لست فقط حبيبي

الحلقة 1

فى احد احياء القاهرة المتوسطة تقف سيارة اجرة امام عمارة يبدوا ان الزمن طبع عليها بصمة واضحة تدل على انها عاصرته لعقود عدة….

يخرج منها شاب فى نهاية عقده الثانى يحمل حقيبة سفر صغيرة …… يدفع للسيارة وتنصرف ويدخل هو العمارة بخطوات سريعة وفى عينيه لهفة وشوق وحنين ليس لهم حدود….

يصعد السلم فى خطوات سريعة وفى لحظات يصل للطابق الثانى فيقف ويخرج من جيبه مفتاح ويضعه فى احد الابواب بهدوء حتى لا يحدث اى صوت يدل على قدومه وبهدوء يدخل ويغلق الباب وراءه ويدخل على اطراف اصابعه……..

يضع حقيبة سفره يجانب الباب ويدخل ببطئ وقبل ان يكمل مسيرته توقف متعجبا عندما سمع صوت …….

صوت صادر من حمام المنزل ولكنه صوت زكورى ينادى باسم امراة لتناوله بعضا من ملابسه …..

ينظر حوله ويتلمس جاكيت ملقى على كرسى وهنالك قميص على الكرسى الاخر وحذاء فى الارض
وكلها لرجل لايعرف حتى الان ماهو وماصفة وجوده فى منزله….

يذهب باتجاه الحمام وقبل ان يفتح يفاجئ برجل يخرج مرتدى الروب الخاص به هو ويفزع عندما يراه

الشاب : انت مين وايه جابك هنا فى بيتى وايه لبسك الروب ده وكنت بتعمل ايه انطق ( ويمسك فيه يكاد يفتك به )

يفزع الرجل ويحاول التخلص من الشاب ويدخلا معا فى عراك عنيف يغلب فيه الشاب ويكاد يحكم سيطرته عليه ولكن الرجل يمسك بفازة ويضرب بها الشاب فى جبهته فتسيل منه الدماء وقبل ان ينتبه يفلت منه الرجل ويخرج من المنزل مسرعا

يحاول الشاب اللحاق به ولكن يخرج من غرفة النوم امراة تصغر الشاب بعامين فقط تخرج وهى ترتدى ثياب نوم وتنظر الي الدماء التى تسيل من جبهته فزعة….

المراة : ايه ده ؟ ايه اللى حصل ؟ انت كويس؟
الشاب : ( بصوت عالى هستيرى ) كويس ؟ مين اللى كان هنا ده وكان بيعمل ايه فى الحمام وقالع هدومه ولابس الروب بتاعى كمان ( ويتجه نحوها ويمسك بذراعيها ) انطقى انطقى
المراة : انت بتقول ايه ؟ راجل ايه ؟ انا مااعرفشى انت بتتكلم عن ايه ؟ راجل ايه وراجل مين ده اللى ..

قاطعها الشاب بعدة صفعات على وجهها ليس لها عدد وتتوقف فقط وهو يمسك بها يهم بخنقها ولكن يقطعه صوت صادر من غرفة فى المنزل……..

يتوقفه صوت بكاء طفل رضيع من غرفته افزعه صوت العراك….
يتوقف الشاب ويلقى بها فى الارض وينظر لها …….. انتى …….

طالق

طالق

طالق

الحلقة 2

فى احد ارقى احياء عروس البحر المتوسط مدينة الاسكندرية وبالتحديد فى فيلا اشبه للقصر ..

فى غرفه يوحى اثاثها بالفخامة والقدم فى نفس الوقت….

يرقد رجل عجوز فى اقصى خريف عمره …

من ملامحه لاتستطيع ان تحدد من اى انواع البشر هو ولكنك لاترى سوى علامات السنين والايام حافرة اثارها فى وجهه وفى عينيه بحر لايعرف مداه احد ولامايخفى بداخله من شئ …..

الرجل : ادخل

القادم : انكل رفعت المحامى جه تحت ياجدو وعاوز يقابل حضرتك

الرجل : خليه يجى

يدخل المحامى وفى يده حقيبة اوراق سوداء

رفعت : صباح الخير يا فاروق باشا

فاروق : صباح النور يارفعت …. تعالى خش واقفل الباب وراك

رفعت : حاضر ياباشا …….. خير ياباشا

فاروق : عملتلى ايه فى الموضوع اللى كلفتك بيه

رفعت : الحمد لله ياباشا اخيرا بعد ماتعبنا لف وتدوبر قدر واحد من رجالتى بس يوصل للعنوان وجابولى النهارده ……. فى القاهرة ياباشا

فاروق : يااااااااااه اخيرا ….. اسمع يارفعت عاوزك تنزل مصر بنفسك وتروح العنوان ده وتيجى ومعاك المطلوب باقصى سرعة …… العمر مابقاش فيه بقيه ولازم اصلح غلطتى قبل مااقابل وجه كريم واقف قدامه

رفعت : ربنا يديلك طولة العمر ياباشا …….. ان شاء الله هنزل بنفسى واكون عندك فى اسرع وقت

فى القاهرة وفى احد محلات بيع الملابس تعمل به فتاة فى عقدها الثانى بيضاء البشرة ذات عينان بلون البحر وشعر اسود حريرى

الفتاة : والله يافندم مش انا هلبسه علشان اقدر احدد تقدر حضرتك تسال اللى بتشتريه ليها

الزبون : بسيطة ياستى انا ممكن اشتريه ليكى انتى بس توريهولى عليكى كده حلو والا…… ( ويمد يده بفستان يضعه عليها ويحاول بيده ان يلمس كتفها )

تقطاعه الفتاة وتزيح يده قبل ان تلمسها

الفتاة : لو سمحت احترم نفسك انت فى مكان محترم لو عاوز حاجة اتفضل خدها وادفع الحساب هناك مش عاوز يبقى اتفضل من هنا

الزبون : ايه ده ؟ انتى بتعلى صوتك عليا انتى مش عارفة انتى بتكلمى مين والا ايه ؟ فين المدير هنا

ياتى مدير المحل

المدير : خير ياباشا فى حاجة ضايقة معاليك عندنا؟

الزبون : مش تشغلوا عندكوا ناس متربية ومحترمة بدل الاشكال اللى انتوا جايبينها تطول لسانها على الناس دى

الفتاة : لو سمحت انا مااسمحلكش انا لو مش محترمة كان هيبقى ليا تصرف تانى مع حضرتك الاولى ان حضرتك تعلم نفسك الاحترام

المدير : ايه اللى بتقوليه ده انتى اتجننتى تعلى صوتك على سعادة الباشا اتفضلى اطلعى بره انتى مطروده

ولاتعكر مزاجك ياسعادة الباشا احنا مانقدرش على زعل معاليك ابدا

تنصرف الفتاة مسرعة تاركة عملها

تمشى فى الشارع وهى تبكى فهذا ليس اول عمل تتركه فكلما حصلت على عمل لاتلبث فيه اكثر من شهر وتتركه لنفس السبب

لقد تعبت ولم تعد تعرف من اين ولا كيف سوف تسدد ديونها ولاكيف ستنفق على نفسها ومن اين تجد عمل شريف لايجرح كرامتها وشرفها……

ظلت تمشى حتى وصلت لباب منزلها وهمت بفتح الباب فاتاها صوت من خلفها

حضرتك الانسة نور ؟

الفتاة : ايوه انا نور مين حضرتك ؟

الشخص : انا رفعت فهمى المحامى وكنت عاوز حضرتك فى موضوع مهم جدا لو تفضلتى وسمحتيلى ببعض من وقتك

نور : محامى؟ طيب اتفضل حضرتك

تفتح نور منزلها وتدخل المحامى لحجزة الصالون

نور : تحت امر حضرتك

رفعت : انا جاى لحضرتك النهارده فى موضوع مهم جدا من طرف ……. جد حضرتك

نور وعلت على وجهها علامات الدهشة

نور : جدى ؟ انا ماليش جد

رفعت : لا ياافندم حضرتك ليكى …… جد حضرتك فاروق باشا المصرى والد والدتك رحمة الله عليها السيدة احلام فاروق المصرى وادى ياافندم كل الاوراق اللى تثبت لحضرتك صدق كلامى

تاخذ نور الاوراق من المحامى وتتفحصها وهى فى حالة من الصدمة والزهول

نور : طب جدى ده كان فين وليه انا مااعرفوش لدلوقتى واشمعنى دلوقتى حضرتك جاى تقولى الكلام ده

رفعت : كل الاسالة دى حضرتك هتعرفى اجابتها لما تيجى معايا وتقابلى فاروق باشا

نور : اجى معاك فين ؟

رفعت : اسكندرية ياافندم ….. جد حضرتك مريض وطالب انه يشوف حضرتك فى اسرع وقت وبيتهيالى انتى كمان لازم تشوفيه على الاقل علشان تعرفى كل الاجابات اللى انتى عاوزاها

نور : بس …….

رفعت : لا بس ولاحاجة حضرتك تجهزى نفسك وانا كمان ساعتين وهعدى عليكى علشان نسافر اسكندرية صدقينى انا مابضحكشى عليكى فى اى حاجة وماتخافيش مافيش اى حاجة ضرر ليكى بالعكس ده كله خير باذن الله…….

انصرف رفعت وترك نور جالسة مكانها لم تتحرك وممسكة بالاوراق التى اعطاها لها ولكنها غير قادرة على استيعاب تلك المفاجاة …

فطوال حياتها وهى لاتعرف اى اهل او اقارب فكانت تعيش مع والدها بعد ان توفت والدتها وهى فى عمر الخمس سنوات ولا تتذكر انه كان لها اى اقارب لوالدتها وبعد وفاة والدها عاشت بدون اى اقارب …..

ولكن الاوراق التى راتها كلها صحيحة …..

فقررت ان تسافر الى الاسكندرية مع المحامى لتفهم ما الامر لعله خطأ او تشابه فى الاسماء

حضر المحامى فى موعده واصطحبها الى الاسكندرية وعند حلول المساء كانت تنزل من السيارة امام فيلا فخمة عندما راتها شعرت برهبه داخلها وخوف ولكنها افاقت على صوت المحامى يدعوها للدخول….

دخلت نور لبهو الفيلا وانتظرت حتى يصعد المحامى ليخبر جدها وماهى الا دقيقة وعاد المحامى واصطبحها معه وصعد بها الدرج وهى تنظر لكل شئ حولها حتى رات فى ممر الدور الثانى صورة معلقة على الحائط بجانب مجموعة من الصورة ولكن الصورة التى راتها كانت لشخص تعرفه انها صورة لامها كما اعتادت ان تراها فى صورها التى تحتفظ بها فسالت نفسها ايعقل ان يكون هناك تشابه فى الاسماء والشكل ايضا ؟…

دخلت نور مع المحامى لغرفة وجدت فيها رجل يرقد فى سرير ويبدو عليه علامات المرض

عندما راها اعتدل بعض الشئ وتهلل وجهه بالفرح

فاروق : تعالى يابنتى قربى ليا هنا عاوز اشوفك كويس

نظرت نور للمحامى ثم اقتربت الى سريره

فاروق : ياااااااااه اللى خلف ماماتشى صحيح … كانى شايف بنتى اللى حرمت نفسى منها وهى عايشة وحرمت نفسى من بنتها وهى ميتة

نور : بنتك مين ؟

فاروق : احلام فاروق المصرى امك يابنتى وتبقى بنتى وانا ابقى جدك

نور : ازاى وكنت فين طول الفترة دى ؟

فاروق : اقعدى جنبى هنا ياحبيبتى وانا هحكيلك على كل حاجة

جلست نور على كرسى بجوار سرير فاروق وجلس المحامى فى كرسى مجاور من الناحية الاخرى

فاروق : من اكتر من خمسة وعشرين سنة كانت امك عايشة معايا هنا وكانت بنتى الوحيدة ماليش غيرها هى واخوها اللى كان اصغر منها بسنة واحدة وكنت انا ربنا فتحها عليا من وسع بعد ماكافحت طول حياتى علشان اوصل للثروة والفلوس والمكانة اللى انا فيها دلوقتى

وقتها كنت اتوسعت اوى فى شغلى وربنا كرمنى من وسع وبقى ليا علاقات كتيرة

وقتها اتقدم ليها واحد ابن رجل اعمال كبير كنت هبتدى معاه شغل كبير وهيدر عليا مكاسب خرافيه وفرحت اوى بالنسب ده لانه كان هيقوينى فى شغلى ويزود ارباحى وكمان كان ثروة الولد وابوه هتضمن لبنتى عيشة مرتاحة طول عمرها

لكن تاتى الرياح بما لاتشتهى السفن …. امك رفضت الجوازة دى لانها وقتها كانت اتعرفت على توفيق ابوكى فى الجامعة
كان معيد فيها وبعد سنة من دخولها الجامعة حبوا بعض اوى لدرجة انها اتحدتنى وعصت اوامرى لاول مرة فى حياتها وصممت على رفض الجواز من الغنى وفضلت عليه ابوكى

وقتها انا كنت فى قمة قوتى وكان فى نظرى ان السعادة بالفلوس وان الحب ده كلام فارغ ولعب عيال

حاولت بكل قوتى ابعدها عنه لكن فى كل محاولة كنت بفشل

اضطهدته وخلتهم يفصلوه من الجامعة وضغطت عليها بالقوة وعملت الفرح وعزمت الناس

وفى يوم الفرح فاجئتنى باللى عمرى ماكنت اتوقع ان بنتى تعمله

سابت البيت والفرح وهربت مع ابوكى وسابوا اسكندرية كلها واختفوا

يومها انا اعلنت ان بنتى ماتت ومادورتش عليها واعتبرتها فى عداد الاموات

وفاتت السنين لحد ماكبرت وعجزت والمرض هدنى وعرفت متاخر اوى ان الفلوس اللى عشت عمرى كله اجمعها واللى ضيعت بنتى بسببها عمرها ماجلبتلى سعادة وماخدتش من وراها الا الامراض المزمنة

دورت عليها كتير لكن من غير فايدة
لحد مامن فترة قريبة قدر رفعت يتوصل لانها ماتت
وكان اسود يوم فى عمرى لما عرفت ان بنتى ماتت قبل مااكفر عن غلطتى واطلب منها تسامحنى واعوضها عن السنين اللى فاتت لكن عزائى واللى رجعلى الامل تانى لما عرفت انها سابت بنت من ريحتها تقدر تعوضنى عن بنتى اللى اتحرمت منها واعوضها عن الاب اللى اتحرمت منه

سامحينى يابنتى جهلى هيالى انى بعمل لمصلحة بنتى مش بجنى عليها

كانت نور تستمتع لكلام جدها ولا تنطق باى كلمة ولايخرج منها سوى دموعها التى انهمرت على خديها

فاروق : قوليلى انك مسمحانى يابنتى علشان احس انى بنتى سامحتنى انا مش طالب منك الا انك تنسى اللى فات واللى جاى باذن الله هيكون كله خير

نور : انا ……. انا مش عارفة …….

فاروق : خلاص يابنتى مش هضغط عليكى ومش سهل انك تستوعبى اللى بقوله بسهوله

خدى وقتك براحتك وانا مستنيكى لكن برجوكى ماتتاخريش عليا كفاية السنين اللى فاتت دى

انا امرت يجهزولك الاوضة اللى جنبى ترتاحى فيها من السفر ووقت ماتحبى تكلمينى هتلاقينى

يستدعى فاروق ست كبيرة تعمل فى القصر فاخذت نور الى الغرفة المجاورة وتركها لترتاح فيها……..

الفصل الثالث

فى الغرفة الانيقة تدخل نور وتجد نفسها بعد ان تركتها السيدة وحدها تنظر لكل ماحولها وهى لاتزال فى حالة من الدهشة وعدم الاستيعاب…..

تنظر حولها فتجد على الحائط صورة كبيرة لفتاة فى مقتبل عمرها يشع من عينيها اشراقة سعادة وامل….

انها والدتها وهذه هى غرفتها … يوجد بها مكتب صغير اقتربت منه وتفحصت ماعليه من كتيبات قديمة ترجع جميعها لوالدتها ….

اخذت تنظر فيها فوجدت ان معظمها قصص وروايات ليوسف السباعى او احسان عبد القدوس….

ولم تفتح كتاب الا ووجدت اول صفحاته منقوش عليها بخط جميل جدا…. اسم والدها …
جلست على المكتب ورات عدة ادراج ففتحت اولها فوجدت اجندة صغيرة فتحتها ..
فوجدتها عبارة عن تدوينات اشبه بالمذكرات كانت تدونها والدتها بين الحين والاخر

اخذتها وجلست بها على سرير يتوسط الغرفة واخذت تقرا فيها ………….

