خداع انثى الجزء الأخير
رقيه :- فاطمه !؟ دى بتعمل ايه هنا ؟
نهضت من على الأريكة سريعا واقتربت منها ونظرت لها بأهتمام وقالت
فاطمه :- انتى تعرفينى !؟ مين انتى ؟ صوتك مش غريب عليا حاسه ان شوفتك قبل كده
امسك ذراع رقيه سريعا وارجعها خلف ظهره وقال بغضب
رائد:- دى جارتنا هنا ملكيش دعوه بيها خليكى معايا أنا جايه ورايا تانى ليه مش خلاص اخدى منى كل حاجه ونفذتى انتقامك
حركت رأسها بالنفى ونظرت له بغضب وقالت
فاطمه :- لا يا رائد انتقامى لسه منتهاش طول ما انت وامك وابوك عايشين مش هرتاح لازم احرق قلبك على اقرب حد ليك
ونظرت إلى رقيه واقتربت منها وقالت بتوعد
-وشكلى هغير طريقة انتقامى بقى فيه حد جديد فى الموضوع
اقتربت من أذن رقيه وقالت
-شكلك مش غريب عنى ومش هسكت غير لما اعرف انتى مين وشكلك هتكونى الورقه الرابحه عندى
ثم تعالت ضحكاتها وغادرت المكان وتركتهم
نظرت رقيه لرائد بقلق وابتلعت ريقها بصعوبه وقالت
-ش ش شكلى جيت فى وقت مش مناسب عن اذنكم
تكلمت سريعا وقالت بأسف
سهير :- متزعليش يا بنتى من اللى حصل دى واحده مجنونه منها لله هى السبب فى كل اللى حصل لينا
ثم صمتت ثوانى ونظرت لها بأستغراب وقالت
-بس انتى تعرفيها منين وهى كمان شكلها تعرفك !؟
ابتعلت ريقها بتوتر ونظرت إلى رائد حتى ينقذ الموقف قائلة
رقيه :-ها م م معرفهاش معرفه شخصيه ب ب بس الست دى مشهوره من ساعة اللى حصل معاكم وكانت حديث الصحافه كل يوم وكنت بتابع الاخبار وأشوف صورتها فيه وهما بيقولوا اخباركم أما هى بقى تعرفنى منين معرفش هى ممكن تكون بتشبه عليا ولا حاجه لأنها مش متاكده إذا كانت شافتنى قبل كده ولا لا عن اذنكم
وتركتهم وغادرت المكان
نظرت سهير إلى ابنها بأستغراب وقالت بتساؤل
-رائد هو فيه حاجه بتحصل أنا معرفهاش!؟ طمنى يا ابنى.
جلس على الأريكة بضيق ونظر إلى والدته بحزن وقال
رائد:-؟؟؟
……………………………………………….
بقلمى#دودومحمد”خداع انثى”37
رائد & رقيه
“البارت السابع والثلاثون”
بعد مرور عدة أيام
اشرقت شمس صباح يوم جديد بنورها الساطع فى سماء الاسكندريه استيقظت فاطمه على صوت رنين الهاتف المحمول الخاص بها اجابة عليه دون أن تنظر إلى الشاشه قائله
-مين المزعج اللى متصل بيا فى الوقت ده
اجاب عليها صوت رجولى قائلا
-انا الراجل بتاعك يا ست فاطمه جبتلك عنوان رائد
