ليلى

الفصل الاول

دخل خالد مكتبه في الشركه وقعد على المكتب ودخلت عليه سكرتيرته:السكرتيره:صباح الخير يا فندم

خالد:صباح الخير يا مروه

السكرتيره:الموظفات اللي هيعملوا مقابلة التعيين مستنين في اوضة الانتظار

خالد:طيب اخلص القهوة ودخليهم بالدور

السكرتيره:حاضر يا فندم

في اوضة الانتظار كان موجود خمس بنات وليلى كانت اقلهم في الجسم وملامحها كانت بريئه وطفوليه ومحدش ممكن يديها سنها الحقيقي25سنه وكان كل البنات لابسين لبس ضيق وشعرهم معمول عند الكوافير وميك اب كامل وليلى بتبصلهم باستغراب لانها شايفه ان كده زياده عن اللزوم والمفروض الشخصيه اهم من اللبس والحاجات الخارجيه ده…………

دخلوا البنات كلهم و كانت ليلى آخر واحده وحست ان كل واحده قعدت تقريبا ربع ساعه جوه وخرجت وهي بتضحك وليلى كانت هتجنن وتعرف هما فرحانين ليه معقوله يكونوا كلهم اتقبلوا في الوظيفه؟؟؟؟؟؟؟؟؟؟

وجه دور ليلى وكانت لابسه بدله بيج وتحتها قميص بني وكانت لامه شعرها ديل حصان وحاطه ملمع شفايف بس وخبطت عالباب ودخلت……………….

الفصل الثاني

فتحت ليلى الباب ودخلت مكتب خالد لقيته قاعد عالمكتب ولابس نظاره شيك اوي وكان بيقرا ورق ومن غير ما يبصلها قالها:

خالد:اتفضلي اقعدي يا ليلى

ليلى:شكرا

بصت ليلى لخالد لقيته سنه تقريبا 30 سنه وشعره بني وناعم وحاطط بيرفيوم حلو اوي و……..

رفع خالد عينيه فجأة لقي ليلى بتبصله اوي فسألها:

خالد:تحبي تشربي ايه؟

ليلى :شكرا

خالد:مكتوب قدامي انك اشتغلتي في شركه قبل كده وسيبتيها ممكن اعرف السبب؟

ليلى:الحقيقه الشركه كانت كويسه جدا بس مديري المباشر كان مش عايزني افكر مكان عايزني انفذ كل كلمه بقولها

خالد:طيب مش المفروض ننفذ كلام المديرين

ليلى :بس لو انا عندي افكار جديده وهتوفر للشركه من حقي اقولها وكمان يتناقش معايا

خالد:طيب ممكن اعرف شوية افكار؟

ليلى :اهم حاجه هي التسويق للمنتج وده ليه اكتر من طريقه جديده

وفضلت ليلى تشرح افكارها وخالد بيبصلها وهو عايز يضحك لأنها فكرته بنفسه لما كان متخرج جديد و عجبه اوي حماسها للشغل وكمان طريقة كلامها وملامحها اللي عكس شخصيتها تماما………..

خالد:افكارك فعلا جديده ومميزة

ليلى:شكرا

خالد:تقدري تتفضلي وان شاء الله هنتصل بيكي في اقرب فرصه

ليلى:اوكيه

وسلمت ليلى على خالد وخرجت وهي بتتمنى تقبل في الوظيفه ده عشان تقدر تحقق طموحها في شغلها.

وبعد ما مشيت ليلى دخلت سكرتيرة خالد وسألته:

السكرتيره:ها يا فندم اخترت مين فيهم؟

خالد:انتي ايه رأيك؟

السكرتيره:متهيألي اول واحده شكلها كويس

خالد:هو الشغل بالشكل ولا بالعقل؟

السكرتيره:يعني حضرتك اخترت مين؟

خالد:ليلى آخر واحده قابلتها.

السكرتيره:اللي تشوفه يا فندم.

وخرجت السكرتيره عشان تبعت ايميل لليلى عشان تستلم الوظيفه………..

الفصل الثالث

رجعت ليلى البيت وسلمت على باباها ومامتها ودخلت اوضتها تغير عشان تتغدى معاهم وقبل ما تخرج فتحت اللاب توب بتاعها

ولقيت ايميل من الشركه انها قبلت في الوظيفه فخرجت فرحانه وقالتلهم:

ليلى:يا جماعه انا قبلت باركولي

باباها :مبروك يا حبيبتي

مامتها:بس يا رب متسيبهمش زي الشركه اللي فاتت

ليلى :يا ماما انا مش بحب حد يصادر افكاري انا عايزه اكون حره

مامتها:لما نشوف لما تتجوزي هتبقي حره ازاي ( باباها قعد يضحك )

ليلى:انا لا يمكن اتجوز واحد عشان يتحكم فيا انا بقولكم اهوه, بتضحك على ايه يا بابا؟

باباها:اصلك فكرتيني بمامتك زمان ههههههههههه

مامتها:تقصد ايه؟

باباها :اصلها كانت بتقول نفس الكلام ده لغاية ما قابلتني وحبيتني من اول نظره

ليلى:طيب يا ريت الاقي انسان زيك يا احلى اب فالدنيا

مامتها:بقى انا اللي حبيتك من اول نظره؟؟؟؟؟؟؟؟؟؟؟؟؟؟؟

باباها:خلاص يا ستي انا اللي وقعت في غرامك ( مامتها وشها احمر)

ليلى:اقوم انا بقى واسيبكم ولا هنتغدى

مامتها:يلا يا حبيبتي الاكل جاهز

وفضلوا يتكلموا على الشغل ويضحكوا وليلى بتحكلهم على مديرها الوسيم والواثق في نفسه جدا……………

الفصل الرابع

صحيت ليلى بدري وقامت خدت شاور ولبست بنطالون اسود وعليه قميص قصير ابيض وفطرت بسرعه ونزلت ركبت عربيتها واحت الشركه وكانت فرحانه اوي………………..

ليلى:صباح الخير

السكرتيرة:صباح الخير يا آنسه ليلى

ليلى:ممكن اعرف فين مكتبي؟

السكرتيره:اتفضلي استريحي لغاية ما الباشمهندس خالد ما يوصل

ليلى:اوكيه

وقعدت ليلى تستنى وصول خالد وفتحت اللاب توب بتاعها وابتدت تكتب شوية افكار جديده فكرت فيها قبل ما تنام وبعد عشر دقايق حست ان في حد بيبصلها رفعت عينيها لقيت المهندس خالد واقف بس مكنش لابس نظاره وكان بيبتسم ابتسامه هاديه وقالها:

خالد:ده انت نشيطه اوي

ليلى:متنساش حضرتك ان ده اول يوم ليه

خالد:طيب اتفضلي في مكتبي نشرب حاجه واشرحلك طبيعة شغلك معانا

ودخل خالد مكتبه وليلى وراه وطبعا ريحة البيرفيوم بتاعه كانت جميله وليلى حبتها اوي وبعد ما دخلوا وقف خالد عند جهاز تحضير القهوة وابتدى يحضر كوبايتين وسألها:

خالد:سكرك قد ايه؟

ليلى:معلقه واحده

خالد:ايه ده انتي بتعملي دايت؟

ليلى:لا ابدا بس مش بحب السكر الكتير

وضحكت ليلى من غير سبب فسألها خالد:

خالد:خير؟؟؟؟؟؟؟؟؟؟؟

ليلى:انا اسفه اصل مديري السابق كان كل شويه يطلب السكرتيره عشان تعمله القهوه وانا كنت بحسه كسول اوي فافتكرته وضحكت

خالد:يعني انا مش كسول؟

ليلى:لا طبعا

خالد:طيب نتكلم فالشغل بقى

ليلى :اتفضل

خالد:بصي يا ليلى احنا هنبتدي نعمل حملة دعايه وتسويق لمنتجع جديد في العين السخنه وانا اخترتك انتي عشان تساعديني فيه وكمان عشان اشوف افكارك الجامده

ليلى:ان شاء الله هكون عند حسن ظن حضرتك

خالد:دلوقتي انتي هتاخدي المكتب اللي جنب مكتب السكرتيره وهنتابع مع بعض الشغل باستمرار

ليلى:اوكيه

خالد:تقدري تتفضلي

ليلى:بعد اذن حضرتك

ليلى:مستر خالد

خالد:نعم

ليلى:انا متشكره اوي عشان ثقتك فيا

خالد ابتسم وليلى خرجت وهي حاسه انها عايزه تثبتله انها فعلا عندها افكار مختلفه وراحت على مكتبها وابتدت تحضر لشغلها في المشروع الجديد………………..

