سبر اغوار قلبي بقلم نورهان سامي ج10
كان يستمع لها و هو حزين على حالتها لقد ظن أنها عندما مزحت معه لقليل من الوقت بأنها ربما خرجت من حالتها و لو قليلاً .. اقترب منها و ضمها إليه و هو يقول بجدية : هى خدت نصيبها يا حبيبتى و بعدين موتها ده أفضل ميت مرة و رحمة ليها بدل ما كانت عايشة ميتة مع واحد زي مروان أردف قائلاً بجدية : أدعيلها بالرحمة .. هى مش محتاجة دموعك أو عياطك ده
اؤمأت برأسها و اعتدلت بجلستها ثم قالت برجاء : يلا يا أدهم نمشى
أدهم بجدية : لا قولت هنتغدى الأول
تالا بتساؤل : طب هننزل إزاى و هدومنا مبلولة كده ؟
أدهم بابتسامة : أنا عمرى ما عملت حاجة مجنونة أو خارجة عن العادة غير لما شوفتك فمجتش على ديه .. أردف قائلاً بجدية : يلا ننزل
ظلت صامتة لبعض الوقت تفكر ثم قالت بقلق : طب أفرض حد اتكلم علينا
أدهم بجدية : يبقى حد يتكلم عن مراتى كده و أنا أعرفه شغله .. ابتسمت له ابتسامة صغيرة و قالت بجدية : طب يلا ننزل
ابتسم أدهم لها و سحب منديلين من أمامه ليعطيها واحد و يأخذ الأخر .. جففت وجهها جيدا و مسحته من أثار المياه و الدموع ليفعل هو نفس الشئ .. نزلا من السيارة ليغلقها أدهم و من ثم يدخلا هما الأثنين المطعم و تالا متأبطة ذراعه .. طلبا الطعام و جلسا ينتظرانه لتقول تالا بتساؤل : أدهم هو أنت قولت لأسيل لما كلمتها فى التليفون تطلع عين أسر عقبال ما يوصلها ليه ؟
أدهم بابتسامة جدية : عشان يحس بقيمتها على ما يوصللها .. صمت قليلاً و قال بجدية : أسر راجل أوي و جدع و لو قصدتيه فى أى خدمة يعملهالك من غير تأخير .. صاحب صاحبه من الأخر بس فى خصلة وحشة من و احنا صغيرين و هى إنه بيحب البنات زي عينيه .. أردف قائلاً : هو بيحبها و أنا متأكد من كده بس قبل ما توصله ليها لازم تطلع عينه الأول شوية كده عشان تربيه
اؤمأت برأسها بتفهم و ظلت صامتة لبعض الوقت ليفتح معها موضوع جديد حتى لا يترك فرصة لعقلها أن يفكر بأحداث حزينة فتبدأ بالبكاء من جديد فقلبه حقاً يتوجع من كل دمعة تنزلها عيناها البندقية و هو غير قادر على إحتجازها و منع بقيتهم من الفرار خارج أسوار عينيها التى تأسره لمجرد وقوع نظرة بهما .. أتى النادل بالطعام ووضعه لتظل تالا تنظر للطبق بشرود و هى تحرك الطعام الموضوع به بالشوكة .. ثبتت الشوكة على الطبق و أبعدته قليلاً من أمامها فلم يكن لديها رغبة بالأكل .. لاحظ أدهم ما فعلته فتنهد بضيق و حمل بعض الطعام بشوكته و قربه من فمها و هو يقول بجدية : عارف إنك هتقوليلى مليش نفس بس أنتِ لازم تكلى عشان متقعيش من طولك .. أنتِ مكلتيش حاجة من الصبح
