سبر اغوار قلبي بقلم نورهان سامي ج10

سمع صوت أسيل تقول من الخارج : أنا أسيل ممكن أدخل

وضع أدهم يده على وجهه بغيظ و قال بنافذ صبر : جوز هُبل أقسم بالله .. واحد يقولك مين و التانية بترد عليه

سمع صوت أسر و هو يقول بجدية : اتفضلى

دفعه أدهم بيده ليتسطح على السرير و قال بصوت خافت : أنا قولتلك متبقاش أوفر لكن برضه مثل أنك تعبان .. أردف بغيظ قائلاً : أصل الصراحة مفيش واحد تعبان بيربع

دخلت أسيل و هى تحمل علبة شيكولاتة كبيرة .. نظرت له لتجده مستلقياً على السرير لا يوجد به أيه خدوش غير ذلك الشاش الذى يربط به يده .. وضعت علبة الشيكولاتة بجانبه و قالت بحزن : ألف سلامة عليك .. أردفت بحيرة : بس أنا كنت فاكرة إنك تعبان أكتر من كده

سعل أسر بشدة ثم قال بجدية ليغير دفة الحديث : أسيل أمسحى الشوكلاتة اللى على بوقك

رفعت أناملها و مسحت فمها سريعاً و هى تقول بارتباك بعدما أدرك أثار الجريمة : الصراحة مقدرتش أمسك نفسى فكلت منها شوية .. أردفت و هى تنظر للجهة الأخرى قائلة : شويات مش شوية

ابتسم أسر لها و قال بجدية : ممكن تكليها كلها لو عايزة .. بالهنا و الشفا

ابتسمت أسيل ابتسامة واسعة و قالت بفرحة : بجد

اؤمأ أسر برأسه لتأخذ هى علبة و تفتحها و تأخذ منها الشيكولاتة و تأكل واحدة تلو الأخرى ليظل ينظر لها بغيظ و هو يقول بصوت خافت : جاية تاكل الشيكولاتة عندى أردف قائلاً بغيظ : يا خسارة تمن لتر الدم اللى فقدته

تعبت من الأكل فنظرت لأسر و قالت بتساؤل : أنت عامل ايه دلوقتى ؟

ضغط أسر على أسنانه بغيظ قائلاً : و الله مش عارف .. بس يا هتشل يا هموت بسكتة قلبية منك

أسيل بسرعة : بعد الشر عليك .. أردفت بتساؤل : و بعدين هتتشل منى ليه ؟ حولت نظرها لأدهم و قالت بابتسامة : أزيك يا أدهم ؟

أدهم بسخرية : لسة فاكرة

كادت أسيل أن تتكلم لكن أسر قطع كلامها بعدما قام و وقف أمامها قائلاً : بصى يا بنت الناس أنت هتروحى دلوقتى بيت أبوكِ تحددى معاه ميعاد أنهاردة الساعة 8 و أنا هروح ألبس البدلة اللى على الحبل و أجيب أمى و نيجى نطلب إيدك و نقرأ فاتحة و نتفق على الخطوبة و الفرح .. كادت أن تتكلم لكنه أوقفها قائلاً بجدية : قسماً بالله ما فيه كلمة هتتقال بعد كلمتى و هتتجوزينى سواء بموافقتك أو من غيرها

صمتت أسيل لبعض الوقت ثم قالت بتساؤل : أنت مش كنت تعبان ؟