سبر اغوار قلبي بقلم نورهان سامي ج10
اسر بتبرم : أنا موافقك على الشروط اللى فاتت و فرحان بيها بس الأخير ده هفكر فيه .. أردف بصوت خافت قائلاً : أبقى قبلينى لو حلقته .. قال أحلق شنبك قال .. أكمل قائلاً بصوت تسمعه هى باستغراب : بس أشمعنا نحفظ سورة يوسف ؟
شردت قليلاً و قالت بتلقائية : أصل الصراحة أنا عارفة أن حياتك كانت كلها بنات و مش لازم تسألنى عرفت منين لأن أنت أصلاً قولتلى قبل كده أنك قولت الكلام الحلو ده لكذا وحدة قبل كده .. أردفت قائلة بجدية : أنا سألت تالا عن أنسب سورة أنت ممكن تقراها و تحفظها عشان تبقى فى قلبك و تبعدك عن البنات اللى تعرفهم و هى اقترحت سورة يوسف عشان فيها عبر كتيرة زى .. صمتت قليلاً تتذكر كلام تالا ثم قالت بعدما تذكرت : زي موقف مرات العزيز اما كانت عاوزه تــراوده عن نفسه بس سيدنا يوسف عليه السلام رفض و قالها أنا بخاف من ربنا .. أردفت قائلة : و بما إنى نفسى أحفظ أنا كمان فهحفظ معاك حتى لو أيه بعد كل صلاة و نبقى بدأنا بسورة يوسف و إن شاء الله نكمل .. أردفت قائلة بجدية : تعرف تالا قالتلى إن بقالها فترة بتحفظ جزء من القرآن بعد الفجر و بتخلى أدهم يسمعلها .. أكملت بتمنى : نفسى أوى أعمل زيها
ابتسم لها و قال بجدية : كل اللى نفسك فيه هنعمله أنا و أنتِ إن شاء الله
مر أسبوعان و كل واحد مشغول بحياته .. كانت جالسة تمسك كتابها و تذاكر .. شعرت بطفلها الكبير المشاغب يتسلل خلسة إلى أن وضع رأسه على قدمها المتربعة .. كان يفصل بين وجهها و وجهه ذلك الكتاب التى تمسكه بيدها .. أبعدت الكتاب جانباً و قالت و هى تمسكه من وجنته بكلتا يديها كالأطفال و تقبلها : ياوهوى على حبيبى اللى هسقط بسببه
رفع عينيه لها و قال و هو يرسل لها قبلة طائرة : ياوهوى على حبيبتى اللى مجننانى هى و ياوهوي بتاعتها
غمست يدها بين خصلات شعره و أخذت تمررها به بحنان ثم قالت بخضة مصطنعة : ياوهوى يا أدهم ايه ده ؟
ابتسم لها ساخراً و قال بسخرية : ايه لقيتى قملة .. أردف بسخرية ضاحكة : موتيها بسرعة بقى
ضحكت على عبارته و قالت بدلال : توء توء .. جوزي حبيبى نضيف معندوش الحاجات الوحشة ديه
أدهم بهيام : أهدى شوية أبوس أيدكى أنا مش حمل دلعك ده .. أردف قائلاً بتساؤل : لقيتى ايه بقى ؟؟
مررت يدها بين خصيلات شعره مجدداً و قالت بانفعال مصطنع : لقيت خصلة بيضة .. أنت كبرت يا أدهم
