خفقات قلب يأبى النسيان

مقدمة الرواية

اسرع الخدم يهرولون ويقومون بفتح باب الفيلا الداخلى على مصرعية
عندما سمعوا صوت بوق سيارة يدق بشكل متقطع
ترجل من سيارتة الفخمة الفارهة
المزينة بباقات الورد والشرائط اللامعة,,,,
قام بغلق ازرار سترتة السوداء الانيقة
,,,,,والتف حول مقدمة السيارة,,,,
وقام بفتح الباب الامامى,,,,
ومد اليها بيدة لتترجل منها بثوبها
الأبيض الجميل الانيق ذو الذيل الطويل
,,,وضعت يدها الرقيقة بين يدة وترجلت من السيارة
,,,,اقبلت عليها سيدة ف العقد السادس من عمرها
وقامت بمساعدتها وحمل ذيل ثوب زفافها
لكى تتمكن من السير براحة دون عناء
دلف بها الى الفيلا ,,,,قام الخدم بتقديم خالص التهاني القلبية
والتبريكات الى العروسين
وتمنون لهم زواجا سعيدا وعمرا مديدا
ابتسمت لهم برقة وشكرتهم على حسن الترحاب
كما سمح لهم سيدهم بالمغادرة الليلة بعد ان اطمئن ان كل شئ على مايرام
على ان يأتون فى ظهر اليوم التالى
امسك بيدها وصعدا الدرج المؤدى الى الدور العلوى
دلف بها الى الغرفة كانت غرفة مهيأة ومرتبة وملائمة تماما لليلة الزفاف
وقفت بمنتصف الغرفة أخذت عيونها تتجولان بأروقة الغرفة الواسعة
جلس على حافة الفراش وطلب منها ان تأتى وتجلس بجانبة
ودار هذا الحوار بينهم ……………..
فارس وهو ينظر اليها……مش عارف اقولك اية بس الطبيعى
ان اول كلمة فى الليلة دى هى الف مبروك
يارا مبتسمة……الله يبارك فيك يافارس
فارس وهو يمنع ضحكاتة……….طب احنا هنعمل اية دلوقت
لم تتمكن يارا من امتلاك حالها فأنفجرت ضاحكة من ماقالة
فارس ببعض الجدية……لاء بجد احنا هنعمل اية يا يارا
تمالكت يارا من حالها وقالت……زى ما اتفقنا طبعا يافارس
واردفت قائلة وهى تنظر الية…..ولا انت هترجع ف اتفاقك
فارس وهو يمد يدة الى جيب سترتة الداخلى
واستل علبة السجائر المستوردة وقداحة من الذهب الخالص
فتح العلبة واستل منها احداهم وقام بأشعالها ليتصاعد دخانها عموديا
ومن ثم اردف قائلا…. لاء مش هرجع ف كلامى اوك زى مااتفقنا طبعا يا يارا
سعلت يارا بسبب دخان السجارة فلم يلاحظ هو ذلك,, ومن ثم
نهض من على فراشه وخرج مغادرا غرفتها
ولكنة قبل ان يغادر غرفتها قال لها………
انا مشيت الخدامين النهاردة
بكرة نشوف حل هنتصرف قصادهم ازاى
ابتسمت لة,,,,, اومأت رأسها بالايجاب
دلف هو الى غرفة اخرى والافكار تتصارع داخل رأسه
وبعد ان انهى سجارتة استبدل ملابسة وخلد الى نوم عميق
اما عنها فقد نهضت ونزعت طرحتها الشفافة واسدلت شعرها الكستنائى
واستبدلت ثوب زفافها بثوب نوم رقيق
ازاحت عن وجهها الزينة ونزعت العدسات الاصقة
لتظهر عينيها الزيتونية الرائعة الجمال التى تتوجها رموشها الكثيفة
اتجهت نحو الفراش ,, استلقت علية واتكأت على الوسادة
واخذت تفكر الى ان غلبها النعاس وانزلقت على وسادتها
واستسلمت تماما الى سلطان النوم

‘•.¸(¯`’•.¸, _______________________ , .•’´¯) .•’´¯)
(¯`’•.¸(¯`’•.¸««««««««««««»»»»»»»»»»»¸.•’´¯).•’´¯)
–==>>>—> البارت الآول<—<<<==– (_¸.•’´(_¸.•’´««««««««««««»»»»»»»»»»»`’•¸_)’•.¸_) (_¸.•’´(_¸.•’´¯¯¯¯¯¯¯¯¯¯¯¯¯¯¯¯¯¯¯¯ `’•.¸_)`’•.¸_) افاقت يارا على صوت تغريد العصافير التى تقف على اغصان الاشجار الخضراء المتواجدة بالحديقة الكبيرة المزدانة بكم هائل من جميع انواع الورود تثائبت فى تكاسل ومن ثم نهضت وتوجهت الى الحمام (اعزكم الله) واخذت حماماً منعشاَ ومن ثم خرجت وهى تلف جسدها بمنشفة كبيرة وتوجهت على الفور الى خزانة ملابسها ارتدت ازدال الصلاة وبعد ان انهت صلاتها ابدلت ملابسها,,,مشطت شعرها ووضعت القليل من ادوات التجميل وحينما انتهت توجهت نحو باب الغرفة وخرجت منها ثم وقفت ف منتصف الممر غرف كثيرة امامها لا تعلم بأى غرفة يتواجد هو الان لم تهتم ,,,,,اكملت سيرها الى ان وصلت الى الدرج المؤدى الى اسفل هبطت الدرج ثم توجهت الى الممر المؤدي إلى المطبخ وقامت بتحضير كوب ساخن ,,,,,, من النسكافيه التى تعشقة فى الصباح الباكر حملتة بين يديها ,,واتجهت الى خارج الفيلا وجلست على الارجوحة المتواجدة بالحديقة ,,,,,, بعد ان انهت كوب النسكافية نهضت واخذت تتجول فى انحاء الحديقة جذب نظرها جمال وروعة الورود ورائحتها الذكية الجميلة ,,,,, قطفت وردة حمراء وتوجهت الى مقعد متواجد بالحديقة وجلست علية اخذت تتأمل الوردة حتى شردت فى ما مضى ::::::::::::::::::: منذ عام كامل ::::::::::::::::::: داخل فيلا د\خالد انور زيدان :::::::::::::::::::::::::::: دلفت الى حجرة مكتبة وجدتة منهمك امام ماكت التصميم الجديد اقتربت منة بغتة وقامت بوضع يديها امام عينية ومن ثم قالت لة مداعبة…. انا ميــــــــن؟؟؟؟؟؟؟ ابتسم وقال……..مش عارف ممكن تغششينى قالت بأمتعاض مصطنع……بقى كدا بردوا يابابى امسك بيدها وادارها حتى اصبحت امامة ,,,قبل وجنتيها الناعمة وقال……. يارا انتى قلب بابى بهزر معاكى اية مفيش حد يقدر يضحك مع بنوتة حبيبتة يارا بحب …….