الفصل الخامس

تاني يوم وصلت ليلى الشركه وكانت لابسه بدله بنيي وتحتها بلوزه نبيتي وشوز نبيتي بكعب عالي وفتحت باب مكتبها لقيت خالد مستنيها وكان بيبص من الشباك وسرحان فمعرفتش تقول ايه بس هو حس بوجودها و قالها:

خالد:صباح الخير يا ليلى

ليلى :صباح الخير

خالد:ادامك ربع ساعه تكوني جاهزه عشان هنروح نعاين المنتجع

ليلى:اوكيه

بعد ربع ساعه كانت ليلى مستنيه عند السكرتيره ومعاها الاوراق اللي مجهزاهاوفعلا خرج خالد من مكتبه وكان معاه اوراق وقال:

خالد:مستعدين؟

ليلى:ايوة

السكرتيره:مستعده يا فندم

ونزلوا تحت ركبوا عربية الشركه وكان السواق مستنيهم واتحركت العربيه للعين السخنه وهما قاعدين ابتدى خالد يقول حاجات للسكرتيره وهي بتكتبها و ليلى مسكت موبايلها واتصلت بباباها:

ليلى:الو يا بابا

باباها:ايوه يا حبيبتي عامله ايه؟

ليلى:انا كويسه بس بقولك اني رايحه العين السخنه عشان عندي شغل

باباها:رايحه لوحدك؟؟؟؟؟؟؟؟؟؟؟؟؟؟؟؟

ليلى:لا متقلقش معايا المهندس خالد ومدام مروه وراكبين عربية الشركه

باباها:طيب خلي بالك من نفسك وانا هتابعك بالموبايل

ليلى:اوكيه مع السلامه

باباها:مع السلامه

خالد:خير بابا قلقان عليكي؟

ليلى:لا ابدا بس ده اول مره اسافر من غيره

خالد:انتي عندك اخوات؟

ليلى:لا انا بنت وحيده

خالد:متقلقيش هنرجع بدري

ليلى:انا مش قلقانه خالص

خالد وهو بيضحك:طيب يا ستي انا اللي قلقان

وضحكت مروه السكرتيره وليلى ضحكت برده عشان تداري كسوفها وخصوصا انها كانت خايفه عشان مسافره لوحدها من غير باباها ومامتها لأول مره بس خالد اداها احساس بالأمان من غير ما يتكلم……………

وصلوا العين السخنه واستأذنت مروه وليلى عشان يروحوا الحمام وهناك:

مروه:انتي ازاي هتقضي اليوم بالكعب ده؟

ليلى:انا مكنتش اعرف اننا هنسافر

مروه:اصل المعاد اترتب فجأه بس انا اتعودت على كده فبعمل حسابي في شوز مناسب

وغسلوا وشهم وخرجوا لقيوا خالد مستنيهم في مطعم المنتجع وبيشرب قهوه مع شاب وبيتكلموا فقعدوا معاهم وعرفهم خالد على الشاب:

خالد:اعرفكم بالمهندس ايهاب ابن صاحب المنتجع ومديره

ايهاب:اهلا بيكم

خالد:اقدملك ليلى اجدد موظفه عندنا وطبعا مروه سكرتيرتي متهيألي قابلتها قبل كده

ايهاب:ايوة فعلا , اتشرفنا يا ليلى

ليلى:اهلا بيك

وابتدوا يتكلموا عن تفاصيل المشروع ومروه بتكتب كل كلمه خالد بيقولها وليلى بتكتب ملاحظاتها وبعدين قاموا كلهم عشان يتفرجوا على المنتجع وشافوا الخدمات الكتير اللي بيقدمها زي حمامات السباحه باحجامها المختلفه وصالات الجيم واماكن لالعاب الاطفال ده غير اكتر من مطعم وكافيه لخدمة زوار المنتجع وبعد ما شافوا كل الاماكن رجعوا لمطعم علشان يتغدوا وطلبوا بعد الغدا قهوه وبدأ ايهاب يتكلم:

ايهاب:ها ايه رايك يا خالد؟

خالد:هايل وبجد مميز جدا

ايهاب:ايه رأيك يا ليلى؟

ليلى:من غير مجامله ده من اجمل الاماكن اللي شوفتها في حياتي

خالد:ها قوليلنا شوية افكار يا ليلى؟

ليلى:انا كنت محضره شوية افكار بس كان قبل ما اشوف المكان

خالد:ممكن نسمعها برده

ليلى فتحت اللاب توب بتاعها و قالت :اول حاجه عايزين نعمل معرض في الفنادق نعمل دعايه للمنتجع

تاني حاجه هنعمل رحلات مجانيه عشان العملاء يشوفوا المشروع على الطبيعه

تالت حاجه ممكن نعرض خصم لأول 100 شخص يحجزوا هنا

خالد:كويسه اوي الافكار ده يا ليلي , ايه رأيك يا ايهاب؟

ايهاب:ممتاز

خالد:وبعد ما شوفتي المنتجع على الطبيعه هتضيفي ايه كمان؟

ليلى:انا بفكر اصور كل الاماكن هنا وابتدي حملة دعايه على النت ومواقع التواصل الاجتماعي زي الفيس بوك وتويتر وغيرهم

خالد:فكره هايله يا ليلى

ايهاب :هتبدأوا تنفيذ الدعايه امتى؟

خالد:هبعتلك التفاصيل على الايميل لما نرجع الشركه

واستعدوا عشان يرجعوا وودعهم ايهاب وركبوا العربيه وكانوا تعبانين من المجهود اللي عملوه وفضل خالد ومروه يتكلموا وليلى ريحت راسها لورا ونامت…………………

الفصل السادس

صحيت ليلى من النوم لقيت خالد بيبصلها اوي فاتعدلت ورجعت شعرها لورا وسألته:

ليلى:احنا وصلنا ؟

خالد:ايوة , مروة نزلت عند بيتها ويتكم فاضله عشر دقايق تقريبا

ليلى:انا نمت كتير اوي

خالد:كان شكلك زي البيبي

ليلى وشها احمر:بكره ان شاء الله هجهز كل الشغل وهقدمه

خالد:هستناكي الصبح في مكتبي

ووقف السواق عند بيت ليلى ونزلت وقالت لخالد:

ليلى: تصبح على خير

خالد: وانتي من اهله

وطلعت ليلى العماره بس افتكرت ان عربيتها مركونه تحت الشركه فقررت تاخد تاكسي الصبح وهي رايحه وطلعت ولقيت باباها ومامتها مستنينها وقعدت تحكيلهم كل اللي حصل وقعد باباها يضحك لما قالت انها نامت وهما راجعين وهي اتغاظت منه:

ليلى:نمت غصب عني على فكره

باباها:اكيد المدير بتاعك هيقول عليكي كسلااااانه ههههههههههههه

ليلى:مش كفايه كنت لابسه كعب عالي طول اليوم واستحملت

مامتها:يلا يا حبيبتي قومي خدي شاور ونامي

ليلي:تصبحوا على خير

باباها وهو لسه بيضحك:وانتي من اهله

ليلى:ماشي يا بابا

دخلت ليلى سريرها وكانت تعبانه بس مجالهاش نوم فضلت تفكر فخالد وسالت نفسها ازاي شخصيته قويه وفنفس الوقت هادي ومش بيتكلم كتير و………………… نامت وهي بتفكر فيه.

وصل خالد بيته وطلع لقي مامته واخته مي مستنينه على العشا واول ما دخل :

خالد:مساء الخير

مي:اتأخرت اوي انا جعت خالص

خالد:طيب يا ستي هغسل ايدي بسرعه

مامته:على مهلك يا حبيبي

وجه خالد قعد عالسفره وفضلت مي تحكي عملت ايه في الكليه بتاعتها وخالد عمال يسمعها باهتمام بس مامته بصتله وسألته:

مامته:مالك يا خالد؟

خالد:ابدا يا ماما مفيش

مامته: شكلك بتفكر في حاجه

خالد:ما انتي عارفه الشغل يا ماما

مامته:يا بني ارحم نفسك شويه نفسي اشوفك متجوز وعيالك ماليين عليه البيت

خالد:ان شاء الله يا ماما بس اطمن على مي الاول

مي:ايوه طبعا

مامتها:عيب يا بنت انتي لسه صغيره

مي:يعني مش هتجوز ولا ايه مش فاهمه

خالد:لا يا حبيبتي هتتجوزي وهعملك فرح محصلش

مي: ربنا يخليك ليه يا خالد يا رافع من معنوياتي ههههههههههه

مامتهم:ربنا يخليكم لبعض

واستأذن خالد ودخل اوضته خد شاور ودخل في السرير ولقي نفسه بيفكر في ليلى بس حاول يشيلها من تفكيره عشان هو لسه مش مستعد يدخل اي علاقه بعد علاقته بزميلته في الكليه واللي انتهت بان قلبه اتكسر بعد ما سابته عشان ظروفه الماديه وقتها وحاول خالد ينام بس لقي نفسه افتكر كل حكايته مع هايدي وازاي كانوا بيحبوا بعض اوي بس بعد ما تخرجوا جت في يوم قالتله ان جالها عريس مناسب وانه لسه في بداية حياته وهي مش هتقدر تستناه وافتكر شكلها وهي بتودعه وخرجت من النادي وركبت مع شاب راكب عربيه احدث موديل وهو فضل يبص عليها لغاية ما اختفت عن عينيه وحس ان دموعه بتنزل غصب عنه بس قرر يومها ان عمره ما هيحب تاني ابدا وانه هيعيش يشتغل وينجح في حياته وفعلا اتعين في الشركه وخلال 8 سنين بقى مدير للفرع وقابل بنات كتير بس كان دايما بيفتكر هايدي و ويفتكر ان مفيش واحده تستاهل يديها قلبه ومشاعره…………. غطى خالد وشه بالمخده ونام عشان عنده شغل بدري.

