كبرياء انثى بقلم جوجو ج 4

دخلت نواره بعد قليل
اسراءمحتضنه اياها بفرحه : و اخيرا خرجتى من قمقم الحزن اللى اتقوقعتى جواه
نواره: يعنى هو كان بأيدى يا اسراء ما المصايب كلها نزلت فوق راسى مره واحده
اسراء: لا يا نواره ما تزعليش منى انتى اللى غاويه تتعبى نفسك .. انتى قدامك فرصه اى حد يحلم بيها و انتى اللى رافضه و من غير سبب واضح او بمعنى اصح من وجهت نظرى انا ده اسميه عناد و مكابره
نواره و هى تحتد على كلام صديقتها : يعنى اعمل ايه اروح اترمى قدامه و اقوله شغلنى عندك تانى بعد ما خلعتك
اسراء: بطلى جنان: ادهم مدخلك شريكه معاه هو و شريف بنسبه الثلث اللى هى فى الاصل نسبه اسر و بعد ما ساب الشغل معاهم ومشى النسبه ادهم حولهالك و الراجل ما خباش عليكى قدمهالك انها مهرك بمقدمه و مؤخره.. انا مش عارفه انتى ليه اخده الموضوع بالحساسيه الزايده دى .. انتى شايفه فى حد لاقى شغل فى البلد .. مهندسين شباب و بنات زى الفل و مش لاقيين عشر فرصتك دى
نوراه : مش هقدر ابقى موجوده فى مكان هو موجود فيه افهمينى بقى .. مش هقدر اشوفه زى الاول قدامى .. مش هقدر اتعامل معاه و لسانى يخاطب لسانه .. فى حاجات كتير اوى جوايا من ناحيته .. لا هى ماتت ولا عارفه طريقها اللى هتعيشه انا من جوايا نص بيضحك و التانى زعلان .. مش هتفهمى كل اللى بقولهولك ده ..لانك ما مرتيش بتجربتى صدقينى
اسراء: مهما كانت تجربتك صعبه يا نواره فى ناس كتير اوى اتحملت اكتر من اللى انتى اتحملتيه .. و عاشت و استحملت ..انا مش بقولك ارجعى لادهم .. او روحى اترمى قدامه و قوليله انك بتحبيه .. انتى هتروحى تشتغلى فى حقكك فى ملكك…
نواره: انتى و ماما نفس الكلام .. حرام عليكم حسوا بيا بقى
اسراء: عموما براحتك بس صدقينى انتى اللى بتضيعى كل فرصك من ايدك… من بدايه طلاقك من ادهم لحد رفضك للشغل عنده
نواره: ممكن نغير السيره انا مش جايه اتكلم فى سيرته
اسراء: ياااه للدرجادى حتى اسمه مش قادره تنطقيه على لسانك …بالرغم ان عيونك بتقول غير كده خالص يا صاحبتى

نواره: هاه كلمينى عن فرحك ايه الاخبار
اسراء استعادت بسمتها المشرقه و بسهوله نقلتها الى وجه نواره: و الله اهه بشترى الحاجات اللى نقصانى و ربنا يسهل .. ده الجواز ده شكله مش سهل خالص
نواره هزت رأسها بلا مبالاه للكلمه
اسراء: نونو انا عايزاكى وصيفه شرف فى الفرح
نواره:ههههههههههه وصيفه ايه يا اختى هههههههههه ضحكتينى يا اسراء… تصدقى اول مره اسمع ان فى وصيفات شرف مطلقات
اسراء: بطلى هبل ايه و انتى عندك 80 سنه ما انتى لسه فى عز شبابك اهه يا بت
نواره: لالا بلاش احراج الله يرضى عليكى
اسراء: طيب و ربنا هزعل لو ما بقيتى وصيفتى .. و كمان ليان معانا
نواره: طيب ليان مجوزه هتعمل وصيفه ازاى تكون بتدور على عريس غير هشام …
تعالت ضحكات الصديقات
نواره : بصى انا هقوم اروح دلوقتى و انتى لو احتاجتى منى اى حاجه كلمينى على طول
اسراء: هحتاجك طبعا و انا اقدر استغنى …
********************
شريف:ايه يا عم هتفضل اعد فى المكتب مش ناوى تروح
ادهم: لا ماليش مزاج
شريف: يا عم قوم كده معايا تعالى اعزمك على كوبايه قهوه .. و بعدين اخدك و نطلع للحاق تحلق بدل منظر دقنك ده انت ولا المتسوليين يا جدع
ادهم: لا مش عايز احلق
شريف: يعنى انت مفكر انك لما تسيب دقنك كده هترجعلك
ادهم بحده : لو سمحت مش عايز كلام فى الموضوع ده
شريف: يالا قوم معايا حتى ساويها مش لازم تشيلها خالص
خضع لكلام صديقه توجها اولا الى الحلاق ثم الى الكافيه التى تجلس به اسراء
شريف: ايه ده سوسو هنا
اسراء بدهشه: انت ايه اللى جابك هنا ما انت عارف انى موجوده.. معلش اذيك يا ادهم الاول
ادهم تمام الحمد لله
شريف: و كل ده يا هانم اعده بتتمزجى لوحدك .. اوعى يا بت تكونى كنتى بتقبلى رجاله من ورايا
اسراء: تصدق فعلا اللى كان معايا هنا راجل ماتتحسبش على البنات اصلا
شريف بأستفهام : هو انتى كان معاكى حد هنا اصلا .. مش كنتى قايله انك لوحدك
اسراء ببلاهه: اه ما انا ساعه ما كلمتنى كنت اعده مستنيه نوا…ر..ه
حملقت عيناه بها و امتلئت بالدموع التى لم يقاوم حبسها اكثر من ذلك و لم يستطيع عدم السؤال عن احوالها: و هى عامله دلوقت
اسراء بعدم ثقه: الحمد لله .. ربنا يعينها على اللى هى فيه
ادهم بتساؤل: ليه مالها
لم ترغب ان تبلغه اكثر مما قالته على صديقتها نظرا لعدم مضايقت الاخرى : مالهاش ابدا …
نظر لها و هو يثق ان بها شئ فقلبه يشعر بذلك ..لكنه كان دائما يكذبه .. لكن ما عساه ان يفعل فحتى المكالمه لم تتقبلها منه ….
كان قلبه يتمزق اشلاء على هجرانها .. لكن ما عساه ان يفعل سوى القبول بالامر الواقع …
استأذن من صديقه و تركهم و ذهب..الى مكان كان يعلم مدى تعلقها به ..ذهب الى الشط ليحكى له فيمكن ان يبيح امامه بمكنون صدره …