تقدر طبعا ياعيون وقلب وروح يارا واردفت قائلة…قوللى بقى مشغول ف مين غيرى تنهد د\خالد واسند ظهرة الى المقعد الجلدى الاسود وقال ……تعبت قوى يايارا التصميم دة اخد وقت كبير جدا وهلكنى ع الاخر يارا ……طب يابابى كان ممكن اى حد من اللى ف المكتب يقوم بالتصميم دة بدالك د\خالد……لاااا كلة الا التصميم دة دا لازم انا اللى اصممة واشرف على تنفيذة بنفسى نظرت يارا الى التصميم وابدت اعجابها بة كان تصميم رائع وراقى لفيلا تتميز بتصميم معمارى ساحر وكانت الفيلا ذو حديقة كبيرة وبها ممرات واسعة ومسبح كبير الحجم بزاوية جانبية ولاحظت ايضا وجود مكان شاسع كالصحراء قال لها والدها انة اسطبل لامتطاء الخيول فصاحب التصميم يجيد امتطاء الخيول وتعد من اوائل الرياضات المفضلة لدية ومن ثم قالت لة……..تسلم ايدك يابابى طبعا اكيد مميز مدام من ايد اشطر مهندس معمارى ف العالم كلة حاصل على دكتوراة ف الهندسة المعمارية بس قوللى اشمعنى التصميم دة ,,,,هو بتاع مين رد د\خالد مسرعا…….مش وقتة ياغلباوية بعدين هقولك سبينى دلوقت اخلص الفينش الخاص بالتصميم ابتسمت برضا وقالت…..اوك يابابى زى ما تحب د\خالد متسائلا…….قوليلى الجميل القمر متشيك ورايح فين احمرت وجنتيها خجلا وقالت لة…….بعد اذنك يابابى انا هروح النادى العب سكواش مع اصحابى ومش هتأخر هاجى اتعشى معاك د\خالد …….تمام ياحبيبتى متتأخريش علية قبلتة من وجنتية ومن ثم غادرت فى النادى :::::::::::::::: دلفت بسيارتها الحمراء الى النادى,,,ترجلت منها وذهبت بأتجاة الكافيتريا شاهدت صديقتها وهى تجلس على احدى الطاولات وبجانبها كوب من عصير المانجو فتقدمت اليها ,,وعندما شاهدتها صديقتها قالت لها بأستياء……… اخيـــــــراً جيتى يا يارا اتأخرتى لية دا انا مستنياكى من بدرى جلست يارا على المقعد مقابل صديقتها وقالت……. سورى اسيل اتأخرت عليكى شوية اصل كنت قاعدة مع بابى واخدنا الكلام ……. ومن ثم صمتت وبات على ملامحها الاستياء شعرت اسيل بأن يوجد ما يأرق صديقتها فــ اقتربت وجلست على المقعد المجاور لها وتحدثت قائلة………اية هو فتح معاكى موضوع الجواز من ابن عمك تانى تنهدت يارا بحزن وقالت…..مش بالظبط بس تقريبا كدا الموضوع قرب خلاص عقدت اسيل جبينها وقالت….اذاى يعنى مش فاهمة يارا وهى تزفر الهواء الساخن…………بابى بقالة مدة مشغول بتصميم ماكيت فيلا وقرب خلاص ينتهى منة وقاللى انة هيشرف على تنفيذها بنفسة وكان متحمس جدا ولما سألتة بتاعة مين الفيلا دى اتهرب منى وقاللى بعدين اقولك شكلها كدا هتكون الفيلا اللى هتجوز فيها اسيل…..طب هتعملى اية هتتجوزى واحد مشفتهوش خالص الا كام مرة وكمان وانتوا صغيرين ومتعرفيش عنة اى حاجة وعايش طول حياتة ف لندن حتى لو كان ابن عمك صمتت يارا ومن ثم نهضت واستدارت وذهبت بأتجاة التراك ,,,نهضت اسيل ايضا وذهبت خلفها الى تراك النادى يارا وهى تشبك اناملها ……..مش عارفة اعمل اية يا اسيل بابى مصمم انى اتجوزة بحجة انة عايز يطمن علية اسيل….والله شكلهم بيتفقوا من وراكى وهيحطوكى قدام الامر الواقع يارا بغضب…….طب اعمل اية انا مقدرش ارفض ل بابى طلب كفايا انة عايش عشانى طول السنين دى ,,ومفكرش انة يتجوز بعد طلاق مامى منة طأطأت اسيل اصابعها الابهام والوسطى وقالت…..جاتنى فكرة يارا متحمسة …….قولى بسرعة مستنية اية اسيل ……اية رأيك لو تقولى ل باباكى انك بتحبى حد تانى وانة هييجى يتقدملك قريب وبكدا تكونى رفضتى ابن عمك علشان سبب مهم وهو انك مرتبطة بأنسان تانى ضحكت يارا بسخرية ومن ثم قالت بعصبية……..0|10 اسيل متسائلة………صفر لية بس للدرجة دى الفكرة معجبتكيش يارا ……ايوة طبعا انتى عايزانى اكدب على بابى دا من مليون المستحيلات ثم هو فين الانسان دة اصلا وتنهدت قائلة ….انا لسة مقابلتش الانسان اللى احبة ويحبنى ضحكت اسيل وقالت……..يابنتى دا كل زملائنا بالجامعة كانوا هيموتوا عليكى يارا وهى تعقد ذراعيها امام صدرها ………. هيموتوا علية ولا على فلوس بابى ومن ثم تذكرت شئ وقالت……. اخدنا الكلام ونسيت اسألك اومال فين آسر و مها غمزت اسيل اليها وقالت……..اكيد طفشانين هنا فى اى مكان واهو سايب البزار بتاعة وموقف واحد غيرة علشان يفضى لحبيبة القلب ضحكت يارا وقالت……..احسن بردوا اهم يبعدوا عن العزال وياستى خليهم يعيشوا حياتهم زى ما هم عايزين واردفت قائلة…….هم هيتجوزوا امتى بقى فترة خطوبتهم طولت اوووووى اسيل …….والله معاكى حق اهو اسر بيجهز ف الشقة ومستنى مها تخلص كليتها واهى هانت كلها كام شهر وتتخرج ويتجوزوا بقى واردفت بمرح……….عقبالى ياااااارب ابتسما يارا وقالت ……..طب يلا يالمضة نروح نلعب اسكواش مش عايزة اتأخر على ميعاد العشا فى البيت واثناء توجههم الى صالة الاسكواش انضم اليهم كل من آسر ومها اخيرااااا اية كنتوا فين ..قالتها اسيل وهى تبتسم بخبث الى مها آسر…….وانتى مالك بقى مها ……حرام يااسر متزعلهاش ,,,,,توجهت بنظراتها الى اسيل وقالت متزعليش ياسولى هاة كنتى بتقولى اية؟؟ اسيل …..كنت بقول كنتوا فين كل دة مها…ملكيش دعوة….. قالتها واخرجت لسانها بحركة طفولية ضحكت يارا ملئ قلبها وضحك كل من اسر ومها ايضا اما عن اسيل فقد حزنت من ما قالوة لها اقتربت منها مها وقالت …….حبيبتى انتى انا بضحك معاكى ياسولى اسر اخدنى وركبنا خيل ياستى,,,,,,, مبسوطة يارا …..الله نفسى اركب خيل اوى بس بخاف مها ……دى متعة يا يويو متعـــــــة داانا مزوغة من محاضراتى علشان اجى اركب خيل يارا وهى تقترب من مها وتغمز لها بطرف عينيها………. مزوغة من محاضراتك علشان الخيل ولا علشان اسر ابتسمت مها فى خجل ولم تعلق اسر وهو يقترب من اسيل ويضمها الية …. متزعليش منى يا اسيل انتى اختى حبيبتى وانا بضحك معاكى اسيل ..