فى الغرفة المجاورة

فاروق : خلصت الاوراق اللى طلبتها منك يارفعت

رفعت : الصيغة القانونية والعقود كلها جاهزة ياباشا واقفة بس على التوقيع ونسجلها فى الشهر العقارى انشاء الله

فاروق : اوعى يكون حد اخد علم باى حاجة …. مش عاوز حد يعرف اى حاجة فى الوقت الحالى

رفعت : اطمن ياباشا ماحدش هيعرف ولا هيحس باى حاجة الا فى الوقت اللى تحدده

فاروق : الحمد لله ….وايه اخر اخبار المجموعة؟

رفعت : والله ياباشا الاخبار ماتسرش اوى وماكنتش عاوز ازعجك او اضايقك بيها

فاروق : فؤاد عمل ايه تانى يارفعت؟

رفعت : مجموعة المستثمرين اللى ناوى يدخل معاهم مجموعة مشاريع مختلفة الفترة الجاية قدرت من مصادرى اجمع عنهم معلومات وكلها بتقول انهم ناس مش مظبوطين وحوليهم الشبهات كتيرة اوى ياباشا والاقوال بانهم بيشتغلوا فى حاجة غير مشروعة والمشاريع اللى بيعملوها مجرد ستار يداروا وراه ويغسلوا اموالهم

فاروق : وفؤاد عارف كل المعلومات دى؟

رفعت : مااعرفشى ياباشا اذا كان فؤاد بيه يعرف والا لا …. بس اللى اعرفه انه على علاقة قوية اوى بيهم ودايما عزومات وحفلات وبيسعى بكل جهده للشغل معاهم فى اكتر من مشروع

فاروق : طب عاوزك تعرفلى كل المعلومات عن المشروعات دى وعن طبيعة العلاقة اللى بينهم وبين فؤاد ابنى واذا كان عارف بلاويهم والا لا

رفعت : حاضر ياباشا بس ادينى شوية وقت وان شاء الله احاول اجمع كل المعلومات الكافية

فاروق : خد وقتك …… وسيبنى دلوقتى انا تعبتك معايا النهارده بمافيه الكفاية

رفعت : ماتقولشى كده ياباشا احنا عشرة عمر وافضالك عليا مالهاش حصر ….

اشوفك على خير
فاروق : مع السلامة

فى غرفة نور تجلس على سريرها ولاتزال تقرا مزكرات والدتها باعين دامعة فهى فى كل حرف تقراه تتذكرها وتذكر كيف كانت حياتها وسط والدتها ووالدها وكيف كانت تشعر فى كل لحظة بمدى الدفء والحب بينهم وكم كانت اسعد طفلة بوجودها بين اثنين من البشر قلما يوجد مثلهم حتى اتى اليوم المشئوم والذى حرمت منه من اغلى الناس لديها بعدما توفت والدتها اثر اصابتها بداء لعين ليس منه شفاء ولم يتبقى لها سوا والدها الذى تغير واصبح دائما شاردا وحزينا ولاتعرف البسمة طريقا الى وجها الا نادرا …….

فى كل ماقراته نور كانت تجد كم الحب الذى كانت تحمله احلام لتوفيق وكم كانت احلام شخصية طيبة وعاطفية يمكن اكثرمن اللازم فى عالم تحكمه المادة فقط…..

اشياء كثيرة مما قراتها كانت تعرفها جيدا فكان والدها دايما مايحكى لها عنها بالتفصيل فى سهرهم وسمرهم سويا….

لم تدرى نور كم مر من الوقت وهى تقرا حتى غلبها النوم وغفلت وهى تحمل الاجندة فى احضانها ولم تشعر بشئ بعد ذلك……………….

فى صباح يوم جديد تستقيظ نور وقد وجدت نفسها قد نامت حتى ضاعت منها صلاة الفجر والصبح وقد قارب الضحى على الانتهاء فنهضت مسرعة ووجدت حمام خاص فى غرفتها فتوضات وخرجت وصلت وطلبت من الله ان يغفر لها غفلتها وان ينير بصيرتها ويحيمها ويبعد عنها شرور البشر …..

وبعد ان فرغت من صلاتها وقامت فوجدت خلفها السيدة التى اوصلتها بالامس تقف حاملة صينية عليها الافطار وتنظر لها بعينين حانيتين

السيدة : صباح الخير ياحبيبتى
نور : صباح النور يا

السيدة : خيرية ….. انا دادة خيرية ……

نور : صباح النور يادادةخيرية

خيرية : جبتلك فطار زى اللى كانت بتحبه امك الله يرحمها

نور : انتى تعرفى ماما؟

خيرية : اعرفها ؟ …….. ده انا اللى ربتها يابنتى من وهى عيلة صغيرة وكانت اعز من ولادى وربنا اللى يعلم

نور : ربنا يريح قلبك يادادة انا بجد ارتحتلك اوى اول ماشفتك وحسيت انى اعرفك من زمان

خيريه : ( وفرت دمعة من عينيها )

ربنا اللى يعلم يابنتى كانى شايفة احلام قدامى دلوقتى

نور : طب تعالى يادادة……. طمنينى انا مش عارفة حاجة هنا خالص قوليلى مين عايش هنا

خيريه : فاروق باشا هو كبير البيت هنا وماحدش بيعصاله امر

وفى الجناح الخاص بفؤاد بيه ابن فاروق باشا والست سميحة مراته

والاوضة اللى جنبك بتاعة عصام ابن فؤاد بيه وده مسافر امريكا بيدرس الهندسة

والاوضتين اللى جنبه واحدة بتاعة باسم بيه ابن فؤاد بيه بردوا واخته الست أميرة ودى تقريبا من نفس سنك

اثناء حديث نور وخيرية تدخل احدى الخادمات وتدعى عائشة

عائشة : الحق يادادة خيرية فاروق بيه تعب اوى وطلبوله الدكتور

خيريه : ياساتر يارب ….. تعالى معايا ياعايشة

تخرج خيريه وتقف نور لاتدرى ماذا تفعل وتشعر بالغربة فى المكان ….

تخرج وهى تنظر حولها علها تجد من يطمنئها ولكنها لاتجد سوى وصول الطبيب ودخوله فورا لغرفة فاروق بيه وبعد الكشف عليه يخرج ويتحدث مع أميرة التى كانت الوحيدة الموجودة وقتها

الطبيب : مابقاش ينفع تاخير اكتر من كده لازم يعمل العملية وباسرع وقت

اميرة : اوك يادكتور يعملها وقت ماحضرتك تحدد فورا

الطبيب : المهم انه يوافق انه يعملها العملية مش بسيطة وهو ياما كان رافض

اميرة : طب والحل

الطبيب: مااعرفشى لازم تقنعوه باى طريقة مابقاش فى وقت

تستمع نور للحديث وياخدها قلبها للقلق والخوف على جدها الذى لم تعرفه سوى من ساعات قليلة ايعقل ان تفقده بهذه السرعة ……..

ينصرف الطبيب ويترك ممرضة خاصة لفاروق بيه …. بينما تنتبه اميرة لنور

اميرة : مين دى يادادة؟

خيرية: دى الانسة نور وصلت امبارح وحضرتك مش موجودة

اميرة : نور مين ؟

خيرية : دى تبقى بنت عمتك احلام هانم الله يرحمها

اميرة : عمتى ؟ هى عمتى كان ليها ولاد يادادة

خيرية : ده موال كبير اوى يابنتى ابقى اسالى جدك عليه وهو يقولك ربنا يقومهولنا بالسلامة

نور : هو انا ممكن ادخل اشوفه يادادة؟

خيريه : طبعا ياحبيبتى انتى مش محتاجة استاذان اتفضلى ياحبيبتى

تدخل نور غرفة جدها وتقترب منه تنظر له باعين حزينة وهى لاتعرف لما هى تخاف عليه هكذا اهى غريزة الدم ام انها تخاف ان تفقد العائلة التى طالما تمنيتها……

فاروق : ( يفتح عينيه ببطء )

نور …….. قربى منى ياحبيبتى

نور : حاضر يا ………….. حاضر ياجدى

فاروق : (يتهلل وجه )

كنت متاكد من اول ماشفتك انك وارثة من امك كتير ومن ضمن الورث ده قلبها الطيب والمتسامح دايما….

تعالى ياحبيبتى

تقترب نور منه ويمد يده لها فيحتضنها لوقت طويل كانه يعوض فيه كل السنوات التى مرت بعيدا عنها

فاروق : عنيكى دامعة ليه ياحبيبتى من النهارده مافيش دموع ولازعل ولاخوف

نور : اصل انا سمعت الدكتور وهو بيقول …..

قاطعها فاروق

فاروق : بيقول انى هموت ؟

نور : بعد الشر عن حضرتك ….. هو كان بيقول انك لازم تعمل عميلة باسرع وقت وانت مش راضى

فاروق : وانتى عاوزانى اعملها ؟ لو قولتيلى اعملها هعملها

نور : انا مااعرفش بس كلام الدكتور اكيد هو الصح وانا عاوزاك كويس

فاروق : وانا دلوقتى بس عاوز اعيش ولازم اعيش علشانك لحد مااطمن عليكى

نور : ربنا يخليك ليا طول العمر

فاروق يقبلها من راسها

فاروق : ربنا يخليكى انتى ليا ياحبيبتى ويدينى العمر لحد مااقدر اعوضك عن كل ذنب ارتكبته فى حقك وحق بنتى

اميرة : ممكن ادخل

فاروق : طبعا …….الاميرة ممكن تدخل اى مكان دون استئذان

اميرة : اممممم بس واضح انى مابقتشى الاميرة الوحيدة هنا ياباشا

فاروق : هههه انتى دايما كده مافيش حاجة بتستخبى عليكى …… تعالى اعرفك

دى نور بنت عمتك احلام الله يرحمها ….. ودى اميرة يانور بنت خالك فؤاد ابنى

نور : اهلا وسهلا اتشرفنا

اميرة : الشرف ليا انا ……. بس هو احنا غرب علشان نتعرف باهلا وسهلا واتشرفنا حاف كده من غير ولاحضن ولاكام بوسة

تبتسم نور وتسلم على اميرة ويحتضن كلا منهم الاخر

ااميرة : بس اعترف بقى ياجدى …. كنت مخبيها عننا فين كل المدة دى؟

فاروق : هههههههه دى حكاية طويلة اوى تبقى نور تحكيهالك وانتوا بتتعرفوا على بعض اكتر

انا متاكد انكو هتاخدوا على بعض بسرعة لان فيكم من بعض كتير والا نسيتى انى كنت دايما بقولك انك مش واخدة اى حاجة من اى حد فينا الا عمتك احلام الله يرحمها

اميرة : تقترب وتقبل يد جدها ……..

لاياجدو وبابا كمان بيقول انى مخى ناشف زيك

فاروق : ههههههه فى دى هو عنده حق

الممرضة : لو سمحتم كفاية كلام كده علشان مش كويس علشانه

اميرة ونور : حاضر

اميرة : طب احنا هنسيبك ترتاح بقى ياجدى وهاخد نور معايا افرجها على الفيلا وارخم عليها شوية……..

تاخذ اميرة نور معها وتفرجها على كل مكان فى الفيلا وينتهى بهم الامر فى الحديقة فتعجب نور بركنة محاطة بزهور الياسمين والورد البلدى فيجلسان فيها سويا

اميرة : نورتى المكان يانور ……. اخيرا بقى فى حد اتكلم معاه بدل ماانا كنت بفضل طول اليوم اكلم نفسى وقربت يدخلونى الصراية الصفرة….
نور : ميرسى

اميرة : ميرسىىىىىىىىىى ….. شكلك لسه مش واخدة على المكان ولاعليا … هو بصراحة انتى معاكى حق …… بس لانى اول ماشفتك خدت عليكى وحسيت انى اعرفك من زمان اوى فلازم انتى كمان بقى تاخدى عليا والا هقلب ريا وسكينة واهددك بالفوطة المبلولة هههههههههه

نور : ههههههه لا وعلى ايه الطيب احسن حد مستغنى عن عمره

هو انا ممكن اطلب منك طلب ؟
اميرة : اكيد ياحبيبتى

نور : ممكن تكلمينى شوية عن اللى عايشين هنا؟

اميرة : بس كده انت تامر ياقمر

بصى ياستى فى ….

بابا على طول يافى الشغل ياسهران فى لقاءاته واعماله الخاصة ومابيجيش البيت الا على النوم تقريبا

ماما بقى يااما فى النادى يامسافرة بره تعمل شوبنج وتتفسح وهى دلوقتى فى باريس من اسبوعين….

اخويا الكبير عصام مسافر امريكا بيدرس هندسة معمارية والصغير بقى باسم وده مش عارفه سموه باسم ازاى باسم دى قليلة عليه المفروض يسموه اللاسع المجنون حاجة كده ماتعرفيش تاخدى معاه حق ولا باطل طول االليل والنهار صياعه مع اصحابه

واخيرا بقى انا ياستى

انا خلصت دراسة من تلت سنين درست ديكور وفاتحة مكتب صغير كده للديكورات وبحب المجال ده جدااااااااااا

نور : هايل شئ جميل اوى ان الانسان يشتغل فى الحاجة اللى بيحبها

اميرة : وانتى بقى ؟

نور : انا ايه؟

اميرة : يعنى كلمينى عنك شوية درستى ايه بتشتغلى والا لا كده يعنى

نور : اااااه …. انا خريجة فنون جميلة من اربع سنين وحاولت اشتغل ماعرفتش دايما ماكنتش بستمر فى اى شغل اكتر من شهر لاسباب كتيرة وكنت عايشة فى القاهرة

اميرة : والارتباط ؟ انتى مش مرتبطة ؟

تتغير ملامح وجه نور عند سماع سؤال اميرة عن الارتباط وتشرد منها

اميرة : نوووووور …… ايه يابنتى روحتى لفين … دى شكلها قصة حب عنيفة

نور : ها ؟ لا مافيش قصة حب ولاحاجة انا مش مرتبطة

اميرة : معقولة بنوتة بالجمال ده وعمرك ماحبيتى حتى

نور : لسه ماجاش النصيب

اميرة : يمكن شباب كايرو اتعموا والا ايه

نور : هههههه يمكن

طب وشباب اسكندرية اتعموا والا لسه بيشوفوا كويس

اميرة : لاوحياتك واضح انه وباء صاب مصر كلها

نور : ههههههههههههه يعنى انتى كمان مش مرتبطة

اميرة : يعنى ارتبطت مرة كنت مخطوبة وفركشتها بعد شهرين لقيته طمعان فيا وبس

نور : ربنا يرزقك باللى يحبك انتى وبس …. انتى لذيذة اوى وتستاهلى كل خير

اميرة : والله انا حبيتك من اول ماشفتك … وماليش حد فى البيت ده واكيد هنبقى اكتر من الاصحاب

نور : اكيد ان شاء الله

باسم : الله مين القمر ده وانا اقول من اول مادخلت من باب الفيلا المكان كله بيشع نور غير طبيعىىىىى

اميرة : لم نفسك ياسى باسم وبلاش الاسطوانات اياها دى

دى نور

باسم : نور …. سبحان الله … ربنا قادر ينصفنى عليكى …علشان تعرفى انى مش ببكش ولا بقول اسطوانات وانى مكشوف عنى الحجات مش اول مادخلت قولت نور غير طبيعى

اميرة : اه تصدق لاعندك حق ياحرام ظلمك
ادى يانور سى باسم اخويا…..

نور : اهلا وسهلا

باسم : مش هرد عليكى علشان خاطر القمر ده … ممكن نتعرف ببعض انا باسم فؤاد

اميرة : دى تبقى نور بنت عمتك

باسم : اهلا وسهلا يابنت عمتى والله انا قلبى حس ودمى حن من اول ماشفتك ….. وعمتى ازيها ماجاتشى معاكى ليه دى وحشانى موووووووووووووووت

اميرة : عمتك مين اللى ماجاتشى انت سكران ياابنى والا شارب حاجة …… عمتك احلام الله يرحمها من زمان اوى

باسم : بجد لا زعلتينى اوى يااميرة

البقية فى حياتك يانور اعتبرينى مكان عمتى واكتر

تضحك اميرة ونور

نور : حاضر هعتبرك ماما

باسم : ياحبيبتى يابنتى ياضنايا

تعالى فى حضن امك ياحبيبتى

اميرة : امشى يااد انت من هنا بدل مااقوم اضربك

اطلع شوف جدك تعب اوى النهارده يمكن تحب تديله شوية حنان من اللى بيتبعتر منك على الارض ده

باسم : جدو حبيبى ماله ؟

اميرة : اطلع اطمن بنفسك يااخويا

باسم : طب عن اذنك مضطر اسيبك دلوقتى يانور بس اكيد هشوفك كتييييييييييييييييير

نور : ان شاء الله

يصعد باسم لغرفة جده ويقابل فى طريقة دادة خيريه

باسم : دادة بقولك لو سمحتى

خيرية : امرك ياسى باسم

باسم : قوليلى ايه حكاية بنت عمتى دى هو انا ليا عمة من اصله

خيريه : ههههههه افتكر كده ………….

باسم : لا براحة عليا كده ياقمر واحكيلى الحكاية من طأطأ لسلام عليكم

خيريه : حاضر ياسيدى ……………….

