفش تتكلم جد . هاه قولي كنت جاي ليه
طارق : اصل بصراحة من وقت ماكنا في السخنة وانا مش عارف اشوفك . حتي التليفون مرة تردي وكتير لا.
تسنيم : احمم معلش يا طارق كنت مشغولة بفرح أكمل ومايا ما انت عارف .
طارق : ايوة عارف . انا حتي لما عزمتيني يومها جيت بس دورت عليكي في الفرح كله وملقتكيش وبعدين سلمت علي أكمل ومايا ومشيت .
تسنيم : افتكرت هي قضت الليلة دي ازاي . معلش ياطارق اصلي يومها تعبت فجأة وروحت البيت .
طارق : طيب بصي بقي . انا عايزك في موضوع مهم ولازم نتكلم فيه بسرعة .
تسنيم : خير قلقتني قول.
طارق : قرب من مكتب تسنيم. تؤتؤ مينفعش هنا احنا نروح نتغدا برا وانا حقولك كل حاجة ممكن .
في الوقت ده الباب اتفتح ودخل أكمل
أكمل : بغيظ . ايه ده بقي ده انشاء الله.
طارق : اتعدل في وقفته . احممم ازيك يا أكمل .
أكمل : اهلا انت كنت واقف عندك بتعمل ايه
تسنيم : اهدي يا أكمل طارق معملش حاجة هو بس بيتكلم معايا .
أكمل : كلام؟ كلام ايه ده بقي اللي موقفه قريب منك كدة . اسمع يا طارق. ملكش دعوة بتسنيم انت فاهم
طارق: وانت مالك انت انت يا دوب ابن عمها وهي بس اللي تقرر اذا كنت اكلمها ولا لا .
تسنيم : يا جماعة لو سمحتم كفاية كدة . طارق ممكن تنزل تستناني تحت وانا جاية وراك .
طارق: وهو بيبص لأكمل بغيظ وأنتصار ان تسنيم حتخرج معاه . حاضر يا سمسمة حستناكي بس متتأخريش .
أكمل : وهو خارج . متفرحش اوي كدة مش حتخرج معاك .
طارق مشي ومردش عليه أكمل قفل الباب وراح لتسنيم وهو علي أخره
أكمل : ممكن اعرف يا هانم ايه حكاية طارق ده انتي مش ناوية تبطلي جنان بقي خلصنا التحليل يطلع بس وبعد كدة حطلق الزفتة دي . يعني ملوش لزمة اللي بتعمليه ده
تسنيم : أكمل انا حاسة ان البيبي ده ابنك وانا مش حينفع اكون السبب. ان يتربي بعيد عن امه وابوه . اناجربت الاحساس ده واتربيت بعيد عن امي والنتيجة انها مبتحبنيش بتحب مايا أكتر علشان كانت معاها . عشناطول عمرنا متفرقين انا وبابا وماما واختي . انسي يا أكمل احنا حكايتنا وقفت لحد كدة انت لازم تحاول تفهم مايا وتحبها وانا كمان لازم انسي واشوف حياتي
أكمل :مسكها من ذراعها انتي بتقولي ايه . مستحيل ده يحصل انتي ملكيش حياه بعيد عني انا حياتك ودنيتك انت فاهمة وطارق ده تنسيه خالص بدل ما والله اروح اقتله وتبقي انتي السبب .
تسنيم : عيطت لو سمحت كفاية انت لوبتحبني سيبني انسي انا خلاص مبقاش فيا مكان لجرح ووجع منك تاني سيبني يا أكمل سيبني أعيش وانسي
واخدت تسنيم شنتطها ومشيت واكمل كان واقف ماسك دماغه ومخنوق وقلب كل اللي علي المكتب .
أكمل : لا لا مستحيل يعني انا اتكتب عليا اتحرم منها لاخر العمر واعيش مع مايا لا. لا انا مش حستني اكتر من كدة انا لازم اكلم عمي واخلص موضوع الطلاق ده . وراح أكمل لعمه في مكتبه .

في مكتب شوكت
أكمل : خبط ودخل . ازيك يا عمي .
شوكت : اهلا تعالي انا لسة واصل دلوقتي كنت بوصل مايا . هاه مالك
أكمل : عمي انا عملت كل اللي طلبتوا مني لحد دلوقتي بس خلاص مبقتش متحمل ارجوك انا لازم اتطلق مايا .
شوكت : انا عارف اني ضغط عليك كتير بس علشان خاطري . استني لحد النيجة ما تطلع لو مطلعش ابنك حخليك تتطلقها في ساعتها. لكن لو ابنك حيهون عليك انك تتطلقها وتاخد ابنك يتربي بعيد عنك زي ما أمها اخدتها بعيد عني وربيتها واديك شايف النتيجة . حترضي ان ابنك ولا بنتك تتربي بنفس الطريقة
أكمل : مكنش مفكر في كلام عمه ده قبل كدة . بس حتي لو ابني انا حخده اربيه
شوكت : كنت عرفت انا اخد مايا من نسرين . هي من حقها حضانتها . اهدي يا اكمل اهدي واستني يا ابني معلش .

أكمل قام وراح مكتبه وخلص شغله ولسة تسنيم مرجعتش الشركة كلمها تليفونها مقفول . رجع علي البيت يشوفها .
في البيت أكمل بيدور علي تسنيم مش لاقيها .
مايا : ازيك يا كيمو مالك بتدور علي مين.
اكمل : هي تسنيم مرجعتش لحد دلوقتي .
مايا : لا لسة . عايز حاجة. ولا وحشتك
أكمل : اوففف ابعدي عني انا مش طايقك .
مايا : طيب اعملك ليمون يهديك.
أكمل : مايا امشي من وشي الساعة دي انا ممكن اصور قتيل
مايا : اوبس واضح ان الموضوع كبير اوي . طيب بص انا جبتلك ايه وانا راجعة مع بابي ايه رايك في التيشيرت دي .
أكمل : مش زوقي . ومتبقيش تتعبي نفسك تسنيم هي اللي عارفة انا بحب ايه وهي اللي بتختارلي كل لبسي
مايا : تسنيم تسنيم تسنيم . القهوة تسنيم اللي بتعرف تعملها الاكل تسنيم اللي عارفة انا باكل ايه اللبس تسنيم هي اللي عارفة زوقي
ايه انت مفيش في كلامك غيرها مبتعرفش تتكلم من غير ما تجيب اسمها علي لسانك . ربنا يخدها ويريحني منها .
أكمل : ربنا بخدك انتي وكلنا نرتاح منك اوعي انا طالع أوضتي .
وطلع اكمل اوضته وقعد يستني تسنيم في بلكونة أوضته وكان بيسمع الاغنية دي ( ايوة انا عارف ان كلامي عليها كتير . اصل حكايتي معاها حكاية حب كبير . ده من يوم ماسابتني وقلبي ماهوش مرتاح اسكت ليه ده انا بس بقول اسمها برتاح. انا بتكلم علي اللي انا شوفته معاها في يوم بحكي الفرحة اللي بعيش فيها لحد اليوم . لو مش ححكي عنها اتكلم بس في ايه . مين يستاهل بعد حبيبتي احكي عليه
. ده انا من يوم ماسابتني وقلبي ماهوش مرتاح. اسكت ليه ده انا بس بقول اسمها برتاح. كل ما اقول انا مش حتكلم عنها خلاص . واعمل نافسي قال بتكلم ويا الناس واخد بالي عشان مغلطش بأي كلام . بردوا كلامي يلف ويرجع ليها قوام .اسكت ليه ده انا بس بقول اسمها برتاح . اسكت ليه ده انا بس بقول اسمها برتاح
في مطعم شيك جدا طارق وتسنيم قاعدين بعد ما اتغدوا .
طارق : هاه يا سمسمة قولتي ايه
تسنيم : شكلها قلقان وخايف . طارق انت فاجئتني . مش عارفة بصراحة اقولك ايه
طارق : بصي يا تسنيم انا عارف ان احنا منعرفش بعض لسة بس لما نتخطب حنقرب من بعض وتعرفيني كويس انا لو عليا اصلا اتجوزك دلوقتي حالا لكن عارف انك محتاجة وقت تعرفيني وتخدي عليا وانا بصراحة عايزك ليا بجد علشان كدة طلبت اخطبك يعني مقولتلكيش نتصاحب ولا نتقابل ارجوكي وافقي بس وانا حخليكي تحبيني .
تسنيم . خلاص يا طارق حفكر وارد عليك . بس دلوقتي انا لازم اروح اتأخرت
طارق : حاضر يا سمسمتي .
تسنيم : اتضايقت. علشان دي كانت دلع أكمل ليها ومش عايزة تسمعها من غيره . طارق ممكن متقوليش سمسمتي دي تاني لو سمحت
طارق : حاضر اللي يعجبك حقولك يا حبيبتي وياروحي ويا قلبي . بس وافقي انتي بس .
تسنيم : طيب يالا بينا علشان اروح

