خداع انثى الجزء الأخير
-انا اكتر حاجه ندمان عليها فى حياتى هو انتى أن عرفت واحده زيك يا فاطمه كلبة فلوس تعمل اى حاجه علشان الفلوس وبعد كده تعيش دور الضحيه انتى لو عايزه تنتقمى من حد انتقمى من نفسك اللى ضيعت أهلها بشهواتها ورخصها اطلعى بره ومش عايز اشوفك هنا تانى.
نظرت لهم بعدم اهتمام ودلفت إلى الداخل وجلست على الأريكة ووضعت قدم فوق الاخره واشعلت سيجاره
وفى ذلك الوقت وضعت رقيه يدها على جرس الباب وظلت تضغط عليه بسعاده عدة مرات فتحت سهير لها بوجه عابس وقالت بصوت منكسر
-اتفضلى يا بنتى
نظرت لها بأستغراب وقالت بتساؤل
رقيه :- خير يا طنط مالك شكلك زعلانه من حاجه
تنهدت بحزن وقالت
سهير :- تعالى يا بنتى وانتى تعرفى كل حاجه
وذهبت إلى الداخل وتركتها
نظرت إلى الفراغ بأستغراب وأغلقت الباب سريعا وتحركت إلى الداخل وجدت رائد يقف بغضب ويعقد ذراعيه على صدره اقتربت منه وقالت بتساؤل
رقيه :- خير يا رائد فيه ايه انا قلقت اوى على فكره
وفى ذلك الوقت سمعت صوت أنوثي يقول لها بتهكم
فاطمه:-ودى مين كمان الحلوه واحده من ضحايات نزواتك
استدارت سريعا باتجاه الصوت ونظرت لها بأستغراب ثم عودت النظر مره اخرى إلى رائد وقالت بتساؤل
رقيه :- فاطمه !؟ دى بتعمل ايه هنا ؟
نهضت من على الأريكة سريعا واقتربت منها ونظرت لها بأهتمام وقالت
فاطمه :- انتى تعرفينى !؟ مين انتى ؟ صوتك مش غريب عليا حاسه ان شوفتك قبل كده
امسك ذراع رقيه سريعا وارجعها خلف ظهره وقال بغضب
رائد:- دى جارتنا هنا ملكيش دعوه بيها خليكى معايا أنا جايه ورايا تانى ليه مش خلاص اخدى منى كل حاجه ونفذتى انتقامك
حركت رأسها بالنفى ونظرت له بغضب وقالت
فاطمه :- لا يا رائد انتقامى لسه منتهاش طول ما انت وامك وابوك عايشين مش هرتاح لازم احرق قلبك على اقرب حد ليك
ونظرت إلى رقيه واقتربت منها وقالت بتوعد
-وشكلى هغير طريقة انتقامى بقى فيه حد جديد فى الموضوع
اقتربت من أذن رقيه وقالت
-شكلك مش غريب عنى ومش هسكت غير لما اعرف انتى مين وشكلك هتكونى الورقه الرابحه عندى
ثم تعالت ضحكاتها وغادرت المكان وتركتهم
نظرت رقيه لرائد بقلق وابتلعت ريقها بصعوبه وقالت
-ش ش شكلى جيت فى وقت مش مناسب عن اذنكم
تكلمت سريعا وقالت بأسف
سهير :- متزعليش يا بنتى من اللى حصل دى واحده مجنونه منها لله هى السبب فى كل اللى حصل لينا
