كبرياء انثى بقلم جوجو ج 4
اعتدل فى فراشه..و تذكر ما حدث منذ ساعات … نظر جانبه ليرى هاتفها .. ود الاطمئنان عليها .. فتح هاتفه ليدق بنغمه الرسائل التى اظهرت مدى المكالمات ….تجاهل كل هذا و ضغط ارقام محسن
ليأتيه صوت محسن الرجولى على الجانب الاخر
ادهم: ايوه يا عمى ..
محسن: انت خليت فيها عمى ولا عمتى بقى انا ائمنك على بنتى الوحيده فى اقل من اسبوع ترجعلى البنت مش بتنطق
ادهم منتفض من مكانه: ايه !!! هى ايه اللى جرالها
محسن بغضب: المفروض انت اللى تقولى ايه اللى حصل لبنتى
ادهم: تسمحلى اجى لحضرتك كمان شويه
محسن: اتفضل يا سيدى ..لما نشوف اخرتها ..
*******************************************
مر وقت ليس بقليل ….كانت شجونه هى التى تدفعه ….لم يشعر بنفسه الا و هو امام منزلها
تقدم بخطوات غير متزنه داخل المنزل ….كان للمنزل رهبه بداخله ..فلا يعرف اكانت من خجله منها ام من خوفه مما ينتظره من والدها .. ام مما فعله بها .. فكيف له ان يقص مثل هذا على والدها …
محسن: ممكن افهم ايه السبب اللى وصل بنتى انها تفقد النطق
ادهم بتعلثم: اصل يا عمى … بصراحه يعنى … اللى … حصل
محسن بغضب: انت لسه هتعد تمئمئلى… اكلم عدل زى الخلق و الناس
ادهم: اصل اللى حصل شئ ما يتحكاش يا عمى…
محسن: يعنى يا افندى انت جاى هنا تهظر … بقولك فهمنى ايه اللى حصل … يا اما هتشوف … ما لا يحمل عقباه
ادهم بهدوء و احراج: انا هحكى لحضرتك كل شئ حصل …. بس ارجوك .. حاول تتفهم موقفى .. لان انا لحد دلوقتى هجن … و اعرف ازاى ده حصل
جلس محسن يستنط الى كلام ادهم بمنتهى الدقه
بدء ادهم يقص له من بدايه معرفته بساره و حتى زواجهم العرفى الى مشهد الخيانه لساره مع هذا الشاب ….( لكنه تخلى عن جزء الاجهاض .. الذى لم يكن هو سببأ فيه حقأ)…ثم اكمل بشجاعه… امبارح يا عمى حصل انى رجعت لقيت نفس اللى خانتنى معاه ساره هو هو اللى مع نواره … و للأسف ما قدرتش اتحكم فى اعصابى و ظلمت نواره و اتهمتها بالخيانه … بس للاسف ( طأطأ رأسه ارضأ من الخجل) ما كنتش اعرف انها اطلقت و هى لسه يعنى … بنت بكر
رفع محسن عيناه بغضب جم …و نظر له و الشرر يتطاير من اعينه( ثم نطق و هو يجز على اسنانه) : انطق انت عملت ايه فى بنتى … هه عملت ايه فى البنت
ادهم و هو عيناه موجهه ارضا : اخدت حقى من غير رضاها
قام محسن من مجلسه و امسك ادهم من ياقه قميصه … انت مجنون .. انت ما تعرفش اللى حصل لنواره بسبب حاجه زى دى قبل كده …. انت اكيد مش طبيعى … فى واحد محترم يجبر نفسه على مراته بالمنظر الغير ادمى ده
ادهم مترجيأ : صدقنى ما كنتش اعرف … كل اللى اعرفه انها مطلقه ..لكن مش من كتب كتاب كل فكرى انها كانت متجوزه
تركه محسن فى الصالون و دخل الى المكتب … و اتى بورقه و القاها فى وجه ادهم…
محسن: هو ده اللى انت شفته … مع بنتى صح .. هو ده اللى انت شايف انها بتخونك معاه… انطق اتخرست ليه … عرفت ده مين دلوقتى … عرفت ان ده طليقها … عرفت انها اطلقت منه علشان حاول يعتدى عليها … لولا ستر ربنا عرفت تهرب منه … عرفت بنتى دلوقتى شيفاك ازاى … بس انا دلوقتى عرفت بنتى ليه فقدت النطق…. لانها لقت الانسان اللى حبته ووثقت فيه … حيوان مش بنى ادم … بس الغلط مش عليها .. الغلط عليا انا .. انا اللى اكدتلها..انك بتحبها و انك غير خالد … بس للاسف…طلعت حيوان زيه ….
ادهم طلق بنتى من سكات احسنلك …