ورجعت تسنيم واكمل كان مستنيها في الجنينة . ولما وصلت .
أكمل : حمد علي السلامة يا هانم كل ده كنتي فين . كل ده مع طارق .
تسنيم : خاليك في حالك وملكش دعوة بيا انا اخرج مع اللي يعجبني فاهم .
أكمل : انتي يا عبيطة يا بتستعبطي . انسي انك تفكري حتي في حد غيري والله اموتك انتي فاهمة .
تسنيم : كدة طيب اسمع بقي طارق جاي يخطبني وانا وافقت وحقول لبابا . عن اذنك
أكمل : تعالي هنا مين ده اللي بخطبك ده يبقي أخر يوم في عمرك انتي وهو انتي مجنونة حتتجوزي ازاي
تسنيم : قلتلك ملكش دعوة انا حتصرف في حياتي خاليك انت مع مراتك وابنك اللي جاي .
وفعلا تسنيم كلمت شوكت وطبعا فرح جدا لانه كان نفسه اوي ان تسنيم تتجوز واخيرا واقفت . وحددوا معاد الخطوبة وطبعا اكمل كان بيموت وهو شايف طارق كل يوم مع تسنيم وكل يوم يتخانق معاها وكان نفسه يموتها ويموت نفسه .

الحلقه ((17))
وفي ليلة بالليل كان خلاص تاني يوم خطوبة تسنيم وطارق وأكمل كان راجع من برا متأخر مكنش بيطيق يقعد في البيت وهو شايف طارق داخل خارج . ولما رجع لقي تسنيم قاعدة بعيد في أخر الجنينه راحلها لقاها بتعيط .
أكمل :جه من وراها وحضنها . بلاش يا تسنيم . علشان خاطري بلاش
تسنيم : مسحت دموعها وحاولت تبعد عنه . أكمل ابعد .
أكمل : لا مش حبعد انا وحشني حضنك انتي كلك واحشاني انا بموت من غيرك يا تسنيم . وانتي كمان عمرك ماحتقدري تنسي عمرك . ده انا حبيبك علشان خاطري استحملي بس لحد ما الزفته دي تولد ما انا خلاص اتدبست وعرفت انه ابني .
تسنيم : عيطها زاد. انا خلاص نفسي اموت وارتاح انا تعبت تعبت .
أكمل : لفها ليه وحضنها . مش اكتر مني. والله مش أكتر مني . انا عمري ماكنت اتخيل اني اتجوز واخلف من غيرك .
تسنيم : بس مايا ملهاش ذنب انت . حرمها من حقوقها . مش يمكن لما تديها فرصة تحبها .
أكمل : ملهاش ذنب اومال الذنب ذنب مين . مش بسببها انا وانتي في الموقف المهبب ده . انتي ازاي بتطلبي مني كدة انتي متعرفيش انا ندمان قد ايه علي الليلة السودا اللي قضتها معاها بس والله انا وقتها كان عقلي فيكي انتي كنت نازلك اشوفك وانا كلي غيرة ولهفة عليكي لما شوفت مروان وهو بيقرب منك .
تسنيم : اه علشان كدة نسيت كل ده وخرجت نمت في حضنها .
أكمل : ابدا والله هي بس اللي عملت حاجات مينفعش احكيها . بس والله انا كنت شايفك انتي . واول ما سيبتها . كنت عايز اموت نفسي . ومن يومها والله ما اقربتلها . صدقيني يا تسنيم
تسنيم : خلاص يا أكمل مبقاش ينفع . انت جايلك بيبي . ولازم تفكر فيه هو .
أكمل : يعني مصممه علي الخطوبة
تسنيم : ايوة. خلاص مفيهاش رجعة الخطوبة بكرة
أكمل : انا حسيبك تعملي خطوبة بس يا تسنيم علشان عمي ميلحش عليكي اكتر من كدة . بس حسك عينك يحط ايده عليكي . فاهمة
تسنيم : هو انا خلاص بقيت في نظرك سهلة كدة ممكن اي حد يعمل اللي هو عايزه معايا
أكمل : ضربها علي دماغها. غبية وحمارة انا مقصدش كدة . انا اقصد يمسك ايدك ولا يقرب منك . انا عارف ان مفيش حد غيري حيقبلك مش بس علشان انا ممكن اقتك واقتله ساعتها وده مش هزار . لا كمان انا عارف انك عمرك ما تستحملي تكوني مع حد غيري .
تسنيم : واثق اوي كدة ليه .
أكمل : حضنها . علشان حبيبك وملكيش حبيب غيري فاهمة. واوعي بكرة ترقصي معاه انا ممكن اكعبله واكسرله رجله .
تسنيم : ههههههه . طيب اوعي يا خويا خليني اطلع . ومشيت شوية ولفت . علي فكرة حنرقص سلو انا وهو وابقي وريني حتعمل ايه .
اكمل : كدة . وشال مخدة من اللي علي الكرسي اللي في الجنينة وضربها بيها وتسنيم جريت علي فوق .
أكمل : ههههه الله يخرب عقلك جننتيني بس اعمل ايه بحبك . وعمري ماكنت اتخيل اني ممكن اشوفك بتتخطبي لغيري . بس حقول ايه قدر ومفيش مفر منه . الله يخربيتك يا مايا ربنا يخدك ….

وجه تاني يوم اللي في خطوبة تسنيم وطارق في قاعة كبيرة شوكت ومايا ونسرين قاعدين وطبعا معازيم كتيييير وطارق بيرقص مع تسنيم وأكمل واقف مع مروان حيتجنن وحيموت من الغيرة
مروان : يا أكمل اهدي بقي الناس حتاخد بالها انت مش شايف انت بتبص لطارق ازاي
أكمل : اهدي ازاي انت مش شايف الحيوان حاضنها ازاي ده نفسي اجيب اجله دلوقتي .
مروان : خلاص بقي حتعمل ايه . مش في ايدك. حاجة
أكمل : بغيظ وتحدي لا في ايدي . وحتشوف . ومشي أكمل لتسنيم وطارق .
مروان : انت يا مجنون تعالي هنا….. الله يخرب بيتك حتودينا في داهية ده راحلهم فعلا ربنا يستر بقي

