مع وقف التنفيذ بقلم دعاء عبد الرحمن ج3

أعادت مُهرة قراءة الخطاب فى ترتت وبصوت مضطرب … بينما أخذ وجه أم فارس متقع وهى تحدق فى الراغ حتى أنهت مُهرة قراءته فرفعت وجهها إلى أم فارس وربتت على كتفها قائلة :
– ماما الله يخاليكى أهدى شويه أنتى الضغط بيعلى عندك بسرعة
لمعت الدموع فى عينيها وهى تقول :
– يا حبيبى يابنى وكنت كاتم فى نفسك كل ده وساكت طب ليه يا فارس سكت ليه
نظرت لها مُهرة بعدم فهم وقالت متسائلة :
– يعنى أيه الكلام ده هو فارس كان عارف

عقدت حاجبيها وهى تقول غير مصدقة :
– مش عارفه اذا كان عارف ولا لاء بس كل تصرفاته بعد رجعوا من اسكندرية كانت بتقول أنهم مش كويسين مع بعض ..
مع أنهم مكانش لسه بقالهم اسبوع متجوزين جديد .. وهو شكله كان كأنه شايل هم كبير أوى ومش عارف يا حبيب أمه يتكلم مع حد ..
دمعت عينيها وهى تقول بتاثر :
– أتاريه مكنش عاوز يفضحها .. تقوم فى الاخر تعمل فيه كده .. بقى يسترها ويخبى سرها وفى الآخر تبهدله البهدله دى وكل ده علشان انت طمعانه فى القض..يه وفلوسها ..

وضعت مُهرة الخطاب بجوارها ولفت ذراعيها حول ذراع أم فارس واسندت رأسها على كتفها وقد أنزلفت دمعتين من عينيها فى صمت ..
ثم قالت :
– مش لازم يشوف الجواب ده يا ماما أحنا لازم نقطعه ده ممكن يتهور ويعمل فيها حاجه
قالت كلمتها ومدت يدها للخطاب وقبضت عليه فى راحتها تريد بقوة ونهضت لتلقى به فى القمامه ولكن أم فارس أوقفتها وجذبت الخطاب منها وقالت بتصميم :
– مش هنسترها تانى لا انا ولا أبنى خلاص .. لازم يشوف الجواب ولام تاخد جزائها علشان نارى تبرد شويه وأنا عارفه انه مش هيأذى نفسه بس كفايه انه يبرد ناره شويه ويعرف اللى حواليه عملوا فيه كدا ليه …

مسحت مُهرة دموعها براحتيها عندما سمعت رنين هاتف المنزل وتوجهت لتجيب المتصل وهى تقول :
– السلام عليكم

أتاها صوتاً محملاً بالفرحة واللهفة .. صوتاً كان ولا يزال محملاً بالحنان الجارف دائماً ..
سقطت السماعة من يدها المرتعشة على اثر المفاجأة الغير متوقعة عندما سمعته يقول بشوق :
– مُهرة …
ألتقطت السماعة سريعاً ووضعتها على أذنها غير مصدقة وأم فارس تنظر إليها متعجبة منها ولكن دهشتها زالت وقفزت فرحاً من مكانها عندما سمعتها تقول بأنفاس متقطة :
– فارس …

أخذت أم فارس سماعة الهاتف من يدها ووضعتها على أذنها تمسكها بيدها الاثنتين فى شوق ولهفة وهى تقول :
– فارس أبنى أنت بتتكلم منين