طب يلا صالحنى وهاتلى الاى فون اللى نفسى فية ابعدها اسر على الفور وقال لها……..نهار الوان لاء خليكى زعلانة احسن واوفر يارا وهى تضحك ……..طول عمرك مادية وضحك الجميع بمرح حتى اسيل مها…هاة ياجماعة مش هتتغدوا اسر …ايوة انا جعان اووووى يارا وهى تنظر الى اسيل…….طب يلا نتغدى الاول وبعدين نروح ونلعب اسكواش اومأت اسيل براسها ايجابا علامة على الموافقة واثناء جلوسهم على الطاولة يتناولون طعام الغداء تحدثت يارا عن مشكلتها وللاسف لم يستطع اى احد منهم ان يحل لها هذة المشكلة وبعد ان انهت طعام غدائها توجهت الى صالة الاسكواش بصحبة صديقتها المقربة وابدلت ملابسها لترتدى الملابس الملائمة للعبة وكانت عبارة عن بنطال ضيق وقميص قطنى وحذاء رياضى وامسكت شعرها بمشبك الشعر ووضعت على رأسها كاب بنفس لون الحذاء الرياضى ولعبت لعبتها المفضلة بصحبة اسيل صديقتها المقربة وبعد ان انهكوا من اللعب غادرا الصالة وابدلا ملابسهما جلست يارا مع اصدقائها بــ كافيتريا النادى وظلوا يثرثرون ويضحكون بمرح وعندما اتى المساء ودعتهم يارا وغادرت النادى صعدت الى سيارتها وتوجهت على الفور الى منزلها افاقت يارا من شرودها على يد تربت على كتفها برقة نهضت مسرعة عن المقعد التى كانت تجلس علية فرأتة امامها وضعت يدها بمكان قلبها وقالت……..فارس حرام عليك خضتنى ضحك فارس مقهقهاً وقال……اية يابنتى..اتخضيتى كدا لية انتى ف صحرا هنا انتى ف بيت ابن عمك تقومى تتخضى بالشكل دا واردف قائلا……تعالى بقى نقعد نتكلم ونشوف هنتصرف ازاى قبل مــ الخدامين يوصلوا سارت معة الى ان وصلوا الى طاولة متواجدة بالحديقة سبقها بخطوة الى ان وصل الى مقعد ومن ثم سحبة الى الوراء قليلا لكى تجلس هى علية التف هو حول الطاولة وجلس على المقعد المقابل لها ودار هذا الحوار بينهم…………. فارس وهو يضع يدة امامة على الطاولة ويشبك اناملة….. بصى بقى يايارا احنا اتفقنا اتفاق وانا هحترمة لاخر لحظة واردف قائلا……احنا اتجوزنا وكل واحد فينا مكنش يعرف التانى كويس معرفش غير انك بنت عمى فجأة اجبرنا على الجواز احتراما منك ل باباكى واحتراما منى لعمى اللى ف مقام بابا الله يرحمة يارا بخفوت ………..الله يرحمة ,,,,,,,بس احنا هنتصرف اذاى دلوقت ياابن عمى رجع بظهرة للوراء وقال …….احنا لازم نراعى شعور عمى وكمان لازم ناخد حظرنا من تصرفاتنا قدامة وقدام الناس والاهم قدام الخدامين يارا مبتسمة……… عندك حق انا اسمع ان محدش بيخرج سر البيوت الا الخدم بس انا مطمنة من ناحية دادة كوثر لانها هى اللى مربيانى سافرت ورجعت لقتها موجودة مسبتش بابى وطول عمرها واخدة بالها منى ومن البيت وكل شئ فارس ……تمام بس بردو لازم تاخدى حظرك لانها لو شكت ف اللى مابينا اكيد هتروح وتحكى ل عمى يارا ……اوك اتفقنا هاخد بالى فارس ………اما الخدامين والسفراجية الجداد انا معرفهمش كويس بقالهم معايا 4 شهور بس ولازم ناخد حظرنا كويس .. تمام يارا مبتسمة …….تمام يافارس اتفقنا واردفت قائلة………طب التصرفات هناخد بالنا منها طب والنوم مش معقول عريس جديد وينام بأوضة لوحدة لازم نشفلها حل دى كمان ساد صمت بينهم لثوان ومن ثم تحدثت يارا قائلة… اية رأيك لو تمنعهم من الطلوع للدور الثانى وبكدا مش هيعرفو ان كل واحد فينا لية اوضة مستقلة عن التانى صمت لبرهة وبات على وجهة عدم الاقتناع ومن ثم قال….. لاء طبعا ازاى دة,,,,,,,,, انا عندى فكرة احسن,,,, صمتت يارا ولم تعلق لتحسة على تكملة حديثة والاستماع الى فكرتة اردف قائلا……..انا هجهز اوضة جمبك وهقول للخدامين انها اوضتى وان كل واحد مننا لية اوضة منفصلة وتفتكر هيصدقوا ..هكذا تحدثت يارا فارس ……عادى كتير متجوزين بيكون ليهم اوض منفردة الاهم ان تصرفاتنا تكون طبيعية قدامهم كـ أى زوجين لحد المدة اللى اتفقنا عليها ما تخلص وطبعا ليكى حرية التصرف ف الفيلا زى اى زوجة اومأت برأسها علامة على الموافقة وابتسمت لة ولم تعلق شرد فارس للحظات ,,,,,, نظرت الية يارا وكادت ان تقول شئ ولكنها توقفت ف اخر لحظة تنهدت بصوت مسموع فـ انتبة هو ومن ثم قال لها…….. بتفكرى ف اية؟؟ يارا ……لالاء ابدا مفيش,,,,, صمتت لبرهة ومن ثم قالت……. بصراحة عايزة اسألك عن ايميلى نظر اليها وهو يقطب جبينة ومن ثم قال………مالها ايميلى ضمت شفتاها ومن ثم تحدثت قائلة……يعنى كنت عايزة اعرف هى تعرف حاجة عن جوازنا واتفاقنا ,,,, يعنى حكتلها لما كنت عندها ف لندن قبل جوازنا ب 10 ايام فارس وهو يومأ براسة نفياً……..لالاء خالص ومن ثم نهض واستدار وخطى بعد خطوات صغيرة وتحدث قائلا……. انا بحب ايميلى ,, وزى مــ حكتلك انا وايميلى بقالنا سنتين مرتبطين ,,,,ايميلى مسلمة مامتها بريطانية وباباها مسلم مصرى عاش واتجوز هناك بلندن ومن ثم ابتسم قائلا …كانت بتتكلم عربى بصعوبة جداااا ,,, انا اللى علمتها العربى الصريح ودا كان رغبتها هى وعلمتها بعض العادات والتقاليد المصرية يارا …….كويس ان لسة جواك عاداتنا وتقاليدنا وضع فارس يدة بجيب بنطالة وهو على وضعة يقف ويخطو بعض خطوات بجوارها اكيد طبعا وبدليل انى بقالى اكتر من 7 سنين ف بريطانيا ومنستش العربى ولا عاداتنا كــ مصريين وكمان مبشربش خمور نهائى واسترسل بحديثة قائلاً……..