خداع انثى الجزء الأخير
اعتدلت سريعا على فراشها وقالت بعدم تصديق
فاطمه :- بجد! بالسرعه دى!؟ الله ينور عليك الفلوس هتوصلك النهارده اللى اتفقنا عليها وبزياده كمان علشان أنت تستاهل، ابعته حالا عندى على الواتس صباحك زى الفل، سلام
أغلقت الخط بسعاده وانتظرت الرساله المدون بها العنوان وفور وصولها نظرت بالهاتف بعدم تصديق وتعالت ضحكاتها قائله
-بقى هى دى اخرتها يا سي روميو تعيش فى منطقه زى دى بعد عيشة الفيلا والعربيات، هو انت لسه شوفت حاجه صبرك عليا يا رائد الكلب
ونهضت من على السرير ودلفت المرحاض وبعد وقت خرجت وارتدت ملابسها وخرجت من غرفتها واتجهت إلى غرفة طفلها اقتربت منه وقبلته بحب وقالت
-صباح الخير يا قلب ماما النهارده هروح اشمت فى ابوك وأكمل انتقامى منه هروح اقهر أمه وأبوه هعرفهم هما بقوا فين دلوقتى وانا فين هدوس عليهم بجزمتى
ثم قبلته مره اخرى وخرجت من الغرفه هبطت إلى الأسفل وخرجت من باب الفيلا صعدت السياره وأمرت السائق يتحرك سريعا وظلت تنظر من النافذه بتوعد وانتقام .
………………………………………………….
عند رقيه
سمعت صوت جرس الباب نهضت سريعا من على السرير وركضت إلى خارج الغرفه واتجهت إلى باب الشقه وفتحت الباب وقالت بأستغراب
-فيه ايه على الصبح يا رائد
ابتسم لها وقال بحب
رائد :- صباح الورد على عيونك، عندى اخبار ليكى تجنن
نظرت له بعدم فهم وقالت بتساؤل
رقيه :-اخبار ايه دى
امسك يدها وقال بسعاده
رائد :- احمد اتصل بيا وقالى أن اشتغل على قضية اخواتك واخر الاسبوع هينزلوا محكمه وهيتعاد النظر فيها والمحامى متأكد أنه هيخرجهم من اول محكمه
نظرت له بسعاده وقالت بعدم تصديق
رقيه :- بجد يا رائد !! يعنى اخواتى هيطلعوا من السجن خلاص ولا انت بتقولى كده علشان تصبرنى
حرك رأسه بالنفى وقال
رائد :- لا والله مش بقول كده علشان اصبرك أنا لاقيت احمد بيتصل بيا ويبلغنى بالقرار ده قولت اجى افرحك على طول
قفزت بسعاده وقالت
رقيه :- انا مش مصدقه نفسي حاسه ان بحلم أنا بحبك اوى يا رائد ربنا يخليك ليا
نظر لها بحب وقبل يدها وقال
رائد :- وانا بعشقك اوى يا رقيه وكفايه عليا اشوف الفرحه اللى فى عيونك دى مش عايز حاجه تانى من الدنيا
أبعدت يدها بخجل وقالت بتوتر
رقيه :- م م من فرحتى مش عارفه قولت كده ازاى
