خداع انثى الجزء الأخير
اومأ رأسه بالتأكيد وقال بنبره متفائله
رائد :- أن شاءالله يا قلبى ويخرجك انتى كمان ونتجوز بقى احسن خلاص مش قادر ابعد عنك اكتر من كده
وفى ذلك الوقت وصل المحامى صديقه ورحب بهم ودلفوا داخل المكتب وجلسوا على مقاعدهم
تكلم المحامى بترحاب قائلا
-ياااااه اخيرا شوفتك يا ابنى عاش من شافك واحشني والله يا رائد
ابتسم له بسعاده قائلا
رائد :- وانت والله يا احمد ليك واحشه بس غصب عنى اكيد سمعت عن اللى حصل لينا الفتره اللى فاتت فى الاخبار
نظر له بحزن وقال بأسف
احمد :- للاسف سمعت ومكنتش مصدق اللى حصل ليكم بس الصراحه كنت عارف ان آخرة السكه اللى كنت ماشى فيها دى سوده
نظر إلى رقيه بحرج وقال
رائد :- ما خلاص يا عم اللى حصل بقى وتوبنا إلى الله
نظر إلى رقيه بأستغراب وقال بتساؤل
احمد :- مين دى مراتك ولا ايه !؟
ابتسم بحب قائلا
رائد :- ياريت ، وفى ايدك انت الموضوع ده
نظر له بعدم فهم وقال بتساؤل
احمد :- فى ايدى انا !؟ مش فاهم
اجابه بتوضيح قائلا
رائد :- دى رقيه البنت اللى غيرت حياتى وخلتنى شخص تانى خالص حبيتها جدا وكنت مستعد اعمل اى حاجه علشانها بس بابا كان ليه رأى تانى وازاى احب واتجوز بنت مش من مستوايا وهو كان السبب الرئيسى للى حصل ده
نظر له بعدم فهم وقال
احمد :- يا ابنى انا مش فاهم حاجه خالص كل اللى قولته ده مالى بى أنا دور ايه فى الموضوع ده
تنهد بحزن وقال
رائد :- أنا هحكيلك الحكايه من اولها
وبدأ يقص عليه الحكايه من البدايه حتى النهايه
حملق عينه بعدم تصديق قائلا
احمد :- يا نهارى كل ده حصل من ابوك أنا عمرى ما توقعت أن ابوك يبقى بالشر ده
ابتسم بأنكسار وقال
رائد :- للاسف ده اللى حصل حبه لسلطه عمى عينه وقسى قلبه حتى عن أقرب الناس ليه المشكله دلوقتى انا مش عايزه يتأذى وفى نفس الوقت عايز رقيه تظهر براءتها وقولت مافيش غيرك انت اللى هتقدر تساعدنا
صمت لحظه ثم تكلم بوضوح قائلا
احمد :- مكدبش عليك يا رائد القضيه صعبه ولازم تضحى بحد منهم يا تسلم ابوك وتظهر حقيقة رقيه يا تفضل القضيه كده وتفضل رقيه متهمه وهربانه على طول من العداله
تكلمت سريع وقالت بنبره حزينه
رقيه :- لا طبعا مستحيل ابوه يستحمل حاجه زى كده وخصوصا أن حالته صعبه جدا وممكن يروح فيها وسعتها رائد هيحمل نفسه المسؤوليه ومش هيقدر يعيش