عشت مع عيلة ايميلى 7 سنين ,, باباها رجل اعمال كبير بــ لندن ومامتها معيدة ف جامعة وستمنستر واتواعدنا ع الارتباط لكن تفاجأت بعمى فى يوم بيتصل بية وبيعرض عليا موضوع ارتباطى بيكى ودعت ايمى بحجة انى هظبط امورى بمصر لمدة سنة على امل انى ارجعلها تانى ومحكتلهاش عن ارتباطى بيكى علشان مصدمهاش امتقع وجه يارا ومن ثم قالت لة……..انا اسفة يافارس انا السبب فــ تفرقكوا عن بعض جلس فارس ثانيتاً على المقعد المقابل لها ومن ثم قال…….. متتأسفيش يا يارا انتى ملكيش اى ذنب متقلقيش كل شئ هيتحل بهدووء ومن ثم ابتسم لها بخفوت وقال ………اوعدك ابتسمت لة ومن ثم استـأذنتة لتتجة الى غرفتها عرض عليها تناول وجبة الافطار بصحبتة لكنها قالت لة انها تكتفى باكرا بكوب النسكافية فقط وليس لديها الان رغبة بتناول وجبة الافطار عرضت علية تحضير وجبة الافطار لة قال لها ان لا تبالى فهو سيدلف الى حجرة مكتبة ليتابع عملة الى ان يأتون الخدم دلفت يارا الى الفيلا ,,,,,,صعدت الدرج المؤدى الى غرفتها ,,,, دلفت اليها ومن ثم اتجهت نحو النافذة لتطل منها ظلت تحدق بالمساحات الشاسعة الخضراء التى أمامها والورود الزاهية الالوان لتشرد ثانيتاً فى ما مضى ::::::::::::::::::: منذ اربعة اشهر ::::::::::::::::::: داخل فيلا د\خالد انور زيدان :::::::::::::::::::::::::::: بابى بليـــــز وحياتى انا مش عايزة اتجوز دلوقت د\خالد…..ياحبيبتى انتى بنتى الوحيدة وعايز اطمن عليكى قبل مااموت انتى اتخرجتى دلوقت من كلية الألسن (جامعة عين شمس) المفروض بقى افرح بيكى وبأولادك قبل ما العمر يجرى بية واموت اومأت برأسها نفيا وقالت……..بعد الشر عليك يابابى ربنا يخليك لية وتعيش العمر كلة واردفت بيأس قائلة…….. بس انا معرفش ابن عمى دة ازاى بس اتجوزة داانا حتى مشفتوش من سنين طويلة واسترسلت فى حديثها قائلة …….انا جيت من المانيا وهو سافر على لندن د\ خالد وهو يحاوط وجهها بيدية………حبيبتى هو هيوصل بكرة من لندن هنعمل خطوبة لفترة قصيرة تقدرى تتعرفى علية براحتك ف الفترة دى وبعدين الجواز على طول نظرت إليه عند قوله ذلك فـ استمر د\خالد بجديه وهو يتجة الى مقعد وراء مكتبة بينما بقيت عينيها معلقتين به حتى جلس واسترسل بحديثة انا عارف اخلاق فارس كويس وطبعا انا مش ممكن اسلمك لاى انسان الا لما اكون مطمن من نحيتة ومطمن اكتر انة ميكنش طمعان ف فلوسك انتى بنت ووحيدة ولسة صغيرة وانا مش هعشلك العمر كلة يارا وهى تحاول التماسك………..يابابى انا مبقتش صغيرة انا عندى 23 سنة رجع بكامل جسده واسند ظهرة الى المقعد الذي يتوسط المكتب وقال لها بصوت دافئ…….حبيبت بابى وبعدين معاكى ايوة انتى لسة صغيرة ومعندكيش تجارب ف الحياة الصعبة اللى ف زمانا دة كل اللى بتمناة انى اموت وانا مطمن عليكى يارا وهى تعقد ساعديها امام صدرها فى ضيق……. طب الفترة الصغيرة جداا دى هتكون كفيلة انى اتعرف علية كويس د\خالد…….دا ابن عمك وتربية ايدى بعد وفاة والدة الله يرحمة وكان عندة 10 سنين مامتة مستحملتش وفاة باباة توفت بعدة ب شهور قليلة وسابتة تحت مسؤليتى كنتى عندك 5 سنين وقتها,, بس زى ماانتى فاكرة مامتك اخدتك وسافرت بعد طلاقها منى كانت معترضة ان فارس يعيش معانا ف الفيلا وخدتك بعيد عنى سنين طويلة تذكرت يارا الماضى وباتت على ملامحها الحزن والاسى وقالت……… وادينى جيت لحضرتك بعد ما مامى اتجوزت مستحملتش اعيش مع راجل غريب ف بيت واحد حتى لو كان جوزها وبصراحة شكلها ارتاحت منى ,,,,,,, وضحكت بأستهزاء وقالت…… كل كااام شهر لما تفتكر تتصل تطمن علية من المانيا وبتتحجج ان شغلها كـ طبيبة نفسية واخد كل وقتها عندما لاحظ انزعاجها ,,,نهض عن مقعدة وبحنانة الابوى اقترب منها وحاوطها بذراعية وقبل جبينها وقال بحب….. حبيبتى انسى الماضى ,,,انتى حبيبتى وبنتى وروح قلبى كل اللى بتمناة انى اطمن عليكى واشوفك متجوزة اللى يصونك ويحميكى داانا حتى صممت الفيلا على زوقى وباشرت تنفيذها وتشطيبها بنفسى تابعت الاستماع الى والدها وهي ملتزمة الصمت فقد ملت من هذا الحديث الذي لا جدوى منة لقد شعرت انها تنجرف الى تيار هى لا تريدة لا تريد ان تتخذ قرارا مصيريا كهذا وهى لم تقتنع بعد اخرجها من شرودها صوت والدها وهو يقول…… د\خالد…….. ابن عمك شاب متعلم طموح ومرتاح ماديا اخد ماجستير إدارة أعمال من بريطانيا وهييجى يأسس شركتة الخاصة بالورث اللى سابهولة اخويا الله يرحمة واللى هسلمهولة فور وصولة بالسلامة ,,وهيستقر معانا هنا بعد سنين غربة طويلة حقق فيها ذاتة واردف بحنان وهو ينظر اليها………هاة ياحبيبتى ريحى قلب بابى حبيبك خلينى اطمن عليكى ضمت شفتيها اسفاً أنها لا تريد أن تزعجة فهو والدها وكل ما لديها وضحى كثيرا من اجلها قالت وعينيها تعبران عن مدى الالم الذي تشعر به الان خلاص يابابى اللى تشوفة حضرتك تهللت اسارير والدها وقام بأحتضانها بكل مشاعرة الابوية وتمنى لها حياة سعيدة مع ابن عمها :::::::::::::::::::::::::::::::: وبعد وصول فارس وجدتة يارا شاب وسيم ذو ملامح رجولية فاتنة شعر بنى لامع عينان ذهبية تشع نورا طويل القامة شديد الاناقة ذو لحية خفيفة تضاعف وسامتة ,,,,, جلسا سويا وقد كان فارس صريحا من اول لقاء بينهما حيث قال لها انة مرتبطت ببنت تدعى ايميلى تقتن ب لندن من اب مسلم وام مسيحية لكنها تعتنق ديانة والدها فقد اتى الى مصر لكى يلبى رغبة عمة الذى رباة وهو بسن صغير فرحت يارا بمصارحتة اياها وقالت لة انها لا رغبة لها بــ الزواج منة وانها تريد ان تعيش قصة حب كما باقى الفتيات احترم فارس رغبتها واتفقا معاً ان يتزوجا على الورق فقط لكى يلبون رغبة والدها وبعد مدة من الزواج يختلفون ويختلقون الاعذار لينهوا زواجهم المزيف (¯`’•.