أكمل : خبط علي كتف طارق . ممكن ارقص مع اختي لو سمحت .
طارق : مش طايق أكمل . بس ده فرحي
أكمل : بإبتسامة صفرا . لو مرقصتش معاها دلوقتي انت مش حترقص معاها لاخر الفرح
طارق : اوففف منك. ان شاء الله قريب حتجوزها واخلص منك .
أكمل : ربنا يديك طولة العمر . عن اذنك . واخد أكمل تسنيم هو يرقص معاها.
تسنيم : انت اتجننت. ايه اللي عملته ده
أكمل : انتي السبب مش انتي اللي صممتي علي الخطوبة الزفت دي . خلاص اتحملي بقي
تسنيم : طيب ممكن بقي تبطل اللي انت بتعملو ده علشان مش عايزة مشاكل .
أكمل : مفيش مشاكل طول ما سي زفت ده بعيد عنك بس بقولك ايه انتي ايه الفستان اللي انتي لابساه ده انتي مش عارفة اني مبحبش الظهر العريان انتي متعمدة تغظيني صح.
تسنيم : وانا اغيظك ليه وبعدين هو انا لابساهولك . ده لطارق .
أكمل : كدة طيب استكملي بقي اللي حعمله. وحضنها اوي وحط ايده علي ظهرها .
تسنيم : الله يخربيتك . ايه ده اوعي الناس تقول ايه.
أكمل : انا خلاص مبقاش يفرق معايا حد وانتي السبب مش عايزة تتخطبي . اتحملي نتيجة قرارك
تسنيم : طيب علشان خاطري ابعد شوية كدة طارق ممكن يا خد باله ومايا اصلا شاكة مش عايزة فضايح يا اكمل علشان خاطري .
أكمل : اعتذري الاول .
تسنيم : انا اسفة . اوعي بقي .
أكمل : ابتسم وبعدها شوية بعد ما كان ضممها اوي . ايوة كدة خاليكي عاقلة. بقولك ايه انتي مش حترقصي معاه تاني فاهمة .
تسنيم : مينفعش دي خطوبتنا لازم نرقص .
أكمل : والله اجرك مش شعرك قدام الناس انا خلاص جبت اخري .
.
علي ترابيزة شوكت . قاعد ومايا ونسرين وطارق جه قعد جنب شوكت
شوكت : مالك يا طارق .
طارق : وهو مخنوق . حضرتك مش شايف أكمل واخد عروستي هو اللي يرقص معاها . وانا قاعد .
شوكت : ههههههه هو ده اللي مزعلك . لا بقولك ايه الا اكمل انت تغير عليها من اي حد في الدنيا الا اكمل ده مش بس ابن عمها واخوها ده كان بيعاملها اكنها بنته كمان ومدلعها علي الاخر . واحسنلك متتخلش بينهم حتتعب
طارق : طيب انا عايز ارقص مع خاطبتي اعمل ايه .
شوكت : ههههه روح قولوا عمو شوكت بيقولك خف شوية .
أكمل : وحشتيني وحشتني عنيكي بقالي كتير مشوفتهمش من قريب . كدة تحرميني منهم .
تسنيم : بتاخد نفاسها وبتحارب نفسها . هي لو عليها تتعلق في رقبته وتحضنه ووحشها اوي بس مينفعش
أكمل : ايه سرحتي في ايه. بس تعرفي انتي جميلة اوي النهاردة كان نفسي دي تكون خطوبتنا احنا. اه يا سمسمة انا بحبك اوي اوي
تسنيم : أكمل لو سمحت كفاية. انامش ناقصة. وبعدين طارق جاي
أكمل : تسنيم انتي بتاعتي انتى فاهمة! مفيش راجل غيري ممكن يقربلك. فمتهتميش اوي بزعل سي زفت ده .
طارق : خبط علي كتف أكمل. ممكن خطيبتي بقي لو سمحت عايز ارقص ده فرحي .
أكمل : بعد الاغنية دي ابقي تعالي .
طارق : ازاي يعني بقي؟ بقولك ايه عمو شوكت بيقولك خف شوية .
أكمل : عمي قالك كدة . طيب قولو التقيل جاي ورا .
طارق : لا والله انا بقي اسيب عروستي وفرحي واشتغلكم مرسال لا روح قولوا انت وسيبلي عروستي .
أكمل : انا قولت بعد الاغنية دي .
طارق : مشي مخنوق .
حازم : مالك يا بني متضايق ليه ده انت كنت حتموت علي اليوم ده
طارق : ولسة ميت يا خويا بس المتخلف اللي اسمه أكمل ده واخد تسنيم قوة واقتدار كدة وبيرقص معاها. تقولش فرحه هو!!
حازم : طيب بقولك ايه عايزه يسيبها .
طارق : ياريت
حازم : روح ارقص مع مراته وهو يسيب تسنيم ويجي ياخد مراته منك .
طارق : تصدق صح انا حربيه اوعي .. راح طارق لمايا …. مايا ممكن ترقصي معايا.
مايا : مصدقت اصلا . اوي اوي يا سلام تعالي . وراحت ترقص مع طارق .
طارق بيرقص مع مايا وأكمل شافهم ولا اتأثر عادي
تسنيم : طارق بيرقص مع مايا .
أكمل : هههههههه واخد بالي هو ناصح فاكر انه كدة حيخليني أغير علي مايا واسيبك واروح اخدها منه . عبيط ههههههههه.
تسنيم : بتكتم ضحكتها .
أكمل : والله الواد اهبل هو متخيل اني اسيب القمر واروح للنجوم بيستهبل . سيبك منهم وخليكي في حضني يا قطتي .
تسنيم : ياه يا أكمل انت عارف انا بقالي قد ايه مسمعتهاش منك .
أكمل : اتنهد . اعمل ايه بس ما انتي مقفلاها عليا ومش مخلياني حتي اخد راحتي معاكي
تسنيم : أكمل اللي بيحصل ده غلط والله غلط .
أكمل : حيتصلح الغلط ده لما اطلق مايا ونتجوز انا وانتي . بس قوليلي وحشتك .
تسنيم : نامت في حضنه اوي اوي يا أكمل
طارق بيرقص مع مايا .
طارق: عينه علي تسنيم وأكمل
مايا : واخدا بالها. الاتنين دول فظاع تحسهم متجوزين مش ولاد عم
طارق : بصراحة علاقة مختلفة مشوفتش كدة ده متهيألي يعني سوري . بيحبها اكتر منك
مايا: لا عادي بس اصلهم متربين مع بعض من زمان لكن انا لسة راجعة من لبنان ومش واخدة عليهم .
طارق : انتي مش بتغيري
مايا : ههههه من مين تسنيم . تؤتؤ انا أحلي كتير
طارق : هههههه لا بصراحة ان جيتي للحق سمسمة مفيش في جمالها .
مايا : كدة طيب ماتروح تخدها هي وترقص معاها. جايلي انا ليه
طارق : عادي انا قلت ارقص معاكي لحد لما جوزك يسبها شوية
مايا : يبقي حتقعد جنبي للصبح . عايزها روح خدها .
طارق ساب مايا . عندك حق عن اذنك وراح لاكمل وتسنيم اللي كانوا ناسين الدنيا والفرح وحضنين بعض وبيرقصوا
طارق : اظن كفاية كدة بقي علشان انا خلاص حنتحر.
أكمل : بص له ولسة حيتكلم الاغنية خلصت. بإبتسامة اتفضل بس يا خسارة الاغنية خلصت . عن اذنكم
طارق : انا حخليهم يشغلوا واحدة تانية .
تسنيم : لا كفاية يا طارق انا تعبت وعايزة اقعد .
طارق : يرضي مين ده يعني هو اللي رقص معكي الاغنيتين اللي فاتوا وانا اول ما اجي ارقص معاكي تتعبي
تسنيم :هههههههه معلش لسة الليل طويل ارتاح شوية ونبقي نرقص.
طارق : ابتسم . حاضر ياروحي تحت أمرك اتفضلي تعالي نقعد ومسك ايديها وراحوا يقعدوا
أكمل : شايف يا مروان الحيوان ده ماسك ايديها ولازق فيها ازاي !
مروان : وبعدين يا أكمل كفاية يا بني ماانت اخدتها منه ورقصت معاها كمان .
أكمل انا مش متحمل انا ماشي
مروان : رايح فين ؟
أكمل : في ستين داهية !
ومشي اكمل وهو مش طايق نفسة من الغيرة والفرح خلص وطارق اخد تسنيم وكملوا سهرتهم بره لوحدهم . ولما رجعت تسنيم كانت متوقعة انها تلاقي أكمل مستنيها بس ملقتهوش . ولقت شوكت خارج من المكتب .
شوكت : اخيرا جيتي كنت عايز اطمن عليكي .
تسنيم : اسفة يا بابا اتأخرت .
شوكت : ولا يهمك الليلة فرحك افرحي وانبسطي . بس متنسيش الصبح تبقي تطمني علي أكمل .
تسنيم : قلبها دق جامد من الخوف . ماله أكمل يا بابا ؟
شوكت : ولا حاجة وهو راجع سايق بسرعة وطلعت في وشه عربية وهو مكنش رابط الحزام . اتخبط وكتفه اتخلع .
تسنيم : خافت وقلقت عليه . طيب هو بقي كويس؟؟
شوكت:الحمد لله بس لابس الحزام علشان ذراعه لسه واجعه . يالا تصبحي علي خير .
وطلعت تسنيم بسرعة علي اوضتها وخايفة تروح لاكمل اوضته بالليل كدة . اتصلت بيه مبيردش عليها . دخلت البلكونة لقته واقف وكتفه مربوط .
تسنيم : بلهفة. أكمل!!
أكمل : لفلها وهو بيبصلها بزعل وعتاب . نعم .
تسنيم : عامل ايه طمني عليك ؟
أكمل : يهمك تعرفي ؟ انتي مش كنتي مع الزفت ده ومبسوطة خلاص؟ بتسألي عليا ليه ؟
تسنيم : أكمل . بجد انا قلقانة عليك كتفك عامل ايه ؟
أكمل : ملكيش دعوة روحي اسألي علي سي طارق .
تسنيم : كدة طيب انا حدخل انام ودخلت .
أكمل : ههههه لا والله اناعارف انك مدخلتيش أوضتك ولسة في البلكونة ومش حيجيلك نوم وانتي خايفة عليا . اسمعي دي بقي علشان تسليكي وانتي قاعدة وشغلها اغنيه لعمرو دياب اسمها (مالك )(مالك مش خلاص حبيت ناس بقيت معاهم . ليه بتسال ليه عني من وراهم . مش خلاص نسيت ناري الله طب انت مالك .لسة ولا ايه شاري ولا ايه ولا ايه جرالك . حاسب لا اللي بيحبوك يعرفوا الحقيقة يعرفوا ان انا لسة في بالك كل كام دقيقة . مش خلاص نسبت ناري الله طب انت مالك لسة ولا ايه شاري ولا ايه جرالك. مهما روحت وجيت مبتنساش هوايا. ده انت شاغل روحك بيا وبتدور ورايا . مش خلاص نسبت ناري الله طب انت مالك لسة ولا ايه شاري ولا ايه جرالك )
واكمل كان قاعد لحد ما تسنيم سمعتها وبعدين . غمزها وابتسم. وقالها
أكمل : تصبحي علي خير يا واجعة قلبي .
تسنيم:ابتسمت ودخلت تنام

