لمن القرار بقلم سهام صادق ج 14

رغم انتباه عقله لكل حرف تنطقه، إلا أن عقله توقف عند نقطه واحده، يتخيل بشاعة ما عاشته وصدمتها في واقع يعلم تماماً إنها لا تعرف عنه شئ

– هتقدر تتجاوز اللي حصل معاها يا دكتوره

حاولت أن تنتقي الطبيبه كلماتها بعناية كما اعتادت

– أكيد هتتجاوز لكن الموضوع محتاج وقت، قبل ما نبدء الجلسات النفسيه… هي محتاجه تروح لأكتر مكان بترتاح فيه أو أكتر حد ممكن تتكلم معاه

– ملك

والاسم خرج من شفتيه دون تفكير، ملك الوحيدة التي تحتاجها بسمه رغم الخيبة التي سيراها في عينيها بعدما تعرف إنها أصبحت زوجته حقاً وقد خان الوعد الذي وعده
لها
……

التمعت عينين فتون في دهشة ممزوجة بالسعادة وهى ترى هيئتها النهائية في إطلاله بسيطة ومحتشمه

– كده أنتِ جهزتي يا فتون، زمان سليم بيجهز.. يلا بقى غادري الاوضه بتاعتي عايزه ارتاح

تمتمتها خديجة في مزاح تنظر إليها بعدما استدارت نحوها ومازالت الدهشة مرتسمة فوق ملامحها

– أنا بقيت شبهكم، هانم

– ما أنتِ هانم فعلا يا فتون، مش عارفه ليه لسا لحد دلوقتي بتبعدي نفسك عن الصوره

– كل حاجه ليها عمر إفتراضي

رغم خفوت العبارة إلا أن خديجة التقطتها، مدّت لها يدها حتى تقترب منها, فلم تعد تستطيع الوقوف كثيراً

– مافيش حاجه بتنتهي يا فتون غير لما بنكون عايزينها تنتهي، إحنا بايدينا نحافظ على النعم اللي محاوطانا، قولتلك بلاش الخوف

– أنا فعلا مشكلتي الخوف، مش عارفه أنجح في أي حاجه في حياتي

– هتنجحي يا فتون، بكره هكون أنا اللي واقفه بصقف ليكي وسط الناس كلها.. النهاردة هيكون سليم هو اللي هيصقفلك

هل تعانق هذه المرأة بقوة أم تصفها ببضعة كلمات أم تكتب لها أبيات من الشعر، هى تستحق ما سوف تخوضه مع جنات في خطه تعلم إنها لن تثمر إلا بالفشل الذي تستشعر حدوثه

– الوقت يا فتون، الحقي سليم قبل ما يمشي.. سليم في الأوقات اللي زي ديه مبيحبش الإنتظار وهيقولك تعالي مع السواق

– لا، لا.. انا مقدرش اروح الإحتفال لوحدي

ركضت من أمامها كطفله صغيره متعلقة بوالدها

– سليم أب لطفلتين هفضل اقولها ليه ديما

…..

تنفس الهواء بشعور مختلف، ولكن ما يشعر به إنه عاد بقلب صار خالي من كل الأحقاد

طالعها وهى تمسك يد الصغير الذي بات يحدق بكل شئ حوله وسرعان ما علقت عيناه بشقيقته التي اتجهت نحوهم في سعاده، لرؤيتهم بتلك الروح الجديده