¸(¯`’•.¸««««««««««««»»»»»»»»»»»¸.•’´¯).•’´¯) –==>>>—> البارت الثالـــــث<—<<<==– (_¸.•’´(_¸.•’´««««««««««««»»»»»»»»»»»`’•¸_)’•.¸_) (_¸.•’´(_¸.•’´¯¯¯¯¯¯¯¯¯¯¯¯¯¯¯¯¯¯¯¯ `’•.¸_)`’•.¸_) اسبوعين كاملين قد مرا على زواجهم المزيف وهم على اتفاقهم يقطن كل منهم بغرفة منفصلة ذهب فارس الى عملة بالشركة التى اسسها فور وصولة الى القاهرة شركة (فارس ذيدان للاستيراد والتصدير) دلف الى مكتبة بحلتة السوداء ونظارتة الشمسية ذو الماركة العالمية فوجد السكرتيرة ترتب بعض الاوراق على طاولة الاجتماع وعندما رأتة اعتدلت بوقفتها وتركت ما بيدها واقتربت منة وحيتة ومن ثم تناولت حقيبتة ووضعتها على مكتبة جلس فارس على مقعد يتوسط مكتبة الزجاجى ’’’’نزع نظارتة الشمسية ووضعها امامة وتحدث قائلا….. هاة يادعاء جهزتى كل شئ دعاء مبتسمة….طبعا يافندم كل شئ جاهز والاجتماع فاضل علية 10 دقائق بس فارس وهو يفتح حقيبتة ويخرج منها بعض الاوراق والملفات خلاص اتفضلى انتى يادعاء ولما الاساتذة يوصلوا دخليهم فورا ومتحوليش اى اتصال ابتسمت دعاء وقالت …..تحت امرك يافندم اى اوامر تانية اومأ براسة نفيا دون ان ينظر اليها استدارت السكرتيرة وخرجت واتجهت نحو مكتبها خارج غرفة مديرها وجلست على مقعدها انهمك فارس فى مطالعة الاوراق حتى اتى موعد الاجتماع وحضر اعضاء مجلس الأدارة ,,استمر الاجتماع لعدة ساعات لتحديد قرارات هامة يمكن ان تفيد الشركة ومنتجاتها وتدر أرباحاً هائلة ………………………….. داخل فيلا رجل الاعمال \ فارس ذيدان :::::::::::::::::::::::::::::::::: افاقت من نومها على صوت حنون ويد تربت على ذراعها بحنان فتحت يارا عينيها بتكاسل وقالت………..دادة كوثر صباح الخير دادة كوثر بحب……يسعد صباح ست البنات , اتفضلى مج النسكافية بتاعك اشربية بالهنا ويلا ياحبيبتى ادخلى خدى حمامك عقبال ما احضرلك الفطار تمطعت ف كسل ومن ثم قالت لها……..تمام يادادة تسلم ايدك وقبل ان تخرج دادة كوثر من الغرفة استوقفتها يارا قائلة…. هو فارس راح الشغل؟؟؟؟؟؟ دادة كوثر……..ايوة ياحبيبتى يارا…..طب مصحنيش لية نفطر سوا دادة كوثر….اكيد مرضيش يقلقك ومن ثم قالت مترددة…….الا قوليلى ياست يارا انا عايزة اسألك سؤال بقالى ايام ومحرجة لم تعلق يارا لتحسها على استكمال ما تود قولة تحدثت الدادة قائلة……هو لية كل واحد فيكو بينام ف اوضة لوحدة تنحنحت يارا ومن ثم تناولت كوب النسكافية المتواجد بجانب الفراش ارتشفت منة ببطئ ومن ثم قالت…….. ايوة يادادة هو واخد انة ينام لوحدة وانا كمان واخدة انى انام لوحدى وعلى فكرة كل الطبقات الارستقراطيه بتعمل كدا دادة كوثر لم تقتنع واسرعت قائلة……..بس يابنتى قاطعتها يارا وهى تنهض من فراشها قائلة…….. عادى يادادة المهم اننا مبسوطين مع بعض واديكى شايفة فارس بيعاملنى ازاى ابتسمت دادة كوثر برضا وقالت……….ربنا يهنيكم ببعض ويبعد عنكم العين واستأذنت لتذهب وتحضر لها طعام الافطار زفرت يارا الهواء وابتسمت وبعد ان انهت كوب النسكافية, دلفت الى الحمام (اعزكم الله) لتنعم بحمام منعش فى هذا الصيف الحار ومن ثم تصلى ركعتين الصباح ………………………. وعلى جانب اخر داخل شقة دوبلكس بالدور الارضى موثثه اثاث فاخر ::::::::::::::::::::::::::::::::::::: صوت رجولى ينادى بهتاف………..يلا بقى يااسيل اتأخرنا اسيل وهى تهبط الدرج بخطوات سريعة…….. ايوة اهو ياسى اسر انا جهزت أسر وهو ينظر الى ساعتة…….دلوقت مها تقلق من تأخيرنا انا وعدتها اننا هنفوت عليها بالعربية الساعة 12 الساعة دلوقت 1 أسيل وهى تمسك وجنتة بأناملها بحركة طفولية……. ياروحى ,,خايف على زعل حبيبت القلب وزوجة المستقبل ازاح يدها وقام بوضعها خلف ظهرها مما المها بعض الشئ وقالت……. اةةة اسر سيب ايدى وحياتى ضحك اسر بصوت عالى وقال…….دلوقت بتحلفينى بحياتك واردف قائلا بنبرة جادة……..حسك عينك تمسكينى من خدى كدا تانى انا راجل واخوكى الكبير لازم تحترمينى اسيل بتوسل……..طيب بس سيب ايدى بقى واردفت بصوت عالى…… والله انادى لــ مامى وبابى اسر مبتسما …….بابا راح البنك وماما بأوضتها معاها تليفون اسيل وهى تتألم………طب سيب ايدى وجعتنى ترك يدها ,,,,,فأسرعت تدلك مكان قبضتة على معصمها ومن ثم عادت حركتها ثانيتاً ومسكت وجنتاة وقالت لة بمرح…….. انا اعمل اللى انا عايزاة وبعدين انت عامل علية كبير واحنا الفرق بينا 5 دقائق بس مستعجل قوى حضرتك علشان تتولد قبلى ياساااااتر نظرت الية فوجدت ملامحة تدل على غضبة الشديد هرولت من امامة قبل ان يتهور وخرجت من باب الشقة واتجهت نحو سيارتة,,,, فتحت الباب واحتلت المقعد الامامى وانتظرتة بالداخل وهى تضحك بمرح اومأ برأسة نفياً وقال…….