سبر اغوار قلبي بقلم نورهان سامي ج8
انتبهت أخيراً لذلك الرجل الجالس معهما و نسيته بسبب إنغماس حديثها مع أدهم ..
مسحت دموعها و قالت بدهشة : و أنا لزمتى ايه !
مجدى بجدية : حضرتك هاتفهمى بكره إن شاء الله
روفيدة بتساؤل : تالا هاتبقى موجودة !
مجدى بجدية : اكيد ده هى أهم واحدة
قامت روفيدة و قالت بجدية : أسفة جداً بس مش هقدر أجى
نظر لها مجدى بضيق و قال بجدية : أنا أسف بس أنا مليش دعوة بالخلافات العائلية اللى
بينكوا .. أنا بنفذ شغلى يعنى حضرتك مش مخيرة إنك تيجى .. لازم حضرتك تيجى عشان الوصية تتفتح .. قام لينهى الحديث بصرامة قائلاً : ممكن أنا أو أدهم نعدى على حضرتك بكره نخدك
تنهدت بنافذ صبر و قالت بضيق : خلاص خلى أدهم يجبنى بس ماعتقدش إنها هتوافق تقعد معايا فى مكان واحد
مجدى بجدية : قولت لحضرتك قبل كده أنا مليش علاقة بخلافاتكوا العائلية .. لازم تبقوا كلكوا موجودين عشان الوصية تتفتح .. قام و قال بجدية : نستأذن احنا بقى
قام و خرج ليقوم أدهم هو الأخر و يقول بجدية : هاعدى على حضرتك بكره إن شاء الله على العصر كده
اؤمأت برأسها بقلة حيلة و قالت بجدية : ربنا معاك يا أبنى
أغلق أدهم الباب وراءه و غادر .. دخلت الغرفة و أرتمت على السرير لتبكى على فقدانه .. لكن هيهات لن يرجعه بكاؤها كما لم يرجع ندمه الماضى !
سمعت رنين جرس الباب فقامت و فتحت لتجده أمامها .. نظر لها و قال بتساؤل : هى توتة مافتحتش ليه !
منال بجدية : سارة خدتهم و روحت عشان جوزها جه من السفر
اؤمأ برأسه ثم قال بتساؤل : تالا عاملة ايه دلوقتى !
منال بحزن : زى ما هى كلامها قليل و أكلتها أقل .. نامت بعد ما أنت خرجت علطول و أسيل قاعدة جمبها عشان متفضلش لوحدها
تنهد بضيق و قال بجدية : طب أنا هدخل أشوفها
منال بجدية : ربنا معاك يا أبنى و يهديهالك
كاد أن يغادر لكنه عاد لها مجدداً و قال بجدية : مش أنا قابلت مامت تالا إنهارده
نظرت له منال بدهشة و قالت بإستغراب : قابلتها !
جلس بجانبها على كرسي و بدأ يقص عليها ما حدث ليمهد لها هى الأخرى وجود روفيدة غداً .. ظلت منال صامتة لبعض الوقت و قالت بحزن : هما الأتنين ساعدوا بعض على تدمير علاقتهم و كانت الضحية بنتهم اللى عاشت وحيدة السنتين اللى فاتوا
صمت قليلاً و قال بجدية : قلقان من رد فعل تالا لما تعرف
منال بتساؤل : أكلمها !
