عذ.راء مع قيد التنفيذ بقلم وردة لبنان
جواب نادر على سؤاله الاخير هو ان علاء مع سلمى يأكلان في السيارة شيئاً خفيفاً ويتحدثان سوياً…
– نظرت سلمى الى ساعتها قائلة: دي الساعة بقت عشرة..
– معلش اصلي كنت جعان اوي..
– شكراً على العزومة اللطيفة دي(قالتها بحنان)
– رد بإبتسامة: ولا يهمك…انا حوصلك واروح الفيلا عشان نادر ما يزعلش مني..
– قالت متسألة: نادر ابن عمتك..؟؟؟
– اه مطلع عيني اوي…
– ضحكت قائلة: انا بس عاوزة اسألك حاجة..
– اتفضلي…
– ازي حضرتك عندك فيلا وساكن فيها وعربيتك يعني بسيطة اوي..
– ضحك قائلاً: عندك حق تسألي السؤال ده…الفيلا الي ساكن فيها مش لية..دي لعمتي انا اهلي ناس عاديين اوي في طنطا وانا هنا بددرس وبشتغل بس عشان الجامعة جيت هنا القاهرة عند عمتي …
– اه وعندك اخوات.
– اه عندي اخت جميلة زييك اسمها رنا عندها سبعة عشر سنة…
– ابتسمت بخجل قائلة: تبقى لازم تعرفني عليها
– اكيد ان شاءالله…(صمت قليلاً ثم قال)….سلمى…انتي عايشة ازاي؟؟
– قصدك ايه؟
– يعني لاحظت انك عايشة مع عمتك امك ووالدك فين؟ انا اسف ده تطفل مني بس زي ما عرفتي شوية عن حياتي عاوز اعرف شوية عن حياتك..
– قال بأسى: اعفيني من السؤال ده…
– هز رأسه قائلاً: زي ما تحبي علكلن انا الي شايفه ان قدامي انسانة متربية احسن تربية ورقيقة والكل يحلف بيها…
– ابتسمت قائلة: دي تربية عمتي..
– ربنا يخليهالك..
– متشكرة اوي….
– اوقلك حاجة..
– اتفضل..
– انا حاسس اني اعرفك من زمان…شفتك في مكان مش فاكره..حاسس كأني سمعت الوصت ده من زمان..تشبهي ناس اعرفهم….مش قادر اكذب احساسي ده..
– ابتسمت برقة وقالت: ممكن…مش عارفة…وانا بحس نفس الاحساس…..
اوصل علاء سلمى الى لبيت وعمتها في انتظارها على الشرفة..نظرت اليه وقالت له..
– شفت عمتي استعوقتني ماكانش لازم اتأخر كده..
– سلمليلي عليها وقليلها كلو من علاء..
– ضحكت قائلة: ماشي…عن اذنك
– تصبحي على خير..
صعدت سلمى الى بيتها ترقص فرحاً فتحت لها عمتها الباب فحضنتها وهي في غاية السعادة..
– انا بحبك اوي يا عمتي…
– قالت مؤنبة: اتأخرتي ليه هاه..
– شغل كان عندنا في المستوصف …
– مممممممم اتاري الشغل جميل كده مع الدكتور علاء..
– اه يجنننننننننننننننننن
– قالت عمتها بخبث: الدكتور علاء..
– قال سلمى متداركة الامر: لا لا…الشغل…
– ابتسمت العمة قائلة: يلا غيري هدومك عشان نتعشى..
– متعشية ومتهنية ومش عاوزة حاجة غير انامممممم تصبحي على خير يا قمر..
