خداع انثى الجزء الأخير
اقتربت منها بغضب وصفعتها على وجينتها قائله
سهير :- اخرسي قطع لسانك جايه لينا تانى ليه يا نصابه يا حراميه
وضعت يدها على خدها وتعالت ضحكاتها قائله
فاطمه :- ليه بس كده يا حماتى ده انا حتى ام حفيدك الوحيد
صرت على أسنانها بغضب وقالت
سهير :- جتك مو اللى منك مش عايزينه غورى من هنا مش عايزه اشوف وشك هنا تانى فاهمه
وفى ذلك الوقت جاء رائد يركض من الداخل على صوت والدته وقال
رائد :- فيه ايه يا ماما
اقتربت منه سريعا وحركت يدها على كتف رائد وقالت
فاطمه :- يرضيك كده يا دودى امك تضربنى بالقلم وانا اللى كنت جايه اشمت فيكم ينفع اللى حصل ده يا حبيبى
دفع يدها بغضب وقال بصوت مرتفع
رائد :- انتى ايه اللى جابك غورى من هنا مش عايز اشوف وشك
حركت رأسها بالنفى وقالت
فاطمه :- اخس عليك يا وحش فى حد يعامل ام ابنه بالقسوه دى
ضغط على يدها وهدر بها بغضب وقال
رائد :- أنا ميشرفنيش يكون عندى ابن من واحده زيك رخيصه باعت نفسها علشان الفلوس
ثم نظر إلى باب شقة رقيه حتى يطمئن أنها لم تسمع الصوت ودفع فاطمه إلى الداخل وأغلق الباب واستدار بغضب قائلا
-انا اكتر حاجه ندمان عليها فى حياتى هو انتى أن عرفت واحده زيك يا فاطمه كلبة فلوس تعمل اى حاجه علشان الفلوس وبعد كده تعيش دور الضحيه انتى لو عايزه تنتقمى من حد انتقمى من نفسك اللى ضيعت أهلها بشهواتها ورخصها اطلعى بره ومش عايز اشوفك هنا تانى.
نظرت لهم بعدم اهتمام ودلفت إلى الداخل وجلست على الأريكة ووضعت قدم فوق الاخره واشعلت سيجاره
وفى ذلك الوقت وضعت رقيه يدها على جرس الباب وظلت تضغط عليه بسعاده عدة مرات فتحت سهير لها بوجه عابس وقالت بصوت منكسر
-اتفضلى يا بنتى
نظرت لها بأستغراب وقالت بتساؤل
رقيه :- خير يا طنط مالك شكلك زعلانه من حاجه
تنهدت بحزن وقالت
سهير :- تعالى يا بنتى وانتى تعرفى كل حاجه
وذهبت إلى الداخل وتركتها
نظرت إلى الفراغ بأستغراب وأغلقت الباب سريعا وتحركت إلى الداخل وجدت رائد يقف بغضب ويعقد ذراعيه على صدره اقتربت منه وقالت بتساؤل
رقيه :- خير يا رائد فيه ايه انا قلقت اوى على فكره
وفى ذلك الوقت سمعت صوت أنوثي يقول لها بتهكم
فاطمه:-ودى مين كمان الحلوه واحده من ضحايات نزواتك
استدارت سريعا باتجاه الصوت ونظرت لها بأستغراب ثم عودت النظر مره اخرى إلى رائد وقالت بتساؤل