الفصل السابع

صحيت ليلى الصبح بدري وفطرت مع باباها ومامتها ونزلت عشان توقف تاكسي وتروح الشركه وكانت لابسه بنطالون اسود وعليه بلوزه حمرا وكان شعرها مفرود وفعلا وقفت تاكسي ووصلت الشركه دخلت مكتبها وبعد شويه اتصلت بيها مروه عشان تيجي تقابل خالد وراحت وخبطت عالباب ودخلت لقيت خالد مشغول فقالها:

خالد:اتفضلي اقعدي

ليلى:صباح الخير

خالد:صباح الخير , ها جهزتي الشغل ؟

ليلى:ايوه , بس محتاجه اروح المنتجع عشان عايزه اصوره

خالد:تحبي نبعت مصور متخصص؟

ليلى:لا مفيش داعي انا بصور بطريقه معينه

خالد:اوكيه بس يا ريت اشوف الصور اول ما تخلصيها

ليلى:اطمن خالص

خالد:تشربي قهوه معايا؟

ليلى: تسمحلي انا اللي اعملها؟

خالد:لا يا ستي لتقولي عليه كسول

ليلى:لا طبعا

وفضلوا يضحكوا وقامت ليلى تحضر القهوه وخالد لقي نفسه بيبصلها وبيشوفها بطريقه مختلفه وبرغم ان جسمها قليل ورقيق بس جواها طاقه هايله وكمان ضحكتها جميله اوي ……… استغرب خالد من افكاره فقام ووقف عند الشباك وقلع جاكت البدله وسرح

بصت ليلى لقيته سرحان وكان نفسها تعرف ايه اللي بيخليه يسرح بالشكل ده وحست ان جواه حاجات كتير اوي………..

اليوم اللي بعده دخلت ليلى على خالد المكتب وهي مضايقه جدا:

ليلى:ممكن افهم يعني ايه الاقي الصور ده على مكتبي ؟؟؟

خالد:صور ايه؟

وبص خالد للصور واستغرب مين اللي حط صور للمنتجع الجديد على مكتب ليلى؟؟؟؟؟؟

طلب خالد مروه عشان تيجي المكتب وسألها:

خالد:يا مروه ايه حكاية الصور ده؟

مروه:مفيش حكايه ولا حاجه ده وصلت امبارح بعد ما حضرتك مشيت من شركة المهندس ايهاب فحطيتها في مكتب ليلى عشان تنفذ حملة الدعايه.

خالد:طيب شكرا يا مروه , اتفضلي انتي دلوقتي

ليلى وشها احمر من الاحراج:انا متأسفه اني كنت منفعله

خالد:وبعدين؟

ليلى:اصلي اضايقت اوي لما افتكرت انك جبت مصور متخصص

خالد:وبعدين؟

ليلى : انا اعتذرت والموقف ده مش هيتكرر تاني

خالد قعد يضحك بصوت عالي وليلى مش فاهمه هو زعلان ولا لأ؟

ليلى:ممكن اعرف ايه اللي بيضحك دلوقتي؟

خالد:اصلي كان نفسي اصورك وانتي داخله كنتي كأنك هتق*ت*ل*يني

ليلى ضحكت:لا طبعا مش كده

خالد وهو لسه بيضحك:امال ازاي؟

ليلى:اصلي بحب شغلي اوي وبحب اهتم بكل الفاصيل بنفسي

خالد:اتفضلي استريحي و قوليلي ايه رأيك فالصور

ليلى قعدت ومسكت الصور وقالت:الصور حلوه طبعا بس انا هعملها بشكل مختلف و…………..

اتفتح باب المكتب ودخلت بنت زي القمر و كانت لابسه جينز ضيق وعليه قميص اصفر قصير عليه تطريز رقيق وكان شعرها كاريه قصير وناعم واول ما دخلت قربت من خالد وباسته في خده وقالت:

البنت:وحشتني اوي

خالد :ازيك يا ساره , و ازي مامتك

ساره:تمام وهي اللي بعتتني انهارده عشان تيجي تتعشى معانا

وراحت ساره بصت لليلى فخالد قال:

خالد:اقدملك الانسه ليلى موظفه جديده معانا

ساره :اهلا

خالد:اقدملك ساره بنت المهندس عزت صاحب الشركه

ليلى:اهلا وسهلا, طيب استاذن انا وهآجي لحضرتك وقت تاني

خالد:اتفضلي

وخرجت ليلى وهي حاسه انها مدايقه من ساره عشان بصتلها بطيقه كلها غرور وفضلت تفكر هما مخطوبين ولا ايه؟ بس هو مش لابس دبله؟ طيب وازاي تبوسه كده عادي؟ وفضلت مدايقه لغاية ما روحت البيت……………

الفصل الثامن

روحت ليلى وسلمت على باباها ومامتها وغيرت وقعدت تتغدى بس كانت ساكته على غير العاده فباباها سألها:

باباها:الجميل بيفكر في ايه؟

ليلى:لا مفيش

مامتها:انتي تعبانه ولا ايه؟

ليلى:ها ؟ لا ابدا انا هدخل انام شويه

و دخلت اوضتها وقعدت في السرير تفكر في خالد وساره ونفسها تعرف هما مخطوبين ولا ايه؟؟؟؟؟؟؟؟؟؟

تاني يوم قررت ليلى تبطل تفكر في خالد وتركز في شغلها وعد ما خلصت المطلوب منها راحت مكتب خالد عشان تسأله تسافر امتى عشان تصور المكان فخبطت ودخلت لقيته لسه بهدومه بتاعت امبارح وشكله مرهق اوي وكان مرجع راسه لورا ومغمض عينيه:

ليلى:صباح الخير

خالد فتح عينيه ولبس النظاره وقالها:صباح الخير يا ليلى

ليلى:انت تعبان؟

خالد:لا بس مرهق شويه كان عندي شغل طول الليل

ليلى:طيب ما انت ممكن تروح البيت ترتاح وترجع تاني

خالد:لا عندي جاجات لازم اخلصها عشان عندي اجتماع مهم كمان ساعتين

ليلى:طيب انا كنت عايزه اعرف اقدر اسافر امتى اصور المنتجع؟

خالد:سافري الصبح لو تقدري وانا احتمال اروح بكره اقابل ايهاب

ليلى:خلاص هسافر الصبح بدري ان شاء الله ,عن اذنك

خالد رجع راسه تاني لورا وغمض عينيه وليلى حست انه صعبان عليها اوي …………………….

سافرت ليلى الصبح بعربيتها وكانت لابسه جينز ازرق وتيشيرت ابيض عليه رسمه ميني ماوس وكوتشي ابيض وخدت معاها كاميرتها واول ما وصلت لقيت ايهاب مستنيها :

ايهاب:صباح الخير يا ليلى , مش تسمحيلي اقولك ليلى برده؟

ليلى:طبعا, صباح الخير

ايهاب:اتفضلي الاول نفطر سوا وبعدين اسيبك تشوفي شغلك

ليلى:انا فطرت بس ممكن اشرب قهوه معاك

ايهاب:زي ما تحبي

خالد صحي من النوم متأخر عشان كان مرهق ودخل خد شاور ولبس بدله بيج وتحتها قميص لبني فاتح وكرافت كاروهات وركب عربيته وسافر العين السخنه وطول الطريق كان بيفكر يا ترى ليلى وصلت ولا لسه؟؟؟؟؟؟؟؟؟

وصل خالد وقابل ايهاب وسأله على ليلى:

خالد:ازيك يا ايهاب ؟

ايهاب :الحمد لله , ايه الاخبار؟

خالد:تمام, ها ليلى وصلت؟

ايهاب:من بدري انت لقيتها فين ده شعلة نشاط ده مرتاحتش من ساعة ما جت

خالد:عشان تعرف بس شركتنا مميزه ليه

وقعدوا يتكلموا في تفاصيل الحمله الدعائيه وفات ساعتين فخالد سأل:

خالد:هي فين دلوقت؟

ايهاب:هي مين؟

خالد:ليلى

ايهاب: متهيألي وصلت للجيم دلوقتي

خالد:طيب انا هروح اشوفها وصلت لغاية فين؟

ايهاب:وانا هطلب الغدى عشان نتغدى سوا

خالد:اوكيه

وركب خالد عربيته وراح يدور على ليلى عند الجيم ووقف بالعربيه لما لقيها من بعيد بس لقيها في وضع غريب جدا!!!!!!!!!!!!