مفيش فايدة هتفضلى طول عمرك عيلة ومن ثم خرج خلفها وصعد سيارتة واحتل مقعد السائق وقاد سيارتة متجها حيث منزل مها خطيبتة هاتفها فهبطت اليهم بعد دقائق قليلة وعاتبتهم على تأخرهم انتقلت اسيل الى المقعد الخلفى وصعدت مها بجوار اسر ف المقعد الامامى ……………………….. داخل فيلا رجل الاعمال \ فارس ذيدان :::::::::::::::::::::::::::::::::::::: وبعد ان انهت صلاتها وارتدت فستانا صيفيا ومشطت شعرها ووضعت بعضا من مستحضرات التجميل وبعض قطرات من عطرها المفضل سمعت صوت طرق على باب غرفتها تسائلت يارا قائلة ………ميـــــن اجاب الطارق…….انا فتحية ياست يارا يارا………اتفضلى يافتحية دلفت الخادمة الى غرفتها وقالت لها بأن يوجد ثلاثة ضيوف يودون مقابلتها ولم يعرفوا عن شخصيتهم سمحت يارا اليها بالانصراف وقالت انها سوف تأتى حالا وبعد قليل صرخت بمرح عندما شاهدتهم ببهو الفيلا هبطت الدرج مسرعة وارتمت بأحضان اعز صديقتها يارا بسعادة………اسيل حبيبتى وحشتينى جدا جداااااااا اسيل وهى تقبلها من وجنتيها…….انتى اكتر ياعروسة اية الجمال دة كلة ما شاء الله عينى عليكى بردة اقتربت مها واحتضنتها بسعادة وهى تقول……… اذيك يايارا وحشتينا كلنا والله يارا بسعادة شديدة……وانتى كمام يامها وحشتونى كلكوا أسر وهو يقترب ويصافحها…….الف مبرووووووك يا يارا يارا وهى تصافح اسر……. الله يبارك فيك يااسر عقبال ما نفرح بيك انت ومها يارب جلسوا الاصدقاء سويا واخذو يثرثرون بمرح ويتحدثون عن جمال فستان زفافها وعن رقى الحفل واناقة زوجها الى ان وصل فارس ووجدهم يجلسون بحديقة الفيلا رحب بهم بحرارة , ومن ثم اقترب من زوجتة وطبع قبلة على جبينها مما اربكها ذلك بشدة وشعرت بخفقات قلبها تطرق اثر فعلتة المفاجئة لها, جلس برفقتهم واخذ يثرثر هو الاخر بمرح رغم عناء ما لاقاة اليوم بالاجتماع لكنة وعدها انة سيهتم بمظهرهم امام الجميع لكى لا يلاحظ احد اى شئ مما بينهما وبعد دقائق من مجيئة استأذن فارس منهم لكى يذهب ويبدل ملابسة وقد عرض عليهم البقاء لتناول طعام الغداء سويا وبعد محاولات من فارس ويارا اقتنع كل من اسر ومها واسيل بالبقاء وبعد ان دلف فارس الى الفيلا اعطى تعليمات للخدم بأن يحضروا وجبة غداء كبيرة تليق بأصدقاء زوجتة ومن ثم توجة الى الدرج المؤدى الى غرفتة ……………………… وفى الحديقة دار هذا الحوار بين الاصدقاء :::::::::::::::::::::::::::::::::::::::::::::::::: :::::: مها ……..بصراحة جوزك طلع شيك وعندة ذوق جدا يا يارا يابختك بية جنتل مان بجد واحد غيرة مكنش اصر علينا كدا وعزمنا نقضى اليوم معاكوا رغم انكوا لسة ف شهر العسل اسر……..معاكى حق يا مها وكمان باين علية بيحبها جدا ابتسمت يارا ولم تعلق مها متسائلة…….بس انتوا لية مسافرتوش تقضوا شهر عسل فى اى مكان يارا بأرتباك……..اصل ,,اصل فارس مشغول ايوة مشغول جدا بالشركة الجديدة بس هو وعدنى انة اول ما تستقر امور الشركة هياخدنى ونسافر برا مصر اسر……….الله يساهلوا ياعم ,,بس الحمد لله باين عليكوا مرتاحين مع بعض زاردف بمرح ……..اومال اية بقى مكنتيش موافقة وزعلانة اوى مها مبتسمة……..صحيح يا يارا ماشاء الله شكلكوا اخدتوا على بعض يارا بأبتسامة مصطنعة…….ايوة تقدروا تقولوا متفقين اسيل بمرح ….اية يابنتى مش هتقومى تشوفى جوزك يمكن عايز حاجة انتى مبتتفرجيش على افلام عربى قديمة ولا اية؟؟ ضحك كل من اسر ومها واسيل بمرح يارا مرتبكة …..هة ..اة اة طيب بعد اذنكوا نهضت من مقعدها ودلفت داخل الفيلا ,,, وقفت لحظات قليلة ومن ثم صعدت الدرج المؤدى الى اعلى ,, وقفت بالممر ومن ثم خطت بعض خطوات مترددة الى ان وصلت الى غرفتة طرقت عددة طرقات خفيفة سمعت صوتة يسأل عن هوية الطارق فأجابتة فأذن لها بالدخول كان يقف امام المرآة يمشط شعرة البنى بفرشاة الشعر الخاصة بة وكان يرتدى بنطال وتى شرت ضيق يظهر عضلاتة المفتولة نظر اليها وقال متسائلا……اية يا يارا فية حاجة يارا مبتسمة…….انا جاية اقولك ميرسى جداا جداا يافارس على معملتك الحلوة لاصحابى انت متعرفش دول عزاز على قلبى اد اية وضع فارس الفرشاة واستدار ووقف مقابلها……. اهم حاجة انك تكونى سعيدة والناس تاخد فكرة كويسة عننا زى ما اتفقنا اومأت برأسها ايجابا ومن ثم خرجا سويا وهبطا الدرج وعند وصولهم الى باب الفيلا الداخلى امسك فارس بمعصمها وتشابكا الايدى فهمت يارا ما يعنية بهذة الحركة فاابتسمت لة وخرجا الى الحديقة وتوجهوا نحو الطاولة التى يجلس عليها اصدقائها وجدوا اسيل تجلس بمفردها وعندما سألت يارا عن اسر ومها اجابتهم اسيل بأنة مولع بركوب الخيل فذهب الى الاسطبل المتواجد خلف الفيلا ترك فارس يارا تجلس مع صديقتها وذهب بأتجاة الاسطبل وجد مها واسر يمشطون شعر مهرة بيضاء اللون انضم اليهم فارس وتحدث مع اسر وعلم انة يجيد امتطاء الخيل فسمح لة بأن يمتطى ما يشاء فأخرج السائس ثلاثة خيول قاموا الثلاثة بأختيارها وقام كل منهم بأمتطاء ما اختار وهم فى قمة السعادة ………………….. فى غرفة يارا :::::::::::::::::::::: أخذت عينيها تتجولان بالغرفة الواسعة ببطء وهي تقول ماشاء الله اوضتك حلوة اووووى يايارا والفيلا كلها تجنن يارا وهى تجلس على الاريكة المتواجدة بالغرفة طبعا يابنتى ماهى من تصميم بابى حبيبى اسيل مبتسمة…….