الفصل الرابع
فى المساء ………

فؤاد : االف سلامة على حضرتك يابابا ….. اميرة لسه قايلالى دلوقتى بس والله ان حضرتك تعبت النهارده

فاروق : وايه الجديد يعنى وهو انا تعبت النهارده بس ……ماانا تعبان من زمان لكن انت اللى مش فاضى علشان تعرف

فؤاد : ليه بتقول كده يابابا انا والله دايما بسال وباجى لحضرتك كل مابقدر ماانت عارف بقى الشغل ومشاكله

فاروق : اااااه عارف …..عارف كويس الشغل ومشاكله … ماعلينا انا مش قد مناقشات مش هتفيد باى شئ معاك

…….. المهم كويس انك جيت علشان كنت لسه هبعتلك فى موضوع مهم

فؤاد : خير يابابا

………………………………………

اميرة : غريبة دى…….. باسم بيه فى منزلنا ولسه الساعة تسعة

باسم : يعنى هو لاكده عاجب ولاكده عاجب وبعدين انتى عاوزة بنتى ضنايا تاخد فكرة غلط عن امها انها بتاعة سهر ليلاتى وكلام من ده ….. تؤتؤتؤتؤتؤتؤ ماكانشى العشم يااختى

اميرة : ااااه فعلا انت عمرك ماسهرت الا يادوب كل يوم بس

باسم : شفتى يعنى حاجة بسيطة مش عادة يعنى وبعدين انا قولت ماينفعشى اسيب بنتى حبيبتى معاكى لوحدها احسن تفترسيها

اميرة : بقى كده يعنى انا هفترسها طييييييييييب…….
شوفى بقى ياستى البيه اللى عامل مؤدب وحنين ده كل يوم كل يوم………

قاطعها باسم وكتم فمها بيده

باسم : ايه ياميرو ياحبيبتى ده انتى اختى حبيبتى من زمان

اوعى تصدقيها يانور دى بتحب بس ترخم وتهزر كده اصلها عسل عسل عسل

نور : هههههه اه طبعا اكيد

باسم : شفتى الناس المؤدبة كلام قليل بس طالع زى انغام الكمانجات

اميرة : انت عاوز ايه دلوقتى خلص … قاعد لازق فينا ليه كده؟

باسم : انا هعوز منك انتى ….. ليه عميت ؟

انا قولت مايصحش بنت عمتى تبقى فى اسكندرية وتتحبس هنا فى بيت الاشباح ده فقولت ياواد ياباسم واجب عليك باسم القرابة والدم اللى بينكم انك تاخدها وتفرجها على اليكس بالليل اللى ماحدش يعرفها قدى……

نور : لا ابدا انا مش مضايقة هنا خالص بالعكس

اميرة : حد يرفض فسحة زى دى ده اخويا الندل ده عمره ماعملها وعبرنى وقالى تعالى اخرجك…..

ماتضيعيش الفرصة دى منى بالله عليكى يانور وتعالى نخرج سوا ونشم هوا شوية….

نور : خلاص اوك علشان خاطرك

باسم : علشان خاطرها هى بس

نور: لا طبعا وخاطرك انت كمان

باسم : تسلمليلى يانور عينى

………………………………………….. ……………………

فؤاد : انت بتقول ايه يابابا ……. أحلام اختى انا ليها بنت

فاروق : وايه الغريب فى كده هى اختك مش سابت البيت مع الانسان اللى حبته واختارته طبيعى انهم يخلفوا بنت وعشرة

فؤاد : ودى كانت فين لحد دلوقتى وايه عرفها طريقنا دلوقتى والا توفيق مانجحشى زمان انه يوصل لثروتنا راجع تانى دلوقتى وبالبنت دى عاوز ياخد كل حاجة على الجاهز

فاروق : ثروتنا …. كل اللى شاغل بالك ثروتنا وكل اللى بتفكر فيه ثروتنا

اطمن ياابنى ماحدش طمعان فى ثروتك ………..قصدى ثروتى انا

هى ماجاتشى من نفسها ولاكانت تعرف حاجة عننا انا اللى دورت على اختك وعرفت طريقها وبعت جبتها

وماعرفتشى حاجة الا امبارح بس

فؤاد : وانت بردوا بيخيل عليك الكلام ده يابابا ده لعب وتدبير توفيق مش قادر ينسى انه ماقدرشى يطول مننا حاجة زمان و……….

قاطعة فاروق

فاروق : توفيق جوز اختك مات من ست سنين

فؤاد : ايه ؟

فاروق : جوز اختك مات و لحد مامات ماقالشى لبنته اى حاجة عننا ولا ان ليها عيلة وميراث كبير بالعكس كانت عايشة فى مصر فى بيت قديم وبتشتغل وهى صاحبة ملايين …..

اسمعنى يافؤاد كويس وركز فى كلامى اوى

بنت اختك جت امبارح ومن اول مادخلت وهى هناهتكون زى امها واكتر وانا بقولك اهوه من دلوقتى تعمل حساباتك على الاساس ده واعتبر ان اختك هى اللى رجعت

ولو عرفت ان حد هنا ضايقها ايا كان هو مين ….. وانت فاهمنى طبعا ايا كان اللى هيحاول يضايقها حتى لو بكلمة مش هيكون ليه مكان هنا ولا فى اى مكان من املاكى تانى ……. مفهوم والا اقول تانى

فؤاد : مفهوم …… عن اذن حضرتك

يخرج فؤاد وهو غاضب فهو لايهمه من الامر كله الا هذا الوريث الجديد الذى سياخد جزء كبير من الثروة التى طالما استعد لان يكون هو مالكها ووريثها الوحيد ومنذ مرض والده وهو يشعر بقرب تحقيق امله وطموحاته فى الانفراد بالاموال كلها بمفرده دون سلطة ولا رقيب ولكن الان مالعمل ووالده لم يمت بل واتى له بمن سيقاسمه حلمه وطموحاته……………….

……………………………………….

باسم : ها ياجماعة لسه ماجهزتوش يلا بقى ..

اميرة : انا خلاص جاهزة …يلا يانور اطلعى غيرى هدومك بسرعة…

نور : لا ماانا ماكنتش عاملة حسابى وماجبتش معايا اى حاجة تانية….

باسم : بس يبقى سيبلى بقى انا الطالعة دى انا هوديكى اشيك واحلى محلات فيكى يااسكندرية وهختارلك على زوقى كمان هخليكى ماتعرفيش نفسك اصلا

نور : بس ….

باسم : لابس ولاحاجة هو انا مش مكان عمتى يعنى مامتك والبنات الحلوين لازم يسمعوا كلام مامتهم ويقولوا حاضر يامامى….

نور : لا بس مش هينفع انا بكره هنزل مصر واجيب كل حاجة

باسم : لاكده بجد هزعل منك والله وهخاصمك كمان

اميرة : خلاص بقى ياباسم بعدين ماتضايقهاش دلوقتى وخليها على راحتها

نور : ميرسى يااميرة

هو احنا هنخرج من غير مانستاذن جدى

باسم : هو انتى خارجة لوحدك والا مع حد غريب

اميرة : لا نور معاها حق انت اللى ماتعرفشى ريحة الادب ولا الاصول

باسم : خلاص خلاص بسيطة تعالوا يلا نطلع

يصعد الثلاثة لغرفة جدهم…….

باسم : مساء الخير يابااشا ……… لالالالا بقى ده شكل واحد عيان ده زى القمر وكده هفكر بجد بقى انى اشوفلك عروسة حلوة صغنونة كده ترجعك شباب تانى ياباشا

فاروق : هههه طب مش تتلم انت الاول وتتجوز

باسم :والله ياباشا انا شكلى كده هبتدى افكر بس انت اتوسطلى واقف جنبى وخلى القمر يرضى عليا

فاروق : لا ياحبيبى القمر ده بعيد عنك مش هرميه فى ايد واحد مستهتر زيك

باسم : كده بردوا ياباشا ده انا حبيبك واوعدك هتلم واتعدل وامشى مستقيم واشرب اللبن بعد العشا وانام على طول

فاروق : هههههه لو صدقت ابقى اتكلم

اميرة : سيبك ياجدو من الواد ده ……. نور صممت نيجى نستاذن من حضرتك قبل مانخرج نتمشى ونتفسح شوية

فاروق : وماله ياحبيبتى ….. بس خلو بالكم منها كويس

باسم : ماتخافشى ياجدو دى فى عنيااااااااا

فاروق : لاانت بالذات مش عاوزها فى عنيك ولا فى ايديك

بقولك يانور الولد ده لو ضايقك فى اى حاجة ارميه من العربية ولاكانكوا شفتوه وخلصونى منه

باسم : يصطنع التاثر والحزن

ياعينى عليك يابسوم بتحب الكل وماحدش حاسس بيك ولا بيحبك

اميرة : لا ياحبيبتى لا ماتعيطيش يابيضة خلى الزعل والعياط ده بعد ماتفسحنا والا عاوز تزوغ

فاروق : هههههههههه

خدى يانور

نور : ايه ده ياجدى

فاروق : دى كريدت فيها مبلغ صغير لمصاريفك تشترى منه لبس جديد وكل حاجة تحتاجيها وبكره تروحى اجنس العربيات وتختارى عربيتك ياحبيبتى

نور : بس ده كتير اوى ياجدى انا مش محتاجة اى حاجة من الحجات دى وكمان انا مابعرفشى اسوق عربيات

فاروق : ده اقل حاجة تليق بيكى ياحبيبتى انتى مش واخدة بالك انتى بنت مين …
وبعدين هاتى العربية وهخلى السواق يعلمك السواقة من بكره

باسم : سواق وانا موجود لالالالالالا انا لا اقبل ان بنت عمتى يعلمها واحد غريب اودى وشى فين قدام كل العربيات

اميرة : مااحنا مش مستغنيين عنها يااخويا علشان تعلمها انت

باسم : اخص عليكى ياميرو انا بردوا اازى بنتى ضنايا دايما كده ظلمانى ياظالمة

اميرة : اه صح …. حقك عليا…. يلا بينا بقى يااخويا انت وهى احسن اسيبكوا واخرج لوحدى

………………………………..

ينصرف الثلاثة ويذهبوا فى سيارة باسم ويبداوا بزيارة اشهر محلات الازياء وتنتقى نور مجموعة ملابس مختلفة

باسم : زوقك جميل اوى يانورى

نور : نورى ؟

باسم : اه بدلعك ايه رايك فى الاسم ده حلو

نور : اه حلو ميرسى

باسم : احنا هنقضيها ميرسيهات كتير كده معقول كل ده ولسه ماخدتيش علينا ده انا اعرفك من يجى يووووووووووووووووووم كامل

نور : ههههههه

باسم : ايه رايك فى الفستان ده هيبقى يجنن عليكى

نور : حلو اوى ….. بس سامحنى مش هقدر البسه ده مكشوف اوى

باسم : انتى مابتحبيش المكشوف

نور : لاطبعا …… مااحبش اكون زى الحلاوة المكشوفة والدبان كله يتجمع عليها

باسم : الله عليكى يانور …. انتى فعلا جميلة اوى فى كل حاجة

نور : ميرسى

باسم : تاااااااااااااااااااااااااااااااااانى

نور : هههههههههههه

فى المحل تلتقى اميرة باحدى صديقاتها………..

اميرة : صافى ..ازيك ؟ فينك يابنتى ماحدش بيشوفك

صافى : هااااااى ميرو … وحشانى موت …. انا كنت فى الساحل يومين كده

اميرة : انتى مابتبطليش سفر يابنتى كل يوم فى حتة اتهدى بقى

صافى : ههههههههه انتى اللى غاوية قاعدة من زمان انا زى العصفور مايطيقشى الحبسة يطير على طول

اميرة : هههههههههه تعالى اعرفك

نور اعرفك بصافى صحبتى من ايام الحضانة لحد الجامعة

ودى نور بنت عمتى لسه راجعة من السفر بردوا امبارح

صافى : واوووو اول مرة اعرف ان ليكى قرايب بالجمال ده

نور : ميرسى انتى الاجمل

اميرة : ماهى طول عمرها متربيه بره ولسه راجعة امبارح

صافى : هايل بره فين ؟ انا طول عمرى نفسى اعيش بره على طول

اميرة : فرنسا

صافى : وااااااااو حد يسيب فرنسا ويرجع مصر يابختك يانور

باسم : انتى هتقرى على البت من اول مرة كده ياساتر من عنيكىىىىىىىىى

صافى : كده ياباسم ……. انت على طول لسانك متبرى منك كده

باسم : انا لسانى بس اللى متبرى منى

صافى : قصدك ايه بقى ياسى باسم

باسم : ولااى حاجة ياباشا انا اقدر اتكلم بردوا

فى هذه الاثناء تسمع صافى صوت جرس هاتفها المحمول

صافى : سورى ياجماعة ….. ثوانى

ايه انتى بتقولى ايه ؟ ايه جراله ؟ مستشفى اييييه؟

اميرة : خير ياصافى فى حاجة ؟

صافى : احمد فى المستشفى انا لازم اروح اشوف حصل ايه

اميرة : طب معاكى عربيتك والا نوصلك هتعرفى تسوقى كده

صافى : اه مالوش لزوم اتعبكم

اميرة : لااحنا هنيجى معاكى مش هنسيبك تسوقى لوحدك كده

تذهب نور مع اميرة وباسم ليوصلوا صافى للمستشفى ويطمئنوا عليها

فى المستشفى………

صافى : خير يادكتور الولد جراله حاجة؟

الدكتور : الحمد لله العناية الالهية انقذته على اخر لحظة كان هيموت مخنوق من الغاز

صافى : وايه اللى عمل فيه كده

الدكتور : اظاهر انه دخل المطبخ لوحده وماكانشى فى حد واخد باله منه كويس ياريت ياهانم تهتموا بالولد شوية طالما هو شقى كده

صافى : شكرا يادكتور

اميرة : خير ياصافى اطمئنى الحمد لله جت على خير

صافى : الولد ده مش عارفة اعمل فيه ايه معجون بماية عفاريت وكل يوم مصيبة انا خلاص مش عارفة اعمل في ايه …… والا ابوه اللى لو جه ولقاه فى المستشفى هيعملى مشكلةمالهاش اخر…

باسم : ماهو ليه حق بردوا مش ابنه ده اللى كان هيموت من الاهمال وعلشان ماحدش بيراعيه كويس

صافى : ماحدش بيراعيه وانا جايباله دادة ومربية اجنبية معاه 24 ساعة

باسم : ااااااااه دادة لا عملتى اللى عليكى وزيادة

اميرة : باسم مش وقت الكلام ده دلوقتى احنا ندخل نطمن على الولد ونمشى

تعالى يانور هنشوف الولد ونمشى على طول والا تحبى تستنينا فى العربية

نور : لا هاجى معاكم

يدخل الجميع لغرفة الولد……..

صافى : طيب والله بس لما تقوم وانا هعرف ازاى ابطلك الشقاوة دى

باسم : ياساتر طب قولى ربنا يقومه بالسلامة وهاخد بالى منه انتى ايه ياشيخة …

اميرة : باسم احنا فى العناية كده هتتعبه انت بالدوشة دى

نور : بسم الله ماشاء الله شبه الملايكة …… ربنا يخليهولك ياصافى

صافى : ملايكة ايه بس انتى اللى شكلك طيبة وماتعرفيهوش

يرن هاتف صافى…..

صافى : ايوه ياحبيبى وحشتنى

احمد ….. احمد كويس ونام من شوية

حاضر اول مايصحى

انت هتيجى امتى

اوك ياحبيبى

باى

اميرة : طب نستاذن احنا بقى ياصافى …… الف سلامة على احمد

صافى : ميرسى ياميرو

…………………….

فى السيارة ….

اميرة : مالك يانور سرحانة فى ايه ؟ انتى مش معانا خااااااااااااالص

نور : لاابدا …… الولد صعبان عليا اوى …. من اول ماشفته وشدنى ليه كانه ملاك نايم

باسم : خسارة فى جتتها

نور : ليه بتقول كده ؟ ده ابنها بردوا اكيد هى بتتكلم كده من قلقها عليه واكيد قلبها كان بينزف بسببه

باسم : هههههههههههههه مين ده ؟ كل الكلام ده على صافى

انتى ماتعرفيهاش ياحبيبتى

صافى مابتحبش حد فى الدنيا الا صافى وبس وتحب تاخد اى حاجة فى ايد اى حد تانى باى تمن واول ماتمتلكها ترميها ومايبقاش ليها لزوم

نور : مهما كنت مااعرفهاش وحتى لو كلامك ده صحيح بس ده بردوا ابنها ودى ام

باسم : انتى اللى طيبة اوى يانورى

مش كل الناس ملايكة كده زيك

نور : والطفل البرئ ده ذنبه ايه؟

باسم : ذنبه ان ابوه اتجوز صافى هههههههه

………….

تصل نور الى غرفتها وتضع مااشترته جانبا وتهم الى النوم ولكن صورة الطفل الذى راته لاتريد ان تذهب من مخيلتها وتنام وتحلم به طوال ليلتها …………

…………………………………

الفصل الخامس

فى صباح اليوم التالى ……….

نور : ايه ده باسم ؟ ليه صاحى بدرى اوى كده؟

باسم : ههههههه صاحى ايه يانورى انا لسه مانمتش اصلا يادوب لسه راجع من بره

نور : ياااه كنت بتصلى الفجر …… ماشاء الله عليك ربنا يزيدك

باسم : انتى بتتريقى عليا ؟

نور : لا والله ابدا انا بتكلم بجد …….. امال هتكون راجع دلوقتى منين؟

باسم : يعنى كنت مع جماعة اصحابى سهرانيين شوية

نور : سهرانين للصبح !!!! كده غلط على صحتك وكمان هتعرف ازاى تروح شغلك

باسم : لاماانا هنام تلت اربع ساعات كده وانزل شوية الشركة وارجع اكمل نومى تانى

نور : حياة غريبة اوى ….. وانت مبسوط كده؟

باسم : جدا

نور : مابيتهياليش ……. كده مش صح والحاجة اللى مش صح لو بسطتنا شوية مش هتبسطنا عمرنا كله ……..

احلى حاجة فى الدنيا اننا نعمل الحاجة المفيدة والصح مش من وجهة نظر الناس لانها مختلفة لكن من وجهة نظر ربنا….

ربنا بحكمته اللى اكبر مننا ورحمته الواسعه نظملنا حياتنا بحيث نستمتع بيها الاستمتاع اللى يبسطنا ويريحنا طول عمرنا من غير مانستهلك شبابنا على حساب عمرنا

باسم : انتى جايبة كل الكلام الكبير ده منين؟

نور : انا مابقولشى كلام كبير ولاحاجة … ده المفروض العادى

باسم : انا عمرى مافكرت كده بمعنى اصح ماحدش قالى كده

حاولت اعمل حاجة صح لكن ماعرفتش…….

