عذ.راء مع قيد التنفيذ بقلم وردة لبنان

– قال لها بحنان: سلمى ممكن اكلمك في حاجة..
– قالت في ابتسامة: اتفضل يا دكتور علاء..
– اولاً مش عاوز اسمع الكلمة دي منك مرة تانية…اسمي علاء وبس..
– ضحكت قائلة: علاء وبس حاضر…
– تنهد قائلاً: انتي يا سلمى قريبة اوي مني..برتاحلك اوي بجد..
– قالت بخجل: متشكرة اوي يا علاء…
– ايوة كده قوليها…علاء..خايفة ليه..
– مش خايفة ابداً واخاف منك ليه…
– بجد يعني بترتاحيلي..
– طبعاً..
– طب ده كويس عشان انا في قلبي حجات عاوز اقلها..
– ارتبكت ووقفت قائلة: ايه ده احنا اتأخرنا لازم اروح البيت…
– ضحك قائلاً: ماشي اوصلك طيب…

لم تمانع بل صعدت معه في السيارة الى ان اوقفها قرب منزلها قائلاً..
– سلمى..
– نظرت اليه بعينين تقول له قل ما تريد انا لست معارضة: ايوة..
– تشجع وقال: انا معجب بيكي اوي…وقصدي شريف والله…
– احمرت وجنتاها قائلة: تصبح على خير…
– امسك يدها قبل ان تنزل وقال: سلمى….مش عاوزك تضايقي ارجوكي……
– ابتسمت قائلة: اشوفك بكرة ان شاءالله
– يعني مش زعلانة مني..

هزت رأسها بالنفي ونظرت اليه نظرة تقول له وانا ايضاً اشاطرك الاعجاب نفسه ونزلت مسرعة… تابع علاء طريقه بسيارته وهو سعيد جداً لأنه عبر ولو بجزء بسيط لها عن مشاعره ولكن ما في قلبه اكثر من ذلك ليعترف به لها…

………………………………………….. ………………………..

بدأت حياة سلمى تتغير مع الحب الجديد الذي طرق قلبها وبشدة ومن دون ان تسمح له..الجميع لاحظ ههذا الاعجاب المتبادل بين علاء وسلمى بل والحب ايضاً وفي نظرهم انهما ان شاءالله لبعضهما….ولم يخجلا من ها الامر مع ان سلمى كانت تنكره دائماً…..

كان الحديث بينهما يأخذ اطرافاً عديدة وأكثرها لا تتحدث عن الماضي بل عن الحاضر والمستقبل…..بشكل عاماً وليس خاصاً… فالكلمة التي تنتظرها سلمى لم يقولها علاء بعد وكأنه يريد أن يتأكد قبلها من مشاعرها اتجاهه…..

نسيت كل ما تعرضت له في ماضيها وارادت ان تبدأ من جديد وشعرت ان علاء سيفهمها مهما كان الامر لأنه كما ترى يحبها لذاتها….

في المستوصف كان وقتاً للعمل الجاد ليس هناك مجال لأي حديث اخر الا في اواخر اوقات الععمل عندما يحل المساء وتبقى معه حتى تعطيه اوراق المحاسبة….

– قال وهو يراها تستعد للذهاب وفي فمه كلام كثير لها: سلمى..خلصتي مروحة..
– اه دي الاوراق وانا خلصت عاوز مني حاجة..
– اوصلك
– قالت مبتسمة: لا ناوية اجيب حاجات معاية لعمتي وانامروحة