خداع انثى الجزء الأخير
-حسك عينك حد يعرف أننا جينا هنا
اومأ السائق رأسه بالطاعه وقال
-حاضر يا استاذ أسر، انزل اساعد حضرتك
حرك رأسه بالنفي وقال بغضب
أسر :- مش محتاج مساعده من حد خليك مستنى هنا
تركه وصعد إلى العياده وجلس فى الانتظار حتى جاء الدور عليه نهض بألم شديد واتجه إلى غرفة الطبيب وبعد الترحاب جلس على المقعد بقلق وقال
-انا تعبان جدا يا دكتوره حاسس بوجع جامد فى معدتى ورجعت كتير لحد ما رجعت دم
ردت عليه بأبتسامه هادئه وقالت
-خير يا استاذ أسر متقلقش أن شاءالله هتكون حاجه بسيطه اتفضل على سرير الفحص
نهض بألم شديد ووضع يده مكان الالم ونظر إلى الطبيبه قائلا
أسر :- الالم صعب جدا يا دكتوره
اومأت رأسها بأطمئنان
-متقلقش هديك مسكن دلوقتى بس افحصك الاول اتفضل
تحرك ببطئ وتسطح على السرير وبدأت الطبيبه بالفحص وبعد وقت انتهت وقالت
-اتفضل قوم يا استاذ أسر أنا خلصت
تركته وجلست على مقعدها وامسكت الورقه والقلم وبدأت تدون عليه بعض الملاحظات
جلس أمامها بألم وقال
أسر :- خير يا دكتوره طمنينى
ابتسمت له حتى يطمئن وقالت بنبره هادئه
-اهدا يا استاذ أسر متقلقش أنا كتبتلك على مسكن هتمشى عليه الفتره دى وهستناك بكره أن شاءالله فى المستشفى علشان هنعمل شوية اشاعات وتحاليل
نظر لها بتوتر وقال بتساؤل
أسر :- شوية اشاعات وتحاليل !؟ ليه يا دكتوره خير انتى شكه فى حاجه
حركت رأسها بالنفي وقالت
-لا خالص بس نطمن اكتر أن كل حاجه تمام هستناك الساعه تمانيه الصبح فى المستشفى هتقولهم انا داخل لدكتوره فرح وانا هسيب ليهم خبر بس اهم حاجه متاكلش اى حاجه من بليل
رد عليها بقلق وقال
أسر:- تمام يا دكتوره شكرا جدا لحضرتك
ثم نهض من على المقعد واخذ الورقه منها وغادر المكان وهبط إلى الأسفل صعد السياره وعاد السائق به إلى الفيلا مره اخرى.
………………………………………………….
عند فاطمه
وقفت أمام المنزل ونظرت له بأشمئزاز وتعالت ضحكات الحقد والغل تحركت سريعا إلى الداخل وصعدت إلى الأعلى وقفت أمام باب الشقه وأخذت نفس عميق وضغطت على زر الجرس وبعد وقت فتحت سهير الباب ونظرت لها بصدمه وقالت بغضب
-انتى !!
دفعتها من أمامها ودلفت إلى الداخل ونظرت حوالها بأشمئزاز وقالت بتهكم
فاطمه:- هو ده مقامكم صندوق زباله تعيشوا فيه علشان انتو ناس زباله