بروح الشغل اقفش شوية مع بابا علشان عمرنا مااتفقنا مع بعض وفى الاخر اسيبه وامشى….

وماليش الا شلة اصحابى هما اللى بعرف افهمهم ويفهمونى

نور : خسارة …… انت بتعاقب نفسك عقاب قاسى اوى هتجنى نتيجته لما تكبر شوية…

باسم : مش للدرجة دى يعنى انا الحمد لله عمرى ماعملت حاجة حرام الحكاية كلها شوية سهر وخروجات وبس وحياتك….

نور : رائع …. انت انسان كويس وكل اللى ناقصك تحددلك هدف تملا حياتك بيه وشوية تنظيم وترتيب صغيرين اوى وتبقى هايل اوى

باسم : اوعدك اول ماهلاقى الهدف ده هعمل كل اللى انت بتقولى عليه

انا هطلع انام شوية بقى احسن فصلت خالص

نور: اوك تصبح على خير….. والا تتمسى على خير

باسم : وانتى الخير يانورى

………………………………

على مائدة الافطار تجتمع اميرة ونور ويفاجأوا بقدوم فؤاد والذى لم يعتاد على الفطار فى المنزل من قبل…

فؤاد : انتى نور

نور : ايوه ياافندم

فؤاد : تمام زى ماتخيلتك … فيكى شبه كبير اوى من احلام الله يرحمها

نور : الله يرحمها

فؤاد : انا اونكل فؤاد اخو مامتك الله يرحمها
يارب تكونى مبسوطة معانا هنا …… واى حاجة تحتاجيها اعتبرينى مكان توفيق بالظبط

نور : طبعا ياانكل اكيد

فؤاد : اتفضلى ياحبيبتى …. تعالى جنبى هنا … انا كده بقى هفطر كل يوم فى البيت طالما فيه وش زى القمر كده هصطبح بيه كل يوم

اميرة : يعنى انا ماكنتش وش جميل يابابى

فؤاد : لاطبعا ياحبيبتى بس الجمال يزيد لما يبقى القمر قمرين

نور : ميرسى ياانكل ….

فؤاد : طب عن اذنكم انا بقى علشان ورايا شغل كتير

نور : اتفضل ….

اميرة : هاياقمر ناوى تعمل ايه النهارده؟

نور : مش عارفة

اميرة : طب بقولك انا هخلص شوية شغل كده واجى اخدك بعد الظهر كده نتغدى بره ونشترى العربية اللى جدوا قالك عليها

نور : هنشتريها وانا مابعرفشى اسوق

اميرة: بسيطة ياستى سواق جدو موجود ومابيعملشى حاجة يسوقهالك لحد ماتتعلمى

نور : طب هو احنا ممكن نروح مشوار تانى الاول

اميرة : عاوزة تروحى فين ؟

نور : مش المفروض بردوا نروح نزور ابن صاحبتك ونطمن عليه

اميرة : بيتهيالى عادى مش لازم بس لو انتى عاوزة اوك ……. انا اصلى مابرتاحشى مع صافى اوى انا وهى مختلفين كتير بس انتى عاوزة تروحى ليه تانى ؟

نور : عاوزة اشوف الولد تانى طول الليل مافارقنيش فى حلمى وانا نايمة مش عارفة ليه!!!!!!

اميرة : انتى بتحبى الاطفال اوى كده؟

نور : اوى بحبهم اوى والولد ده خطف قلبى من اول ماشفته

اميرة : انتى طيبة اوى يانور وحساسة اوى ياريت امه كانت زيك كده

نور : ربنا يهديها ويخليهولها

اميرة : يارب ….. طب ماشى انا هخلص واجى اخدك ونروح … اوك ؟

نور : اوك

……………………………………

نور : جدو صحى يادادة

خيرية : لاياحبيبتى ده يادوب لسه عنيه مغفلة من شوية ….. الممرضة بتقول انه مانامشى طول الليل

نور : اوك … انا هخرج اقعد فى الجنينة بره شوية

فى هذه الاثناء تصل سميحة زوجة فؤاد عائدة من سفرها ……. وتقابل نور فى جنينة الفيلا…

سميحة : مش معقول انتى بنت احلام صح

نور : ايوه صح … مين حضرتك

سميحة : تعالى فى حضنى ياحبيبتى …. يااااااه ده انتى بنت الغالية دى مامتك كانت غالية عليا اوى

انتى مش عرفانى انا مرات خالك فؤاد انا عرفتك اول ماشوفتك تشبهى المرحومة اوى الله يرحمها

نور : اااااه اهلا وسهلا ياطنط …. حمد الله على سلامة حضرتك

سميحة : تسلميلى ياحبيبتى ….. زى مابيقولوا بالظبط اللى خلف ماماتش ….. الله يرحمك يااحلام

دى كانت زى اختى واكتر …

نور : الله يرحمها ياطنط

سميحة : لاطنط ايه بقى انتى من دلوقتى زى اميرة بنتى ولما تاخدى عليا شوية عاوزاكى تقوليلى ياماما … اعتبرينى زى مامتك بالظبط

نور : يشرفنى ياطنط …. اكيد ان شاء الله

سميحة : ياروحى على الادب والعسل …..

انا هدخل اغير هدومى وارتاح شوية من السفر ياحبيبتى وزى ماقولتلك اى حاجة تحتاجيها انا زى مامتك بالظبط اوعى تنسى

نور : طبعا ياطنط… اتفضلى حضرتك

خيرية : هو مين اللى كان بيتكلم معاكى ياانسة نور

نور : دى سميحة مرات انكل فؤاد لسه واصله حالا

خيرية : يييييييييييييييييادى الواقعة هى ايه رجعها بسرعة كده ماكنا مرتاحين منها …

نور : ليه بتقولى كده يادادة دى باين عليها طيبة اوى

خيرية : طيبة اوى ؟؟؟؟؟؟؟ غريبة اول مرة اسمع حد بيقول عليها كده

نور : ليه بس يادادة

خيرية : دى ست مابيجيش من وراها الا الازى يابنتى ماتامنلهاش ولا تصدقيها عمرها مااتمنت الخير لحد ولاكان فى اى عمار بينها وبين المرحومة…

نور : ربنا الاعلم بالقلوب والنوايا انا مش هازيها فى حاجة هتعوز منى ايه يعنى

خيرية : ياريت كل الناس زيك كده ياانسة نور

نور : ايه انسة نور دى يادادة قوليلى نور بس

خيريه : ربنا يحفظك ويحميكى من شر شياطين الانس والجن يابنتى

نور : يارب يادادة

………………………………………….. …………………

تتحدث سميحة فى التليفون ………

سميحة : ايون لسه واصله من شوية

اه شوفتها

ماتخافش انا خليتها زى الخاتم فى صباعى وفرشتلها الارض حب وحنية

ماتقلقش كل مشكلة وليها حل وفى اسرع وقت هكون شوفتلنا صرفة معاها … على اخر الزمن حتة مفعوصة زى دى تيجى تقاسمنا كل حاجة على الجاهز

انا هنام شوية دلوقتى لحد ماترجع … باى

………………………………………….. ..

نور : اقفى هنا يااميرة لو سمحتى

اميرة : هتشترى ايه من هنا ؟

نور : احنا مش رايحين لطفل مريض لازم نجيبله حاجة يتسلى بيها

اميرة : انتى مابتفكيش فايتة ….. هركن واحصلك

تدخل نور محل للعب الاطفال …..

نور : ايه رايك فى دى ممكن يلعب بيها وهو مرتاح فى سريره وينمى زكاءه وقدراته الذهنية..

اميرة : جميلة اوى ماينفعشى تعتبرينى طفل صغير وتجيبلى واحدة انا كمان ههههههههه

نور : اول ماتنجحى فى الحضانة هجيبهالك هدية نجاحك

اميرة : هههههههههه ماشى ياطنط

نور : هههههههه تعرفى محل شيكولاتة كويس

اميرة : كمان …. بس الشيكولاتة مضرة للاطفال

نور : ياستى هو احنا هناخدله محل ده حاجة صغيرة واكيد بيحبها الاطفال كلهم بيحبوا الشيكولاتة ومش هتتعبه ولا حاجة ونبقى نسال الدكتور او الممرضة

تشترى نور الهدية والشيكولاتة ويصلوا الى المستشفى …..

اميرة : مساء الخييييييييير

الدادة : مساء النور يااميرة هانم … اتفضلى

اميرة : انتى هنا ياسميرة امال فين صافى

الدادة : صافى هانم ماجاتشى النهارده وراها مشاوير مهمة وانا جيت اقعد مع احمد

اميرة : معقولة ……..

تدخل نور وتقترب من احمد الذى يستقيظ على صوتهم

نور : صباح الخير ياقمر

احمد : انتى مين؟

نور : انا طنط نور جيتلك امبارح بس انت كنت نايم … انا صاحبة مامى

احمد : اهلا وسهلا

نور : ههههههه ياخرابى على العسل …. انت امور اوى حد قالك كده قبل كده

احمد : اه بابا بيقولى كده بس

نور : ربنا يخليهولك ياحبيبى

اتفضل

احمد : ايه دى ؟

نور : دى هدية صغنتوتة كده علشانك

احمد : علشانى انا

نور : اه طبعا ياحبيبى والشيكولاتة دى كمان

احمد : يلقى بالهدية وياخد الشيكولاتة

الله انا بحب الشيكولاتة اوى

نور : وانا كمان بحبها اوى

ممكن تدينى منها حتة

احمد : اتفضلى

نور : تقبل الشيكولاتة وتردها لفمه

بالف هنا ليك ياحبيبى كانى كلتها

اميرة : نحن هنا………. ازيك ياميدو

احمد : الحمد لله

نور : شفتى الادب والجمال يااميرة بقى فى كده

اميرة : احمد مؤدب وكويس بس شقى حبتين

نور : ههههه هو هياخد باله من نفسه بعد كده … صح ياميدو

احمد : صح ياطنط

نور : لا احنا بقينا صحاب بقى انا اقولك ياميدو وانت تقولى يانور … موافق

احمد : موافق

تجذبه نور لحضنها

الله انا مبسوطة اوى انى بقى ليا صديق قمر كده

تستمر نور فى الحديث واللعب مع احمد لاكتر من ساعتين متواصلتين …..

اميرة : ايه يانور مش كفاية كده انا نمت على نفسى منكوا انتوا الاتنين

نور : هو حد يقول للقعدة مع الملايكة كفاية

اميرة : ياستى ماقولناش حاجة بس مش نسيب الملاك الصغير يرتاح شوية

نور : اه عندك حق … انا اسفة … بس اصلى حبيته اوى

احمد : وانا كمان حبيتك اوى يانور

نور : تقبله وتضمه لها

ياحبيبى

اميرة : طب يلا علشان هو لازم يرتاح وبكره نبقى نجيله تانى

نور : ماشى اوك

خلى بالك من نفسك ياميدو واوعى تتشاقى تانى لحد ماتخف بس

احمد : حاضر

نور : اسيبك فى رعاية الله وحفظه ياحبيبى …. مع السلامة

احمد : باااااااى

…………………………………..

اميرة : عمرى ماشفت حد بيتعلق بالاطفال اوى كده

نور : الاطفال دول احباب الله واحمد ولد جميل اوى ويخطف القلب

اميرة : معاكى حق ربنا يخليه لباباه

نور : ومامته

اميرة : ماتفكرنيش احسن انا كل مابشوفه كل مابضايق واقفل منها على الاخر……اووووووووووف

مش مهتمية بيه ابدا كل همها نفسها وبس سفر وخروجات وفسح وهو طول الوقت مع الدادة

واللى بيحبه ويهتم بيه باباه

وهى مطنشة الاتنين ومابتاخدشى بالها الا من صافى وبس…

كويس ان باباه مسافر اليومين دول احسن كان ممكن تحصل مشكلة كبيرة اوى لانه بيحب احمد اوى وبيخاف عليه من الهوا

نور : ربنا يهديها ويرجعله باباه بالسلامة

باسم : الله الله الله راجعين منين كده لوحدكم ياانسات

اميرة : وانت مالك بقى ان شاء الله بقيت المراقب علينا

باسم : انا اخوكى الكبير ومامة نورى ازاى تخرجوا انتوا الاتنين من غير ماتقولولى ؟؟؟؟؟

طب انتى وفى داهيه انما ازاى تاخدى نور معاكى مش خايفة حد يضايقها او يعاكسها وهى زى القمر كده وانا مش موجود مين وقتها يحميها بقى

اميرة : بقى كده

ماشى ياحامى الديار والله ل…..

نور : خلاص خلاص معلشى حقك عليا انا ياباسم …قصدى يامامى ….انا اللى طلبت منها اننا نخرج…

باسم : علشان خاطرك انتى بس ماانا قلبى رهيف ومااقدرشى على زعلك انما المرة الجاية لايمكن اقبل ابداااااااااااااااا

اميرة : حنفىىىىىىىىىىىىى

باسم : خلاص هتنزل المرة دى

نور واميرة : هههههههههه

ياتى البوب مسرعا…..

البواب : باسم بيه باسم بيه

باسم : فى ايه

البواب : سى عصام وصل

باسم : عصام اخويا

يجرى باسم واميرة لملاقاة عصام الغائب عن البلد لاكتر من اربع سنوات بينما تقف نور بمفردها تترقب الموقف من بعيد…….

الفصل السادس

باسم : عصوووووووووم اخويا ياهلا ياهلا ياهلا

عصام : ازيك ياباسم واحشنى اوى والله

باسم : وانت كمان ليك وحشة اوحش من يوم ماتش مصر والجزائر

عصام : هههههههههههههه مش اوحش منك والله ياباسم

اميرة : وسع شوية ياسى باسم خلى غيرك ياخد دوره

ازيك ياعصام وحشتنى اوى اوى

عصام : مش اكتر منى ياميرو وحشانى وحشانى خالص

طمنونى عاملين ايه وجدو عامل ايه وهو فين؟

باسم : لااطمن كلنا زى الفل وكنا مرتاحين منك على الاخر

وجدك زى الحصان هو بس بيدلع شوية لو بس جيبناله عروسة حلوة صغنتوتة كده هتلاقى تانى يوم بيلف تراك النادى

ماجبتش معاك واحدة كده والا كده وبالمرة واحدة لاخوك

عصام : ههههههههههههههه

ودول هجيبهم بقى ازاى هعبيهم فى الشنطة

باسم : يعنى متغرب السنين دى كلها وراجع ايديك فاضية ده انا لو مكانك ياراجل كنت رجعت بدستتين على الاقل

عصام : ههههههههه انت مش هتتغير ابدا

اوعى كده وسبنى اطلع اشوف جدك احسن واحشنى اوى

باسم : اتفضل ياعم مين قدك ماحبيب القلب رجع ماحدش هيعرف يكلمه تانى

عصام : وسع يااد انت

يصعد عصام لغرفة جده ويمر فى طريقه بنور ولكنه لا ينتبه لها ولا يراها ………..

اميرة : سورى يانور هو عصام كده مابياخدشى باله الا من الحاجة اللى هو رايحلها بس بيركز فى هدفه زيادة عن اللزوم

نور : لاعادى معزور طبعا حقه

اميرة : طب ماتيجى تقعدى معانا شوية بره ودلوقتى ينزل عصام وتتعرفوا ببعض

نور : لاخليها بعدين انا عاوزة اطلع ارتاح شوية احسن حاسة بصداع

اميرة : اوك ياحبيبتى على راحتك

………………………………………….. ……

عصام : ممكن ادخل ياباشا

فاروق : عصاااااااااام اهلا اهلا ياحبيبى واحشنى اوى

عصام : وانت كمان والله ياجدو واحشنى اوى

طمنى عليك وعلى صحتك ياباشا

فاروق : الحمد لله ياحبيبى

عصام : يارب دايما ياباشا

رفعت المحامى قلقنى اوى لما كلمنى وقالى جدك طالبك فى اسرع وقت

اخدت اجازة بالعافية وجيت على طول

فاروق : لا رفعت ماقالكشى كل حاجة

الاجازة ماتنفعشى

انت هتقعد هنا على طول ومافيش سفر تانى

عصام : تاااااااااااااااااانى ياباشا

احنامش حسمنا الموضوع ده من زمان وانت عارف كويس ياجدى انى مرتاح بره ومابحبش اقعد هنا

وهناك انا بدات اكون نفسى وهيكون ليا مستقبل هايل

فاروق : مستقبلك هنا مافيش مستقبل تانى بره بلدك

وده امر ولازم تنفذه والا هكون غضبان عليك لحد مااموت

عصام : طب ناجل الكلام فى الموضوع ده لبعدين انا لسه قدامى شوية قاعدهم هنا

فاروق : طب روح غير هدومك وارتاح شوية وبالليل اتصل بوالدك ورفعت المحامى واجمعلى كل العيلة هنا

عصام : ليه ياباشا؟

فاروق : هتعرف بالليل

عصام : حاضر ……. عن اذن حضرتك

فاروق : اتفضل ………….

………………………………………….. …………………………

فى المساء يفعل عصام ماامره به فاروق ويحضر رفعت المحامى وفؤاد وباسم واميرة وعصام

عصام : خير ياجدى

فاروق : استنى لسه فى فرد من العيلة ماوصلشى

عصام : فرد مين ؟ كلنا كاملين ياباشا؟

فى هذه الاثناء تدخل نور

فاروق : تعالى يانور ……. اقعدى جنبى هنا

نور : حاضر ياجدى

فاروق : ووزع على كل واحد الورق الخاص بيه يارفعت وبعدين انا هفهمكم كل حاجة

يقوم رفعت بتوزيع بعض الاوراق التى هى عبارة عن عقود على كل الموجودين………..