((((أقدار الحب))))بقلم ريحانة الجنة

(((الحلقة الثامنة عشر ))

وعدي علي خطوبة تسنيم وطارق شهرين وكمان علي حمل مايا وبقت في الشهر الرابع وطول الفترة دي تسنيم بتحاول تبعد عن أكمل وتقلل اوقات وجودها معاه علي قد ماتقدر وأكمل كان غيران ومش قادر وكانت كل ما تخرج تسنيم مع طارق كان يمشي وراها ويفضل مراقبهم من خوفه وغيرته عليها . وفي يوم علي الغدا شوكت قاعد وأكمل وتسنيم نزلت ملقتش مايا .
تسنيم : اومال مايا فين مش حتتغدا
شوكت : والله ما عارف صباح ندهتلها وقالت شوية كدة
تسنيم : انا حروح اندهلها .
أكمل : سيبيها هي حرة خلينا ناكل من غير سدة نفس دي مبتبطلش غلاسة .
تسنيم : لا طبعا دي حامل ولازم تاكل كويس مينفعش نيسيبهاكدة . انا طالعاها .
تسنيم طلعت أوضة مايا وخبطت ودخلت ملقتهاش دخلت البلكونة لقتها قاعدة وبتشرب سجاير وكمان فيها مخدرات مش عادية .
تسنيم : اتصدمت . يا نهار ابيض انتي أكيد مجنونة . في واحدة تشرب الزفت ده وهي حامل . حرام عليكي .
مايا : ششش ايه ماتعلي صوتك أكتر خليهم يسمعوكي . وبعدين انتي مالك انا اللي حامل ولا انتي .
تسنيم : لا يا ستي انتي اللي حامل . بس اللي بطنك ده ابقي خالتوا وحقه وحقك عليا اني انصحك. انتي عارفة ان اللي بتشربيه ده ممكن يعمل ايه في الجنين . كمان أكمل لو عرف حيسود أيامك ده ابنه.
مايا : اوفففف وانتي مالك ياباردة وقال أكمل بيقول عليا انا اللي باردة وانتي ايه بقي . عموما أكمل مش حيعرف الا اذا قولتيلوا وساعتها بقي حتبقي انتي اللي بتدخلي بينا وتوقعي وطبعا انتي عارفة السبب وانا ساعتها حروح لبابا واقوله اني شاكة ان في حاجة بينك وبين أكمل . اختاري بقي يا سمسمة .
تسنيم : انتي بيتهيألك مفيش حاجة بينها احنا بس قريبين من بعض من صغرنا . وبعدين انا مش حقول لأكمل لكن تفتكري هو مش حايعرف لوحده
مايا : هههههههه ليه ياعني شايفاه بيجي كل يوم ينام في حضني ولا حاجة علشان كدة يعرف ولا هو اصلا بيدخل أوضتي علشان يشم ريحة السجاير . وطبعا البركة فيكي انتي .
تسنيم : انتي الكلام معاكي ممنوش فايدة عن اذنك.
نزلت تسنيم وراحت تقعد وطبعا باين عليها الزعل .
شوكت : ايه كل ده وبرده من نزلتش معاكي .
تسنيم : معلش يا بابا هي تعبانة ودلوقتي دادا صباح تطلعلها أكلها فوق.
شوكت : انا داخل المكتب .
أكمل : مالك يا سمسمة هي الغبية دي زعلتك في حاجة. انا قولتلك سيبيها تتفلق مسمعتيش كلامي .
تسنيم : عيطت . أكمل ممكن تبعد عني ومتتكلمش معايا تاني احنا كل يوم بنتورط أكتر والوضع ده ميرضيش حد تتجوز واحدة وتقضيها حب مع اختها حرام عليك انا كل يوم بكره نفسي واحتكرها انا ليه ابقي كدة علي أخر الزمن ليه ابعد عني يا أكمل وياريت لو شوفتني متكلمنيش . وقامت تسنيم وطلعت أوضتها .
أكمل : اتغاظ وجز علي سنانه وخبط الترابيظة بإيده . اه يا مايا الزفت انتي اكيد قلتلها كلام يسم البدن بس والله ما انا عاتقك وحوريكي يا بجحة انتي يا باردة . وقام أكمل راح أوضة مايا ودخل علي طول من غير ما يخبط ولقاها في البلكونة بتشرب السجاير وبتتكلم في الفون وبتضحك .
أكمل : تصدقي ان حلال فيكي اني اشيلك وارميكي من هنا دلوقتي .
مايا : اتخضت ورمت السيجارة وقفلت الفون بسرعة . ايه وووانت مالك خليك في حالك .
أكمل : انا لو عليا اسيبك تتفلقي بس لازم تفهمي طول ما ابني في بطنك تحترمي نفسك وتراعي انك حتبقي ام مش حقولك زوجة علشان ده ميفرقش معايا لكن انتي حتبقي ام افهمي .
مايا : قربت من أكمل واتعلقت في رقبته . طيب ليه مبقاش زوجة وام مع بعض. أكمل حتفضل لكد امتي بعيد كدة دي هي مرة واحدة من يوم فرحنا .
أكمل : انا بس نفسي أعرف انتي ازاي قادرة تعملي كدة ازاي . هو انتي كنتي بتحبيني اصلا ولا انا بحبك انتي مش كنتي بتحبي اياد وكمان كنتي علي علاقة معاه يبقي ايه بقي اي حد يجي في سكتك عادي مفيش احساس ولا مشاعر انتي ايه مبتفكريش غير في كدة .
مايا : انا اه كنت بحب اياد ومكدبش عليك لسة بحبه بس انا انسانة وليا احتياجات وانت جوزي ولازم تديني حقوقي .
أكمل : انا مشفتش بجاحة كدة تصدقي حتكون أكبر غلطة في حياتي انك اتحسبتي عليا زوجة في يوم من الايام وكمان حتكوني ام ابني دي كارسة والله .
مايا : انت بتحب واحدة تانية مش كدة
أكمل : لا والله ناصحة لسة واخدة بالك دلوقتي .
مايا : هي مين .
أكمل : وانتي مالك يخصك في ايه ملكيش دعوة.
مايا : اممم بس تتعرف انا تقريبا عارفة هي مين .
أكمل : ههههه ومن امتي الذكاء ده . هي مين بقي
مايا : تسنيم . مش كدة .
أكمل : ملكيش دعوة بتسنيم وشيليها من دماغك . واوعي تفكري تضايقيها تاني بكلامك وتصرفاتك المستفزة دي . علشان بعد كدة أقسم بالله حتشوفي مني اللي محدش شافه انتي سامعة واوعي بقي خليني امشي انا بكره الاوضة دي بتفكرني بليلة سودا . وخرج أكمل علي أوضته ومايا جريت وراه وزقت الباب قبل مايقفلو
مايا : طيب اسمع بقي انت جوزي وحاخد حقي منك غصب عنك مش بمزاجك .
أكمل : انتي أكيد مجنونة امشي روحي أوضتك .
مايا : لا مش حروح والله لو ماخليتني اعمل اللي انا عايزاه لحروح لبابا وماما وكل الناس واقولهم اللي بينك وبين تسنيم وكمان حقول لطارق .
أكمل : اعلي ما في خيلك اركبيه وبرده مش حلمسك انا اصلا مبطقيش ولعلمك لو فكرتي تفتحي بوقك بكلمة عن تسنيم حتكوني انتي الجانية علي نفسك حوريكي ايام سودا .

