خداع انثى الجزء الأخير
اومأ رأسه بالتأكيد قائلا
احمد :- فعلا صعب جدا ابوك يستحمل الحبس وانت هتعيش بتأنيب الضمير وان انت كنت السبب فى اللى حصل ليه ده
نظر لهم بحزن وقال
رائد :- يعنى ايه مافيش مخرج تانى غير ده
نظر له بأسف وقال
احمد :- للاسف مافيش
ظل صامت للحظات ثم تكلم سريعا وقال
احمد :- فيه خيط ضعيف جدا ممكن نمشى عليه بس مش مضمون فى الاخر
تكلموا الاثنين بصوت واحد وقالوا
رائد ورقيه :- ايه هو ؟
نظر لهم نظره مطوله ثم قال
احمد :-………
………………………………………………….
“خداع انثى”36
رائد & رقيه
“البارت السادس والثلاثون”
ظل احمد صامت للحظات ثم تكلم سريعا وقال
احمد :- فيه خيط ضعيف جدا ممكن نمشى عليه بس مش مضمون فى الاخر
تكلموا الاثنين بصوت واحد وقالوا
رائد ورقيه :- ايه هو ؟
نظر لهم نظره مطوله ثم قال
احمد :-انتى فاكره شكل حد من الرجاله اللى عملوا فيكم كده فى الشقه
نظرت إلى رائد بقلق ثم قالت
رقيه :- م م مش عارفه بس ممكن لو شوفت صورهم افتكر حد فيهم
نظر إلى رائد وقال
احمد :- اكيد انت عارف رجالة ابوك كلهم فى الوقت ده
اومأ رأسه بالتأكيد وقال
رائد :- ايوه طبعا عارفهم كلهم لأن بابا على طول كان بيبعت حراسه تمشى ورايا تحمينى
ابتسم بسعاده وقال بتفاؤل
احمد :- حلو كده مسكنا خيط مهم فى القضيه دى ناقص بس رقيه توصف ليك اللى فاكره من شكلهم اليوم ده وانت تحاول تركز فى كلامها اوى وتجمع الشكل ده فى عقلك وتعرف هو مين
تكلم بأستغراب وقال بتساؤل
رائد :- طيب وده هيفدنا بأيه فى القضيه دى
نهض من على مقعده واقترب منهم وقال
احمد :- لما نوصل لأى واحد من اللى كان مشارك فى الجريمه دى هنضغط عليه ونخليه يقول الحقيقه وسعتها بقى هنثبت براءة رقيه
نظرت له بقلق وقالت
رقيه :- ب ب بس كده احنا معملناش حاجه و هنسلم ابو رائد
تكلم سريعا وقال موضحا
احمد :- سعتها هنشوف ليه مخرج بسبب مثلا حالته الصحيه المهم دلوقتى نثبت برأتك
حركت رأسها بالنفي وقالت
رقيه :- لالالا مستحيل اعمل كده مقدرش اسلم واحد مريض للحبس
نظر لهم بحيره قائلا
احمد :-والله هو ده اللى عندى وانتوا وراحتكم
نظرت إلى رائد بقلق وقالت
رقيه :- انت ساكت ليه يا رائد اوعى تكون موافق تعمل كده بص سيبك من موضوعى خليك اهم حاجه فى اخواتى أنا عايزاهم يخرجوا بسرعه من السجن
