لولا التتيم الجزء الثالث

نظر “عاصم” لصغيره الذي وصل بجانب قدمه واستند على قدم أبيه محاولاً الوقوف وما إن فعل حتى حاول الوصول للحقيبة، ليضحك “عاصم” بحب قبل أن يحمله بين ذراعيهِ مقبلاً وجنته بعد أن اعطى الحقيبة ل”ريهام”، والتي ما إن فتحتها حتى اتسعت عيناها ذهولاً وهي ترى آخر شيء قد توقعته..

_ عاصم أنتَ بتهزر صح!؟

افتر ثغره عن ابتسامة واسعة لذهولها وقال:

_ أنتِ شايفة ايه؟

رفعت عيناها الذاهلة له وهي تقول:

_ ده الفستان الي شوفته وقولتلك عليه! بس..

صمتت تنظر للفستان مرة أخرى كأنها تتأكد من كونه نفس التصميم الذي رأته على أحد مواقع النت منذُ اسبوعان وقد رآها حينها فأخبرته بأنه قد أعجبها بشدة:

_ بس أنا قولتلك مش هينفع نشتريه دلوقتي.. يا حبيبي أنتَ كل قرش محتاجه عشان تأسس الشركة الي بتحلم بيها.

اقترب خطوتان منها وعقب مبتسمًا بحنو:

_ الشركة مش هتقف عشان تمن فستانك.. اي نعم أنا حرفيًا بشحت دلوقتي بس هتعدي.

أنهى جملته ضاحكًا بمرح، لتدمع عيناها بشدة وهي تقول بتأثر:

_ لا هتقف يا عاصم، يعني الفستان كان معدي ال٧٠٠٠ عشان براند، ده مبلغ مش قليل اكيد كان هيفرق معاك.

تنهد بهدوء قبل أن يقول بصدق:

_ وأنا مقدرش اشوف نفسك في حاجة وأجلها، حتى لو الحاجه دي مش ضرورية، مادام عينك حبتها خلاص لازم تبقى عندك.. وبعدين مش يمكن ربنا يراضيني زي ما راضيتك وييسرلي أموري!

تهاوت دموعها بتأثر بحديثه وموقفه وضغطت على شفتيها بقوة كي لا تنخرط في البكاء الآن، ليغمض هو عيناه بيأس ثم فتحهما يقول:

_ في ايه يا ريهام! في ايه يا حبيبتي أنتِ بقيتِ حساسة كده ليه! من كتر ما بقيتِ تعيطي مبقتش عارف أنتِ كده فرحانه ولا زعلانة.

مسحت دموعها بكفيها وهي تردد بغمغمة:

_ لا أنا كدة متأثرة، وفرحانة برضو.. بعدين معرفش بقى من ساعة ما ولدت وأنا أقل حاجة بتأثر فيا.

اقتربت الخطوة الفاصلة بينهما تحتضنه بقوة بعدما وضعت الحقيبة جانبًا وقالت:

_ ربنا ما يحرمني منك يا عاصم، أنا بحبك أوي.

أحاطها بذراعه الحر حيث يحمل طفله على ذراعه الآخر، وابتسم بحب:

_ ولا يحرمني منكوا يا حبيبتي، أنا اي حاجة بقيت بعملها في حياتي عشان أسعدكوا وفرحتكوا عندي بالدنيا.

أغمضت عيناها وهي تريح رأسها على صدره وقالت براحة تأتي من أعماق قلبها:

_ كل يوم بتأكدلي إن اختياري ليك كان أكتر حاجة عملتها صح في حياتي، بحمد ربنا أن رغم كل الي حصل بينا كان مكتوبلنا نكمل.. رغم الغلط والذنوب الي ارتكبناها بس ربنا كان رحيم بينا وكتبلنا أننا نكمل سوا.. الحمد لله.