الفصل التاسع

وقف خالد بره الجيم وكان هيغمى عليه من الضحك لقي ليلى راسها تحت ورجليها فوق وبتصور المكان و أول ما ليلى شافته راحت وقعت على الأرض وخالد صوت ضحكه بقى عالي وراح جنبها عشان يساعدها بس هي وقفت لوحدها وقالت وهي متعصبه:

ليلى:ايه اللي بيضحكك اوي كده؟؟؟؟؟؟؟

خالد وهو لسه بيضحك والدموع بتنزل:انا آسف بس بجد مش قادر, انتي كنتي بتعملي ايه قبل ما تقعي؟

ليلى:كنت بصور الجيم

خالد:طيب واللي بيصور يعمل كده؟

ليلى:هي ده طريقتي

خالد:طيب متزعليش خدي راحتك بس خلي بالك في بقيت الصور هههههههههههههه

ليلى:طيب عن اذنك عشان اكمل

خالد:لا كفايه كده انهارده يلا عشان نروح نتغدى

ليلى:تصدق انا فعلا جعانه

خالد:من المجهود الرهيب اللي بذلتيه

ليلى وشها احمر:بكره هتشكرني عللى الصور ده

ركبت ليلى عربيتها ووراها خالد بعربيته ووصلوا المطعم ولقيوا ايهاب مستنيهم واول ما شافها وقف وقالها:

ايهاب:ايه يا ليلى كل ده ؟ اتأخرتي اوي

ليلى:ولسه مخلصتش

ايهاب :شكلك دقيقه اوي في شغلك

خالد رد بدالها:ايوه هي الآنسه ليلى مميزه في شغلها

ايهاب :طيب اتفضلوا الغدا هيوصل حالا

وابتدوا ياكلوا ويتكلموا عن المنتجع وكان ايهاب معظم كلامه بيوجهه لليلى وخالد ابتدى يحس ان ايهاب معجب بيها فاستأذن عشان الوقت اتأخر:

خالد:احنا هنمشي بقى يا ايهاب

ليلى:بس انا لسه مخلصتش تصوير

ايهاب:خليكي انتي يا ليلى

خالد:لا معلش انا هروح وراها بالعربيه عشان اطمن عليها وبكره هنيجي الصبح

ايهاب:انا ممكن اوصلها بنفسي

خالد:مش عايزين نتعبك معانا

ليلى ادايقت انهم بيتكلموا من غير ما حد فيهم ياخد رأيها وكانت لسه هتقول رأيها راح خالد بصلها بطريقه خلتها تسكت وسلمت على ايهاب واضطرت تسحب ايديها منه عشان طول وهو بيسلم عليها وخالد لاحظ وسلم على ايهاب وركبت عربيتها وخالد وراها بعربيته

وفضلت طول الطريق مستغربه من تصرف خالد واصراراه انها تروح معاه………

خالد فضل ماشي ورا ليلى بالعربيه وهو حاسس انه زودها شويه في اهتمامه بليلى وقرر انه هيعاملها زي باقي الموظفات في الشركه.

وفجأه وقفت ليلى على جنب فخالد وقف عشان يشوفها مالها ونزل لقيها بتطلع الاستبن من شنظة العربيه وعايزه تركبها فضحك:

خالد:ممكن اساعدك؟

ليلى:انا بعرف اركبها

خالد:بس الكلام ده لما تكوني لوحدك مش معايا

ليلى:بس…….

خالد:مفيش بس

ابتدى خالد يقلع جاكت البدله فليلى خدته منه وراح شمر كمام القميص وكان عنده عضلات ليلى استغربت ازاي جسمه مشدود كده مع انه طول الوقت قاعد على المكتب وغالبا معندوش وقت يلعب رياضه وفضلت ليلى حاضنه الجاكت وريحة البيرفيوم بتاعت خالد كانت جميله اوي وسرحت ليلى و محستش غير بخالد واقف ادامها وبيقولها:

خالد:ليلى !!!!!! انتي سرحانه في ايه؟

ليلى ردت بسرعه: لا ابدا

خالد ضحك :طيب ممكن الجاكت

ليلى كانت ماسكه الجاكت جامد فاتكسفت وادتهوله وقالت: متشكره تعبتك معايا

خالد وهو بيلبس الجاكت:لا ابدا , يلا اتفضلي عشان اوصلك البيت

وركب كل واحد فيهم عربيته وليلى فضلت باصه عليه في المرايه وكان لسه ريحة البيرفيوم بتاعته في هدومها……………

ووصلوا تحت بيت ليلى ونزلت ليلى وشكرت خالد تاني وهو سلم عليها ومشي وهي فضلت باصه عليه لغاية آخر الشارع وبعدين طلعت فوق سلمت عليهم وراحت اوضتها وغيرت وخرجت وقفت في البلكونه وسرحت……….

الفصل العاشر

الصبح صحيت ليلى وهي فرحامه من غير ما تعرف السبب وكانت عماله تغني ووقفت كتير ادام الدولاب عشان تختار هتلبس ايه وبعد تفكير عميق جدااااا اختارت بنطالون جينز كحلي ولبست عليه تيشيرت احمر قصيره ولبست شوز احمر رقيق وسابت شعرها مفرود وحطت ميك اب رقيق وبيرفيوم جادور وبصت لنفسها في المرايه وضحكت وخرجت من اوضتها لقيت باباها ومامتها قاعدين على السفره واول ما باباها شافها ابتسم :

باباها:صباح الخير يا حبيبة بابا

ليلى وهي بتبوسه:صباح الخير يا بابا

مامتها:صباح الخير يا لولو , بس ايه البيرفيوم الجميل ده ؟؟؟؟؟؟

ليلى وهي بتبوسها:عادي يا ماما

ليلى:انا هروح المنتجع انهارده عشان اخلص شغلي

باباها:طيب يا حبيبتي بس خلي بالك من الطريق

ليلى:متخافش عليه

مامتها:يا بنتي كفايه سفر بقى الطريق خطر

ليلى:متقلقيش ما المهندس خالد هيرجع ورايا بالعربيه زي امبارح

مامتها بصت لباباها وابتدوا يفطروا مع بعض واستأذنت ليلى وراحت شغلها ومامتها سألت باباها:

الام:هي مالها ؟

الاب:بنتك شكلها بتحب

الأم:لا مش معقوله ده عمرها ما حد عجبها ولا لفت نظرها

الاب:انتي مش شايفه عينيها بتلمع ازاي

الام:بس يا ترى مين؟

الاب وهو بيبتسم ابتسامه ليها معنى: الله اعلم

وصلت ليلى المنتجع وابتدت تصور الاوض والمطاعم ولما وصلت الكافيه لقيت ايهاب هناك بيشوف حاجات مع العمال واول ما شافها:

ايهاب:صباح الخير يا ليلى

ليلى :صباح الخير

ايهاب:تعالي اشربي حاجه ونتكلم شويه

ليلى:اوكيه

وقعدوا على ترابيزة والجرسون جاب نيسكافيه وقدمه لليلى وقهوه لايهاب:

ايهاب:ايه اخبار الصور؟

ليلى:ان شاء الله هخلص تصوير انهارده وهحمضهم وهقدمهم للمهندس خالد

ايهاب:انا واثق انهم هيكونوا حلوين زي صاحبتهم

ليلى وهي بتضحك:لا هيطلعوا حلوين عشان المكان رائع

ايهاب:بجد المكان عجبك؟

ليلى:ده هايل وتصميمه حلو اوي

ايهاب:طيب ايه رأيك تيجي يوم الافتتاح هيكون يوم مميز

ليلى:يا ريت هشوف ظروفي وارد عليك

ايهاب قرب منها ومسك ايديها وقالها:عشان خاطي لازم تيجي

ليلى سحبت ايديها وقالت:ان شاء الله هحاول

واستغربت ليلى من تصرف ايهاب بس فكرت انه انسان محترم واكيد ميقصدش حاجه وحشه ومكنتش واخده بالها ان خالد واقف من بعيد بيبص عليهم وهما مع بعض ………….

خالد كان واقف مذهول من المشهد الرومانسي اللي ادامه وادايق ان ليلى شكلها مندمجه اوي مع ايهاب و كمان ماسكه ايده وحس انه اتخدع فيها وانها اكيد بتحاول تتقرب لايهاب عشان غني ما هو كل البنات كده كلهم زي هايدي حبيبته الاولانيه……………

دخل خالد الكافيه ووشه كان متغير خالص:

خالد:صباح الخير ييا جماعه

ايهاب:صباح الخير يا خالد

ليلى وعينيها بتلمع اوي:صباح الخير

خالد:ها يا ليلى خلصتي شغلك هنا؟

ليلى:تقريبا

خالد:عشان ورانا شغل كتير في الشركه عشان يوم الافتتاح

ليلى:اوكيه هخلص واطلع عالشركه

خالد:حاولي تبقي اسرع من كده

ليلى استغربت من طرقة كلامه معاها وكأنها هنا بتتسلى وقامت عشان تروح تخلص تصوير وسابتهم مع بعض.

