لمن القرار بقلم سهام صادق ج 14

……

وضعت السيدة سعاد فنجان القهوة أمامه تنطر له وقد صار الإرهاق واضح أسفل عينيه ، وقد انشغلت كفه اليمني في تدليك جبهته

– شكلك منمتش يا بني، اطلع ريح كام ساعه الشغل مش هيطير وانت عندك ناس تسد بدالك, بلاش ترهق نفسك

– أنا كويس يا داده

توقفت السيدة سعاد عن الحديث تشعر بقلة حيلتها في منحه ما تتمناه له، وكيف لها أن تتحمل فكرة تركه والعيش في تلك الشقة القريبة التي اشتراها حتى تعيش فيها بسمه بعد مغادرتها المنزل ورغبتها المفاجأه بالعيش بعيداً عنهم

اشياء كثيرة لم تعد تفهمها ولكن بالتأكيد بسمه ستخبرها بكل شئ
هكذا كانت تخبر نفسها كلما عجز عقلها عن التفسير في تلك الأحداث التي حدثت مؤخراً

انسحبت السيدة سعاد من أمامه، ولكن سرعان ما كانت تلتف إليه وقد ضاقت حدقتاها في تساؤل

– داده بسمه فوق في أوضتي، ياريت تطلعي ليها الفطار وتاخدي بالك منها

…..

– جنات أنتِ مجمعانا هنا من الصبح عشان نحط الخطه اللي هتوديني في داهيه مع سليم وقاعده سرحانه، ده غير المفروض اروح أجهز

دلف احمس بأكواب الشاي يُقلب بالمعلقه السكر ويطرق فوق حافة الكوب بطريقة درامية وكأنه يُقدم المشاريب بالقهوة

– احلى شاي من احلى صباح في الدنيا، أنا مش عارف ليه حاسس كل واحده فيكم هترجعلي بشنطة هدومها

خرجت شهقت الخاله صباح بقوة، تبصق ما بفمها عما نطقها ولدها

– بعيد الشر عنهم، تف من بؤك، خدوا يا حبايبي السندوتشات أهي عشان تبلعوا الشاي، وانت تف من بؤك لأحسن لواحده فيهم جات غضبانه هنيمك ليله على السلم

ضحكت فتون بقوة تنظر نحو احمس الذي بالفعل قد بصق ما بفمه

انفرجت شفتي جنات بابتسامة خفيفه تنظر هى الأخرى نحو احمس والخاله صباح

– أنا مش عارف أنتِ أمي ولا أمهم

– أمهم هما، أنت لقيتك جانب صندوق الزباله

غادرت الخاله صباح الغرفة وتركتهم يخططون لأمر مشروعهم, الذي لا يتم فهذا ما كانت تظنهم مجتمعين من أجله

– بتضحكوا، طيب هقوم أفضح سركم وقالي إيه هى فكراكم بتخططوا لمشروع جديد، متعرفيش إنكم بتجمعوا عصفورين كناريه في العيش السعيد، وكله هيجي على دماغكم انتوا الاتنين

– سليم عامل حصار على خديجة، وكل ما يلين في الحكاية ديه يرجع تاني يرفض

– كاظم نفس الحكايه، الاتنين انانيين يا فتون

انتقلت عينين احمس بينهم

– النهاردة كان بيسأل خديجة لو عايزه تكمل حياتها معاه وهو من جواه مستني تقول لاء، اول ما قالتله إنها اخدت قرارها خلاص وهتعيش تربي الطفل لو انكتب ليه يعيش.. ملامحه اتغيرت وبقى سعيد من قرارها