فاروق : الاوراق اللى معاكم دى عبارة عن كل املاكى وثروتى اللى جمعتها طول حياتى

كل واحد فيكم من دلوقتى هيعرف نصيبه اللى انا قررتهوله

ولازم كل واحد يكون متاكد انى لايمكن اظلم حد منكم ابدا

انا قريب هقابل وجه كريم ومش عاوز اقابله وانا ظالم ولا وانا قلقان عليكم ومش عارف هيحصل ايه من بعدى

اقرى عليهم يارفعت التقسيمة اللى معاك ………….

شركة الملاحة كاملة خاصة بالانسة نور توفيق ملكية خاصة لايشاركها فيها احد

شركة المقاولات ومجموعة العمارات السكنية باسم عصام بيه ويشاركه فيها الانسة نور بنسبة 25 %

شركة السياحة ومكتب السفريات هيكون مناصفة بين باسم بيه واالانسة اميرة بنسبة التلتين والتلت

شركة الاستيراد والتصدير هتكون ملك لفؤاد بيه تشاركه فيها الانسة نور بنسبة 25%

الفيلا وفيلا الساحل الشمالى هيفضلوا ملكية لجميع افراد الاسرة لهم حق الاقامة فيها والانتفاع بها ولايحق بيعهم الا بموافقة الجميع

الاموال السايلة هتفضل باسم فاروق بيه وتحت تصرفه وحده

فؤاد : ايه اللى انت بتقوله ده ؟ دى تخاريف كده تقريبا نص الثروة لواحدة لوحدها والباقى متقسمين فى النص الباقى

ده ظلم

رفعت : لسه فى شرط يافؤاد بيه وتكمله

شرط اساسى ان تجتمع جميع الشركات فى مجموعة واحدة لاتنفصل ابدا

يكون رئيس مجلس ادارتها الانسة نور ومديرها العام عصام بيه وان يكون فؤاد بيه استشارى بها وباقى الاعضاء فى مجلس الادارة

فؤاد : لاااااااااا انا لايمكن اقبل المهزلة دى ……… ده مستحيل يحصل

فاروق : دى قراراتى واى حد هيعترض عليها او يرفضها يبقى بيتنازل عن كامل حقه ومش هيبقى ليه وجود فى اى شبر من املاكى

انتهى الكلام

كل واحد ياخد عقوده ويفكر براحته وبكره هستنى الرد منكم

يخرج فؤاد غضبان وويترك البيت باجمعه……….

يخرج الجميع ومعهم المحامى بينما تظل نور مكانها لاتتحرك

فاروق : مالك يانور ؟

نور : انا ……….. انا مش عاوزة حاجة من كل ده ياجدى

فاروق : ده حقك وحق امك واموالها اللى اتحرمت منها فى حياتها واتحرمتى انتى منها طول عمرك

نور : بس انا مش عاوزة حد يكرهنى …… مش الفلوس هى اللى هتسعدنى لو الكل كرهونى ياجدى

فاروق : فى الزمن ده ماحدش هيحبك الا لفلوسك

وقبل ماتفكرى فى الناس

لازم ماتفرطيش فى شبر من حقك

لو اى حاجة من اللى ادتيهالك دى يانور فرطتى فيها لاى حد وتحت اى ظروف هكون غضبان عليكى وعمرى ماهرضى عنك

نور : انا مش هقدر احافظ على اى حاجة من الحجات دى ياجدى

انا مااعرفشى اى حاجة فى الشغل ده

فاروق : دى مش مشكلة

هتتعلمى كل واحدة

انا هعلمك ازاى تديرى وتحافظى كويس على فلوسك وفلوس كل العيلة

انا خليتك انتى رئيسة مجلس الادارة لان ماحدش غيرك هيقدر يحمى ويحافظ على الممتلكات دى ويكون قد المسئولية

نور : ارجوك ياجدى

اكيد فى غيرى يقدر انا لاانا بفهم فى الكلام ده ولاانا عاوزة حاجة

فاروق : ومش عاوزة راحتى يانور

نور : اكيد طبعا ياجدى عاوزاك مرتاح

فاروق : خلاص وانا مش هكون مرتاح الا لو نفذتى اللى قولت عليه

نور : ………….

فاروق : ها سكتى ليه ؟ قولى انك موافقة وانك هتكونى قد المسئولية

نور : حاضر ياجدى اللى يريحك

فاروق : كده انا بجد ارتحت

………………………………………….. …………..

فى جنينة الفيلا

عصام : غريبة اوى حكاية عمتى وبنتها دى
باسم : لاغريبة ولاحاجة كل عيلة فيها اسرارها وماضيها
بس المهم دلوقتى تفتكروا بابا هيرضى باللى جده عمله ده انه يدى نور النصيب الكبير ده؟

اميرة : يعنى بابا عنده حق وكده جدى ادى لنور اكتر من حقها

باسم : مانقدرشى نحكم … جدى ادرى بفلوسه وهو قال انه مش هيظلم حد فينا

وبعدين يمكن يكون بيعوضها عن العمر اللى عاشته بعيد عننا وعن كل الفلوس والثروة دى

مش ده الل شاغل بالى

انا مشكلتى انى مش عارف ازاى هعمل اللى قال عليه جدى

هدير شركة لوحدى

عصام : طالما حابب الست نور دى اوى كده مايديها ال75 % بتوعى ويسيبنى انا ارجع مكان ماكنت

انا لاعاوز اعيش هنا ولا عاوز يكون ليا حاجة هنا من اصله

اميرة : دى بالذات بقى احسن حاجة جدى عملها

انت لازم ترجع بقى ياعصام ماينفعشى تفضل باقى عمرك بره

عصام : ارجع هنا اعمل ايه ؟ ولمين ؟ انا لابحب هنا ولا عاوز افضل هنا

باسم : عيب عليك يااخى أيه لمين دى

هو احنا مالناش لزمة عندك خالص كده

ولاجدك ده

ولابابا ولا ماما حتى

اميرة : انت لسه بتفكر فيها ياعصام ؟

عصام : اميرة

قولت مليون مرة ماحدش يكلمنى فى السيرة دى

باسم : طول ماانت بتهرب كده هتفضل طول عمرك تعبان

كفاياك هروب بقى يااخى

انت هربت وسبت البلد كلها وهربت من كل اللى الناس وحتى كمان هربت من نفسك

عملك ايه الهروب بقى

حل المشكلة ؟

افتكر كفاية هروب كده بقى ولازم تواجهها وقتها بس هتقدر تتخلص منها للابد

ينصرف عصام تاركا اميرة وباسم ويصعد لغرفته

اميرة : انت زودتها اوى ياباسم

باسم : لا يااميرة لازم بقى يفوق لنفسه مش علشان واحدة زى دى يضيع عمره كله فى الهروب

اميرة : انا حاسة دماغى هتنفجر من كم المفاجات طول اليوم

هطلع انام ……… تصبح على خير

باسم : عندك حق انا كمان ماليش مزاج اخرج الليلة دى وهطلع انام

………………………………………….. ….

فؤاد : يعنى كنتى عاوزانى ارضى بالتخاريف دى ….. ده مديها تقريبا نص الثروة لوحدها غير رئاسة المجموعة كلها … انا على الاخر ابقى تحت رحمة عيلة زى دى

سميحة : ماقولتش اننا هنرضى لكن العند مش هيحل حاجة بالعكس ده كده ممكن تلاقى نفسك خارج بولا حاجة وسايب كل حاجة لحتة البت اللى طلعتلنا فجاة دى

فؤاد : امال ايه ؟ كنتى عاوزانى اعمل ايه

سميحة : لازم نتطاطى للريح لحد ماتعدى

انت تروح للباشا وتقوله انك رجعت لعقلك وموافق على كل اللى يشوفه

والبت اللى هو حاطط لحسابها نص ثروتنا دى لازم نشوفلنا فيها حل

احنا هنغلب فى واحدة زى دى لابتفهم فى شغل ولا فى اى حاجة

بسهولة هنغرقها هى واللى يقف معاها

ونرجع ثروتنا لينا بالرااااااااااااااااااحة

فؤاد : خلينى امشى وراكى لما نشوف هتوصلينا لايه

سميحة : لكل خير طبعا ياحبيبى

………………………………………….. ……………………….

فى الفيلا ينام الجميع الا غرفتين

يظل نورهم حتى الفجر

يجمعهم تفكير واحد وان اختلفت التفاصيل

كلا منهم يفكر فى حياته

كيف كانت وكيف ستكون

وكيف ينسى الماضى ويبدا من جديد

هل يستطيعوا ؟

الفصل السابع

اشرقت شمس يوم جديد على منزل ابطالنا وكل منه يبدا عهد فارق فى حياته…….

منهم من يرفضه….
ومن يقبله…..
ومين لا يعرف الى اين سيودى به طريق المال والثروة ………

نور : صباح الخير ياجدى

فاروق : صباح الانوار ياحبيبتى

نمتى كويس؟؟

نور : فى الحقيقة لا

ماقدرتش انام خالص…..

فاروق : الانسان فى العادى لما بيدخل على شئ جديد بيبقى جواه رهبه……

لكن بتروح اول مايبتدى وبتتلاشى تدريجيا……

نور : ابدا فى ايه ياجدى وازاى ؟

فاروق : تبداى فى ايه …. هتبداى فى حياتك ومستقيلك

هتبداى ازاى ؟هتروحى دلوقتى تفطرى وبعد ساعة هيكون السواق بتاعى فى انتظارك فى عربيتك الجديدة

ماروحتيش تجيبيها اختارتهالك انا على زوقى ووصلت امبارح

هتنزلى مع المجموعة كلها واول حاجة هتعمليها

هتروحى على مبنى ادارة المجموعة

هتلاقى فى واحد اسمه الاستاذ عبد الخالق

ده كان دراعى اليمين فى الشغل

يعرف كل كبيرة وصغيرة عن كل حاجة

ثقى فيه واعتبريه كانه انا واسمعى كلامه واتعلمى منه كل شئ

واول حاجة هتعقدى اجتماع لكل المديرين للتعارف

لازم يانور من اول مرة مايستقلوش بيكى ويعملولك حساب

نور : يعملولى حساب على ايه ياجدى ؟ هو انا هعرف اتكلم كلمتين على بعض!!

فاروق : الخبرة هتاخديها وهتتعلمى كل حاجة لكن المهم انهم مايلاحظوش اى اهتزاز ولا ضعف فى شخصيتك

لازم يحسوا انهم قدام انسانة قوية يتخاف منه مش يستهونوا بيها

نور : بس انا لا كنت كده ولاعاوزة اكون كده وما…….

فاروق : احنا حسمنا الموضوع ده امبارح

وانا مش هطلب منك حاجة انتى مش قدها لو ماكنتش متاكد انك قدها وهتقدرى ماكنتش حملتك المسئولية دى…..

اسمعي كلامى كويس يانور….

ارمى كل حاجة قديمة ورا ظهرك وبصى بس لبكره

بصى بس لمستقبلك ومستقبل عيلة كاملة مافيش غيرك يقدر يفضل جامعها ولامم شملها

انتى اه ماااتكلمتيش معايا فى اى حاجة عن حياتك قبل مااشوفك وانا مش هطلب منك تتكلمى فى حاجة انتى مش عاوزة تتكلمى فيها

لكن اللى انا اقدر اعرفه وبسهولة بحكم خبرتى فى انواع البشر

انك اقوى بكتير من اللى بتظهرى بيه

وعارف كمان ان الماضى ماكانشى بالسعيد …. بسهولة اقدر اشوف فى عنيكى بحر من الحزن مالوش اخر

حتى وانتى بتبتسمى او تضحكى عنيكى مابتقدرشى تكدب

نور : _______________

فاروق : انا مش عاوز اعرف اى حاجة انتى مش عاوزاها

لكن اللى عاوز اقولهولك

ايا كان السبب

انسيه ياحبيبتى

انسيه وبصى لمستقبلك وحياتك

انتى لسه فى اول عمرك

قدامك الحياة طويلة وفتحالك ايديها على مصرعيها

ابنى مستقبلك وعيشى حياتك

اليوم اللى بيعدى يابنتى مابيرجعشى ومش هنعرف نعوضه وحرام يعدى واحنا بنفكر فى ماضى مش هيفيد بحاجة

توعدينى يانور؟؟؟؟

نور : مااقدرشى اوعدك بحاجة وانا مش متاكدة انى هقدر عليها ياجدى

لكن اقدر اوعدك انى هحاول

فاروق : والوعد ده كفاية مؤقتا

………………………………………….. ……………………………..

تنزل نور لغرفة الطعام تجد باسم واميرة وعصام مجتمعين …..

نور : صباح الخير

يرد الجميع الصباح عدا عصام يتاخر ولكنه بعد لحطات يرد الصباح ….

نور : امال فين انكل فؤاد وطنط سميحة

اميرة : لاماما مابتصحاش دلوقتى وبابا خرج من شوية مابيحبش يفطر

عصام : ياريت لو هننزل مع بعض يبقى تخلصوا الفطار بسرعة علشان مش نتاخر اكتر من كده

باسم : جرى ايه ياعم انت على طول كده مستعجبل بلاش ناكل يعنى نجوع علشان خاطر حضرتك

عصام : مافيش وقت للهزار ده ياسى باسم انت ناسى انك بقيت مسئول عن شركة يعنى فلوس وموظفين محتاجين ناس مركزة علشان تحافظ على فلوسها والا هتتسرق وتتنهب قدامهم وهما نايمين

اميرة : ايه ده كله ياعصام بالراحة علينا شوية مش مرة واحدة كده

نور : سورى ياجماعة انى اتاخرت فى نزولى

عموما انا خلصت فطارى لو تحبوا نمشى

باسم : انتى كلتى حاجة يانورى الدنيا مش هتطير يعنى

نور : الحمد لله اكلت …….. يلا بينا

يذهب كلا منهم فى سيارته وتركب نور سيارتها الجديدة التى تجدها احدث موديل ويقودها عم عطية السواق ويسيرون كقافلة تتبع بعضها حتى يصلوا لمقر ادارة المجموعة…….

تسال نور عن الاستاذ عبد الخالق وتلتقى به …..

عبد الخالق : اهلا وسهلا يانور هانم نورتى المجموعة كلها

نور : متشكرة اوى يااستاذ عبد الخالق …. بس بلاش حكاية نور هانم دى ممكن تخليها انسة نور او حتى نور بس

عبد الخالق : زى ماتحبى ياافندم تحت امرك

نور : الامر لله وحده ……………جدى كان قالى ان اول حاجة اعمل اجتماع للمجموعة وانك هتكون معايا وهتساعدنى

عبد الخالق : انا هكون جنب حضرتك دايما لحد حضرتك ماتعرفى كل كبيرة وصغيرة هنا زى مافاروق باشا امرنى بالظبط

نور : ربنا يخليك … خليك على طول موجود معايا

عبد الخالق : تحت امرك ياافندم ….بعد ربع ساعة هيكون الاجتماع جاهز

…………………………………………..

ينتهى الاجتماع ويخرج منه فؤاد وهو فى حالة من الغضب ولكن يكتم غضبه وينصرف فى هدوء لمكتبه…..

فقد كانت نور فى الاجتماع كسيدة اعمال قضت عمرها كله وسط الاعمال والمشاريع ولم يكن واضح ابدا ان هذا اول يوم لها بل استطاعت ان تترك انطباع عند كل الحاضرين بانها صاحبة شخصية قيادية قوية ولم تهتز ابدا…..
على عكس كل توقعات فؤاد …..

اميرة : ايه ده انتى طلعتى جامدة اخر حاجة

انتى متاكدة انك ماكنتش صاحبة شركة قبل كده

نور : ههههههه والله ابدا ده ستر ربنا بس

باسم : ياعينى على التواضع هو ده تواضع العظماء

من اول ماشفتك وقولت انتى من العظماء اللى لازم يدخلوا التاريخ

نور : هههههههه تاريخ مرة واحدة

متشكرة ياسيدى

عصام : انا فى مكتبى وياريت كل واحد يقوم يشوف شغله …….. عن اذنكم

باسم : ياساااااااااااتر الواد ده مش هيتغير ابدا هيفضل طول عمره كده قليل الزوق

اميرة : معلشى يانور ماتزعليش منه هو مايقصدشى بس هو مابيحبش يتعامل مع الجنس اللطيف من زمان مابيعرفشى غير شغله وبس

باسم : ياسلام يااختى وشاهيناز ددى كانت ايه بقى جنس خشن والا ايه

اميرة : باسم …… وبعدين معاك

نور : خلاص ياجماعة مايصحش نتكلم عنه كده وهو مش موجود ولا نتناقش فى خصوصياته

اميرة : عليكى نور يانور والله قولى للاستاذ

باسم : ماانا بصراحة بقى مابقتشى قادر استحمله

ده بقى حاجة اوفر بجد

وده كله علشان الست هانم اللى كانت بتموت فيه علشان فلوسه وبس ولما واحد اغنى منه شاورلها سابته وراحتله

يقوم يكره كل الستات لاوكمان يكرهنا احنا فى عشتنا بتكشريته وتعاملاته العصبية دى

نور : واضح انه كان بيحبها بجد علشان كده لسه متاثر بيها لدلوقتى

باسم : حب ايه اللى يعمل كده

انا اللى اعرفه ان لو حبيبتى داست عليا ادهسها تحت جزمتى ولا تهزلى شعرة بعد كده مش اسود حياتى علشان واحدة زى دى

نور : انت بتقول كده علشان ماحبتشى بجد

لكن القلب اللى يعرف معنى الحب بجد مش ببساطة يقدر ينسى حبيبه مهما عمل

وحتى لو نسيه عمره ماهيقدر يمحى زاكرته من حياته

لان الحب بيطبع على قلبه زى النقش فى الحجر وبيسيب نقوش تفضل باقية طول العمر

اميرة : ياااااااااه يانور انتى بتتكلمى كده زى اللى جرب قبل كده

نور : جرب ايه ؟

اميرة : الحب وعذابه

نور : _____________________

يشعر باسم ان سؤال اميرة قد جلب المواجع والاحزان لنور فيحاول تلطيف الجو

باسم : حب ايه وعذاب ايه؟

مين ده اللى يقدر بس والا قلبه يطاوعه يعذب القمر ده

القمرات اتخلقوا علشان يتخدموا ويبقوا مليكات وبس

انا لو هتحبينى يانورى اعيش طول عمرى علشان اسعدك وبس

بس جربى انتى بس ومش هتندمى

ولو ندمتى هديكى ضمان تغيرينى باى حاجة فى اى وقت ان شاالله حتى بطفاية سجاير

نور : ههههههه ماشى هبقى افكر

يلا بقى كل واحد يروح يشوف شغله

احنا جايين هنا نتسامر ونحكى والا ايه

اميرة : الحق دى قلبت

باسم : حتى انتى يانورى ……………..