ايهاب:انا جهزتلك الشيك وارجوك يا خالد عايز دعايه هايله ليوم الافتتاح

خالد : ان شاء الله هيكون يوم جميل

ايهاب:ان شاء الله

وفضل خالد وايهاب يتكلموا في الشغل وفي الوقت ده كانت ليلى خلصت وركبت عربيتها عشان ترجع الشركه ومراحتش تسلم عليهم عشان كانت زعلانه من طريقة كلام خالد معاها وطول الطريق كانت بتفكر هو ليه بقى بيعاملها بجفاء يا ترى ايه الغلط اللي عملته؟؟؟؟؟

خالد خلص مع ايهاب وسأله:

خالد:خلاص انا هرجع الشركه واي حاجه يبقى بينا تليفونات

ايهاب:اوكيه

خالد:شوفي ليلى فين عشان امشي وراها بالعربيه

ايهاب:ثواني

اتصل ايهاب بالامن وسألهم على ليلى وعرف انها خرجت من نص ساعه من البوابه وقال لخالد:

ايهاب:تخيل ده مشت من نص ساعه

خالد:طيب خلاص انا هروح عالشركه سلام

ايهاب:سلام

خالد لقي نفسه متغاظ من ليلى عشان مشيت من غيره وفضل مدايق وهو سايق وفجأه لقي عربية ليلى واقفه عند استراحه في الطريق فقرر يقف يشوفها

الفصل الحادي عشر

دخل خالد الاستراحه ولقي ليلى قاعده في ترابيزه وعماله تشتغل على اللاب توب بتاعها فسحب كرسي وقعد:

خالد:ممكن اعرف انتي ليه مشيتي لوحدك؟

ليلى وهي مدايقه جدا: عشان الحق اروح الشركه اخلص شغلي

خالد:طيب ليه معديتيش قبل ما تمشي؟

ليلى:انا حره

خالد بعصبيه:ولا مش عايزه تقعدي مع ايهاب وانا موجود؟

ليلى جالها ذهول:انت تقصد ايه؟

خالد:انتي فاهمه كويس

ليلى:لا مش فاهمه ممكن تقولي ؟

خالد:يعني عشان تاخدوا راحتكوا مع بعض

ليلى قامت وقفت :انا مسمحلكش تشكك في اخلاقي

خالد ضحك بتريقه:انا شوفتك وانتي ماسكه ايده قبل ما آجي اقعد معاكوا

ليلي:يا ريت تبقى تلبس نظارتك بعد كده عشان كنت تعرف ان هو اللي مسك ايدي مش انا

خالد:والله!!!!!!!!!!!!!!

ليلى لقيت نفسها غصب عنها دموعها بتنزل عشان عمر ما انسان كلمها بالطريقه ده وكمان بيشك فيها

خالد:انتي بتعيطي والله صعبتي عليه

ليلى:انت ملكش حق تتكلم معايا بالطريقه ده

خالد: لا طبع ليه انا مدير الشركه اللي سيادتك بتشتغلي فيها

ليلى:عشان كده؟؟؟؟؟؟؟؟؟؟؟

خالد:اه طبعا

ليلى: وانا مستقيله

ولمت حاجتها ومشيت وسابته وهو مذهول من موقفها وحس انه يمكن يكون ظلمها فمشي وراها وقالها:

خالد:ليلى

ليلى:نعم عايز تقول حاجه تانيه؟

خالد:انا ……..

ليلى: نعم؟

خالد:انا مكنتش اقصد

ليلى:انت شكيت في اخلاقي من غير ما تحاول حتى تتأكد

خالد:انا آسف

حست ليلى انه مش متعود يعتذر وصعب عليها اوي:

ليلى:خلاص وانا قبلت اسفك

خالد:يعني سامحتيني؟

ليلى:خلاص

خالد:لا لازم تضحكي

ليلى:هههههههه

خالد:بجد عايز اشوف ضحكتك

ليلى:خلاص حصل خير

خالد:طب تاعلي نتغدى سوا

ليلى:لا عشان اروح احمض الصور واجهزهم

خالد:ده كلها نص ساعه وانا هاخدلك اذن من المدير بتاعك

ليلى ضحكت ورجعوا سوا قعدوا وطلبوا غدا وفضلوا يتكلموا:

خالد:انتي عند اخوات؟

ليلى:لا انا وحيده, وانت؟

خالد:عندي اخت واحده اصغر مني

ليلى:يا بختك

خالد:ليه؟

ليلى:طول عمري كان نفسي يكون عندي اخت

خالد:معندكيش اصحاب

ليلى:طبعا عندي بس في واحد هو الانتيم بتاعي

خالد:واحد؟؟؟؟؟؟؟؟؟؟؟؟؟؟

ليلى:آه واحد هههههههههه

خالد: بتضحكي على ايه؟

ليلى:الواحد ده يبقى بابا

خالد وشه احمر واتكسف:آه قولي كده

ليلى ضحكت وقالت:انت عند عقده على فكره

خالد بصلها اوي وفجأة شافها ادامه كانها هايدي بالضبط بس حاول يركز معاها فلقيها ليلى………………………..

وخلصوا غدا وكل واحد ركب عربيته ووصلوا الشركه وراحوا مكاتبهم بس فضلت ليلى تفكر في خالد وكانت حاسه انه بيغير عليها وده كان اول مره تعيش الاحساس ده وبرغم انه احساس سخيف بس برده جميل ان حد يغير عليها وفرحت اوي.

خالد دخل مكتبه وابتدى يشتغل وبعد شويه اتفتح باب مكتبه ودخلت ساره بنت صاحب الشركه:

ساره:هاي يا خالد عامل ايه؟

خالد بصلها وهي لابسه فستان قصير:اهلا يا ساره

ساره:تعالى نتغدى سوا

خالد:انا اتغديت وكمان عندي شغل كتير

ساره قربت منه وقالت: عشان خاطري

خالد:بجد مشغول

ساره:علطول مشغول اوكيه براحتك

ومسكت ساره الكرافت بتاعته وكانت قريبه منه

خبط الباب واتفتح كانت ليلى جايبه الصور لخالد فأول ما شافت ساره مقربه من خالد كان هيغمى عليها بس مسكت نفسها وقالت:

ليلى:انا آسفه هآجي وقت تاني

وقبل ما خالد يتكلم كانت خرجت وجريت على مكتبه وقعدت تعيط جامد……………. واكتشفت انها بتحبه بس واضح انها اختارت غلط وشكله بيحب ساره .

خالد:يلا يا ساره امشي بقى انا ورايا شغل

ساره:اوكيه بس لازم نتغدى سوا في اي يوم

خالد:ان شاء الله

وحس خالد ان ساره زودتها اوي وادايق من تصرفاتها معاه بس دايما كان بيقول لنفسه دي مراهقه ومش فاهمه بس واضح انها عايزه تقف عند حدها, وحس ان ليلى ادايقت من ساره وقرر يشرحلها الموقف لما تجيله تاني.

الباب اتفتح ودخلت مروه معاها الصور وقدمتها لخالد:

مروه:اتفضل

خالد:امال فين ليلى؟

مروه:استأذنت وروحت عشان تعبانه

خالد:طيب اتفضلي انتي

وفضل خالد يتفرج على الصور ولقيها روعه وفيها مناظر هو نفسه مخدش باله منها في المنتجع وعحبته اوي وبعتها عشان تتعمل على لوحات وكروت عشان تتوزع………………………………..

روحت ليلى وكان شكله زعلان جدا ودخلت اوضتها و غيرت خرجت تقعد مع باباها في مكتبه:

ليلى:ازيك يا بابا

باباها:ان الحمد له كويس ولا مكشر ولا اي حاجه

ليلى:تقصد ايه؟

باباها:الجميل زعلان من ايه؟

ليلى:ابدا مفيش

باباها:هتخبي عليه؟

ليلى:مفيش حاجه

باباها :طب ازي المهندس خالد؟

ليلى اتكسفت ومعرفتش تقول ايه………………………………………..