شوكت وتسنيم سمعه صوت أكمل ومايا بيزعقوا راحوا يشوفوا في ايه
شوكت : ايه يا ولاد صوتكم عالي ليه كدة
مايا :تعالي شوف ابن اخوك المحترم مش عايز يديني حقوقي اومال انا اتجوزت ليه.
شوكت : عيب يا بنتي ميصحش تتكلمي كدة في الحاجات دي أقدامنا كدة خلي الكلام ده بينكم وبين بعض.
مايا : وهو فين ده اللي بينا ماهو علي طول نايم في اوضته وبعدين هو في حد غريب ما خلاص تسنيم حتتجوز طارق واهو تعرف الرجالة بتعمل ايه .
تسنيم : بصت في الارض ولفت علشان تمشي .
مايا : استني يا حلوة لسة الكلام مخلصش مش عايزة تعرفي أكمل ليه مش عايز يكون معايا انا حقولك وقدام بابا .
أكمل : ضرب مايا بالقلم وشدها من ايديها علي أوضتها .
شوكت : أكمل استني يا ابني متوصلش لكدة .
أكمل : وعنيه بطق شرار وجارر مايا من ذراعها . لو سمحت يا عمي دي متربتش وانا بقي طول ماهي علي زمتي حربيها واعلمها الادب .
ودخل أكمل وهو جارر مايا وراه علي أوضة مايا . وقفل الباب
مايا : شوفت اديك جيت برجليك وكمان انت اللي قفلت الباب .
أكمل : لا متحلميش ده بعدك . انا بس عايز اقولك كلمتين . بصي يا زفته انتي انتي عمرك ما كنتي حبيبتي ولا مراتي ولا حتكوني في يوم من الايام . وانتي وانا عارفين احنا اتجوزنا ليه يعني هما كام شهر نتحمل فيهم بعض وبعد كدة كل واحد يروح لحاله وابقي روحي اتجوزي اللي يعجبك واعملي معاه اللي انتي عايزاه . لكن قسما عظما لو اتجننتي وفتحتي تاني موضوع تسنيم ده معايا او معاها او مع عمي حزلك واربيكي ووريكي عذاب يا مايا مفيش ست في الدنيا شفته وده آخر انذار ليكي .
مايا : بجد يا بختها اللي تتحب الحب ده كله . انا مش عارفة ليه هي تتحب كدة من حبيبها وانا حبيبي يسيبني ويهرب ليه مش زعلان علياةكدة زي ما انت زعلان عليها
أكمل : بجد مش عارفة علشان لا انتي ولا اياد كنتم بتحبه بعض كان ممكن علاقة اعجاب لكن مش حب . لكن الحب اللي بجد اللي بيني وبين حبيبتي اللي لو الدنيا كلها وقفت قصادي مش حبطل احبها علشان حبها ده هو اللي بيخليني اعيش انا منكرش اني من غيرها ضايع بس لسة قلبي بيدق علشان هي جواه
مايا : عيطت وقعدت . انا ليه الناس كلها بتكرهني محدش بيحبني كلكم بتحبه تسنيم هي فيها ايه زيادة عني هو انا وحشة اوي كدة يا أكمل ده انا كل اللي كان يشوفني يجنن عليا ليه انتوا لا وانت بالذات
أكمل : قعد جنبها . وابتدي يهدي يا مايا الجمال مش بس شكل . لا طبعا ده شكل وروح واخلاق وطباع وتصرفات وكل حاجة . حاولي تتغيري وتكوني احسن وان شاء الله لما نطلق تتجوزي واحد يحبك ونحبيه لكن انا لا يا مايا . والله صعب مقدرش . انا بحب وبحب اوي كمان
مايا :ولسة بتعيط . أكمل ممكن احضنك حضن بس نفسي احس بالامان
أكمل : مكنش عايز بس صعبت عليه وفرد ايده ليها وهي حضنته .
مايا : وهي حضناه اوييي . يا يا أكمل ده حضنك حلو اوي انا كدة عرفت هي ليه بتحبك وليه يوم خطوبتها كانت نايمة في حضنك ومعملتش كدة مع طارق .
أكمل : مايا متفتحيش موضوع تسنيم ده تاني انا مقلتلكيش ان هي اللي بحبها انتي اللي شاكة . ابعدي عنها هي مش ناقصة .
مايا : حسيبها في حالها بس بشرط
أكمل : بنفاذ صبر وهو بيحاول يخرجها من حضنه . مايا احنا لسة قايلين ايه مفيش فايدة .
مايا : لا خلاص مش حضغط عليك بس علي الاقل تبقي تخليني احضنك بس مش انا بنت عمك زي تسنيم وانت بتحضنها عادي اعتبرني زيها ممكن . علشان خاطري
أكمل : بزهق ممكن بس مش حيكون اكتر من كدة فاهمة . اوعي بقي علشان اروح أوضتي علشان البس عندي معاد مهم .
وفتح أكمل الباب وكانت تسنيم معديا وبصت لأكمل بغل وهو فهم وابتسم وغمزلها وراح أوضته
مايا :قلعت الروب بسرعة لما شافت تسنيم وبعد ما اكمل مشي . تعالي يا تسنيم .
تسنيم: كانت بتبصلها ومتغاظة وهي شايفها من غير الروب وافتكرت انها كانت مع أكمل كدة . نعم عايزة ايه
مايا : بتحاول تغيظ تسنيم . باركيلي أكمل صالحني .
تسنيم : والله مبروك . عن اذنك
مايا : مش عايزة تعرفي صالحني ازاي
تسنيم : حاجة متخصنيش انتو حرين مع بعض
مايا : لا ازاي ده انتي اختي ولازم أقولك احنا كنامع بعض بس تعرفي انا مكنتش اعرف ان أكمل بيحب العنف كدة تصوري قالي انه ضربني مخصوص علشان يجي ويصالحني كدة بس بجد انبسط عقبالك ياسمسمة . عن اذنك حدخل اخد حمام . باي . وقفلت الباب
تسنيم : مشيت ونزلت تحت وعمالة تعيط ومتغاظة .
صباح : خدي يا سمسمة ادي الحاجات دي لأكمل . لسة جاية من الدراي كلين
تسنيم : بغيظ . هاتي وطلعت لأكمل وخبطت مردش فتحت الباب ودخلت لقته في الحمام وسمعت صوت المياه . اتجننت. اه يا ابن اللذين ده اللي مش حتقربلها والله لربيك يا أكمل . ومسكت التيشريت بتاعه اللي كان لابسه وهوعند مايا وشمته لقت عليه ريحة البيريفيم بتاع مايا لما كانت حاضنه أكمل . مستحملتش وقعدت تعيط . يارب انا عارفة ان هما اللي حلال وانا اللي حرام بس مش بإيدي اعمل ايه في قلبي يارب خرجه من قلبي انا تعبت والله تعبت وعيطها زاد وسمعت صوت الباب بيتقفل ولفت لقت أكمل خرج من الحمام ولافف وسطه بالفوطة .
تسنيم : مسحت دموعها . انت قفلت الباب ليه انا كنت جايبالك الهدوم بتاعتك واوعي خليني اخرج
أكمل : مسك ايديها . مش قبل ما اعرف كنتي بتعيطي ليه وليه بتدعي ربنا يخرجني من قلبك اهون عليكي تتمني انك تسبيني يا تسنيم ده انا محبتش في عمري غيرك .
تسنيم : انفجرت فيه. اه بأمرة ماانت متجوز غيري وبتقضي معاها وقتك ومبسوط وسايبني انا اولع والنار تاكل فيا حس بيا بقي حس انا بموت كل يوم حرام عليك والله حرام
اكمل : اخدها في حضنه . ششش خلاص اهدي . يا تسنيم اناكام مرة حقولك مفيش حاجة بيني وبين مايا والله هي الليلة اللي قولتلك عليها وبس
تسنيم : والله واللي حصل دلوقتي ده ايه
أكمل : عقد حاجبه . هو ايه اللي حصل مش فاهم
تسنيم : انتوا مش كنتم مع بعض هي قالتلي كدة وكمان قالتلي انك بتحب العنف وضربتها علشان تصالحها
اكمل : ههههههه هي قالتلك كدة . مفيش فايدة مايا دي حتفضل زبالة
تسنيم: يعني محصلش
أكمل : والله ماحصل كل الحكاية انها كانت بتعيط وصعبت عليا وحضنتها بس
تسنيم : بس
أكمل : ههههههههه والله بس وشدها ليه . وبعدين تعالي هنا انتي حلوةكدة ليه النهاردة
تسنيم : ابتسمت . اوعي خليني اخرج
اكمل : حضنها . تؤتؤ مفيش خروج.
تسنيم : أكمل انسي انك تقربلي تاني والله ماحيحصل كفاية اللي حصل قبل كدة
أكمل : متخفيش انا مش حلمسك تاني غير وانتي مراتي. اتفقنا
تسنيم : اتفقنا اوعي بقي خليني اخرج
اكمل : طيب هو طلب واحد .
تسنيم : طلب ايه
أكمل : انتي عارفة واحدة بس وحياة كيمو يا شيخة
تسنيم : انسي ابدا اوعي بقي
اكمل : شدها وبسها بالعافية . والباب خبط
تسنيم : اتخضت . يا نهار ابيض مين اللي جاي لو حد شافني حيقول ايه
أكمل : ششش ادخلي البلكونة واوعي تخرجي فاهمة ياللا.
أكمل فتح الباب لقي مايا
أكمل: اهلا خير
مايا : واااو. انا اول مرة اشوفك كدة من يوم جوازنا بس ايه العضلات دي ده انت حكاية
أكمل : مسح وشه وشعره بإيده وهو متغاظ . انتي عايزة ايه جاية ليه
مايا : ابدا كنت جاية اقولك اني راحة النادي مش احنا اتفقني نبقي صحاب
أكمل : اه طبعا روحي مع الف سلامة .
مايا : باي . وهي ماشية غمزته . موزززز الله يخربيتك
اكمل : قفل الباب وهو بيضحك . هههههههه
تسنيم : خرجت من البلكونةمتغاظة. مبسوط اوي يا حبيبي من معاكستها ليك
اكمل : ههههههه اصل بصراحة البت اختك دي شمال مش معقولة محسساني انها متربية في الشارع . بس سيبك انتي انتي عمرك قولتيلي يا مزز انت زيها كدة
تسنيم : اااانا مبعرفش اقول الكلام ده . ولو مش عجبك روحلها يا حبيبي هي تقعد تعاكس فيك
أكمل : ابتسم لا ياروحي انتي عجباني زي ماانتي كدة ببرائتك وكسوفك ده ده انا بعشقك
تسنيم : ههههه اوعي بقي انا ماشية وخرجت

