مع وقف التنفيذ بقلم دعاء عبد الرحمن ج3

أنتفض عمرو وفارس وبلال مرة اخرى وأهتزت أجسادهم بعنف وهم يسمعون عن اغت…صاب النساء أمام أزواجهن نكاية بهم وفرطاً فى تعذيبهم … نظر ثلاثتهم إلى الرجلين وقال لهما فارس :
– أنتوا تهمتكوا أيه
قال رجل الاول بخفوت :
– أنا أصلا مش من القاهره أنا من سينا عندى محل تصليح غسالات من يومين لقيتهم هجموا عليا وقلبوا المحل وغمونى وخدونى فى عربية ولقيت نفسى هنا قدام الظابط وواحد تانى بيقولوا عليه وكيل نيابه

هتف فارس فجأة عذبوك قدام وكيل النيابه اومال مين اللى بيطبق القانون
أجابه الرجل :
– قانون مين يا استاذ وكيل النيابه هنا زيه زى الظابط اللى بيعذب بالظبط ثم اردف قائلا :
– وكل اللى طالع عليهم مين اللى اشترى منك التايمر من يومين ..اقولهم انا بصلح غسالات وطبيعى اى حد يشترى تايمر غساله من عندى ..يقولولى أنت كداب يابن ال ـــــــــــــــــ وفجأة لقيت الظابط ولع سيجارة وقالى لو السيجاره دى خلصت من غير ما تعترف هتكره اليوم اللى اتولدت فيه .. فضلت احلفله مفيش فايدة لحد ما قام من ورا مكتبه وقالى أنا هعرفك مين هاروون باشا

وبعدين ندى على المخبر وقالوا حضرلى التونيك
قال عمرو :
– ايه التونيك ده
أجابه الرجل :
– ده الجهاز اللى بيصعقونا بيه بالكهربا
وفضلوا يعذبوا فيا بالكهربا وانا عريان وفى الاخر … ثم اشار للرجل الاخر وقال لقيت الراجل ده جايبينه برضه متغمى وبيقولولى هو ده اللى اشترى التايمر منك ؟..بصتله كده وقلت لاء نظر لهم الرجل الاخر وقال :
– انا اصلا من القاهرة اللى هيودينى سينا علشان اشترى تابمر غساله

خدونى من بيتى من وسط ولادى وشالوا النقاب من على وش مراتى وكانوا عاوزين يعتدوا عليها قدامى
لولا ستر ربنا وكل اللى طالع عليهم أنت بتصلى الفجر فين وسايب دقنك ليه زى ما تكون صلاة الفجر تهمه ودقنى جري..مه …
فضلوا يعذبوا فيا اربع ساعات كهرباء ولما عرفت أنطق قلتلهم عاوز اصلى وقف الظابط قدامى وقالى انا القبلة صليلى …
قول سبحان هارون وبحمده سبحان هارون العظيم ….فضلت ابكى واقوله خاف ربنا ..يقولى ربنا مين مسمعتش الاسم ده قبل كده ..

تابع الرجل الاول حديثه قائلا :
– كان حلقى بيتقطع من كتر التعذيب قلتلهم عاوز اشرب رد عليا واحد منهم قالى مينفعش يا حبيبى أحنا خايفين عليك
أنت متوصلك كهربا فشر السد العالى لو شربت هتموت..أول مرة أحس ان روحى بتطلع وترجع تانى مكانها وهما معلقنى على العروسه بتاعتهم