الفصل الثانى عشر

ضحك بابا ليلى لما لقيها اتكسفت وقالها:

باباها:ها ايه آخر اخباره؟

ليلى:كويس

باباها:عملتي ايه في المنتجع؟

ليلى:خلصت تصوير وسلمت الصور

باباها:وخالد كان رأيه ايه في الصور؟

ليلى وهي سرحانه: مش عارفه

باباها:ليه ؟ هو لسه ماشافهمش؟

ليلى:اصلي سلمتهم للسكرتيره واخدت اذن ومشيت بدري

باباها وهو بيضحك:طيب

موبايل ليلى كان بيرن فهي قامت تجري فاكره انه خالد بس لقيت رقم غريب:

ليلى:الو

ايهاب:ازيك يا ليلى انا ايهاب

ليلى:اهلا ازيك يا ايهاب , خير في حاجه؟

ايهاب:لا ابدا اصليك مشيتي من غير ما اسلم عليك

ليلى:معلش اصلي كان ورايا شغل كتير

ايهاب:طيب هتيجي الافتتاح؟

ليلى:ان شاء الله هحاول

ايهاب:انا هستناكي تنوري المنتجع يوم الحفله

ليلى:ان شاء الله

وقفلت ليلى وهي زعلانه عشان خالد مسألش عليها وخصوصا انها قالت لمروه انها تعبانه………………………..

دخلت ليلى اوضتها بعد ما اتعشت مع باباها ومامتها وقعدت على السرير و فضلت تفكر في خالد ورن موبايلها فمسكته ووقفت بسرعه لما لقيته رقم خالد وكانت مش عارفه تقوله ايه:

ليلى:الو

خالد:انا صحيتك؟

ليلى:لا ابدا انا صاحيه

خالد:روحتي ليه بدري؟

ليلى:كنت تعبانه شويه

خالد:سلامتك

ليلى:الله يسلمك

خالد:على فكره الصور راااااائعه

ليلى:بجد

خالد:بجد انتي فنانه

ليلى:ميرسي

خالد:اسيبك بقى عشان ترتاحي

ليلى:اوكيه

خالد:مع السلامه

ليلى:مع السلامه

وفضلت ليلى فرحانه وحضنت المخده ونامت…………………

خالد قفل معاها وقعد يفكر هو ليه كلمها ؟ وليه زعل لما روحت من غير ما يشوفها؟ يا ترى ايه اللى بيحصل يا خالد!!!!!!!!!!!!!

الفصل الثالث عشر

الصبح قرر خالد انه لازم يقاوم مشاعره ناحية ليلى عشان مش عايز يتجرح تاني وقرر كمان يعاملها عادي جدا في حدود الشغل و اول ما وصل مكتبه بعت مع مروه شوية حاجات عشان ليلى تعملها وقال مروه انه مشغول جدا ومش هيقابل حد انهارده.وصلت ليلى الشركه و كانت طايره من السعاده وكانت لابسه بنطالون اسود وعليه بلوزه رمادي فاتح وشوز رمادي بكعب وكانت رافعه شعرها لفوق وحاطه ميك اب هادي واول ما وصلت مكتبها خدت شوية اوراق عشان تمضيها من خالد وكمان كانت عايزه تشوفه اوي…………

وصلت عند مكتب مروه ولقيت مروه بتندهلها:

مروه:صباح الخير يا ليلى

ليلى:صباح الخير, المهندس خالد وصل؟

مروه:ايوه بس هو مشغول جدا وسابلك الحاجات ده عشان تخلصيها يلا بقى شدي حيك الافتتاح كمان اسبوعين

ليلى:طيب اوكيه

رجعت ليلى مكتبها وهي حاسه ان خالد عمل نفسه مشغول عشان مش عايز يشوفها ومبقتش فاهمه هو بيعمل معاها كده ليه وقررت ان هي كمان مش هتهتم بيه تاني ابدا……………………………..

وكل يوم كانت مروه هي اللي بتوصل اي حاجه من ليلى لخالد او العكس وجه يوم الافتتاح وكان هيبدأ الساعه 6 وفضلت ليلى محتاره تلبس ايه وخصوصا انها بقالها كتير ما شافتش خالد الا من بعيد ومتكلموش مع بعض خالص وقررت تكون اشيك واحده في الحفله ونزلت اشترت فستان قصير ونازل على واسع لونه بيج فيه خطوط رفيعه دهبي واشترت صاندال دهبي عالي وشنطه صغيره دهبي ولبستهم ورفعت شعرها لفوق وحطت فيه مشابك للشعر دهبي عشان مينزلش وهي بتتحكرك وحطت ميك اب نحاسي في دهبي ورشت بيرفيوم vip212 وخرجت من اوضتها لقيت باباها ومامتها مستنينها عشان كانوا هيوصلوها :

باباها:ايه القمر ده؟؟؟؟

مامتها:يا حبيبتي ربنا يحميكي

ونزلوا ركبوا عربية باباها واتحركوا عشان يلحقوا الحفله من اولها وكانت ليلى مش قادره تستنى عشان تقابل خالد………….

خالد وصل الحفله وكان لابس بدله رمادي غامق وتحتها قميص لبني فاتح وطبعا حاطط البيرفيوم بتاعه وكان واقف مع ايهاب وصاحب الشركه بس خالد كان عينيه على باب القاعه اللي فيها الحفله مستني ليلى وكان خايف متجيش وبرغم ان هو اللي قرر يبعد عنها الا انه كان هيتجنن عشان يشوفها وبعد شويه دخل المهندس محمودصاحب الشركه ومراته وبنتهم ساره اللي كانت لابسه فستان قصير اوي اسود وحاطه ميك اب على رمادي وكان شكلها اكبر من سنها بكتير وقربوا منهم وطبع ساره سلمت على خالد وباسته وفضلوا يتكلموا مع بعض وبعد شويه دخلت ليلى من الباب وكل اللي في القاعه بصوا عليها لكن ايهاب كان اول واحد يوصلها ويسلم عليها:

ايهاب:مش ممكن انا مش مصدق انك جيتي

ليلى:لا صدق , ازيك يا ايهاب؟

ايهاب:انا زعلان منك عشان مسألتيش عليه طول الفتره اللي فاتت

ليلى:معلش كنت مشغوله بالتحضير للحفله بتاعتك

ايهاب:مش مهم المهم انك جيتي ,تعالي ده خالد وصل وكمان صاحب شركتكم

ليلى:اوكيه يلا بينا

ومشيت ليلى جنب ايهاب ووصلت عند خالد وسلمت عليه بعدم اهتمام وخصوصا لما لقيت ساره ماسكه دراعه كأنه ملكها وقدمت نفسها للمهندس محمود اللي شكرها على مجهودها الواضح في الحفله وفضلت تتكلم مع المهندس محمود في الشغل ومكنتش واخده بالها ان خالد عينيه منزلتش من عليها وساره حست بكده فحاولت تشده عشان الرقصه الألى بدأت وراح خالد يرقص مع ساره وفي الوقت ده طلب ايهاب ليلى للرقص واستأذنت و راحت ترقص مع ايهاب وكل شويه عينيها تيجي في عينين خالد وهي تبعد بعينيها وتحاول تركز في كلام ايهاب اللي كان اعجابه بيها باين جدا ولما خلصت الاغنيه قرب خالد من ليلى وايهاب وقالهم:

خالد:ممكن ارقص مع زميلتي في الشركه

وقبل ما ليلى او ايهاب يردوا عليه ابتدت الاغنيه اللي بعدها وخالد خد ليلى بين ايديه وابتدوا يرقصوا وساره كانت مدايقه جدا من ليلى .

فضل خالد باصص في عينين ليلى وهي بتهرب وقالها:

خالد:بقالي كتير ما شوفتكيش

ليلى:مخدتش بالي على فكره

خالد:فستانك جميل اوي

ليلى:وفستان ساره كمان

خالد ضحك لما حس ان ليلى غيرانه من ساره

ليلى:بتضحك على ايه؟

خالد:اصل شكلك حلو وانتي مكشره

ليلى:انا مش مكشره

خالد:انتي سوقتي لغاية هنا لوحدك؟

ليلى:لا بابا وماما وصلوني ومستنيني في الكافيه

خالد:معقوله طب ليه مدخلوش الحفله؟

ليلى:عادي عشان ابقى براحتي

خالد:ليلى………………

ليلى:نعم؟

خالد:تعالي نخرج نتمشى شويه بره

ليلى من غير ما تفكر مشيت معاه وخرجوا بره القاعه ومحدش خد باله الا ساره اللي قررت انها لازم تبعد ليلى عن طريق خالد ……

يا ترى ساره هتعمل ايه؟

الفصل الرابع عشر

خرجت ليلى مع خالد وابتدوا يتمشوا وخالد فضل ساكت وليلى حست انه مش عايز يتكلم فسكتت وبعد شويه وقف خالد وبصلها وقالها:

خالد:انتي حبيتي قبل كده؟

ليلى:لا

خالد:ليه؟

ليلى:كنت مركزه في دراستي وبعد كده اشتغلت وكمان مقابلتش انسان يشدني بشخصيته

خالد:طب وايه رأيك في ايهاب؟

ليلى:من ناحية ايه؟

خالد:يعني مستواه وشخصيته

ليلى:هو شاب كويس وطبعا مستواه ممتاز

خالد:يعني انتي معجبه بيه؟

ليلى:لا طبعا ايهاب مش هو اللي في خيالي

خالد:بس هو شكله معجب بيكي اوي

ليلى:هو حر

خالد:وكمان هو غني اوي

ليلى:الفلوس مش كل حاجه

خالد:امال ايه المهم من وجهة نظرك؟

ليلى:يعني يكون انسان شخصيته قويه, رومانسي, يحترمني يعني تقريبا هي ده كل المواصفات

خالد:بس كده؟؟؟؟؟؟

ليلى:انت عاوز توصل لايه؟

خالد:ولا حاجه يلا نرجع

ليلى:اوكيه

واول ما دخلوا كانت ساره مستنياهم فقالت:

ساره:ايه يا خالد كنت فين قلقتني عليك؟

خالد:كنت بتمشى

ومن غير ما توجه كلام لليلى مسكت خالد من ايديه وقالتله:

ساره:يلا عشان ترقص معايا انا ب*م*وت في الاغنيه ده

خالد راح معاها وهوبيبص على ليلى اللي كانت مش مصدقه انه يروح مع ساره ويسيبها بالطريقه السخيفه ده وقررت تمشي بس لقيت ايهاب واقف ادامها

الفصل الخامس عشر

اول ما ايهاب لقيها راح قالها:

ايهاب:انتي فين يا ليلى؟

ليلى:انا موجوده

ايهاب:طيب تعالي اعرفك على مامتي

ليلى:اوكيه

وراحت ليلى مع ايهاب وقعدت مع مامته على ترابيزه :

ليلى:ازي حضرتك يا طنط؟

مامته:اهلا يا حبيبتي ايه القمر ده ده ايهاب مش مبطل كلام عنك

ليلى:صحيح؟

مامته:ايوه ده معجب بيكي جدا

ليلى:ميرسي يا ايهاب

ايهاب:مش قلتلك يا ماما

مامته:فعلا معاك حق يا حبيبي

واتفتح البيفيه وكل الناس راحت تجيب اكل وقامت ليلى مع ايهاب وابتدت ليلى تحط اكل في طبقها وبتبص لقيت حد حطلها اكل في طبقها بتبص لقيت خالد وراها بالضبط :

ليلى:امال فين ساره؟

خالد:مش عارف؟ بتسأليني عليها ليه؟

ليلى:لا ابدا بس حسيت انكوا مرتبطين

خالد و هو بيضحك: انا وساره ؟؟؟؟؟؟؟

ليلى:بتضحك ليه ؟ده حاجه واضحه جدا

خالد:يا ليلى انا بعتبرها زي اختي بالضبط

ليلى وهي متنرفزه:اختك تقوم طول الوقت تبوسك وعلى العموم انت حر

ومشيت و سابته وراح خالد مسكها من ايديها وقالها:

خالد:انا مش بكلمك؟

ليلى:عايز تقول ايه؟

خالد:ايه يا ليلى ؟ في ايه؟ ولا قعدتك مع مامت ايهاب جابت نتيجه؟

ليلى بصتله جامد وسابت طبقها وخرجت من القاعه عشان تروح لباباها ومامتها وتروح ………………….

خالد كان نفسه يروح وراها بس مقدرش كان عقله مش قادر يصدق ان ممكن تكون في بنت مش بتهتم بالفلوس زي هايدي بس كمان كان قلبه متأكد ان ليلى مختلفه بس مش قادر ينسى تجربته مع هايدي.

وليلى رايحه الكافيه لقيت مروه داخه فقالتلها:

مروه:مالك يا ليلى؟

ليلى والدموع ماليه عينيها:ابدا مفيش

مروه:لا بجد في ايه؟

ليلى:انا هروح عشان تعبانه

مروه:انتي شديتي مع خالد؟

ليلى بصتلها باستغراب:ايه؟

مروه:انا حاسه باللي بينكم

ليلى:مفيش حاجه بينا

مروه:تعالي نقعد نتكلم شويه

وراحوا قعدوا على ترابيزه بره القاعه وابتدت مروه تتكلم:

مروه:بصي يا ليلى انا جوزي صاحب خالد من ايام الكليه ويعرف عنه كل حاجه

ليلى:تقصدي ايه؟

مروه:انا مكنتش عايزه اتدخل بينكم وكان نفسي خالد هو اللي يحكيلك بس واضح انه مش قادر يفتح قلبه

ليلى:ممكن توضحي اكتر

مروه:بصي يا ليلى انا حسيت ان خالد اتشد ليكي من اول يومجيتي تعملي مقابله, واتأكدت من كده لما لقيته بيحاول يهرب منك

هو بيعمل كده غصب عنه اصله مر بتجربه صعبه في اول حياته ……………………..

ليلى:من فضلك كملي

مروه:هو كان بيحب بنت زميلته في الكليه وكان كل الناس بتحلف بحبهم وكانت جميله جدا وخالد كان متعلق بيها جداجدا وبعد ما اتخرجوا وكان لسه خالد في بداية حياته العمليه سابته.

ليلى:سابته ؟؟؟؟؟؟

مروه:ايوه عشان اتجوزت واحد غني ومش هقدر اوصفلك حالة خالد كانت ازاي لغاية ما قدر يقف على رجليه وينجح في شغله بس للأسف قرر انه مش هيحب تاني ابدا.

ليلى :وانتي بتحكيلي ليه كل الحاجات ده؟

مروه:عشان حسيت انك بتحبيه بجد وانك نموذج مقابلوش خالد قبل كده وعشان انقذه من ساره اللي عايزه تتجوزه عشان عجبها وهي متعوده لما حاجه تعجبها لازم تملكها, فهمتي بقى ليه بقولك؟؟؟؟؟؟؟؟

ليلى:بس خالد كل كلامه معايا شك وكل ما يقرب مني خطوه يبعد عشره وانا تعبت مش عارفه افهمه خالص

مروه:بصي انا هساعدك تخليه ينسى وتبعديه عن ساره

ليلى:ازاي بقى؟؟؟؟؟؟؟

الفصل السادس عشر

بعد ما مروه وليلى خلصوا كلام اتفقوا ان ليلى تروح ويبتدوا تنفيذ الخطه من تاني يوم في الشركه واول ما وصلت ليلى البيت دخلت اوضتها وقعدت تفكر في كلام مروه وحست ان خالد بيقاوم مشاعره ناحيتها بس هي لازم تنسيه حبيبته الاولانيه وتأكدله انها مختلفه ونامت وهي بتحلم بخالد………………………..

الصبح وصلت ليلى مكتبها لقيت مروه بتكلمهاعلى تليفون المكتب:

مروه:صباح الخير, ايه الاخبار؟

ليلى:صباح النور, الاخبار عندك انتي

مروه: بصي يا ستي الشركه هتعمل معرض للتسويق للمنتجع في دبي والمفروض ان انا وانتي وخالد هنسافر اسبوع هناك

ليلى:الله ده اول مره هسافر دبي

مروه:ليلى ركزي شويه خلينا في موضوعنا الاساسي

ليلى:اه صحيح طب كملي

مروه:انا بقى هعتذر ومش هسافر وانتي هناك بقى تعملي اللي اتفقنا عليه

ليلى:ايه ده هسافر معاه لوحدي؟

مروه:لا معاكي حق بلاش هبعت معاكي ساره

ليلى:خلاص يا ستي هسافر لوحدي معاه

مروه:ايوه كده

ليلى:السفر امتى؟

مروه:انا هجز التذاكر على يوم الخميس اللي جاي

ليلى:اشمعنى الخميس؟

مروه:عشان الجمعه اجازه وهتقضوه سوا لوحدكوا

ليلى:اه صحيح

مروه:انا هقفل بقى ومش هوصيكي اليومين اللي جاين ولغاية معاد السفر تقل عالآخر

ليلى:متقلقيش هحاول امسك نفسي

مروه وهي بتضحك:مش اول ما تلاقيه ادامك عينيك تلمع وتضحكي من غير سبب

ليلى:انا بعمل كده!!!!!!!!!!!!!!

مروه:مره هصورك فيديو وافرجهولك

ليلى:لا طبعا عمري ما عملت كده

مروه:يا واد يا تقيل

ليلى:ايوه طبعا انا تقيله جدا

مروه:طب انا هقل عشان خالد وصل

ليلى:باي

مروه:باي

وصل خالد مكتبه وكان نفسه يشوف ليلى ويعتذرلها عن كلامه البايخ امبارح بس كالعاده مسك نفسه وقرر يركز في شغله…….

دخلت مروه على خالد المكتب:

مروه:صباح الخير يا فندم

خالد:صباح الخير, ازي عادل؟

مروه:الحمد لله

خالد:بلغتي الآنسه ليلى بمعاد السفر لدبي؟

مروه:ايوه

خالد:وقالت ايه؟

مروه:هتجهز نفسها

خالد:وانتي كمان جهزي نفسك

مروه :ان شاء الله

وفات الايام اللي قبل السفر من غير ما ليلى تقابل خالد وكان تعاملهم عن طريق الايميل ومروه وبس……………..