وبعد مرور شهر جه يوم حصل فيه حاجة خلت تسنيم تمشي وتهرب وتسيب البيت وتسافر بعيد عن اكمل ومايا وطارق . بس ايه اللي حصل في اليوم ده

(((الحلقة التاسعة عشر )))

وبعد شهر كمان وتسنيم كان بقالها 3شهور مخطوبة لطارق . وكانوا بيخرجوا بس مش كتير تسنيم مكنتش قادرة تقرب من طارق حبها لاكمل واخد قلبها كله ومش قادرة تكون لغيره .
وفي يوم طارق كان عند تسنيم في البيت وقاعد معاها ومع شوكت
طارق : عمو كنت عايز تسنيم تيجي معايا الفيلا علشان تشوف الديكورات الاخيرة علشان اعرف اكمل
شوكت : وماله لما أكمل يرجع يروح معاكم .
طارق : اتنرفز . أكمل ؟وأكمل مالوه ومال حاجة زي دي .
شوكت : مش اخوها ولازم يكون معاكم ميصحش تروح معاك لوحدها.
طارق : يا عمو هو حضرتك مش واثق فيا طيب حتي مش واثق في تسنيم
شوكت : لا يا ابني متخودهاش بالحساسية دي . انا بس ببقي مطمن عليها وأكمل معاها . ولما تتجوزه ابقي اطمن عليها وهي معاك .
تسنيم : معلش يا بابا انا حروح مع طارق . أكمل شكله حيتاخر وكمان انا مبقتش صغيرة علشان أكمل يدخل في حياتي .
طارق : فرح وابتسم .
شوكت : معقول وده من امتي ده بقي . ده انتي مكنتيش تعرفي تشتري حاجة منغيره.
تسنيم : معلش خلاص كل حاجة بتتغير . عن اذنك يا بابا انا حطلع البس وطلعت تسنيم اوضتها وكانت بتعيط . غصب عني يا أكمل والله غصب عني بس اعمل ايه لازم احاول انساك يمكن اقدر لو بعدتك عن حياتي انا كل ما ببعد بضعف وارجعلك بس ده غلط انت دلوقتي مش منحقي .انت لازم تعرف اني ابتديت استغني عنك. ولبست وهي لسة بتعيط . وشوية ابتدت تتماسك ونزلت ومشيت مع طارق وهما بيركبوا عربية طارق. أكمل كان راجع بعربيته وشافهم
أكمل : ودول رايحين فين بقي بالليل كدة وكمان في عربية واحدة انا حروح وراهم
ومشي أكمل وراهم ولقاهم وصلوا فيلا طارق وداخلين . أكمل اتجنن ودي داخلة معاه هنا ليه بقي ليلتكم سودا انتوا الاتنين . وركن عربيته علشان ينزل ويدخلهم .
في الفيلا
طارق : هاه يا سمسمة عجبك الديكور
تسنيم هي من جواها مش فارق لانها اصلا حتفسخ الخطوبة ومش حتتجوز طارق بس مستنية شوية .
تسنيم : اه حلو جديد بس لذيذ
طارق : قرب منها . والله مافي حاجة لذيذة غيرك انتي
تسنيم : بعدت احممم. طارق ارجوك خليك قد ثقتي فيك وبلاش تخليني اندم اني جيت معاك .
طارق : في ايه يا سمسمة احنا مخطوبين وحنتجوز . بقولك ايه تعالي نطلع فوق تشوفي ديكور أوض النوم
تسنيم : ابتدت تخاف من طارق. لالا لا مرة تانية . انا لازم امشي .
طارق : شدها . تعالي هنا انتي مش حتمشي غير لما تتفرجي علي اوضة النوم .
تسنيم : سيب ايدي واوعي . ابعد
طارق : حاول يحضنها . لا مش حسيبك هو انا مش حاجي زي سي اكمل اللي علي طول نايمة في حضنه .
تسنيم : ابعد يا حيوان . أكمل ده ابن عمي واخويا وبرقبتك .
طارق : كدة طيب والله لحرق قلبه عليكي علشان تبقي تدافعي عنه وابتدي طارق يتهجم علي تسنيم واكمل كان خلاص ركن عربيته وراح ضرب الجرس وسمع صوت تسنيم بتصرخ . اتجنن وخبط جامد
تسنيم حاولت تفلت من طارق اللي ابدي يفكلها هدومها وجريت علي الباب وفتحت لقت أكمل رمت نفسها في حضنه وهي منهارة . أكمل كان مصدوم من شاكلها .
تسنيم : اكمل الحقني . الحقني كان عايز يتهجم عليا يا أكمل شوفت بيحصلي ايه
أكمل : حضنها وهو متغاظ . بس يا حبيبتي اهدي اهدي انا جيت ومعاكي تعالي اقعدي في العربية وانا حربي الكلب ده .
أكمل قاعدها في العربية ورجع لطارق وضربه لما كسره وطارق كمان ضرب أكمل بس اكمل ضربه اكتر علشان كان غيران ومغلول منه .
ورجع اخد تسنيم ومشي بالعربية وهي كانت لسة منهارة وبتعيط
أكمل : حبيبتي اهدي والله انا كنت حموتوا بس انا مش عارف انتي ايه اللي جابك معاه البيت ليه جيتي لوحدك
تسنيم : انفجرت خلاص . انت السبب بسببك حياتي ادمرت بسببك اتخطبت لواحد مبحبوش بسببك بموت كل يوم وانت مع اختي بسببك انا بقيت رخيصة عند كل الناس مايا شاكة فيا ومروان سوامني علي جوازه مني علشان عرف غلطيتي معاك وطارق طمع فيا علشان شافني قريبة منك . كل اللي انا فيه بسببك انا بكرهك بكرهك ربنا يخدني ويريحني انا تعبت مش عايزة اشوفك مش عايزة اقعد معاك نزلني انا مش طايقاق
أكمل : كان بيسمعها ودموعه نازلة وهو مش عارف يهديها . تسنيم علشان خاطري اهدي انت مش في وعيك
تسنيم : لا مش ههدي نزلني نزلني بقولك بدل والله افتح العربية وارمي نفسي واموت وارتاح واريحك مني. اوقف .
أكمل: وقف العربية وشاورلها بإيده اهدي اهدي انا مش حقرب منك اهدي علشان خاطري .
تسنيم : فتحت الباب واول ما نزلت وقعت وفقدت وعيها .
أكمل: نزل بسرعة تسنيم . تسنيم ردي عليا قومي علشان خاطري .
ولما ما فقتش شالها وحاطها في العربية ووداها المستشفي . وكلم عمه وقالو علي اللي حصل. وراح شوكت المستشفي يطمن علي تسنيم .
الدكتور : اسف يا جماعة هي بس جالها انهيار عصبي واضح انها اتعرضت لضغط شديد الفترة اللي فاتت.
أكمل : دب بإيده علي الحيطة وهو بيعض علي شافيفه وبيكلم نفسه. انا السبب يا رتني كنت انا. اه يا حبيبتي سيبتك تتوجعي وتحرقي في اعصابك ووقفت اتفرج عليكي .
شوكت : هي فعلا النهاردة حصلها موقف صعب. بس كنت عايز اطمن عليها ينفع .
الدكتور : اه طبعا ينفع اتفضل ادخلها
دخل شوكت وأكمل لتسنيم وكانت نايمة بسبب المهدئ اللي اخدته
