فرط الحب دينا ابراهيم ج3

– وقف الدم هجبلك كحول وبن يوقفه، خسارة في جتتك، بس لما ربنا ياخدك ياريت يبقى بعيد عننا.

أمسك الرجل المتألم المنشفة فوق رأسه وسأل في ضعف:

– لما إنتِ مش طيقاني بتساعديني ليه؟

– مش عشان سواد عيونك، عشان خاطر جوزي اللي خسارة يضيّع نفسه عشان كلب زيك.

بصقت كلماتها في اشمئزاز ليبعد الشاب عينيه في خجل عنها ويسأل:

– طيب وههرب ازاي وجوزك تحت

إلتوت شفتيها في سخرية وأخبرته في حده:

– ومين قالك انه تحت جوزي طلع يدور عليك في الشقق ومش هيسكت غير لما يلاقيك.

وقف وكاد يسقط من طوله فاقتربت وسام توازنه في غضب وتدفعه للجلوس رغم اعتراضه:

– يعني هيدخل يدور هنا كمان، يا نهار اسود ده احنا في بيته!

– بالظبط وإحمد ربنا انه في بيته هو مش هيتخيل انك هنا.

– ولما يجي هعمل ايه ؟

سأل الرجل في ذعر فرمقته من اسفله لأعلاه وردت:

– لما يجي تستخبى هنا وتخاف على نفسك عشان لو حس بس انك هنا هيجيب اجلك غير كده انا هتصرف!
ذهبت تبحث عن منشفة وهلعت حين رات الدماء أمام باب المنزل من الداخل فركضت تحضر القهوة المطحونة تعطيه له وتأمره بوضع بعضها فوق جروحه واتجه تحضر منشف تنظف بها أثار تواجد ذلك الابتلاء المختبئ في غرفتها ولسانها لا يتلو سوى الدعاء للخالق بأن تنتهي الأمور على خير.

“فرط الحب”

الفصل الثاني عشر

خرج “ريان” بعد دقائق فوجد “عُمر” متخصر أمام الباب ينتظره، رفع “ريان” حاجبه الأيسر في تساؤل صامت ليجيبه “عُمر” الناقم:

– مش شايفها اتصالحت دي طلعت متضايقه اكتر.

مال “ريان” لمستواه وهمس في حنق:

– إنت فاكرها سهله كده، الموضوع لازم يجيي على مراحل،
دي خناقة كبار مش خناقة على لانش بوكس.

حرك “عُمر” رأسه وكأن والده خيب ظنه وقال ساخرًا:

– ما إنت لو كتت بتوديني المدرسة كنت عرفت ايه خناقة اللانش بوكس دي كمان.

جذب “ريان” أذنه بشكل طفيف وهو يخبره بلهجة معاتبه:

– بطّل لماضه بقى قولتلك السنة الجديده هتدخل ما انت عارف مكنش ينفع ادخلك وانا بنقل شغلي هنا.

ابعد “عُمر” وجهه عنه للجهة البعيدة وهو يزم شفتيه فابتسم “ريان” وجذبه نحوه يقبل رأسه بحنان متعمد دفع اصابعه في جانبي صغيره لتهرب منه ضحكة مفعمة بطفوليته مدغدغه نبضات قلب والده الذي قال في نبرة جديه يشوبها حنان بالغ:

– متخافش يا عُمر ريم مش هتبعد عننا تاني ابدًا، اطمن وخليك واثق فيا وطول ما احنا في ضهر بعض ريم مِلكنا احنا الاتنين.