على رقاب قدر نافذ بقلم شاهندة ج 4
قبل قمة رأسها بحنان ينوى بالفعل نسيان عشقه وإلقاءه خلف ظهره فلن يتحدث مع والده عما يقلقه ولن يبحث في أمر(فدوى) أكثر، سينسى أمرها بالكامل داعيا الله أن يعينه على ذلك من أجل تلك المرأة التي يشعر بأنين قلبها المحطم ويتنازل عن عشقه من أجلها كما تتنازل من أجله دوما..
أغمض عينيه بإرتياح واستسلم لنوم عميق بعد ليلة عصيبة يتمنى مع إنبلاج فجرها أن ينتهي الحزن الذي قبع في القلوب و سكانها.
________________
أفاق (توفيق)على ماء صفع وجهه فشهق ناظرا إلى محيطه فوجد نفسه في مكان أشبه بغرفة تبريد الخضروات والفواكه مقيد إلى كرسي يرتعد من البرد يجاوره ولده الذي استفاق بدوره وحدق فيه بهلع بينما يقف أمامهما كل من (عويس) و (عسران) يطالعانهما بغضب ، ليزدرد (توفيق ) ريقه بصعوبة قائلا:
-هو فيه إيه؟ عاملين فينا كدة ليه؟ هنموت من البرد ..فكنا ..فكنا ياعسران !
قال (عويس)بغضب:
-يعني مش خابر ياتوفيج ؟!
قال(توفيق) الذي ازرقت شفتاه من البرد :
-خابر إيه بس؟ ماتقول ياحاج عويس ، حطيتلنا إيه في الأكل وجبتنا هنا ليه؟حابسني أنا وإبني ليه؟!انت مش قلت بنفسك إن همام مات وحافظ مات و والتار اندفن معاهم،وبعدين اخويا حافظ هو اللي إتجوز اختك، ذنبي إيه أنا وإبني ؟
قال(عسران)بغضب:
-إحنا مبناخدش تارنا غير من اللي أذونا وبس ياتوفيج.
قال(توفيق):
-وأني اذيتك في إيه ؟ وتار إيه اللي ليك عندي؟ده أنا دمك ولحمك، ماتنطج ياعسران ، ضاج خلجي عاد !
قال(عسران):
-دلوكك عتتحدت بلهجة ولاد بلدك يا توفيج؟ دلوكيت إفتكرت أهلك؟من ناحية أذيتني فأنت أذيتني كيف ماذيت خيك والحاج عويس،لمن جتلت مرت حافظ ، الست حسنة وكنت عاوز تسرج مال بتها وتجتلها هي كماني.
قال(رحمان) بغباء من الصدمة:
-وإنت عرفت منين؟
قال(توفيق)بغضب:
-إخرس يارحمان !
ثم نظر إلى (عويس)قائلا:
-اللي جالك الكلام ده ياحاج كداب وبيفتري علي أني وولدي، هاته كدامي وأنا أحط صباعي في عنيه .
إبتسم (عويس)بسخريةثم ذهب إلى الباب وفتحه لتدخل هي وتتسع عينا (توفيق) بصدمةيعجز عن التفوه بحرف بينما تقدمت منهما( فدوى) تطالعهما بعينين اختلطت فيهما المشاعر حتى توقفت أمامهما ليقول (توفيق) بوجل:
-فدوى!
قالت(فدوى):
-أيوة ياعمي فدوى ! فدوى اللي يتمتوها، قت,لتوا أمها وحرمتوها منها وكنتوا عايزين تق,تلوها هي كمان،سمعتكوا بوداني فمتحاولش تنكر لإن الإنكار مش هيفيدك.
