خداع انثى الجزء الأخير
ابتسم لها بحب وقال
رائد :- احلى حاجه أنها طلعت منك تلقائيه حسيتها اوى لأنها طلعه من قلبك بسعاده
نظرت له بحب وقالت
رقيه :- ربنا يديم علينا فرحتنا وميحرمناش من بعض ابدا
رد عليها بسعاده وقال
رائد :- يارب يا حبيبتى يلا غيرى هدومك وتعالى علشان نفطر
اومأت رأسها بالموافقه وقالت
رقيه :- حاضر هغير هدومى واصلى الاول
تركها وعاد إلى الشقه
نظرت إلى أثره بحب وسعاده ودلفت إلى الداخل وأغلقت الباب خلفها واسندت ظهرها عليه وقالت
-الحمدالله والشكر لله مش مصدقه نفسى أن اخيرا اخواتى خلاص هيخرجوا من السجن واترمى فى حضنهم من تانى يا اما انت كريم يارب .
…………………………………………………..
عند أسر
استيقظ أسر من نومه وهو يشعر بألم شديد بالمعدة اعتدل على فراشه ووضع يده مكان الالم وظل يتالم بشده حتى شعر بالغثيان نهض سريعا وركض إلى المرحاض وظل يتقئ حتى وجد الدماء يخرج من فمه نظر له بصدمه شعر بدوار شديد امسك بالحائط وظل ينظر إلى الدماء تحرك ببطئ وخرج من المرحاض وارتدى ملابسه بصعوبه وهبط إلى الأسفل وأخذ سياره بالسائق لانه لن يستطيع القياده بهذه الحاله تحركت السياره إلى إحدى العيادات الخاصة وبعد وقت هبط من السياره ونظر إلى السائق وقال
-حسك عينك حد يعرف أننا جينا هنا
اومأ السائق رأسه بالطاعه وقال
-حاضر يا استاذ أسر، انزل اساعد حضرتك
حرك رأسه بالنفي وقال بغضب
أسر :- مش محتاج مساعده من حد خليك مستنى هنا
تركه وصعد إلى العياده وجلس فى الانتظار حتى جاء الدور عليه نهض بألم شديد واتجه إلى غرفة الطبيب وبعد الترحاب جلس على المقعد بقلق وقال
-انا تعبان جدا يا دكتوره حاسس بوجع جامد فى معدتى ورجعت كتير لحد ما رجعت دم
ردت عليه بأبتسامه هادئه وقالت
-خير يا استاذ أسر متقلقش أن شاءالله هتكون حاجه بسيطه اتفضل على سرير الفحص
نهض بألم شديد ووضع يده مكان الالم ونظر إلى الطبيبه قائلا
أسر :- الالم صعب جدا يا دكتوره
اومأت رأسها بأطمئنان
-متقلقش هديك مسكن دلوقتى بس افحصك الاول اتفضل
تحرك ببطئ وتسطح على السرير وبدأت الطبيبه بالفحص وبعد وقت انتهت وقالت
-اتفضل قوم يا استاذ أسر أنا خلصت
تركته وجلست على مقعدها وامسكت الورقه والقلم وبدأت تدون عليه بعض الملاحظات
جلس أمامها بألم وقال
أسر :- خير يا دكتوره طمنينى
