يونس وبنت السلطان بقلم سعاد محمد ج١

بمنزل رشيده.

دخلت نواره من الخارج لتجد أبنائها الثلاث يجلسون ومعهم جدتهم حلميه يقومون معها بصناعة بعض الأوانى الفُخاريه

نظرت نواره لرشيده لتضحك بعدها قائله أنا خلاص هصدج الناس فى النجع أنك مخاويه

أبتسمت يُسر قائله مين الى مخاويه

ردت نواره رشيده

ضحك صفوان يقول بتريقه والى مخاوياه دى چنى ولا چنيه ياريت تبجى چنيه حلوه وتجوزهالى

نظرت نواره له تقول بأنزعاج أنت بتتريج عليا هجولك الست همت ليلة أمبارح بعد ما مشيت من أهنه وهى فى أخر الشارع وقع عليها مزرعة ريحان كبيره من على السُطح وفتحت دماغها وفى المستوصف دلوجتى

ليضحك جميعهم

لتقول رشيده أصلى الچنى بتاعى بيحب ريحة الريحان

بينما أستهزء صفوان والمزرعه نزلت سليمه ولا أنكسرت

لتقول يُسر يا عينى الوليه أكيد زرعت

وجدتهم التى ضحكت قائله عيب يا ولاد أنا زعلت والله عالمزرعه دى كانت خضره ومرعرعه أكيد وجعت من عينى أصل كان عينى فيها وكنت هجول لصاحب الدار يجيب لى شوية تجاوى(تقاوى ) أزرعهم

نظرت لهم نواره بضيق قائله أنتم بتهزروا ومش هاممكم كلام الناس على رشيده

وقفت رشيده وأقتربت من نواره

لتبتعد نواره عنها قائله أيدك ملانه طين متجربيش منى

ضحكت يُسر قائله خافى منها يا أماى دى مخاويه وممكن تخلى الى مخاوياه يسخطك مسخ

لتقول جدتهم ل يُسر وأيه المسخ دا يا بتى حاجه حلوه

ضحك صفوان لاه يا ستى دا يبقى عفريت شكله مُخيف

لتضحك الجده قائله وهيكون المسخ دا يخوف أكتر من وشها ده دا أنا بخاف منيها فى النور مش فى الضلمه

ليضحك أبنائها

نظرت لها نواره بغضب دا بدل ما تنصحيها يا ماى تتمسخرى عليا جدام عيالى

لتقول الجده أجعدى يا بتى المثل بيقول ما عفريت الا بنى أدم ويمكن وجوع المزرعه عليها جدر مش چنى زى الناس ما بتقول والى يسمع حكاوى الناس يتوه فى درب مالوش بدايه ولا نهايه