روح وريحان بقلم ايناس عادل ج ٣

ذهب نحوها قائلا :
– لولا انك حامل انتي عارفة كنت هعمل ايه .. متشتميش امي ولا عشان مش جدتك يعني ..

ابتعدت برأسها للخلف وهي تقول :
– لا عادي عادي .. هي مرات ابو ماما .. فتبقى كانها جدتي .. هي نفسها لو سمعتك هتقولك يابن المجنونة .. ايه

اللي عملته في البنت دة ..

جلس قائلا :
– مش عارف .. مقصدتش افزعها كدة .. هي اللي رقيقة وبتخاف بسرعة ..

قالت بسخرية :
– يا حونين .. رقيقة ..

عاد بظهره للخلف قائلا :
– انتي عارفة ايه احلى حاجة في اللي حصلت .. انها حصلت من غير ما افكر .. لو كنت فكرت للحظة .. مكنتش

عملت اي حاجة .. بس اكيد اللي استناها دة اخوها .. مش كدة .. انا سألت واتأكدت ..

سألت “نور” :
– طيب سألت واتأكدت .. الخطوة اللي جاية ايه بقى ..

زفر قائلا :
– الخطوة اللي جاية اني فكرت .. وبعدين مينفعش .. مينفعش خالص يا نور .. حرام لو اتجوزت واحد زيي ..

وقفت قائلة :
– انا تعبت منك يا طارق .. لو هتقرر تعيش كدة .. يبقى متتهورش تاني ..

———————–

مكث يقلب في مذكراته .. ويبتسم وهو يراها لا تفارق صفحة في طفولته وصباه .. ولكن اختفت حين وصل لشبابه

.. ثم وجد أبياتا أهدتها له حين طال حزنه على موت والده وطالت شكواه .. وشعر أن مصائب الدنيا تكاتفت عليه ..

ابتسم وهو يقرؤها .. ثم قرر أن يذهب لها بها ..

وصل ليجد “ريم” أمام غرفتها تكاد تدخل لولا صوته .. ذهبت نحوه قائلة :
– باسل اخيرا حنيت وجاي تشوفها ..

ابتسم ساخرا وهو يقول :
– مش عاوز تريقة .. انا عاوز ادخل لريحان ولوحدي ..

نظرت له فقال :
– لوحدي .. وهتقفي ع الباب .. وسيبيه مفتوح .. بس مش عاوز حد يعرف اني موجود خاصة جدك ..

ترددت ثم قالت :
– طيب هقول لريحانة الاول ..

قال :
– لا .. انا مش عاوزها تعرف اني هدخلها ..

أومأت قائلة :
– حاضر هدخل بس اعرفها ان فيه حد هيدخلها .. هي مش متعودة ان فيه حد غريب ييجي ..

شددت على كلمة “غريب” .. فابتسم قائلا :
– ماشي يا ريم .. قوليلها ان فيه راجل غريب عاوز يدخلها ..

وشدد هو كذلك على “غريب” ..

وحين أذنت له “ريم” .. دخل عليها وهو يقول :

كم تشتكي وتقول إنك معدم … والأرض ملكك والسما والأنجم

ولك الحقول وزهرها وأريجها … ونسيمها والبلبل المترنم

والماء حولك فضة رقراقة … والشمس فوقك عسجد يتضرم