روح وريحان بقلم ايناس عادل ج ٣

شفتها .. انا مش عارف انتو مصاحبينها ازاي دي ..

خرج ولم يجدها أمام الغرفة كما توقع .. فنظر يمينا ويسارا لم يجدها فعاد لـ”ريحانة” قائلا :
– شكلها مشيت ..

أشارت للنافذة المجاورة لها .. فقال :
– ريحانة اتكلمي ..

نظرت للأوراق بين يديها عابسة .. فقال :
– زي ما تحبي بس عاوزة ايه من الشباك ..

كتبت له :
– شوفها في الجنينة هي وريم ..

نظر من خلال النافذة للحديقة فرآها مع “ريم” .. فعاد لـ”ريحانة” قائلا :
– انا قلت انك سوسة .. عرفتي منين ..

هزت كتفيها وهي تعود لألوانها مجددا .. بينما عاد هو لينظر من خلال النافذة ..

في الحديقة كانت “ريم” تقص على “رنيم” ما حدث .. وما إن انتهت حتى قالت “رنيم” :
– وبعدين ..

نظرت لها “ريم” قائلة :
– وبعدين ايه .. بقولك قالي اسمه طارق ومش متجوز تقولي لي وبعدين ..

ردت “رنيم” :
– اه وبعدين .. بعد ما عرفتي ان اسمه طارق ومش متجوز وان هو الفارس اللي بييجي في احلامك هتعملي ايه ..

انا اقولك .. تعيشي في وهم وتبني خيال لغاية ما يبقى مصيرك زي مصير بنت خالتك .. صح

غضبت “ريم” قائلة :
– لا طبعا انا بس بقولك مش اكتر .. وبعدين انا عارفة كويس ان بايدي احبه وبايدي لا .. بايدي اسمح لمشاعري

انها تتحرك ليه وساعتها مش هقدر اوقفها .. وبايدي ان امنعها من البداية .. انا بس بحكيلك اللي حصل .. مقلتش

اكتر من كدة ..

حاولت “رنيم” الهدوء قائلة :
– انا اسفة مقصدتش كدة .. بس انا تعبت .. ومش هقدر ابقى قوية اكتر من كدة .. ريحانة كل يوم بتدبل .. وانتي

لسة عايشة في وهم .. وماما لسة بتضغط عليا .. تعبت من كل دة ..

تنهدت “ريم” وهي ترفع رأسها للسماء قائلة :
– هو احنا ليه بيحصل فينا كدة …

ردت “رنيم” :
– لاننا عايشين حياتنا غلط .. لو عشناها صح مش هيحصل لنا حاجة ..

قالتها وهي تنظر تجاه نافذة “ريحانة” لتجد “يوسف” واقفا .. زفرت بضيق .. وهي تعود لتنظر لـ”ريم” .. لماذا

يحاصرها .. هي لا ينقصها تعقيدات حتى يأتي هو ليفعل أشياءا غريبة كما تراها .. فأمامها “ريم” و”ريحانة” لتزداد

نظرتها سوءا ناحية الرجال .. ثم يأتي هو لينظر لها نظرة تقييمية .. هي لا تريده أصلا ..

———————-

– يا طارق يابن المجنونة ..

قالتها “نور” بغضب بعد أن قص عليها “طارق” ما فعله مع “ريم” …