لمن القرار سهام صادق ج 10

– إزاي قدرتي تخليني أحبك كده يا خديجة

– أوعى تبعد عني يا أمير، أوعدني تفضل تحبني كده حتى لو أنفصالنا

ابتعد عنها بعدما عادت لنفس الحديث الذي تنتهي به كل علاقة حميمية بينهم، حاول النهوض عنها يزفر أنفاسه وقد احتل الغضب قسماته

– رجعنا لنفس النقطه يا خديجة

ولكن يدها كانت الأسرع، تجتذبه إليها نادمه هامسه

– مهما أقولك متبعدش عني، كل اللي بيحصلي غصب عني..، حاول تستحملني يا حبيبي، أنا عيشت سنين طويله وأنا لوحدي عمري ما كنت افتكر إني هعيش اللي بعيشه معاك دلوقتي

“حبيبها” خديجة تُخبره بحبها، تخبره إنها لم تعد تستطيع العيش دونه، ولم تكن تعيش من قبل

عانقت عيناه عينيها، فابتسمت وهي تراه يعود إليها.. وفي صمت كان يفتح لها ذراعيه, لتنظر إليه بتيه وضياع لا تفهم إشارته، فحرك رأسه يُخبرها أن ما فهمته صحيح، حضنه هو مكانها الوحيد

لبت ندائه، فضمها إليه بقوة

– مهما هتعملي هكون متفهم يا خديجة، و مهما باخد قرارت بتراجع فيها لأني للأسف مقدرش أعيش من غيرك

سقطت دموعها وقد رفرف قلبها من أثر كلماته ، ولكن سرعان ما كانت تتمالك حالها تبتعد عنه تُمازحه

– للأسف، قصدك إيه يا أستاذ

تراقص حاجبيه لا يُصدق مزاحها البعيد عن شخصيتها

– اوه، خديجه النجار بتمسك في الكلام زي أي ست

اتسعت حدقتيها في ذهول مصطنع تسأله عابسه

– قصدك إني مش ست

– وكمان بنتقمص، لا ده الموضوع بقى خطير

زمت شفتيها، تشيح عيناها عنه حتى لا تفلت ضحكتها

– أنا شكلي فعلا هتقمص منك

احكمت الغطاء فوق جسدها، حتى تتمكن من النهوض
وشهقة قصيرة خرجت منها ، تنظر إليه بعدما ألقاها ثانية فوق الفراش

– طيب خليني أصالحك، لتقولي عليا زوج مقصر

……..

– مدام ألفت، قولي اللي عايزه تقوليه أنتِ عارفه مكانتك عندي

ابتسمت السيدة ألفت، تربت فوق كفها

– معدنك يا فتون من المعادن الاصيله اللي مبتتغيرش

اطرقت فتون رأسها، تخبرها بحزن

– عمري ما هنسي أصلي يا مدام ألفت، ولا حتى الناس

– الناس يا بنتِ مبيحبوش يشوفوا غير اللي هما عايزينه

علقت عيناها بعينين السيدة ألفت، التي أسرعت في التبسم إليها بعد إلقاء عبارتها

– أنا واخده دور المتفرج يا بنتِ بقالي مدة، وشيفاكي رغم محاولاتك إلا إنك ضايعه.. وعذراكي يا بنتِ عيشتي حاجات كتير من عمرك في سن صغير..، سن غيرك من البنات كانوا لسا فيه بضفايرهم