مع وقف التنفيذ بقلم دعاء عبد الرحمن ج3

أغلقت أم فارس الهاتف وهى تنظر له مندهشة وتقول متعجبةً:
– غريبة اوى كنت فكراها هتطير من الفرحه مش عارفه كلمتنى كده ليه أنا قلبى مش مطمن
قالت مُهرة بسرعة :
– خلاص يا ماما متزعليش نفسك انا هحاول مع علاء تانى

نظرت لها أم فارس غير راضية وقالت بإستنكار :
– لاء مش عاوزين منه حاجه مش كفايه اللى عملوا فيكى قبل كده هترجعى تتزليلوا تانى
نظرت أمامها بشرود وهى تقول بخفوت :
– زى بعضه تانى وتالت كله فداهم

****************************************

وضعت أم يحيى أكواب الشاى أمام علاء ومُهرة وهى
تقول برجاء:
– معلش يا علاء علشان خاطرى أنا حاول
هز علاء رأسه نفياً وهو ينظر إلى عينيى مُهرة الراجية ويقول :
– كله إلا سمعتى مقدرش أنا نجم ولو سمعتى حصلها خدش واحد موهبتى مش هتنفعنى
نظر له يحيى بإزدراء لأول مرة يراه على حقيقته زال اإبهار الذى كان يشعر به تجاهه وقال بنفور :
– كل ده ميجيش حاجه قدام حياة تلاته كنا بنعتبرهم مثلنا الأعلى

نظر له علاء مهكماً وقال بسخرية :
– مثلك الاعلى أنت مش أنا

شعرت مُهرة ببغض شديد تجاهه وهى تتبادل النظرات المعاتبة مع والدتها وهى تقول موجهةً الحديث إليه :
– والدكتور بلال ميخصكش هو كمان مش ده كان ليه فضل عليك بعد ربنا
وضع علاء كوب الشاى بعصبية وقال :
– أنا أول مره اعرف أن لما يروح يزور مراته تقعد تكلمه على رجاله تانين أنا لو كنت اعرف كده مكنتش جيت من اساسه ..
هب واقفاً وأنصرف بعصبية ..كان يشعر بوخز الضمير تجاه بلال ولكن كرهه لفارس جعله يتناسى أمرهم جميعاً ..

أقترب يحيى من أخته وهو يقول باسى :
– معلش يا مُهرة متزعليش نفسك

نظرت لوالدتها مرة أخرى وهى تقوله :
– انا مش زعلانه منه أنا زعلانه عليه اللى زى ده بيفضل طول عمره عايش لنفسه وبس
علشان كده لما عمره هيخلص محدش حتى هيفتكر يترحم عليه ..

*****************************************

مر شهراً كاملاً ثلاثون يوماً حتى تكونت صداقه بين أبطالنا الثلاث وزملائهم فى الزنزانة
حتى جاء ذلك اليوم الذى فُتحت فيه بوابة زنزانتهم الحديدية معلنةً عن قدوم احد ما …
دخل الشويش المسؤل عنهم وقال بصوته الغليظ أشار ل عمرو قائلاً :
– يالا علشان هتخرج يا عمرو
هب عمرو واقفاً غير مصدق لما سمع ونظر إلى بلال وفارس وقال :
– طب وهما
صرخ الشاويش فيه بنبرة قاسيه :
– يالا ياخويا هى رحله أنت بس اللى هتخرج