شوكت : شوفت الكلب عمل ايه يعني مكنش قادر يصبر لحد مايتجوزه . انا مش عارف اقولك ايه يا أكمل انا من غيرك كنت ضعت يا ابني طول عمرك واقف معايا في الشغل وفي البيت انت ابني اللي مخلفتهوش . حتي مصيبة مايا انت اللي شيلتها والنهاردة لولا انك مشيت وراهم الله اعلم كان عمل فيها ايه. ربنا يا ابني مايحرمني منك .
أكمل : مسك ايد تسنيم وبسها وهو بيعيط وبكلم نفسه. بتشكرني علي ايه ده انا اللي ضيعتها انا اللي عملت فيها كدة مش طارق انا الكلب انا الجبان اللي سابها ووقف يتفرج عليها واتجوز غيرها . انا مستهلش ثقتك فيا ولا حبهاهي ليا.
شوكت : طبطب علي كتف أكمل . انا عارف هي غالية عليك قد ايه ربنا يخليك ليها وتفضل واقف جنبها .
أكمل : روح انت يا عمي ارتاح وانا حفضل معاها مش حسيبها .
شوكت :طيب ما تيجي تروح معايا ونبعتلها مايا هي تقعد معاها .أكمل : لا لالا يا عمي مايا ايه انت عارف مايا وكلامها المستفز . تقولها حاجة تضيقها تتعب أكتر لا روح انت وانا قاعد معاها ولما تفوق حطمنك .
شوكت : خلاص يا ابني اللي يريحك انا ماشي وحجيلها الصبح تصبح علي خير
مشي شوكت وفضل أكمل قاعد جنب تسنيم حضنها و ماسك ايدها وبيملس علي شعرها وبيأنب نفسه انه سمع كلام عمه .
أكمل : حبيبتي عندك حق انا السبب في اللي جرالك . ياريتني ماسمعت كلام عمي ياريتني اختك وسافرنا واتجوزنا . كان زمانك عايشة ومبسوطة معايا . بس اوعدك تولد زفته دي اللي كل اللي احنا فيه ده بسببها اني أطلقها ونتجوز علي طول والله بس انتي ابقي كويسة .
تسنيم : ابتدت تفوق . ولقت أكمل حضنها . عيطت
أكمل : حبيبتي انتي فوقتي وجعتي قلبي عليكي يا سمسمة .
تسنيم : بتعيط ومش بترد .
أكمل : انا عارف انك زعلانة مني وانتي عندك حق في كل اللي قولتيه انا السبب في كل اللي جرالك يارتني اموت واريحك انا اللي لازم اموت مش انتي انتي متعرفيش لما قولتي كدة قلبي وجعني والله .
تسنيم : عيطت . لا متقولش كدة. انا ممكن مكنش مراتك ولا معاك بس كفاية اني اشوفك قدامي . ياريت كان بإدي اكرهك او انساك كنت عملت كدة من زمان
أكمل : باس ايديها. حبيبتي لسة بتحبيني بعد كل ده.
تسنيم : الحب مش بإيدينا يا أكمل نحب وقت مااحنا عايزين ونكره وقت مااحنا عايزين . حبك ده اتولد معايا وعاش معايا وحموت وهو معايا
أكمل : دمع وحضنها اكتر . حبيبتي صدقيني محدش ممكن يفهم ولا يستوعب احنا بنحب بعض ازاي . انا بحبك حب لو الدنيا كلها قالت عليا مجنون وببالغ ولا حيفرق معايا حفضل احبك لحد ماموت . تسنيم ارجوكي سامحيني انا اذيتك كتير من زمان حرمتك مني ومن حبي علشان جبان وخايف اصارح عمي . ويوم مااشجعت وصارحتك عملت فيكي عملة واحد ندل وخاين ولما جيت اصلحها اتراجعت علشان عمي تاني علشان جبان. وحتي لما اتنزلت واتجوزت مايا ضعفت معاها في اول ليلة ليا معاها وانتي ساعتها كنتي قاعدة في الجنينة بتعيطي علي واحد مايستهلش . انا اسف يا حبيبتي كان لازم ارفض طلب عمي كان لازم اخدك ونتجوز ونبعد بعيد . حقك عليا اوعي في يوم تكرهيني . اوعي
تسنيم : دموعها مبتقفش . خلاص يا أكمل اللي حصل حصل وانت دلوقتي
بقيت زوج واب ولازم تحاول تعيش مع مايا ومع الوقت حتتعود عليها .
أكمل : انتي بتقولي ايه ده مستحيل يحصل انا مش ممكن اسيبك انا اتجوزت مايا علشان اداري علي عملتها مع اياد مش علشان تفضل مراتي واعيش معاها انا بمجرد ما تولد خلاص لازم انطلقها وتبعد عني بس انتي اوعي تسبيني .
تسنيم : أكمل . انا طول ما انا قدامك عمرك ماحتحب مايا ولا حتقرب منها . وده لازم يحصل علشان ابنكم اللي جاي . علشان كدة اناحسافر وابعد واسيب هنا خالص. وانت ادي نفسك فرصة تقرب من مايا وعيش يا أكمل وانساني انساني خالص
أكمل : انا مش مصدق اللي بتقوليه . ازاي بتطلبي مني كدة وانتي أكتر واحدة عارفة انا بحبك ازاي ومش حقدر احب غيرك .
تسنيم : انا خلاص قررت اول ما حخرج من المستشفي . ححجز علي اول طيارة لدبي واسافر اكمل الشغل اللي وقف هناك
أكمل : انا مش حسيبك انسي انك تبعدي عني انسي انتي سامعة .
وعدي يومين وتسنيم خرجت من المستشفي وحجزت علي طيارة دبي وفي ليلة كانت تسنيم مسافرة الصبح وواقفة في بلكونة أوضتها وأكمل دخل بلكونة اوضته وبيكلمها
أكمل : تسنيم بلاش ارجوكي متسافريش انا مقدرش اعيش من غيرك
تسنيم : بتعيط ومبتردش
أكمل : تسنيم ردي عليا انتي من امتي كنتي قاسية كدة ايه اللي غيرك .
تسنيم : دخلت من قدامه وقعدت في البلكونة . وشغلت الاغنية دي (راجع لعمرو دياب )(راجع بتقولي اللي ما بينا وبتسألني مكملناش . اسأل روحك مين استني ومين استغني وباع ببلاش . ردي عليك مبقاش حيفيدك ضعت وضيعتني من ايدك . يا خسارة بتيجي الحاجة لما الواحد ميعزهاش . مش ناسي كلامك في وداعنا ولا قسوة قلبك وعنيك كنت بقولك خليك جنبي متهزتش وهنت عليك . بقي مش عارف ايه غيرني يا برئ يا حنين يا ملاك . حبعد علشان بتفكرني بالجرح اللي انا عشته معاك . ردي عليك مبقاش حيفيدك ضعت وضيعتني من ايدك يا خسارة بتيجي الحاجة لما الواحد ميعزهاش )
أكمل كان بيسمع وهو بيتقطع وعارف انها تقصد لما قالتلو قبل جوازه من مايا انهم كان المفروض يتجوزه ويسافره وملهمش دعوة بمشكلة مايا وانها المفروض انها هي اهم انه يتجوزها خصوصا بعد اللي حصل بينهم . بس هو خاف علي عمه من الصدمة ووافق واتجوز مايا وساب تسنيم تتوجع كل يوم وهو بيتفرج عليها .
وعدت ليلة من اصعب الليالي عليهم هما الاتنين . هي مش عارفة ازاي مش حتشوفه كل يوم وهو مش عارف ازاي حيعيش من غيرها ليلة كلها الم ووجع وعذاب علي الاتنين .
وجه تاني يوم الصبح وخلاص تسنيم حتسافر