………………………………………….. ………………………………………….. ..

يمر اول شهر على نور وهى كل يوم تكتسب خبرات اوسع وتتعمق اكثر فى الشغل وبالفعل تنسى كثيرا نفسها فى الشغل واصبحت تقضى معظم وقتها حتى وهى فى البيت وهى تتدارس وتناقش اما مع جدها او مع عصام والذى ذاب الجليد بينهم بعض الشئ واصبحوا يتحدثون كثيرا وكل حديثهم عن العمل

فاصبحت مثله كل همها طوال الوقت هو العمل فاستطاعت ان تتعمق فيه بسرعة وتعرف عنه الكثير فى وقت قليل ……………….

اميرة : هاااا الجميل بيعمل ايه ؟ ممكن ادخل ؟

نور : طبعا ممكن اتفضلى

اميرة : بتعملى ايه لحد دلوقتى ؟

نور : براجع اوراق المناقصة الجديدة

اميرة : يابنتى ارحمى نفسك شوية بقى انتى بقيتى مدمنة

مابقتشى بشوفك الا بتشتغلى حتى على الاكل نازلة رغى مع عصام اخويا وبردوا فى شغل شكله كده عداكى والا ايه؟

نور : ماتتصوريش يانور بلاقى راحة قد ايه وانا بشتغل

فعلا الشغل هو الشئ الوحيد اللى بينسى الانسان همومه ويخلى لحياته قيمه

اميرة : هموم ؟ هموم ايه دى بقى اللى بتنسيها بالشغل ؟

نور : ماحدش ماعندوش همومه ياميرو

اميرة : انا اسفة لو بتطفل واسالك عن حاجة شخصية

بس احنا بقالنا مع بعض فترة قليل صحيح لكن ماتعرفيش انا حبيتك قد ايه وبقيتى قريبة لقلبى

وحاساكى دايما زى اللى بتهرب من حاجة وعنيكى دايما فى ملكوت تانى خالص بعيد اوى عن عالمنا

انتى لو عاوزة تتكلمى انا هسمعك فى اى وقت

لما بنخرج اللى جوانا بالذات لو حد بنحبه بنرتاح

على الاقل لو ماقدرشى يفيدنا هيبقى ارتاح انه خرجها من جواه

نور : لكن فى اوقات السكوت بيبقى اريح بكتير

صدقينى يااميرة انتى كمان بقيتى قريبة منى اوى وبقيت بعتبرك صديقتى الوحيدة واختى كمان

لكن سبينى على راحتى وصدقينى اول ماهحس انى محتاجة اتكلم مع حد هتكونى انتى الحد ده

اميرة : وانا ياستى تحت امرك فى اى وقت

بس ممكن اسالك سؤال ؟

نور : اكيد

اميرة : انتى مالكيش صحاب خالص

كنتى عايشة عمرك كله من غير اصحاب

نور : انا عمرى ماكنت اجتماعيه وماكانشى ليا غير صديقة واحدة من ايام الدراسة

لكن للاسف هى لما اتخرجنا اتجوزت وسافرت بره مصر وحصلت ظروف كده فيها الاتصال انقطع ومش بقى معايا رقمها حتى ومن وقتها وانا ماليش اى اصحاب

اميرة : يعنى كنتى عايشة لوحدك تماما من غير اى حد

نور : بالظبط كده

اميرة : طب احمدى ربنا بقى انه اصطفاكى من كل البشر علشان اكون صحبتك

نور : اللهم لك الف حمد والف شكر

اميرة : هههههههههههههههه

انا هقوم انام بقى علشان الشغل بكره انا مش الة زيكوا هقدر اسهر اشتغل واصحى اشتغل

تصورى باسم كمان بقى بينام بالليل ويشتغل بالنهار

نور : ربنا يهديه ويبعد عن اصحاب السوء

باسم انسان كويس ويستاهل كل خير

اميرة : اللهم امين

اه صحيح كنت هنسى اقولك

صافى لو فاكراها اتصلت بيا تعزمنى على عيد ميلادها الخميس الجاى وقالتلى اعزمتك انتى كمان معايا ايه رايك ؟

نور : ياااااااه تصورى وحشنى

اميرة : مين صافى ؟

نور : ههههههههه لا ميدو

انا هاجى معاكى علشان اشوفه بس

اميرة : وانا اللى قولت مش هترضى واتحجج بيكى انا اصلا ماليش مزاج اروح

نور : علشان خاطرى ياميرو وحشنى ميدو اوى وعاوزة اشوفه فعلا

اميرة : خلاص ياستى امرى لله

علشان خاطرك انتى وسى ميدو

نور : ربنا مايحرمنيش منك يارب

اميرة : تصبحى على خير

نور : وانتى من اهل الخير ياحبيبتى

الفصل الثامن

ياتى يوم الخميس وتذهب نور مع اميرة لحفل عيد ميلاد صافى ويذهب معهم باسم بامر من جده …….

باسم : واوووووووووووووو

ايه الجمال ده كله

مااقدرشى انا على كده

مافيش خروج النهارده

عاوزانى اخرج بيكى كده دول كانوا يخطفوكى منى

اميرة : يخطفوها منك ياخسارة الرجالة وقال معانا راجل قال

باسم : راجل غصب عنك وعلشان الكلمتين دول هنخرج وامرى لله بس امانة عليكم ابقوا سلملولى على جدى وماما وبابا وكل العيلة لانى اكيد هكمل السهرة فى القسم

نور : هههههههههه

طب يلا بقى احنا كده هنتاخر

تصل نور واميرة وباسم لفيلا صافى ……

صافى : يااهلا يااهلا كده الحفلة اكتملت

اميرة : كل سنة وانتى طيبة ياصافى

اتفضلى

صافى : ميرسى اوى ياميرو

نور : كل سنة وانت طيبة ياقمر وعقبال مية سنة

اتفضلى

صافى : ميرسى ميرسى

بس قمر ازاى بقى مابقتشى انا القمر هنا فى وجودك

نور : لاازاى انتى القمر طبعا

باسم : احنا هنقضيها القمر والنجوم ونفضل واقفين كده مش هتقوليلنا اتفضلوا ولا ناخد حاجة نشربها ولا حتى ناكلها شكلنا كده اتقلبنا فى الهدايا

صافى : ياباااااااااااى على لسانك لولا انك جاى مع اميرة ونور كنت وريتك شغلك

باسم : ياشيخة روحى طول عمرك بق

صافى : عاجبك كده يااميرة

اميرة : معلشى ياصافى ماانتى عارفاه وعارفة رخامته وبعدين انتوا زمايل دراسه قدام والداخل بينكم خارج

صافى : طب اتفضلوا اتفضلوا تحبوا تقعدوا فين؟

باسم : انا هقعد فى الحتة اللى هناك دى

الجو هناك طراوة ومليان حلاويات

صافى : اشبع بيهم يااخويا طول عمرك عنيك زايغة

اتفضلى يااميرة

تعالى يانور اعرفك على بابى

اعرفك يابابى نور حفيدة انكل فاروق

اعرفك يانور ببابى شاكر بيه الاسيوطى

نور : اتشرفنا ياافندم

شاكر : الشرف لينا احنا

انا سمعت عنك كتير وكان نفسى اشوفك

نورتى مصر كلها

اتفضلى معانا

نور : ميرسى ياافندم

تجلس نور وسط شاكر ومع مجموعة من اصدقائه جميعهم رجال اعمال ويتحدثون فى امور الشغل والبيزنس ……

نور : اه اه طبعا اكيد هيكون في بينا تعاون كبير

ممكن حضرتك تبعتلى ملف المشروع وان شاء الله ندرسه واقول لحضرتك راييى فى اسرع وقت

شاكر : وهو كذلك هيكون عندك فى اقرب وقت جوز بنتى هو المسئول واللى بيدير اعمالى كلها

تتعرفوا وتدرسوا المشروع سوا

نور : وهو كذلك ياافندم

ممكن استاذن من حضرتك ثوانى

شاكر : اه طبعا اتفضلى البيت بيتك واكتر

نور : ميرسى عن اذنكم

تذهب نور لاميرة التى كانت جالسة مع صافى وبعد الصديقات

نور : كده بردوا سيبانى لوحدى وسط جلسة العمل المستمر دى

اميرة : وانا مالى ماانتى اللى قعدتى معاهم وشكلكوا اندمجتوا ماانا عارفة البيزنس الكلام فيه مابيخلصش وانا مش قد وجع الدماغ ده هيبقى فى الشركة والحفلات كمان

نور : ماشى ياندلة خليكى فكراها

صافى : تشربى حاجة يانور

نور : ميرسى مالوش لزوم

صافى : ايه رايك فى الحفلة واالفيلا بتاعتنا

هى اكيد مش قد قصر انكل فاروق

نور : لا ازاى تقولى كده الحفلة حلوة اوى والفيلا جميلة وشيك جدا

ربنا يحفظها ويحفظ اهلها

صافى : ميرسى ياحبيبتى كلك زوق

نور : امال فين ميدو

صافى : ميدو ؟ ميدو مين ؟

نور : اقصد احمد الصغير اصله وحشنى ونفسى اشوفه اوى

صافى : ااااااااااااه

انتى لسه فاكراه

صحيح انا عرفت انكم زورتوه فى المستشفى

سورى ماكنتش موجودة كان عندى مشوار مهم جدا

نور : لاولايهمك

صافى : احمد نايم اصله تعبان شوية

مش قولتلكوا يومها شيطان معجون بماية عفاريت مش بيبطل شقاوة ابدا واخرتها نايم فوق عنده نزلة برد جامدة شوية

نور : لا الف سلامة عليه

ربنا يشفيه ويحفظهولك يارب

صافى : ميرسى ياحبيبتى

نور : هو انا ممكن اشوفه

صافى : طبعا ياحبيبتى البيت بيتك

اتفضلى معايا

تصعد نور مع صافى لغرفة الصغير

صافى : طب عن اذنك انا يانور هسيبك ثوانى بس هخش اشوف باباه فى الاوضة اللى جنبك واجيلك على طول

نور : اتفضلى

تقترب نور من احمد النائم

نور : الف سلامة عليك ياحبيبى

تضع يدها على جبهته

ياربى انت سخن اوى ازاى سايبينك كده

تلتفت نور لتجد بجانبها ترمومتر فتاخذه وتقيس حرارته لتجدها 38.5

ياربى الطف

مافيش حد هنا

تخرج نور وتجد احدى الخادمات الفيلا فتناديها وتطلب منها ان تحضر لها طبق به ماء بارد وقطعة قماش فتسرع الخادمة فى تلبيه طلبها

تقوم نور بعمل كمادات خافضة للحرارة للطفل وتجد بجانبه دوائه الخاص

نور : هو اخد الدوا ده اخر مرة امتى

الخادمة : مش عارفة ياافندم

الدادة بتاعته هى اللى تعرف

نور : وهى فين دى ؟

الخادمة : ثوانى ياافندم هشوفها لحضرتك حالا

تستمر نور فى وضع الكمادات

الدادة : ياخبر والله غصب عنى نسيت اديله الدوا فى ميعاده والله يانور هانم

نور : يعنى الولد مااخدشى دواه

الدادة : لا ياهانم كان المفروض اديهوله من ساعتين وراح عليا خالص

نور : راح عليكى ؟ انتى ماعندكش قلب

ربنا يسامحك ياشيخة

تاخذ نور الدواء وتعطيه لاحمد

………………………………………….. ………………………………………….. ……….

فى الغرفة الاخرى

صافى : يعنى مصمم ماتنزلشى عيد ميلادى يارءوف

رءوف : عيد ميلادك ايه ؟ انتى هتضحكى عليا انا كمان ؟

عيد ميلادك فات من زمان ياهانم انتى لحد دلوقتى عاملة ولا خمس حفلات عيد ميلاد فى سنة واحدة

صافى : اعمل خمسة والا مية وانت ده ضارك فى ايه بقى والا انت دافع حاجة من جيبك ياسى رءوف ماكلها من فلوس بابى

رءوف : وهو انا مايضرنيش غير الفلوس

انتى مش واخدة بالك ان البيت ده فى زوج محتاج اهتمامك ولو عشر اهتمامك بالحفلات والسهرات

والولد اللى نايم تعبان فى اوضته ده وحضرتك ولاعندك اى احساس ونازلة تعملى حفلة

صافى : وعاوزنى اعمله ايه بقى ان شاء الله

اقعد جنبه امرضه واداديه مامعاه الدادة بتاعته والا عاوزنى على اخر الزمن صافى هانم تشتغل داداة وممرضة

رءوف : لا فعلا ماينفعشى صافى هانم تشتغل دادة وممرضة

لان ده محتاج ناس عندهم دم واحساس لكن انتى معدومة من الاتنين

انا مابقتشى قادر استحمل العيشة دى ولا قادر استحمل تصرفاتك

انا خارج وسايبلك البيت كله ليكى ولاصحابك وحفلاتك

صافى : امشى يارءوف بس خليك عارف انك انت اللى هترجع لانك مالكش مكان تانى تروح فيه ولاهتقدر تستغنى عن المنصب ولا شركات واموال بابى

يخرج رءوف غاضبا مغلقا الباب خلفه بقوة ويتجه لخارج الفيلا دون ان يلقى النظر على اى احد من الموجودين وياخذ سيارته ويذهب بها …………….

………………………………………….. …………………………..

باسم : هى نور فين يااميرة ؟

اميرة : مش عارفة من شوية كده طلعت مع صافى تشوف احمد بس اتاخروا اوى ولسه مانزلتش

ههههههههه تلاقيها نسيت نفسها وقاعدة تلعب معاه

باسم : اهى صافى جاية هناك اههيه … بس دى نازلة لوحدها

امال فين نور ياصافى

صافى : هى لسه مانزلتش ؟

اميرة : لامانزلتش من ساعة ماطلعت معاكى

صافى : انا سبتها مع احمد ودخلت لرءوف وبعدين نزلت تصورت ان زمانها نزلت

اميرة : نور دى مش معقولة ……. بتحب الاطفال بطريقة

زمانها ناسية نفسها وبتلعب مع احمد

صافى : تلعب ؟ هى ليها صبر للعب مع الاطفال لفترة طويلة كده impossible

باسم: انا همشى ياميرو بدل مايجرالى حاجة وانا لسه شباب وصغير يااختى وادينى اطمنت على نور

………………………………………………………………….

تظل نور بجانب احمد قرابة الثلاث ساعات متواصلة حتى تنخفض حرارته ويفتح عينيه …

نور : اخيراااااا …. رعبتنى عليك ياعم ميدو

احمد : نوووووور

نور : ايوه نور ياسى ميدو

وحشتنى اوى ……… كده تنسى اصحابك وماتسالشى عليا

احمد : انا تعبان يانور

نور : الف سلامة عليك ياحبيبى

انت زى الفل ويوم والا اتنين وهتنزل تجرى وتلعب وتبقى زى الحصان …. ماتخافشى ياحبيبى

احمد : عاوز انااااام

نور : تغلق مصباح النور الذى بجانب سريره ويبقى فقط ضوء خفيف

نور : نام ياحبيبى تحب احكيلك حدوته

احمد : اه

تبدا نور فى سرد حدوتة لاحمد وهى تملس بيديها على جبينه وشعره والذى كعادة كل الاطفال ينام من منتصف الحدوته ……

نور : الحمد لله …احمدك واشكر فضلك يارب
وتضع يدها على جبهته وتقرا بصوت منخفض بعض ايات الله وتسال الله ان يشفيه ويحفظه…..

ثم تلتف الى الدادة التى لازالت موجودة معها هى والخادمة….

