خداع انثى الجزء الأخير
نظر لها بحيره وقال
رائد :- مش عارف يا رقيه أنا فى حيره نفسى تظهر برأتك وفى نفس الوقت خايف على بابا ومينفعش اسيب الموضوع كده لو فى يوم حصلك حاجه أنا ممكن اموت فيها أنا مقدرش اعيش من غيرك أنا ما صدقت لاقيتك يا رقيه
أمسكت يده وقالت بترجى
رقيه :- ارجوك يا رائد شيل الموضوع ده من دماغك انا مش هقدر أتحمل ذنب ابوك لو حصل ليه حاجه داخل الحبس و انت مش هتقبل تبص فى وشى وقتها
نظر لهم الاثنين بحزن وقال
احمد :- خدوا وقتكم وفكروا فى كلامى ولو وافقتوا عليه نبدأ الشغل فورا، ها قضية ايه تانى اللى محتاجينى فيها
تكلمت سريعا وقالت
رقيه :- اخواتى الاتنين اتحكموا عليهم ظلم فى قضيه ملفقه ليهم اللى رائد قالك عليهم فى الكلام وأبوه دخلهم هناك علشان يلوى دراعى واوفق اساعده فى الدعايا الانتخابيه واعمل واحده عبيطه
تكلم بفهم قائلا
احمد :- ايوه فهمت بس دول قضيتهم سهله جدا ومن اول جلسه أخرجهم برأه بإذن الله اهم حاجه عايزين نركز فى قضيتك انتى لأن لو لاقدر الله اتقبض عليكى هيبقى فيها اعدام لأن دى قضية قتل اتنين مرات ابوكى والشاب اللى كان معاكم فى الشقه
تنهدت بقلق وقالت
رقيه :- ربنا يستر المهم دلوقتى خرج اخواتى فى اسرع وقت
ونهضت من على مقعدها ونظرت إلى رائد وقالت
-يلا بينا يا رائد علشان امك متلاحظش غيابنا احنا الاتنين
نهض من على مقعده وهو تائه واومأ رأسه بالموافقه قائلا
رائد :- ماشى يلا بينا
ونظر إلى احمد وقال
-هكلمك فى التليفون ونبقى نتفق على كل حاجه
ابتسم له وقال بترحاب
احمد :- هنتظر مكالمتك فى اى وقت ومتقلقش أنا جنبك فى اى وقت وفى اى حاجه واللى اتقال هنا هيفضل ما بينا محدش هيعرفوا
ربت على كتفه قائلا
رائد :- تسلم يا صاحبى راجل من يومك سلام
وأمسك يد رقيه وغادروا المكان
نظرت له بقلق وقالت
رقيه :- اوعى تسمع كلامه يا رائد علشان خاطرى ابوك ممكن تحصل ليه حاجه لو دخل السجن ، سيبها على ربنا وان شاءالله الحقيقه تظهر من غير ما ابوك يتأذى
ابتسم لها بحب وقال
رائد :- ونعم بالله يا حبيبتى اللى ربنا عايزه هو اللى هيكون امشى يلا
واوقف سيارة أجرة وصعدوا بها وعادوا إلى المنزل.
………………………………………………….
فى إحدى الملاهى الليلي
جلس أسر على المقعد وأمسك بيده كأس الخمر وتجرعه دفعه واحده ثم وضعه بغضب على الطاوله ونظر إلى هاتفه بحزن وقال
