كبرياء انثى بقلم جوجو ج 4
******************************************
شريف: بت يا سوسو الا ما تعرفيش حاجه عن صاحبتك اللى هى مرات صاحبى
اسراء: مبدئيأ حسابك على كلمه بت دى بعدين يا سى شوشو
شريف: اتلمى و بطلى الاسم المايص ده
اسراء: علشان تبقى تعرف تقولى بت ال بت .. بت فى عينك
شريف: ايه الغل ده كله … طمنينى بس عليهم
اسراء : صدقنى مش عارفه اى حاجه عن نواره … حتى موبيلها على طول مقفول .. طيب و ادهم مش بيجى الشغل
شريف: لا يا سيتى مش بيجى الشغل و الدنيا مبهدله خالص…
اسراء: طيب ما تروحله البيت مش انت عارف بيته
شريف: اه يا قروبه حلوه الفكره دى.. لما اروحك ابقى اروح اشوف ماله مختفى ليه
اسراء: انا هاجى معاك اطمن على نواره
شريف: لا طبعا مايصحش تيجى معايا حتى و احنا مخطوبين بيت صحابنا
اسراء: خلاص يا شريف مش عايزه اروح معاك فى حته
شريف: ما تزعليش يا سوسو و الله بس شكلها وحش علشانك انتى مش علشانى انا … راعى انى بخاف على شكلك حتى من نفسى
ابتسمت له بأمتنان : انا عارفه ربنا يخليك ليا يا قلبى
************************************************** *********
نواره: انت عايز ايه منى
ادهم: نواره اعملى حسابك انك مراتى و اى تصرف بيطلع منك هتتحاسبى عليه .. علشان انا راجل مش مقطف اعد فى البيت
نواره: اولا انا بحترم نفسى قبل ما احترم اى حد تانى
ثانيا انا مش هسمح لواحد زيك انه يمسك عليا غلطه
ثالثا قبل ما تحاسبنى على تصرفاتى .. شوف تصرفاتك وصلتنى لفين .. خلتنى اعده فى السرير مقعده .. اقولهالك صراحه يمكن ماتكونش اخد بالك انك شليتنى …. انا بسببك بقيت مش بتحرك … عندى 25 سنه و اللى يشوفنى يدينى فوق ال80 سنه لا و ايه ده انا لسه عروسه على رأى اللى بيقولوها لسه ما ربعنتش ( لم يمر اربعون يوم )
انت ازاى ليك عين تتكلم معايا و تبجح كده .. انت فعلا ماعندكش دم .. انت انسان مش طبيعى .. انت شايف و فاهم الرجوله غلط خالص … مش هقدر اتدنى بمستوايا و انزل لمستواك المنحط و اتكلم معاك فى كل العمايل اللى شفتها منك .. هتصدق لو قلتلك انى مش قادره اتكلم معاك .. مابقاش ليا نفس لا اكلمك ولا حتى ابص فى وشك .. هجيب النفس منين و انت للأسف ضيعت كل الفرص اللى كانت ممكن تكفر فيها عن اللى عملتو معايا .. بس هتكفر عن ايه ولا ايه ولا ايه .. اصلك مش هتقدر ترجعلى ولا حاجه من اللى راحت …
لا شرفى اللى اتمرمط فى الوحل .. ولا عرضى اللى اتهتك … ولا اتهامى بالخيانه … ولا الطفل اللى مات بسبب ان انت ابوه … و كله كوم و كرامتى اللى شفتك و انت بتدوسها تحت جزمتك و انت مرمى فى حض,ن عشيقتك و بتمجد فيها و بتنبذنى … انا بقى عملتلك ايه علشان اشوف منك كل ده ؟؟؟ هتعرف ترد علي السؤال ده .. ما اظنش بس انا ممكن ارد مكانك
انت مصدقت وحده بتحبك مهندسه محترمه بت ناس متربيه هتلاقى نسب احسن من ده فين … بس للاسف مش انا اللى بداس بالجزمه و اسكت يا باشمهندس لحد هنا و كفايه ..
انت فى حالك و انا فى حالى و زى ما دخلنا بالمعروف نخرج بالمعروف
