خداع انثى الجزء الأخير
نظر إليها بحب وابتسم لها بسعاده وأقترب منها بهدوء ونظر إلى الأسفل وأمسك يدها
ابتلعت ريقها بتوتر وتراجعت إلى الخلف سريعا وقالت بتلعثم
رقيه :- ا ا انت بتعمل ايه
نظر لها بأستغراب وقال
رائد :- عملت ايه!؟ بمسك ايدك علشان نروح سوى المشوار
حركت رأسها بالرفض وقالت بتوتر
رقيه :- ل ل لا مش لازم تمسك ايدى وخلى مسافه ما بينا طول الطريق
ابتسم بسعاده وقال بحب
رائد :- حاضر اللى انتى عايزاه هعمله
ابتسمت بحب وقالت بتساؤل
رقيه :- برضه مش ناوى تقول انت واخدنى فين
حرك رأسه بالرفض وقال بأبتسامه
رائد :- لا مش ناوى اقولك، مش يمكن ناوى اخطفك ومش عايز اقولك علشان متهربيش منى
تعالت ضحكاتها وقالت بعدم تصديق
رقيه :- رائد يخطفنى !؟ ده مستحيل أنا واثقه فيك جدا على فكره ومتأكده انك انت الوحيد اللى مستعد تحمينى من الدنيا بحالها حتى من نفسك
نظر لها نظره مطوله وابتلع ريقه بتوتر وقال
رائد :- طيب الكلام ده محتاج بوسه هعملها ازاى دلوقتى فى الطريق العام كده
تراجعت إلى الخلف بخجل شديد وقالت
رقيه :- ر ر رائد ا ا اتلم ايه اللى انت بتقوله ده انا لسه بقول انك هتحمينى من نفسك
تعالت ضحكاته وأمسك يدها وقال بحب
رائد :- طيب امشى يا مجنونه يلا
ابتعدت عنه سريعا وتركت يده وقالت بضيق
رقيه :- همشى بس واحنا ما بينا مسافه وتحركت سريعا من أمامه
نظر لها نظره مطوله وقال بتوعد
رائد :- ماشى براحتك بس لما تبقى مراتى مش هرحمك وتحرك خلفها.
…………………………………………………
بالحبس
وقف العسكرى امام الباب وهتف قائلا
-اسلام خالد الاسوانى
نهض اسلام بجسم هذيل ونظر له بحزن شديد وقال
-ايوه
رد عليه بصوت صارم قائلا
-زياره ليك امشى يلا
نظر له بأستغراب وقال بتساؤل
اسلام :- زياره ليا !؟ مين ؟
رد عليه بعدم اهتمام وقال
-معرفش امشى يلا
تحرك اسلام مع العسكرى وذهب معه إلى المقابله ونظر بأستغراب وقال
-خالتى ام ماجد ؟!!
اقتربت منه وقالت بغضب
-دبلتك اهى معندناش بنات للجواز ياريت تنسى مياده بنتى وخرجها من حياتك وكفايه اللى حصل لينا من وراكم وفقد ابنى حبيبى بسببكم المهم مياده الشهر الجاى هتبقى فى بيت جوزها واحد يستحقها بجد وهتعيش حياة هاديه بعيد عن مشاكلكم وصراعتكم عن اذنك
تركته وغادرت المكان وظل ينظر اسلام على اثرها بعدم تصديق وهطلت دموعه من عينه بغزاره وجلس على المقعد ونظر إلى محبس الخطبه بيده واحتضنه بشده وظل يبكى وأخذه العسكرى وعاد به إلى المحبس دلف إلى الداخل وجلس على السرير الخاص به