الدادة : ارجوكى يانور هانم ماتجبيش سيرة لصافى هانم ولا لرءوف بيه دول ممكن يقطعوا عيشى وانا محتاجة اوى للشغل ده

ارجوكى

نور : بس انتى كنت هتضيعى الولد المسكين ده باهمالك ليه وكان ممكن الف بعد الشر يجراله حاجة بلاش اقولك راعى شغلك وان دى امانة مامنينك عليها اصحاب البيت
لكن الطفل البرئ ده ماعندكيش قلب علشان تسبيه كده وهو مريض

الدادة : اوعدك عمرى ماهكرر غلطتى دى تانى ابدا وهاخد بالى منه كويس اوى

بس ارجوكى يانور هانم مايرضكيش عيشى يتقطع وابقى فى الشارع انا مسئولة عن عيلة كاملة عايشة من مرتبى اللى باخده هنا
ارجوكى ياهانم

نور : _____________

خلاص انا مش هقول لحد حاجة المرة دى بس هتوعدينى وتقسمى انك هتهتمى بالولد وتراعيه كابنك واكتر ولو فى يوم خالفتى الوعد والقسم ده وعرفت وقتها مش هقول لصافى بس.. انا وقتها هازيكى انا بنفسى

ياريت ماتضطرنيش انى اعمل كده

الدادة : اوعدك واقسم بالله العلى العظيم مش هتكرر تانى وهاخد بالى منه كويس واراعيه

نور : خلاص اتفقنا

…………………………………….

تنزل نور للحفلة…….

اميرة : ايه ده يانور انتى عارفة الساعة بقت كام دلوقتى؟ انا كنت لسه هطلعلك ده معظم الناس مشيت

نور : معلشى يااميرة ماخدتش بالى ان الوقت عدى اوى كده

اميرة : طب يلا بينا بقى احسن انتى فوق مهيصة مع سى احمد وانا هنا خلاص قربت اتخنق واطق من صافى واصحابها

نور : هههههههه ماشى

امال فين باسم ؟

اميرة : اهوه مع البنات هناك اهوه ياستى

ماكل واحد فيكوا شاف راحته مع الحاجة اللى بيحبها وانا اللى اتدبست لوحدى مع صافى وتقل دمها

نور : هههههههههههه معلشى حقك عليا عندى دى

……………………………………………………..

تصل نور مع اميرة وباسم لمنزلهم ويجدوا فى بهو الفيلا عصام فى استقبالهم ………

عصام : والله مالسه بدرى مستعجلين ليه ماكملتوش السهرة للصبح ليه؟؟؟

باسم : ايه اللى بتقوله ده ؟ شايفهم راجعين لوحدهم ؟ مش معاهم راجل والا انا مش مالى عينيك والا ايه؟

عصام : لاراجل اوى اللى يسهر البنات بره لوش الصبح يبقى راجل اوى

باسم : راعى الفاظك ياعصام وخد بالك كويس من كلامك و…

نور : باسم

خلاص هتتخانقوا دلوقتى هتصحوا اللى فى البيت ماينفعشى كده

سورى ياعصام انا اللى اخرتهم من غير مااقصد

عصام : لازم تعرفى ياهانم ان البيت هنا ليه اصول ولازم تحترم والسرمحة والسهر لوش الفجر لو كنتى متعودة عليه قبل كده فها مش هينفعوا هنا ولو متخيلة ان جدك مريض فى سريره يبقى مافيش هنا رجالة تعرف ازاى تحافظ على البيت تبقى غلطانة اوى

نور : انت اانسان قليل الادب

وتصفعه على خده بقوة وتتركهم وتذهب لغرفتها وسط زهول الجميع…………

الفصل التاسع

فى تلك الاثناء فى شقة فى احدى احياء اسكندرية الراقية…..

رءوف : انت السبب فى اللى انا فيه ده يامهاب

انت اللى فضلت تزن عليا لحد مااتجوزتها وادى النتيجة عايش اتعس انسان فى الدنيا

مهاب : بقى اخرتها كده انا الحق عليا بردوا

انت ياابنى مش شايف انت بقيت ايه المدير والمسئول عن احد اهم واكبر شركات الملاحة فى اسكندرية كلها وساكن فى فيلا ولا القصر ومتجوز واحدة هانم وسليلة عائلات وفى الاخر بردوا انا الغلطان واتعس انسان فى الدنيا ناقصك ايه علشان تقول الكلام الخايب ده مش فاهم انا

رءوف : وهى الحجات اللى انت عمال تعدها دى هى السعادة والا انا عمرى كانت سعادتى فى الفلوس

مهاب : امال ايه اللى بيجيب السعادة الزمن ده ياصاحبى

بص حوليك وشوف الناس بتعاملك ازاى وانت باشا وزمان كانوامعاك ازاى

فى الزمن ده ياصاحبى قيمة الانسان فى قيمة رصيده فى البنك

رءوف : مبداك ده عمرى ماامنت بيه ولاكانت دى احلامى

وادينى لما سمعت كلامك غرقتنى
ومابقتشى عارف انا هعمل ايه دلوقتى ….

مهاب : تعمل ايه ؟ ودى محتاجة سؤال

انت هدى اعصابك بس شوية وخليك بايت معايا لبكره والصبح تاخد هدية حلوة فى ايديك كده وتروح تصالح مراتك

رءوف : انا اللى اصالحها كمان!!!!!!!!!!

مهاب : امال عاوز صافى بنت الاسيوطى هى اللى تصالحك

ماتفوق بقى من بحور اوهامك دى يارءوف وتفهم الدنيا دى ماشية ازاى ماتضيعشى نفسك وبعدين ترجع تقول ياريتنى

اسمع كلامى ياصاحبى انا عايز مصلحتك

رءوف :انا هدخل انام وبكره ربنا ييسر للى فيه الخير

………………………………………….. ……………………..

فى فيلا فاروق لم ينم عصام طوال ليلته ويقضى طوال الليل رايح جاى فى غرفته ويشع من وجهه الشرر وكمية ليس لها حدود من الغضب ويحدث نفسه…..

انا عصام المصرى واحدة بنت تضربنى بالقلم

ازاى سكتلها ازاااااااااااااااااااااااى

ازاى ماجبتهاش من شعرها ومسحت بيها الفيلا كلها

لكن ماتنساش ياعصام انك انت الغلطان بردوا

لا انا مش غلطان
انا ماغلطتش فى حاجة يعنى ايه تيجى وش الفجر ومع سى باسم هيكونوا قضوا سهرتهم فين يعنى الا فى ديسكو والا ملهى ليلى…

كلهم زى بعض كلهم شياطين متخفية فى هيئة ملايكة

انا مش لازم اسكت انا لازم اعرفها ازاى تعمل عملتها دى لازم اندمها طول عمرها بس يطلع النهار

ايوه هو ده اللى لازم يحصل

………………………………………….. ………………………

فى الصباح تستيقظ نور وتؤدى فرض ربها وتستعد للذهاب للمجموعة وتخرج لتلقى بالصباح على جدها فى الاول………

نور : صباح الخير ياجدى

فاروق : صباح الانوار يااحلى نور

نور : لاانا مااقدرشى على كل الكلام الحلو ده ياباشا

فاروق : انتى احلى من كل الكلام الحلو

قوليلى هو ايه اللى حصل امبارح ايه الدوشة اللى كانت تحت دى بالليل

نور : هى الدوشة دى وصلتلك وصحتك ياحبيبى؟

فاروق : انا كنت لسه مانمتش وسمعت دوشة ومالقتشى حد يفهمنى فيه ايه

نور : انا هقولك اللى حصل ياجدى

تقص نور على جدها كل ماحدث

فاروق : ههههههههههههههههههههههههههههه

هههههههههههههههههه

نور : انت بتضحك ياجدى

ايه اللى يضحك فى اللى حصل ؟ عاجبك اللى عمله ؟

فاروق : لا عاجبنى اللى عملتيه انتى

بس نصيحة منى خديلك ساتر وشوفى شركة حراسات خاصة كويسة تبعتلك طقم حراسة

نور : ليه يعنى كل ده ياجدى هو انا هحارب اسرائيل

فاروق : هههههههههههههههه

عصام عمر ماحد اتجرا يرفع ايده عليه

من وهو عيل صغير وهو قوى لدرجة كانت بتخلى فؤاد ابوه نفسه يعمله حساب وماحدش ابدا كان يتجرا يمد ايده عليه

انا فاكر مرة استاذ فى المدرسة مد ايده عليه خرج من الفصل وايديه مكسورة من عصام

نور : ايه ؟ للدرجة دى ؟

فاروق : ايه خفتى؟

نور : لاطبعا وانا هخاف منه ليه ؟ يورينى هيقدر يعملى ايه؟

فاروق : برافو……. نظرتى فيكى ماخيبتش

نور : ماتخافشى عليا جدى اذا كان هو عصام انا نور

عن اذنك بقى همشى انا دلوقتى

فاروق : مع السلامة ياحبيبتى

نور

نور : نعم ياجدى

فاروق : خلى بالك بردوا على نفسك ههههههههه

نور : هههههههههههه حاضر ياباشا

………………………………………….. ……………………………….

تخرج من غرفة جدها وتنزل لاميرة وباسم الذين ينتظرونها كعادتهم على مائدة الافطار ….
وقبل ان تجلس على كرسى المائدة تجد عصام قادم نحوهم وفى عينيه شرارة غضب…..

ودون اى مقدمات

عصام : انتى عارفة انتى عملتى ايه امبارح

ولولا انك واحدة ست كنت عرفت كويس اوى ازاى ارد عليكى

لكن انا بحذرك انك حتى تحاولى تتعاملى معايا باى شكل من الاشكال

والا هنسى اى اعتبارات واى اخلاقيات وهتشوفى رد منى عمرك ماكنتى تتوقعيه

نور بثبات شديد….

يعنى هتعمل ايه ؟

هتضربنى مثلا ؟

عصام : لا انتى كبيرة على انى اضربك ولا انا صغير عليها

اللى مانعنى عنك كونك واحدة ست وبس ومش عصام المصرى اللى يمد ايديه على واحدة ست

نور : تصفق على يديها

برافو ونعم الشخصية والرجولة

لكن للاسف ناقصة كتير اوى

كان اولى ان عصام المصرى يتعلم ازاى يتعامل مع الستات او على الاقل قرايبه واللى من لحمه ودمه

بلاش

كان من باب الرجولة اللى بجد والقوة انه يمتلك غضبه اللى مالوش سبب ومايجرحشى فى الناس من غير اى دليل ولا اى بينة ومايديش لنفسه الحق انه يجرحهم ويهينهم وبالتالى يجبرهم على اللى عملوه وعرض نفسه لفعل زى ده الملام الوحيد عليه هو نفسه مش حد غيره

انت كمان لولا انك ابن خالى كان هيبقى ليا رد اعنف من اللى حصل بكتير لان انا كمان مااسمحشى حد يدوس على كرامتى

عصام : كرامه ؟ كرامه ايه لواحدة راجعة بعد نص الليل لبيتها دى مايتقالشى عليها اقل من انها….

نور : عندك

اوعى تكمل جملتك والا قسما باللى خلقنى وخلقك لاندمك عليها طول عمرك

وقبل ماتنطقها واندمك عليها طول عمرك

اطلع اسال جدك كبير البيت وصاحب الكلمة والتصرف الاول والاخير هنا وقوله انا كنت فين علشان يقولك انه عنده علم ومدى الاذن للخروج لحضور عيد ميلاد صافى الاسيوطى

ومعايا اختك واخوك الراجل اللى اكبر مننا وافتكر لو اللى حصل فيه شئ جارح اوى كده كان اولى يجرح جدك مش انت

انت هنا زيك زي اى حد فينا

لاليك حقوق زيادة ولا ليك كلمة اكبر من اى حد هنا

اعرف حدودك ومقامك هنا كويس ياباش مهندس

تنهى نور كلامها بانصرافها لسيارتها وتتبعها اميرة

باسم : شكلك …. سورى سورى يعنى

قال جملته وجرى بعدها مباشرة من امام عصام

الذى قام بتحطيم اول شئ وجدته يده وخرج ولكنه لم يذهب لشركته ولا للمجموعة………………….

………………………………………….. ………………………………………….. …………….

فى منزل صافى يصل رءوف فى الصباح ويصعد لغرفته ليجد صافى غارقة فى النوم بعد سهرة طويلة فيتوجه لغرفة احمد للاطمئنان عليه………

رءوف : احمد عامل ايه النهارده ياسميرة

سميرة : الحمد لله يارءوف بيه اتحسن كتير اوى وان شاء الله يومين وهيبقى كويس خالص

رءوف : الحمد لله

يقترب من ابنه الذى يستقيظ عن سماع صوت والده

احمد : بابى

رءوف : يقترب من ابنه ويقبله

ازيك ياحبيبى النهارده

احمد : مابقتشى عيان زى امبارح

مش انا امبارح كنت عيان اوى يابابا

ونور هى اللى ادتنى الدوا …………

روءف وتعلو وجهه علامات الدهشة والتعجب

نور ؟ نور مين ياحبيبى

تسرع سميرة بالرد لتدارك الموقف

سميرة : دى نور هانم صاحبة ست صافى كانت جت شافته وهى اللى صممت تديله الدوا بايديها وفضلت جنبه لحد مااطمنت انه نام

رءوف : غريبة ؟ صافى ليها صديقات بالحنان ده

احمد : عاوز اشوف نور يابابى

رءوف : وانا اعرفها منين يااحمد
احمد : مش ليا دعوة عاوز اشوفها

رءوف : هى ان شاء الله اكيد مادام بتحبك اوى كده هتيجى تزورك تانى مع مامى

احمد : انا بحبها اوى

رءوف :: ماشى ياسيدى بقى ليك صحبات من دلوقتى

احمد : لاهى صحبتى من زمان

يضحك رءوف ويقبل ابنه ويتركه ويخرج ليبدل ملابسه ليذهب الى الشركة

………………………………………….. ……………….

تصل نور للمجموعة وتطلب اجتماع لكل المديرين فورا…..

وفى بداية الاجتماع تلحظ غياب عصام وعندما تسال تعلم انه لم يحضر الى شركته اليوم نهائيا ……….

فؤاد : احنا لازم نمسك بايدينا وسنانا فى الشركة دى
احنا نقدر نعمل معاهم عدة مشروعات تنقلنا نقلة تانية خالص

عبد الخالق : بس يافؤاد بيه الاوراق اللى مقدمينها مش واضحة وفى حجات كتيرة ناقصة ومحتاجين نعرف عنهم اكتر وناخد عليهم ضمانات اكتر

فؤاد : انت هتراجع شغلى والا ايه ؟ انا عارف الناس دى كويس وضامنهم ومتاكد من مدى مصداقيتهم وجديتهم

نور : خلاص ياانكل انا هشوف الورق وهبعته للباش مهندس عصام وخبراء المكتب الهندسى بتوعنا ونبقى نحدد معاهم اجتماع فى اقرب فرصة ونتناقش فى العقود اكتر

فؤاد : ده كله مالوش اى لزمة ومش اكتر من ضياع للوقت

نور : ولا ضياع للوقت ولاحاجة

علشان كلنا نكون مطمنين ليهم زى حضرتك ومايبقاش حد من مجلس الادارة جواه اى شكوك ولا قلق

وبعدين طالما حضرتك متاكد منهم اوى كده يبقى خلاص ده مش هيضر فى حاجة بالعكس هينفعنا وفى التانى السلامة كمان………

هاياجماعة ايه تانى محتاج العرض ….

………………………………………….. …………………………………………..

ينتهى الاجتماع ويتجه فؤاد لخارج المجموعة ويجرى بعض الاتصالات ينقل فيها ماحدث فى الاجتماع

المتحدث : يعنى ايه يافؤاد بيه ؟ لسه هنستنى خبرا ودراسات وابحاث

هو انت مابقاش ليك كلمة فى المجموعة دى وزى مابيقولوا البنت دى هى بقت صاحبة الكلمة فيها والا ايه ؟

فؤاد : ايه اللى انت بتقوله ده ؟ ازاى ماليش كلمة فى المجموعة

البنت دى مش اكتر من عيلة بتتسلى شوية وتلعب باموال جدها

لكن عمرها ماهتخرج من تحت سيطرتى وبكره هتشوف

والمشروعات دى هتتعمل يعنى هتتعمل

وماتنساش انى ليا فلوس معاكم من العمليات اياها ومحتاج ادخلها المشروعات دى علشان اخدها مع ارباحها نضاف وزى البرلانت

المتحدث : اما نشوف يافؤاد بيه الكلام مافيش احسن منه

بس خد بالك احنا صبرنا مش كتير ولو نفد كل واحد هيدور على مصلحته بطريقته

فؤاد : ماشى ادونى بس فرصة اخيرة وهتشوفوا

ينهى فؤاد الاتصال ويمكث فى مكتبه يفكر ما الحل مع تلك النور التى اتى له بها والده من اعماق الماضى لتستولى على كل الحاضر ولكنه لن يترك لها المستقبل ….

………………………………………….. …….

