كبرياء انثى بقلم جوجو ج 4
عادت الى منزلها و استلقت فى فراشها صامته باكيه لا تنطق بنبت شفه ….
بثينه: طلما بتحبه و ميته فى دباديبه كده صممت على الطلاق ليه
محسن: نواره النهارده عدى عليها يوم صعب اوى … و ماشوفتيش ادهم و اللى قاله و اللى عمله … ربنا يكون فى عونك يا بنتى و يصبرك على ما بلاكى ….
************************************************** ********************
شريف: حرام عليك سوق بالراحه هتمو,تنا … مش كده
ادهم و هو يبكى بحر,قه و كأنه طفل فقد امه بين ليله و ضحاها : نواره راحت منى يا شريف .. خلاص نواره ما بقتش مراتى
شريف: شوف انت عملت ايه وصلتها لكده
ادهم: انا غبى انا غبى انا اللى ضيعتها من ايدى … شفت الدكتور ماشى جمبها ازاى .. و كأنه بيحميها منى
نواره خايفه منى يا شريف.. هو انا للدرجادى ندل و زباله
شريف: اهدى يا ادهم: نواره شافت منك كتير
ادهم: بتحبنى تستحميلنى مصيرى كنت هتهدى و ارجعلها و هى متأكده انى بحبها
لكن دى كانت بتبوصيلى و خايفه منى .. شفتها .. كانت بتضحك له ازاى و اول ما شافتنى عملت ازاى ..
شريف: صلى على النبى يا ادهم .. ارمى تكالك على الله مش يمكن لما تعدى فتره و هى تهدى لو عرضت عليها الجواز تانى تقبل
ادهم ببسمه امل: تتوقع ممكن .. ولا هيكون تيمور الزفت اجوزها
شريف: تبقى مجنون لو فكرت ان نواره ممكن تحب غيرك .. انت ماشوفتش شكلها عمل ازاى و انت بتتكلم النهارده .. دى كان هاين عليها تاخدك و تطلع تجرى بيك من المحكمه
ادهم: نواره ما بقتش ليا … و انا مش هحزن على وحده سابتنى و باعت
شريف: انت لو ماندمتش على نواره ما تبقاش بنى ادم طبيعى.. اللى ندمك على ساره و بسببها اتعقدت من صنف الحريم .. مش هيندمك على نواره الست اللى تعرف ربنا و طريق بيتها و جوزها…. ربنا يهديك يا ادهم
كانت فريده تجلس تقضم فى اظافرها … ندما على الزوجه التى فقدها ابنها بطيشه و غروره
كانت تود لو ان تعيد تربيته من اول و جديد كى يكون رجل يعرف قيمه بنات الناس .. لكن لم تستطيع ان تفعل شئ عند رؤيته هائم حزين يبحث فى المنزل عن اى شئ له صله بها .. و كأنها القشه التى تصبره على فراقها ….
الحلقه 49
مر ما يقرب الثلاثه اشهر
تمر الايام مثلها مثل بعضها فلا يزيده الا مراره الفراق للمحبوبه .. فلم يتخيل ان تكون حياته بمثل هذا الشكل السيئ .. اطلق لحيته بمنظر غير مهندم .. لجأ الى الله شاكيا باكيا همه … يتمنى ان الله يسامحه و يغفر له ما فعله و يفك كربه … و يجمع شمله بمحبوبته ..
بالرغم من حزنه لم يبتعد عن عمله كما فعل فى السابق … كان يشعر بالضياع فكل شئ ضاع من بين يديه فى ثوان معدوده …
لكن سرعان ما عاد لصوابه… لكن بعد ما خربت الديار العمرانه …..
كان يجلس بمكتبه شاردأ فيها تمنى حتى ان يراها فأشتاق لرؤيتها ..لبسمتها .. ود لو انه يضمها الى صدره ليستنشق عبيرها الخلاب ..لكن كل ما يتمناه الان كان بين يديه و فرط فيه بسهوله فى احدى الايام … فلا بد ان يجنى ما زرعه …
*****************************************
استيقظت من نومها فى السابعه صباحا … ارتدت حله رسميه سوداء ..و رفعت شعرها بشكل مهندم و لم تضع اى من مساحيق التجميل مما جعل لوجها اشراقه غير طبيعيه فكانت اجمل دون الوان البلياتشو المصطنعه …ارتدت حذائها و اخذت حقيبتها
بثينه: برضوا انتى مصممه بقى
نواره: ماما لو سمحتى مش عايزه كلام فى الموضوع ده ..
بثينه: يا بنتى ما تتعبيش قلبى
نواره: و انا بالنسبالى الموضوع ده منتهى
عن اذنك انا رايحه
قادت سيارتها و هى شارده فيما مرت به من ايام ماضيه تحديدا منذ ثلاث شهور.. فبعد الطلاق بيومين .. كانت حاله محسن الصحيه تدهورت بشكل مفاجئ..لا يعلم احد سببه .. مما ادى الى ضياع جميع الاموال على علاجه .. حتى نواره كادت ان تبيع سيارتها ..بعدما باعت بثينه مصوغاتها.. فالاحوال تدمرت الى حد كبير ..
لكن تيمور لم يتخلى عنها و طلب من والدها و هو على فراش المو,ت ان يتقدم لخطبه نواره
لكنها سرعان ما رفضت .. لكن تيمور ود ان يحافظ على علاقتهم الطيبه بعدما تأكد من الحب الذى لم ينتزع من فؤائدها .. و انه اخطء حينما فكر انها انتهت من ادهم و حبه .. انتهت منه هو لكن حبه ظل
افاقت من شرودها هذا على زامور السيارات خلفها تحثها على السير …
قادت سيارتها تجول و تجول بحثأ عن عملا .. لكن هيهات عادت ككل يوم دون جدوى .. فلا يوجد عمل يتناسب معها
كانت اسراء تستعد لزفافها و هى فى قمه السعاده و لم تستطيع طلب مساعده نواره .. نظرا للحداد على والدها …
لكن ما جعل اسراء تفاجئ
دق هاتف اسراء يحمل اسم نواره
اسراء: السلام عليكم ازيك يا نونو وحشانى اوى
نواره بحزن لتذكرها كلمه نونو من والدها: اذيك انتى يا اسراء .. انتى فاضيه ينفع اقابلك
اسراء: يا سلام تنورى طبعا بصى انا قريبه من كافيه … استناكى هناك كمان ربع ساعه
نواره: تمام اوى وانا برضوا قريبه من الكافيه مسافه السكه
دخلت اسراء و جلست فى المقهى ليدق هاتفها معلن اتصال من شريف
شريف: سوسو يا سوسو
اسراء: شوشو يا شوشو
شريف: يا بت اتلمى ده انا كلها ايام و جوزك
اسراء: هعهع و انا هبقى حرم شوشو المصون
شريف: انتى يا بت حد قالك انك جزمه قبل كده
اسراء: لا ليه
شريف: ادينى انا بقولك انك جزمه .. قوليلى يا جزمه قصدى يا سوسو انتى فين
اسراء: هعديهالك دلوقتى.. انا اعده فى كافيه … قلت اريح و اخد اى حاجه اشربها تعبت من اللف
شريف: ماشى يا كتكوته اسيبك بقى تاخدى مشروبك … محسسانى انى هجوز الاميره ديانا
اسراء: و دى تيجى جمبى ايه
شريف: اتوكسى على وكستك و احمدى ربنا انك لقيتى اهبل يبص فى خلقتك
اسراء: ماشى يا اهبل قصدى يا شوووشووو
يالا باى بقى خدت اكتر من وقتك