بصراحة اونكل خالد ابدع ربنا يخلية ليكى كان البناء ضخم ذو طابع معمارى حديث يتسم بالفخامة والرقى تعلقت عين اسيل بالمرآة وما يوجد من اشياء عليها التفتت اسيل الى يارا وتحدثت قائلة……… اية دة التسريحة معليهاش الا حاجتك انتى ,, اومال فين حاجات جوزك اخذت يارا تفرك بأناملها فى توتر شديد ومن ثم قالت…….. اصل انا وفارس كل واحد فينا لية اوضة مستقلة استنكرت اسيل ما سمعتة ومن ثم اقتربت من صديقتها وجلست بجوارها على الاريكة وقالت متسائلة…. اية اللى انتى بتقولية دة ,,,,,,,دا كلام بردوا وجدت يارا صامتة ولم تعلق وتنظر الى اسفل اسيل بأصرار……..يارا مالك فية اية قوليلى انتى مخبية عنى حاجة صح وبعد الحاح من اسيل قصت عليها يارا كل شئ من اول لقاء جمعها بـ فارس الى يومنا هذا شهقت اسيل ولم تستوعب ما قالتة يارا للتو وتحدثت قائلة………اية دة مش معقول يخربيت جنانك انت وهو,, ولا باين عليكوا حاجة دااللى يشوفكوا يقول عليكوا اسعد زوجين ,,,,,, واردفت بجدية……طب واونكل خالد هيقول اية بعد ما يعرف يارا بلهفة……لالاء بابى مش لازم يعرف احنا مستنيين الوقت المناسب ونعلن انفصالنا وكل واحد يعيش حياتة أسيل وهى تنظر الى عين يارا وتقول……….. انتى ازاى توافقى ان جوزك يكون على علاقة بأيميلى اللى بتقولى عليها دى,,,,,,, ياقلبكــ يارا وهى تضحك…..طب وانا مالى هو جوزى ع الورق اما ف الحقيقة فهو ابن عمى وبس وبعد حديث طال لساعات بين الصديقتان اتتهم الخادمة لتعلن ان طعام الغداء قد اعد ووضع على المائدة وان كل من فارس واسر ومها ينتظرونهم بالاسفل اخذت يارا وعدا على صديقتها بانها لن تتفوة بحرف واحد لاى احد مما تحدثاة لتوهم ومر اليوم بسعادة ولعب فارس ويارا دور الازواج الحقيقيين المحبين وصدقهم مها واسر بل تمنوا ان يعيشوا حياة سعيدة مثلهم اما اسيل فلم يقنعها الزوجان المزيفان لانها علمت الحقيقة من فم صديقتها العروس المزيفة وغادرا الاصدقاء الثلاثة وهم سعداء جدا بحسن الضيافة (¯`’•.¸(¯`’•.¸««««««««««««»»»»»»»»»»»¸.•’´¯).•’´¯) –==>>>—> البارت الرابــــــع<—<<<==– (_¸.•’´(_¸.•’´««««««««««««»»»»»»»»»»»`’•¸_)’•.¸_) (_¸.•’´(_¸.•’´¯¯¯¯¯¯¯¯¯¯¯¯¯¯¯¯¯¯¯¯ `’•.¸_)`’•.¸_) فى احدى الليالى واثناء جلوسهم حول المائدة يتناولون طعام العشاء استأذنت يارا من فارس ان تذهب الى والدها وتظل طوال اليوم برفقتة فقد افتقدتة بشدة بعد ان كانت ترافقة فى الصباح والمساء فأذن لها فارس وقال لها انة ان استطاع ان ينتهى من عملة باكرا سوف يأتى ليصطحبها من منزل والدها ………………………………. وفى المساء وبعد ان رافقت يارا والدها طوال اليوم واطمأن على حياتها مع ابن عمها وبينت لة انها سعيدة وقد اعتادت على فارس وحياتها لا يشوبها اى خلاف عادت الى منزلها بمفردها فـ فارس لم يأتى ليصطحبها كما وعدها هو بذلك فبررت لوالدها هذا الموقف على ان زوجها منشغل بعملة الجديد …………………………… ترجلت من سيارتها ومن ثم دلفت الى الفيلا وتوجهت على الفور الى الدرج لتصعد الى غرفتها ولكن استوقفها سماع صوت ياتى من حجرة المكتب استدارت واتجهت نحو الصوت واذا بها تسمعة يتحدث قائلاً قلبى وحياتى اخبارك اية؟ ………………………… وانت كمان وحشتينى ياروح قلب فارس كويس انك اتصلتى ياايمي وحشنى صوتك جدا جدا ………………………………………….. ……….. لالاء وحياتك مشغول انا اسف انى متصلتش بيكى ………………………………………….. ……………… والله ياايمي لسة مخلصتش شغل هنا بمصر استحملى معايا شوية معلش طرقت يارا على الباب عدة طرقات خفيفة فلم يسمعها فارس فتحت الباب ودلفت الى الحجرة استدار فارس حينما شعر بوجودها اخرج دخان سجارتة من صدرة بتوتر وهو ينظر اليها كادت هى ان تقول شئ الا انة اسرع بوضع اصبعة السبابة مقابل فمة فهمت هى انة يحسها على عدم الحديث فأحرجت من الموقف وخرجت من الحجرة واتجهت الى الدرج ومن ثم الى غرفة نومها دلفت الى غرفتها جلست على الاريكة المتواجدة مقابل فراشها اخذت نفساً عميقا واغمضت عينيها بألم ودار هذا الحوار بداخلها………ياااة للدرجة دى بيحبها باين عليها انها هى كمان بتحبة علشان كدا مجاش ياخدنى من عند بابى بس كان المفروض يتصل ويقوللى انة مش هيقدر ييجى ضحكت بتهكم واردفت …….يتصل ازاى وهو شكلة معاها ع الفون من بدرى بس برضوا كان لازم يتصل كان وفر علية الاحراج اللى احرجتة قدام بابى تنهدت بعمق قائلة……….امتى بقى امتى,,,,امتى احب واتحب نفسى اعيش قصة حب كبيرة نفسى اقابل شاب فية كل المواصفات اللى بتمناها وتأفأفت قائلة……….امتى بقى اخلص من الجوازة اللى كدا وكدا دى وابقى حرة واختار شريك حياتى براحتى وساعتها لو اية لالالالازم لما اتجوز اكون مقتنعة بالاانسان اللى هرتبط بية انا حققت لــ بابى رغبتة يبقى يسيبنى انا كمان احقق رغبتى واتجوز من الانسان اللى بحلم بية واعيش قصة حبى واردفت متحمسة ………..ياااااااااة دى هتكون قصة حب من نار جاية بعد شوق ومن ثم ابتسمت ابتسامة مجردة من الفرح والسعادة ,,نهضت وتوجهت الى حمامها (اعزكم الله) ونزعت ملابسها بعد ان ملآت حوض الاستحمام بالمياة المنعشة والرغوة الطيبة الرائحة دخلت الى حوض الاستحمام و غمرت جسدها واسترخت بداخلة وبعد ما يقارب النص ساعة سمعت صوت طرقات على باب غرفتها فأذنت للطارق بالدخول ممكن ادخل كانت تجلس على الاريكة منشغلة بتصفح احدى المجلات النسائية وحينما سمعت صوتة تركت ما بيدها وقالت………اتفضل يافارس جلس على حافة الفراش المقابل للاريكة التى تجلس هى عليها ومن ثم قال بشئ من الانزعاج……انا اسف جدا يايارا مكنش قصدى والله نظرت الية متسائلة ولم تعلق اردف قائلا…..