فى شركة شاكر الاسيوطى يجلس رءوف يباشر عمله فى مكتبه ويدخل عليه حماه ………

شاكر : ازيك يارءوف

رءوف : اهلا ياعمى اتفضل

شاكر : انا عرفت انك جيت قولت اجى اشوفك

صافى قالتلى على اللى حصل بينكم امبارح وشفتك وانت خارج غضبان من البيت

رءوف : يعنى اللى بيحصل ده عاجبك ياعمى ؟

شاكر : معلشى ياابنى انا عارف انها مزوداها حبتين لكن هى ليها مين غيرك يعنى تدلع عليه

استحملها علشان خاطرى انت ماتعرفشى هى بتحبك قد ايه؟

يصمت رءوف ويقول لنفسه مااعتقدشى انها تعرف تحب حد تانى غير صافى

شاكر : انت روحت فين يارءوف ؟

رءوف : لا ابدا انا مع حضرتك

حاضر ياعمى هستحمل علشان خاطرك انت بس

شاكر : ربنا يهديكوا

صحيح كنت هنسى اكلمك فى موضوع مهم

امبارح انت خرجت مش فى وقتك خالص

كنت عاوز اعرفك على نور

رءوف : نور ؟ انا سمعت الاسم ده قبل كده

ااااااااه من احمد

حضرتك كمان تعرفها؟

شاكر : هو فى حد دلوقتى مايعرفهاش

دى دلوقتى رئيسة مجلس ادارة المصرى جروب اكبر مجموعة شركات فى اسكندرية وصاحبة شركة الملاحة كمان

دى ياسيدى حفيدة فاروق المصرى ولسه راجعة من فرنسا مابقالهاش شهر وشوية لكن فاروق ممسكها كل شغله وبقت صاحبة الكلمة العليا فى المجموعة

رءوف : ودى مالنا بيها بقى ياعمى كنت حضرتك عاوز تعرفنى بيها ليه ؟

شاكر : انت فاكر المشروع بتاع القرية السياحية اللى اتركن من فترة علشان عجز السيولة والارض بتاعته اهى نايمه جنبه مش عارفين نستفيد منها فى حاجة

رءوف : ايوه ياعمى فاكره

شاكر : اهوه انا بقى كنت عاوز اعرفك بيها وتعرض عليها المشروع

لو قدرت تقنعها انها تخش شريكة معانا هنقدر نكمل المشروع وهنكسب منه كويس اوى

رءوف : اه كويس…..
خلاص ان شاء الله نطلع المشروع واعمله دراسة جدوى واقدمه ليها فى اقرب فرصة

شاكر : هخلى صافى تحددلك معاد معاها او ترتب لقاء بره جو الشركات علشان الكلام يبقى احلى ويجيب نتيجة احسن

رءوف : اوك ياعمى ربنا ييسر ان شاء الله

………………………………………….. ………….

تنهى نور يوم عمل شاق وتصل للفيلا فى نهاية اليوم وهى مرهقة للغاية….
وتهم للذهاب لغرفتها لتاخذ دش ساخن تضيع به تعب اليوم…..

ولكنها تلاحظ وجود عصام فى حديقة الفيلا ولكنها تتجاهله كانها لم تراه ……

عصام : نور

نور : افندم؟

عصام : تتجوزينى؟

نور : نعم!!!!!!!!!!!!!!!!!!!!!!!!!!!!!!!!!!!

الفصل العاشر

عصام : انا معجب بيكى وعاوز اتجوزك
نور : انت مجنون ؟
عصام : انى اعجب بانسانة هايلة زيك وابقى عاوزها تكون شريكة حياتى ده بتسميه جنون ؟

نور : اسفة ….
انا مابفكرش فى الجواز نهائى دلوقتى

عصام : وليه ماتفكريش؟ لانا ولا انتى ناقصنا حاجة وافتكر ان مافييش حاجة تخليى حياتنا مستحيلة الا لو كان فى حد تانى…

نور : حد تانى ؟
مافيش حد تانى

عصام : يبقى خلاص بيتهيالى اى سبب تانى ممكن يكون ليه حل لو قولتيلى
ولو مافيش سبب وانتى رفضانى لشخصى قوليلى بردوا
نور : انا مااعرفكش الا من مدة قصيرة ومااقدرشى اقول انى اعرفك كويس علشان اقدر اقبل بشخصك او لا
عصام : جميل يبقى محلولة
تعرفينى لو ماعندكيش مانع يعنى ؟
نور : عندى
عصام : ايه هو ؟

نور : انا مش مستعدة نفسيا انى اقبل على خطوة زى دى دلوقتى
عصام : انتى بتتهربى وعذرك ده وهمى
لو سمحتى ياريت تقوليلى السبب الحقيقى
نور : انا قولتلك اللى عندى
عصام :خلاص يبقى هعتبرك ماردتيش عليا
وهستنى تفكرى
نور : ____________
عن اذنك
……………………………………..

تصعد نور لغرفتها وتظل ليلتها مستقيظة تفكر ولكنها لاتفكر فى عصام ولا فى عرض الزواج منه
لكن فكرها ذهب بعيداااااااا لسنوات وسنوات مضت
ومهما تخيلت انها انطوت تحت طيات الشغل والانشغال الدائم ياتى دائما ما يثبت انها لا ولم ولن تموت او تنطوى…. ……………………………………
نور : انا مش متخيلة حياتى من غيرك كان ممكن تكون ازاى ؟
شخص : اكيد مش هتكون اوحش من حياتى من غيرك يانور العيون
نور : هتفضل تحبنى كده على طول..و عمرك ماهيجى يوم وهتبطل تحبنى او تحب غيرى
شخص : انتى اللى بتقولى كده يانور ؟
انت مقتنعة بكلامك ولو واحد فى المليون؟
معقول لدلوقتى ماتعرفيش انتى ايه ليا
لسه ماتعرفيش ان الدم اللى بيجرى فى شراينى واللى بيغذينى وبيخلينى اعيش فى الدنيا دى هو انتى

نور : وانت بعيد عنى بحس انى مش قادرة اتنفس وان الدنيا كلها مالهاش لون ولاطعم ولما بشوفك بحس ان روحى اتردت ليا وانى باخد نفسى وبتنفس عبير ورود وازهار
والدنيا بقت كلها الوان جميلة وو..

شخص : بس بس
انا مش هقدر على كل الكلام ده
هقوم دلوقتى اخدك من ايدك على اقرب مازون ونتجوز فورااااااااااا
مابقتشى قادر استحمل اعيش فى بيت وانتى فى بيت
نور : هههههههه انت هتكدب على نفسك وعليا
اعيش فى بيت وانت فى بيت ازاى وانا طول اليوم مع عمى فى البيت ومش بسيبكوا الا بس وقت النوم وخلاص هانت كلها شهر واحد بس

الشخص : يااااااااااه وانتى مستقلية بوقت النوم
يعنى كاااااااااااااااااام ساعة مش بشوفك فيهم ولا بحس بروحى جوايا ده انتى قلبك قاسى اوى
نور : انا قلبى قاسى ؟ طيب انا بقى زعلانة منك
الشخص : والله مايهون عليكى
تزعلى منى ده انا مااعيشى فى الدنيا دى يوم واحد وقتها
اهون عليكى يانور حياتى؟؟؟؟
نور : عمرك ماتهون ياحبيبى…..

يختفى الشخص من امامها

نور :حبيبى انت روحت فين
ليه سايبنى لوحدى!!!!! ….

تستيقظ نور وهى تصرخ صرخة مدوية يستقظ على اصرها جدها وعصام وباسم واميرة
ويتجهوا جميعا لغرفتها عدا جدها الذى ارسل الممرضة الخاصة به لتاتيه بالاخبار فى الحال…..

اميرة : نور
مالك ياحبيبتى حصل ايه؟؟؟
نور : تستجمع انفاسها

لاابدا
مافيش حاجة
انا بس شفت كابوس

اميرة : استعيذى بالله من الشيطان ياحبيبتى خدى اشربى
نور : متشكرة اوى يااميرة
باسم : والله العظيم حرام عليكى بقى بردوا حد يصحى الناس مرعوبين كده
ده انا مابقاش فى منى امل تانى خلااااااااااااااص راحت عليا
نور : هههههه حقك عليا المرة الجاية لما يجيلى كابوس هبقى اوطى صوتى
باسم : ياسلام يااختى بعد ايه
انا لازم اطالب بتعويض كبير وعاجل عن اللى عملتيه ده والتعويض ده مش هيكون اقل من مييييييييييييييييييييييييييييييية ضحكة حلوة
نور : هههههههههه
باسم : لادى مش حلوة
بس انا هعتبرها عربون التعويض وهطالب بالباقى بكره
نور : حاضر
اميرة : خلاص بقى ياباسم يلا بينا نسيبها تنام حصل خير
خير ان شاء الله
عصام : انتى متاكدة انك كويسة دلوقتى ؟
نور : اه الحمد لله
عصام : تصبحى على خير
نور : وانتو من اهل الخير

يعود كل منهم لغرفته وتذهب الممرضة لتطمان فاروق وتخلد نور للنوم مرة ثانية ولكنها تلك المرة تنام بعد فترة ليست بالقليلة من البكاء الحار من خالص اعماق قلبها ……………….

………………………………………….. …………………..
لم تكن الاوقات غير مستقرة عند نور وحدها
ولكن فى ذات الليلة كان هناك احد اخر يتقلب على فراشه كمن بتقلب على جمر من النار ………..

رءوف : مالسه بدرى معقولة راجعة بدرى اوى كده ده لسه فاضل ساعتين على الفجر
صافى : اصلك وحشتنى يابيبى وقولت اجى علشان اكون معاك
رءوف : يااااااااااااااه ايه كل الحب والاهتمام ده
لاانا مااقدرشى على كده احسن اعيط منك من فرط الحنان والاهتمام
صافى : انت بتتريق
طب انا غلطانة
وعامة انا ماليش مزاج اتخانق ولااتعكنن النهارده
رءوف : ومين ده اللى يقدر يعكنن على صافى هانم
العبد الفقير رءوف!!!!!
اكيد مايقدرش
صافى : اووووووووووووووف انت بقيت ممل ومستفز اوى كل يوم نفس الاسطوانة
انا عاوزة انام
رءوف : تحت امر سموك يامولاتى
انا هسيبلك الاوضة ترتاحى فيها وتنامى براحتك خالص
وهقوم انام فى اى داهيه تانية علشان ماازعجشى معاليكى
صافى : اوك بس بليز اطفى النور وانت خارج

يخرج رءوف تاركا صافى التى لم تلبث ثوانى الا وكانت فى سبات عميق……..

يتجه رءوف الى غرفه ابنه ليطمئن انه نائم مثل الملاك الصغير فى سريره فيغلق عليه غرفته ويتجه هو لتراس الفيلا ويجلس ويشعل سيجارة تلو الاخرى ويفكر كيف يمكن ان يبدل حياته التعيسة …..
ولكن هل اذا طلق صافى ستكون حياته بعيدا عنها سعيدة؟
وهل يستطيع ان يطلقها ؟
ومن اين له بمبلغ المؤخر الضخم الذى مضى عليه يوم ان عقد قرانه عليها ؟
واذا استطاع ان يوفره ماذا يفعل بعد ذلك ؟
ان كانت المشكلة فيه فلامشكلة ؟ ولكن هل يستطيع ان يهبط بابنه من المستوى الذى تربى وتعود عليه الى مستوى فقير ؟ هل بذلك سيكون ابنه سعيدا ؟
يقضى ليلته حتى اشراقة الفجر فى افكاره ولكن لم يتوصل سوى الى انه يجب ان يهتم بعمله وابنه فقط ويتناسى ان له زوجة من الاساس ويعيش فقط لتوفير المعيشة التى توفر لابنه السعادة فان لم يكن يستطيع اسعاد نفسه فليقدمها لابنه………………….
………………………………………….. ……………

تستيقظ نور وهى تشعر بارهاق شديد ويبدو عليها التعب ………

باسم : ياصباح التاخير
النموسية كانت كحلى والا ايه ياجميل؟
يعنى تصحينا فى نص الليل وانتى لسه صاحية دلوقتى
نور : سورى ياجماعة بس شكلى كده مش هقدر اخرج النهارده
اميرة : مالك ياحبيبتى ؟ حاسة بحاجة ؟
نور : لاابدا مجرد شوية تعب وارهاق مش اكتر
اميرة : طب خليكى مرتاحة النهارده
باسم : ايه الناس الرقيقة دى حتة كابوس يعمل فيها كده
امال انا كل يوم بشوف كوابيس وانا صاحى ووانا نايم ومابيحصليش حاجة ليه يعنى
اميرة : انت ؟ ده انت بتنام زى القتيل لتانى يوم ماحدش بيسمعلك حس ؟ فين بقى الكوابيس دى ان شاء الله
باسم : اهوه ادى اول كابوس النهارده
انى مصطبح بوشك ده كابوس ده والا مش كابوس
اميرة : بقى كده طب انا هوريك الكابوس ده هيعمل فيك ايه
نور : خلاص خلاص انا مش قادرة استحمل الخناق ده
كملوه بعيد
اميرة : علشان خاطرك بس يانور

فى تلك الاثناء ينزل عصام………
عصام : صباح الخير
الجميع : صباح النور
عصام : ايه ده انتى لسه مالبستيش ليه يانور ؟
نور : لا ماانا مش هقدر انزل معاكم النهارده
عصام : ايه ؟ ليه ؟ مالك ؟
نور : لاابدا شوية ارهاق وحاسة بصداع رهيب
عصام : طب انا هطلب الدكتور يجى حالا
نور : لا مالوش لزوم انا هرتاح النهارده بس وهبقى تمام ان شاء الله
عصام : لا لازم دكتور يشوفلك انتى وشك مرهق وتعبان اوى

باسم : احم احم……
ده ايه الحنية دى كلها
ماتقلقشى كده ياابو قلب حنين مافيش حاجة بسيطة يعنى

تاخذ اميرة باسم من يده وتخرج به لتخف من حدة الحرج الذى اوقع فيه عصام ولتفسح له المجال لان يختلى بنور………

عصام : انا هتصل بالدكتور علشان اقدر اطمن عليكى
نور : قولتلك مافيش حاجة تستاهل هو بس شوية صداع والراحة النهارده هتخلينى كويس ماتقلقشى نفسك

عصام : اوك زى ماتحبى
هتصل بيكى علشان اطمن عليكى
نور : احتمال كبير انى انام علشان ارتاح شوية وهقفل الموبايل علشان ازعاج الشغل وكده يعنى
عصام :خلاص اوك طالما شايفة ان ده هيريحك
نور : متشكرة
عصام : سلام
نور : سلام
………………………………………….. ………………………………………….. ..

تصعد نور لغرفتها وتتناول بعض الحبوب المسكنة وكوبا من الشاى الساخن ولكنها لاتستطيع ان تنام ثانية فتذهب لغرفة جدها لتطمئن عليه وتطمئنه عليها ….

نور : صباح الخير ياجدى
فاروق : صباح الانوار للنور المطفى
نور : مطفى ؟ ليه بس ياباشا
فاروق : بصى فى المراية وانتى تعرفى ليه ؟
نور : ده مجرد شوية ارهاق وقلة نوم بس
فاروق : وايه اللى مطير النوم من عين القمر
نور : يعنى … حاجة كده حصلت امبارح وكنت عاوزة اقولها لحضرتك
فاروق : وانا سامعك
نور : عصام قالى امبارح انه …….
فاروق : انه ايه؟
فاروق : عاوز يتجوزنى

فاروق وكانه كان يعلم فلم تبدو عليه اى علامات للدهشة
وانتى عاوزة ايه ؟
نور : انا مش عاوزة اتجوز
فاروق : مش عاوزة تتجوزى عصام ؟
نور : لأ ….. مش عاوزة اتجوز اصلا
فاروق : يبقى مش عصام اللى طير النوم من عينيكى
نور : __________
فاروق : ياترى فات الفترة الكافية اللى تقدرى بعدها تفتحى فيها قلبك لجدك العجوز يمكن يقدر يفيدك بخبرته الطويلة
نور : صدقنى ياجدى
الحكاية مش فترة كافية ولا عدم رغبة …. لكن مش قادرة
فاروق : مش قادرة ايه ؟
نور : ________________

فاروق :مش قادرة تقوليلى ايه السبب اللى خلاكى تقضى ست شهور فى مصحة لعلاج الامراض النفسية بسبب اكتئاب حاد…

تصعق نور وتقف من مكانها وعلى وجها دهشة كبيرة!!!!!!!!

نور : انت عارف ؟

فاروق : اكيد عارف واكيد كمان عارف عنك حجات كتير مش معقول بنت بنتى وابقى مااعرفهاش
نور : عارف كل حاجة؟
فاروق : لاطبعا كل حاجة دى انتى اللى هتقوليهالى
لان معرفتى انا مجرد معرفة سطحية مش معرفة شخصية من صاحبة الحكاية نفسها
ها ؟ لسه مش قادرة تتكلمى ؟
نور : ___________
فاروق : حتى لو اكدتلك انك اكيد هترتاحى كتير

حاولى وانا سامعك

نور : هقولك على كل حاجة ياجدى من البداية للنهاية

تقضى نور مع جدها وقت طويل تقص فيه عليه كل تاريخها السابق لمعرفتها به من يوم مولدها وحتى يومها الحالى
وتخرج من عنده وينتهى الكلام بينهم ولكنها تخرج وهى تشعر براحة كبيرة وهى كمن ازال جبل ضخم من على قلبها ………
………………………………………….. ………………………………………..

فى المساء ياتى الجميع ويبحث عصام عن نور فتدله دادة خيريةعلي انها جالسة فى حديقة الفيلا فيذهب اليها …..

عصام : مساء الخير …. عاملة ايه دلوقتى ؟
نور :مساء النور ….. الحمد لله بقيت احسن كتييييييييير

عصام : طب الحمد لله … ماتتصوريش كنت قلقان عليكى ازاى طول اليوم والمجموعة كلها ماكانشى ليها طعم من غيرك

نور : متشكرة اوى
عصام : انا مش بجاملك انا بقول الحقيقة على فكرة
نور : عصام انا كنت عاوزة اقولك حاجة
عصام : اتفضلى

نور : انت كنت طلبت منى طلب امبارح وادتنى فرصة افكر
عصام : اه … كنت طلبت انى اتجوزك وومستنى ردك بفارغ الصبر
نور : انا…………

انا موافقة انى اتجوزك

بس بشرط…..

رواية لست فقط حبيبي.