مع وقف التنفيذ بقلم دعاء عبد الرحمن ج3

دخل شقته وهو يلف ذراعه حول كتفها وهو يقول للدكتور حمدى :
– أتفضل يا دكتور أتفضل
ثم نظر الى أم يحيى التى كانت تقول بفرحة :
– ألف حمدلله على سلامتك يا دكتور
أبتسم فارس وهو يومىء برأسه قائلا:
– الله يسلمك يا ست أم يحيى

تجولت عيناه فى المكان سريعاً … كان يتوقع أن يراها ولكنها غير موجوده .. تحول بنظره إلى المطبخ فربما تكون هناك وهنا قالت والدته وهى تضيق عينيها بمكر :
– بتدور على حد ؟
ألتفت برأسه إليها وقال متلعثماً :
– ها لالا مفيش ..أنا بس هموت من الجوع وحشنى أكلك اوى يا ماما

قالت وهى تشير لعينيها :
– من عنيا يا حبيبى
سمع أم يحيى وهى تقول موجهة كلامها لأم فارس :
– هى البت مُهرة مش كانت واقفة معانا فى البلكونه أختفت فين البت دى فجأة
قالت أم فارس مبتسمة :
– شكلها طلعت فوق

ظلت مُهرة واقفة أعلى الدرج أمام باب شقتها لا تعرف ماذا تفعل تخاف من مواجهته وان ينظر إليها بعد الخطارة التى كتبتها على ظهر الصورة وأرسلتها إليه قاصدة أن تخفف عنه وتلهمه الحل وهدوء النفس فى حالة معرفته بما فعلت زوجته به ..

وضعت أم فارس الطعام على المائدة بمساعدة أم يحيى التى قالت :
– معلش بقى يا دكتور لو لقيت الاكل فيه حاجه متعيبش عليا أصل مُهرة هى اللى عامله معظمه تقريبا .. جلس إلى المائدة هو والدكتور حمدى وهو يقول لها :
– تسلم ايدها وايدك يا أم يحيى .. تنتحنح ثم قال :
– هى عامله ايه صحيح .. فى الامتحانات يعنى

قالت أم يحيى بتلقائية:
– الحمد لله يا دكتور نجحت بالعافيه بس معذورة والله دى بتذاكر جامد أوى وشاطره بس ابوها لما ضربها ومنعها من الدروس والخروج نفسيتها تعبت
أعتدل فارس وقطب جبينه وقال بضيق :
– وابوها يضربها ليه يعنى

وضعت أم فارس يدها على كتف أم يحيى وقالت :
– خلاص بقى يا أم يحيى سيبيهم ياكلوا
كرر فارس جملته مرة أخرى بتصميم فقالت أم يحيى :
– أصله كان عاوز يرجعها للواد اللى اسمه علاء ده وهى رفضت ونشفت دماغها قام ابوها أتغاظ منها شويه كده
ومد ايده عليها وكان هيمنعها من الامتحانات كمان لولا الست أم فارس جات خدتها بالعافيه من فوق وقعدتها معاها هنا لحد ما خلصت امتحانات

نظر فارس لوالدته التى قالت على الفور للدكتور حمدى :
– معلش يا دكتور وجعنالك دماغك .. ونظرت إلى فارس وقالت :
– يالا بقى اتغدوا انتوا على ما نعملكوا الشاى