صحيت ليلى يوم الخميس بدري وجهزت شنطتها ولبست فستان جينز نص كوم وقصير فوق الركبه وعليه كوتشي ابيض وشعرها رفعته ديل حصان لفوق وحطت ملمع شفايف وماسكارا بس ولبست سلسله في رجليها دهب ابيض ورشت بيرفيوم GUSS وخرجت من اوضتها :

ليلى:صباح الخير يا بابا , صباح الخير يا ماما

باباها:صباح الخير يا حبيبتي , ها جاهزه؟

ليلى:ايوه

مامتها:اقعدي افطري عشان الرحله طويله

ليلى:مش قادره خالص اصلي متوتره

مامتها:عشان خاطري

ليلى:معلش يا ماما مش قادره

وفضلوا يتكلموا شويه وبعدين نزلت ليلى مع باباها عشان يوصلها المطاروسلمت عليه وحضنته جامد ووعدته هتكلمه اول ما الطياه توصل

ودخلت ليلى المطار وخلصت اجراءات السفر وقعدت تستنى عند بوابة الطياره ومسكت قصه وقعدت تقراها وهي مستنيه خالد يظهر

بس اندمجت مع القصه ومحستش بيه لما قرب من الكرسي بتاعها وفضل باصصلها خمس دقايق وهي مش واخده بالها وفي الآخر قعد جنبها وقالها:

خالد: صباح الخير

ليلى اتخضت:صباح الخير

خالد:عامله ايه؟

ليلى:الحمد لله

خالد بص على لبسها وعجبه اوي وكمان عجبه البيرفيوم بتاعها كان رقيق ومنعش و اتأكد انها كانت واحشاه اوي…………..

ليلى:امال مروه فين؟

خالد:مروه اعتذرت عشان عادل جوزها تعبان

ليلى:الف سلامه عليه

وفضلوا ساكتين وليلى فضلت تبص عليه من غير ما ياخد باله و عجبها لبسه اوي عشان ده كانت اول مره تشوفه من غير بدله

كان لابس شورت كاروهات ابيض في ازرق وعليه تيشيرت ابيض و شوز ازرق وكالعاده حاطط البيرفيوم بتاعه اللي ليلى بتحبه اوي

ليلى من غير ما تفكر: البيرفيوم بتاعك اسمه ايه؟

خالد : AZZARO ليه عاجبك؟

ليلى وهي مش مركزه: اوي

خالد قعد يضحك وقالها:تحبي تشربي ايه؟

ليلى: ةاي حاجه سخنه

خالد راح ورجع معاه كوبايتين قهوه وقدملها واحده وقعدوا يتكلموا:

خالد:انتي سافرتي دبي قبل كده؟

ليلى:لا ده اول مره

خالد:هتعجبك اوي

ليلى:انا سمعت انها جميله جدا

خالد:انا سافرت كتير بس بجد دبي من اجمل عواصم العالم

ليلى:للدرجه ده

خالد:هتشوفي بنفسك

وابتدى الركاب يدخلوا الطياره وقام خالد وليلى وقفوا في الصف ودخلوا وكانت مروه حاجزه الكرسيين اللي في الصف الاول جنب الشباك

وكل كرسي كان فيه T.V لوحده وابتدت الطياره تتحرك وليلى فرحانه انها هتقعد جنب خالد اربع ساعات تقريبا……………

الفصل السابع عشر

ابتدت الرحله وكانت ليلى مش عارفه تقول ايه ففضلت ساكته وكمان خالد غمض عينيه ورجع راسه لورا وليلى حطت السماعات وشغلت فيلم من قائمة الافلام الكلاسيكيه ابيض واسود وبعد نص ساعه حست ليلى ان راس خالد جنب راسها كان عايز يشوفها بتتفرج على ايه

ليلى شالت السماعه:في حاجه؟

خالد:ايه ده فيلم قديم؟

ليلى:ايوه اصلي بحب الافلام الكلاسيكيه

خالد:مكنتش متخيل انك كده

ليلى:ليه يعني؟

خالد:يعني بحسك بتحبي الحاجات الحديثه

ليلى:طبعا في الشغل لكن في الحياه شئ مختلف

خالد:وبتحبي ايه كمان؟

ليلى:يعني بحب الاغاني القديمه , وبحب التصوير , وبحب بابا وماما

خالد:ربنا يخليهملك

ليلى:وانت بتحب ايه؟

خالد:بحب شغلي , وطبعا ماما واختي

ليلى:اختك عندها كام سنه؟

خالد:مي عندها 19 سنه في كلية سياسه واقتصاد

ليلى:ربنا يخليهالك

خالد:بصي انا هنام شويه وما نقرب نوصل ابقي صحيني

ليلى:اوكيه

خالد اتغطى وحط مخده تحت راسه ونام وليلى كملت الفيلم بس لما خلص بصت على خالد لقيته نايم نوم عميق وحسته ملامحه اتغيرت وهو نايم زي ما يكون طفل صغير رقيق ورموشه كانت طويله بتلمس خده فحست انها بتحبه اوي ونفسها ينسى الماضي ويبدأ من جديد معاها و دعت ربنا انه يكون من نصيبها وتقدر تخليه سعيد و …………….. نامت ليلى وهي بتحلم بخالد.

صحي خالد على صوت المضيفه جايبه المنيو بتاعت الاكل عشان يختار منها فبص خالد لقي ليلى نايمه فصحاها عشان تاكل:

خالد:ليلى ليلى

ليلى:اممممممممم

خالد:يلا عشان هناكل

فتحت ليلى عينيها وكان شعرها اتفرد وبصت لقيت خالد قريب منها اوي فبعدت بجسمه وقالت:

ليلى:هو انا بقالي كتير نايمه؟

خالد:مش عارف اصلي لسه صاحي, بس ايه النوم ده؟؟؟؟

ليلى:مش عارفه اصلي امبارح منمتش كويس

خالد:طيب كلي ونامي تاني لسه بدري

ليلى:لا خاص انا صحيت

وبعد ما كلوا طلبوا قهوه وفضلوا يتكلموا عن المعرض وهيعملوا ايه بالضبط وسمعوا صوت الكابتن بيعلن ان الطياره هتعمل هبوط في مطار دبي الدولي فربطوا حزام الطياره ولما وقفت قاموا وكل واحد فيهم شال اللاب توب بتاعه ومشيوا مع بعض عشان يخلصوا الاجراءات وخرجوا من المطار لقيوا ليموزين مستنيهم و راحوا عالفندق وكان فندق خمس نجوم ولقيت ليلى ان اوضتها ادام اوضة خالد واتفقوا يتقابلوا بعد ساعه في المطعم بتاع الفندق .

دخلت ليلى اوضتها وفضت الشنط وحضرت الهدوم اللي هتلبسها وبعد كده دخلت الحمام تاخد شاور وبعد ما خلصت نشفت شعرها بالمجفف ولبست جيب واسعه لونها ابيض وعليها بادي فضي ولبست صاندال فضي وحطت ميك اب رقيق ونزلت عشان تقابل خالد فالمطعم.

خالد بعد ما خد الشاور بتاعه لبس شورت جينز وعليه تيشيرت اصفر وشوز بني ونزل يستنى ليلى وبعد رع ساعه لقيها جايه ناحيته وكانت جميله جدا ولاحظ ان في شاب بيبص عليها جامد بس هي مخدتش بالها وقعدت عالترابيزه وقالت: ليلى:اتاخرت عليك؟

خالد:لا ابدا ده انتي اسرع واحده قابلتها

ليلى:طيب كويس

خالد:ها تتغدي ايه؟

ليلى:مش عارفه ؟

خالد:ايه رأيك ناكل سمك بيعملوه حلو اوي

ليلى:اوكيه نجرب

طلب خالد شوربة سي فود وطبق سمك سالمون ومعاه جمبري مشوي وبعد ما الجرسون مشي فضل خالد باصص لليلى:

ليلى:بتبصلي كده ليه؟

خالد:عادي بشوف ملامحك

ليلى وشها احمر:طيب ما انت بتشوفني فالشركه كل يوم

خالد:لا هنا شكلك مختلف وخصوصا لما وشك بيحمر زي دلوقتي

ليلى:………………………

الجرسون جاب الاكل وكانت ليلى هتشكره عشان انقذها من الكسوف اللي كانت فيه , وابتدوا ياكلوا ويتكلموا في مواضيع عامه وبعد ما خلصوا اكل خالد سألها:

خالد:تحبي تروحي فين انهارده؟

ليلى:مش عارفه انا مجتش دبي قبل كده

خالد:طيب يلا بينا هفرجك عل كذا مكان هيعجبوكي اوي

وخرجوا من الفندق وركبوا تاكسي………………