((((أقدار الحب)))) بقلم ريحانة الجنة

(((الحلقة العشرون)))

وتاني يوم تسنيم خلاص مسافرة وأكمل رايح يوصلها المطار والاتنين في العربية أكمل كان حاسس انه رايح يودع قلبه وروحه وكل دنيته وبيحاول يمسك دموعه وتسنيم كمان بتحاول تمسك نفسها ومتعيطش . وأكمل مش لاقي كلا يقولوا ولا يوصف اللي هو حاسس بيه وكانوا الاتنين ساكتين وأكمل راح شغلها الاغنيه دي (وحياتي خليكي لعمرو دياب )( من غير ما اقول. من غيرما اقولها هتعرفي احساسي ايه من قلبي لو هتقربي حتحسي بيه وتصدقي .وحياة عنيكي انتي اللي عاش قلبي انا يدور عليكي . وخلاص لقيت كل اللي ياما حلمت بيه في اللحظة دي. وحياتي خليكي مع قلب دايب فيكي .وليل نهار بيقول ياحبيبي. وحياتي خليكي وعنيا تقولها لعنيكي . حقول لمين غيرك يا حبيبي . هتمني ايه وانتي معايا وبين ايديا اتمني ايه غير ان قلبي يحضنك وتحضنيه وتحسي بيه . وحياتي خليكي مع قلب دايب فيكي وليل نهار بيقول يا حبيبي . وحياتي خليكي وعنيا تقولها لعنيكي حقول لمين غيرك يا حبيبي . وحياتي خليكي )
تسنيم سمعتها وعيطت كتيير
أكمل : عشان خاطري خليكي جنبي انتي عارفة ان انتي روحي يا تسنيم والله مش حقدر اعيش من غيرك والله مش حقدر متبقيش عنيدة بقي انتي عمرك ما كنتي كدة . تسنيم ازاي حتقدري تعيشي من غيري مش حوحشك .
تسنيم : ودموعها كتيييير . ارجوك كفاية انا مش متحملة اسكت اسكت يا أكمل لحد ما اوصل المطار مش عايزة اسمع حاجة .
أكمل وصلها المطار ودخلها وهما خلاص تسنيم داخله واكمل واقف ماسك وشه وراسه وبيحاول ميدمعش وعينه عليها . تسنيم ماشية وحاسة ان قلبها هو اللي وراها مش أكمل . لفت وبصت عليه لقت عنيه كلها رجاء انها متسافرش جريت عليه وحضنته جامد وهو كمان حضنها اوييي
أكمل : خليكي . خليكي يا قلبي وحياتي عندك متسبينش حموت من غيرك يا تسنيم . ارحميني .
تسنيم : خلاص يا أكمل مبقاش ينفع . انا لازم ابعد انا تعبت مش قادرة
أكمل :يعني حترتاحي وانا بعيد عنك.
تسنيم : خرجت من حضنه . سلام يا أكمل حتوحشني .
ومشيت تسنيم وأكمل فضل باصص عليها لحد ما اختفت من قدامه ورجع وهو مهموم ومش عارف ازي حيرجع البيت من غيرها وافتكر الشهرين اللي قضاهم بعيد عنها في دبي وازاي عدوا عليه وقد ايه كانت وحشاه .واول ما دخل الجنينة وقف وافتكر كل مكان ليهم في ذكري حب ولعب وهزار
أكمل : يارب انت بتعاقبني علي غلطتي مع تسنيم بس والله انا بحبها وكان نفسي اتجوزها
يارب عاقبني بأي شئ الا تسنيم انا مش عارف ازاي الوقت هيعدي عليا ازاي .يارب ده عقاب صعب صعب اوي يعني اتحرم من تسنيم واتجوز مايا وكمان اخلف منها ازاي بس ازاي .
وفضل
ودخل أكمل الفيلا لقي مايا قاعدة مستنياه ولابسة لانجري خطيييير وميكب وزي القمر .
أكمل : بغيظ وغل . انتي ايه اللي مقعدك كدة
مايا : مستنياك يا حبيبي ايه اللي آخرك كدة من الصبح من ساعة ما وصلت تسنيم مرجعتش حتي بابا قالي انك مروحتش الشركة وتليفونك مقفول .
أكمل : وهو طالع ملكيش دعوة اروح مكان مروح .
مايا : جريت وراه وشدته . وبعدين يا كيمو مش خلاص مشيت وسابتنا خلينا نعيش بقي سيبلي نفسك انت بس وانا حخليك تنساها واوعدك .
أكمل : كان حتي مش باصصلها . لو فكرتي انك تقربي مني تاني حتزعلي من اللي حعمله . انتي ام ابني وبس وحتي ده كمان جه بالغصب وانتي عارفة . فأحسنلك ابعدي عني الكام شهر اللي فاضلين دول بدل والله حنسي انك حامل وحنزل فيكي ضرب لحد ما فش غيلي منك انت السبب في كل اللي بيحصلي انتي السبب في بعد حبيبتي عني ابعدي بقي ربنا يخدك .
وطلع أكمل أوضته وقعد يبكي لحد تعب وفتح تليفونه وكلم تسنيم في شقة دبي …….
تسنيم : الو
أكمل : حبيبتي . طمنيني عليكي انتي كويسة .
تسنيم : اتنهدت . اه اه يا أكمل كويسة . أكمل لو سمحت متتصلش بيا تاني انا سافرت علشان ابعد عنك وتبعد عني مش علشان نفضل نتكلم اعذرني يا أكمل لو اتصلت تاني مش حرد عليك .
أكمل : قام وخبط الدولاب . ايه بقي حرام عليكي انا بموت وانتي بتكملي عليا ارحميني حتي التليفون اللي حكلمك فيه واطمن عليكي واسمع صوتك مستكتراه عليا والله حرام بقي كدة انا تعبت تسنيم انا لو طلقت مايا دلوقتي واخدت ابني معاها وسافرت . حتكوني انتي السبب . انا اصلا مش طايقها ولا طايق اشوفها وكفاية انها السبب في بعدك عني . مش كمان بقي مش حكلمك حتي ولا اسمع صوتك كدة كتير قوي
تسنيم : أكمل انا قولت اللي عندي ومش حغيره وحتي لو انت طلقت مايا انا عمري ما حكون ليك غير بنت عمك وبس انا مش حقدر اسمع الناس وهي بتقول طلقت اختها علشان تتجوز جوزها ولا ابنك ولا بنتك لما يكبر يفتكر خالتوا خاينة وخطفت ابوه من امه . اكمل انا قولتهالك حكياتنا خلصت . سلام يا أكمل .
وقفلت وأكمل كان مخنوق وحدف التليفون في الارض وكان رايح جاي ومش عارف ولا فاهم الايام اللي جاية حتعدي عليه ازاي
أكمل : يارب يعني انا اعمل ايه دلوقتي انا اروح اخنق اللي اسمها مايا دي واخلص منها كان يوم مهبب اللي رجعت فيه يا ريتها كانت هربت مع اياد وخلصنا منها .

وعدي كمان 4 شهور علي سفر تسنيم وكانت عند كلامها لبتكلم أكمل ولا حتي بترد عليه وده مكنش سهل عليها . كانت بتتقطع وهو كمان كانت طول الوقت بتتفرج علي صورهم مع بعض وصوره هو لوحده كان واحشها لابعد حد . اما أكمل كان طول الوقت بره البيت وحتي مبيكلش في البيت مكنش عايز حتي يشوف مايا ولا يسمع صوتها وكان في يوم قاعد في مكان هادي بعربيته وبيحاول كالعادة بيحاول يكلم تسنيم بس هي مش بترد كان مخنوق وقاعد بيسمع الاغنية دي (اغيب لعمرو دياب)( اغيب اغيب واسأل عليه عايش ازاي وبيعمل ايه بيقولوا مش قادر ينسي عايش بيتعذب لسة . اغيب واقول ده زمانه نسيني ماهولو ينسي حينسي . طول ماهو فاكر حفضل فاكر ايوة اومال انا بسأل ليه. اداري ايه انا ولا ايه ده ياشوق فيا اللي فيه . ده حالي اصعب من حالوا جرالي اكتر ماجراله . اغيب واقول ده زمانه نسيني ماهو لو ينسي حينسيني . طول ماهو فاكر حفضل فاكر . ايوم اومال انا بسال ليه. )
اكمل : اه يا سمسمة وحشتيني وحشتيني اوي ولو قعتي العمر كله بعيد عني حتفضلي توحشيني .

وهو قاعد تليفونه رن عمه شوكت
أكمل : الو ايوة يا عمي
شوكت : أكمل تعالي بسرعة مايا بتولد
أكمل: استغرب . بتولد دي لسة في اول التاسع
شوكت : انا عارف بقي هي تعبانة وانا واخدها علي المستشفي وانت حصلنا بسرعة
أكمل : قفل التليفون وركب عربيتة وراح بشوف مايا وكان مش فرحان كان نفسة يسمع الخبر ده وتكون تسنيم هي اللي بتولد . بس راح علي المستشفي . وشوكت قاعد
أكمل : ايه الاخبار ولدت .
شوكت : لسة الدكتور بيقول لسة قدامها للصبح .
أكمل : ربنا معاها .
شوكت : انا كلمت نسرين علشان تيجي لازم تكون جنبها وكمان كلمت تسنيم وقالتلي انها حتحجز في اول طيارة وتيجي الصبح
أكمل فرح وعنيه لمعت اكتر مافرح ان مايا حتولد بنته لان مايا كانت حامل في بنت .
أكمل :بجد يعني سمسمة جاية
شوكت : اه وحقولك علي معاد وصولها علشان تروح تستناها
أكمل : ده انا حروح من دلوقتي دي وحشتني اوي يا عمي
شوكت : مش أكتر مني يا بني والله انا عمري ما اقعدت الفترة دي من غيرها .
أكمل : هي قالت جاية في طيارة كام
شوكت : استني كدة قالتلي حبعتلك المعاد ورقم الرحلة علي التليفون
اكمل : شد منه التليفون وهو فرحان وملهوف . اه تمام دي طيارة 7 الصبح انا شوية كدة وحروح استناها .
وفعلا عدي الوقت ده علي أكمل اكتر من ال4شهور اللي فاتوا كان حيتجنن ويشوف حبيبته سمسمة وراح اكمل علي المطار علشان يجيب تسنيم وكان واقف مستنيها تخرج وخرجت وشافها