خداع انثى الجزء الأخير
ردت عليه بصوت مختنق وقالت
رقيه :-ربنا يخليك ليا ويخرج اخواتى من السجن ده على خير
تكلم بأستغراب وقال بتساؤل
اسامه :- مال صوتك يا رقيه حاسس انك مخنوقه
تنهدت بضيق وقالت
رقيه :- انا خايفه اخسر رائد يا اسامه كلام المحامى قلقنى جدا النهارده وقال إنه لازم يضحى بواحد فينا يا انا يا ابوه
رد عليها بعدم فهم وقال
اسامه :- طيب وايه قلقك فى كده ما لازم ابوه يتحاسب على كل اللى عمله فيكى وتظهر برأتك وتعيشى حياتك زى اى واحده فى سنك مسمهاش تضحيه اسمها سلم ابوه وأظهر الحقيقه وانقذك من ضياع مستقبلك
تنهدت بحزن وقالت
رقيه :- ابوه مريض يا اسامه انت اكتر واحد ادرى بحالته ومش هيستحمل لو ابنه سلمه وهيروح فيها وسعتها رائد هيحمل نفسه الذنب ومش هيقدر يبص فى وشى لأنه عمل كده علشانى وبرضه هنبعد عن بعض وعلشان كده خايفه اخسره أنا عندى الموت اهون من أنه يبعد عنى يا اسامه
صمت لحظه وقال بحيره
اسامه :- مش عارف اقولك ايه بس كل اللى اعرفه ان لازم الحقيقه تبان وتظهر برأتك متجيش على نفسك علشان خاطر حد مهما كان
زفرت بضيق وقالت
رقيه :- انا مش مهم دلوقتى اهم حاجه اخواتى يخرجوا من اللى هما فيه ده بأسرع وقت
وفى ذلك الوقت سمعت صوت جرس الباب أغلقت الخط مع اسامه ونهضت سريعا واتجهت إلى الباب فتحت الباب وجدته رائد ابتسمت له بحب
اقترب منها بحب وقال
رائد :- واحشتينى
تراجعت إلى الخلف وابتلعت ريقها بتوتر وقالت
رقيه :- ه ه هو انت لحقت احنا كنا لسه مع بعض من شويه
اقترب منها مره اخرى وقال
رائد :- اه لحقت انتى بتوحشينى وانتى معايا اصلا
ابتسمت له بحب وقالت بتوتر
رقيه :- ا ا انت جاى ليه
اقترب اكثر إليها وقال
رائد :- جعان اوى هموت من الجوع
ردت عليه بتوتر قائله
رقيه :- ط ط طيب و انت جاى ليا أنا ليه ما تخلى طنط سهير تحضرك الاكل
اقترب اكثر ونظر بعينيها وقال
رائد :- ما هى طنط سهير هتحضرى الاكل بس لازم تكونى موجوده علشان النظره لعيونك بتفتح شهيتى وتخلينى اكل كتير
تراجعت إلى الخلف وكادت أن تسقط من شدة الخجل لكن امسكها رائد سريعا وأخذها بحضنه حاولة الابتعاد لكنه امسك بها بقوة قالت بخجل
رقيه :- ر ر رائد سيبنى
نظر بعينيها كثيرا وقال بحب
رائد :- مقدرش اسيبك يا رقيه ده يبقى اخر يوم فى عمرى
أغلقت عينيها بتوتر وقالت
رقيه :- بعد الشر عليك ا ا انا قصدى ابعد شويه علشان مينفعش كده