يعنى انى منعتك تتكلمى وانا بتكلم ف الفون ابتسمت يارا وقالت…….ولا يهمك يا فارس انا اللى اسفة انى دخلت عليك اوضة المكتب انا قلقت لانك مجتش اخدتنى من عند بابى فارس بأسف……….سورى كان معايا فون ضرورى نظرت الية يارا وقالت ……ايميلى صح نظر اليها بأندهاش ومن ثم اخفض رأسة وقال…….. بصراحة اة اصل انا مكلمتهاش من 3 ايام فــ لقتها بتتصل بيا النهاردة وووو…..ومن ثم بتر جملتة الاخيرة اعتدلت يارا ونظرت الية وقالت……..و اية يافارس لم يعلق هو ,,,, وأمام صمته قالت بوجة مكفهر عايزاك تروحلها لندن صح اومأ برأسة ايجابا ومن ثم قال……..بس انا قلتلها انى مخلصتش شغل لسة وان قدامى شهور عقبال ماانهى شغلى بمصر نهضت يارا عن الاريكة وهى تقول بنبرة حزن واسف…… انا الشغل اللى معطلك يافارس مش كدا فارس مسرعاً…….لالاء انا مقصدش اخذت تخطوا خطوات بطيئة داخل غرفتها ومن ثم استدارت نحوة ونظرت الية وقالت وبعدين يا فارس هنفضل كدا لحاد امتى نظر اليها مندهشا ولم يعلق اردفت يارا بحزن…….احنا داخلين على شهرين متجوزين قدام الناس حياتنا مثالية واسعد زوجين وبينا وبين بعض عذاب,,,,,,,,والم ,,,,,,,وتعاسة قطب فارس جبينة ومن ثم قال ……. عذاب والم وتعاسة لية يا يارا كل دة قالت بغضب وصوت متأثر…..ايوة يافارس انت تعيس من غير ايميلى وايميلى بتتألم ف غيابك وانا بتعذب بسبب العيشة اللى مكنتش اتمناها ابدا ترقرقت بعينيها الدموع واردفت قائلة……. مش دا ابدا المستقبل اللى حلمت بية ولا كان ممكن ابدا اصدق ان ييجى اليوم اللى اكدب فية على بابى انا قللت زياراتى لية علشان مكدبش علية اكتر من كدا اغرورقت دموعها حتى سالت على وجنتيها واردفت قائلة,,,,,,, أسئلتة كترت سعيدة ولا لاء,,,,فارس بيعاملك ازاى,,,,,هسمع كلمة جدو امتى جوزك مجاش معاكى لية موصلكيش لية مجاش ياخدك وترحوا سوا لية مسافرتوش تعوضوا شعر العسل اللى فاتكوا لحاد دلوقت ليــــــــــة وبصوت مخنوق اردفت……….وكل الاسئلة دى انا اللى بجاوب عليها لوحدى وكل اجاباتى كدب X كدب نهض فارس عن الفراش واقترب منها ومن ثم قال لها…….. ياااااااااة كل دة جواكى ومبتتكلميش انا تعبت يا فارس تعبت قالتها بنبرة خافتة حزينة ممزوجة بصوت شهقاتها وماكان منه الا انة اقترب اكثر منها وضمها اليه بحنان تشبثت بقميصة وهى تقول بنفس نبرة الصوت……. والله تعبت مبقتش قادرة استحمل,,انا بتقطع ومحتارة مش عارفة حياتى دى هتوصلنى لفين شششششششششششش قالها فارس وهو يحاول تهدأتها واخذ يربت على شعرها المنسدل خلف ظهرها وبعد برهة لاحظ وهن جسدها بين ذراعية وارتخاء قدماها وصمت صوت بكائها عدا صوت شهقاتها وارتخاء رأسها على صدرة,,, نظر الى وجهها فوجدها فاقدة الوعى اخذ يهزجسدها النحيل مرارا وتكرارا وهو ينادى بأسمها ولكن ما من مجيب اسرع بحملها واتجة نحو فراشها ووضعها علية حاول ان يفيقها بنثر بضع قطرات من زجاجة عطرها على وجهها ولكن بلا جدوى اسرع يهاتف الطبيب وبعد مرور 15 دقيقة اتى الطبيب ,,,,اصطحبتة المربية كوثر الى الغرفة حيث يارا الممددة على فراشها وفارس الذى يجلس بجانبها يحاول افاقتها وعندما رأى الطبيب نهض مسرعا سألة الطبيب عن سبب اغمائها اكتفى فارس بقول انهم تشاجرا سويا وانها بكت كثيراً وبعد ان انتهى الطبيب من فحصها خرج من الغرفة وكان فارس يقف خلف بابها وعندما شاهد الطبيب اقترب منة بلهفة وقال………. طمنى يادكتور يارا عندها اية؟؟؟ الطبيب …….اطمن هى كويسة ,,,,, شوية انيميا ونقص فيتامينات وطبعا المشادة اللى حصلت بينكوا اثرت عليها نظر فارس الى اسفل ولم يعلق الطبيب …….انا اديتها ابرة وبعد دقائق قليلة هتفوق ومن ثم اعطاة الطبيب ورقة وهو يقول……. اتفضل الروشتة انا كتبتلها شوية فيتامينات تاخدها صباحا ومساءا لمدة اسبوع وبعد كدا لازم تجبها عندى العيادة اعملها شوية تحاليل وفحوصات علشان اطمن انها بقت تمام والاغماء دة ميتكررش تناول فارس ورقة الادوية من الطبيب وشكرة بحرارة ووعدة انة سيصطحبها الية فور شفائها غادر الطبيب ,,وبعد ذلك اتجة فارس الى غرفتها وجد المربية كوثر تجلس بالمقعد المقابل لفراشها اتفضلى انتى يادادة انا هفضل جمبها هكذا تحدث فارس فأجابت علية المربية…… حاضر يافارس بية,,,,لو عزت حاجة انا تحت امرك ومن ثم غادرت الغرفة واغلقت الباب خلفها نظر اليها بأسى واشفاق على حالها واخذت الافكار تتصارع بداخلة……. لما هى ,,ما ذنبها,,ليس لها اى ذنب فى ما يحدث ,, كيف تكبدت كل هذا العناء بمفردها لم يكن بجوارها انشغل عنها بعملة وحبيبتة وتركها تواجة كل هذة التسائلات وحيدة اقترب من فراشها وجلس بجوارها وهى لا تزال نائمة تأملها بنظرات متألمة لحالها وشرد وهو يفكر…… انها جميلة ,,ذكية,, هادئة,, لها وجة وملامح طفولية بريئة,, انثى مثل جميع الاناث تريد ان تعَشق وتعُشق,, انثى لديها قلب يريد ان ينبض بالحب تريد ان تبدأ حياتها مع من تحب,, يبدأون مشوار حياتهم سويا يمرحون ويضحكون ويحزنون ويثرثرون ويتشاجرون تذكر انة منذ ان تزوجا زواجهم المزيف لم يأخذها يوما فى نزهة,,,,, لم يجلس ويتحدث اليها سوا وقت تناول الوجبات وكثيرا ما يتركها ويذهب الى عملة من الصباح الباكر وحتى المساء