يونس وبنت السلطان بقلم سعاد محمد ج١

بمنزل رشيده
لم تعد نواره قادره على الوقوف لتجلس أرضاً
تقول وسيبت أختك لصبحى وخدها فين
رد صفوان وهو يجلس خدها الدوار معاه

نزلت دموع نواره تقول بخضه الدوار مش هتطلع منه عايشه دول ما هيصدقوا فرصه وجاتلهم عشان يثبتوا للخلق أنها بتتجنى عليهم
يا مرارى أصلى كنت ناقصه يا ما جولت لها تبعد عن طريق الهلاليه

خرجت على بكاء وصوت نواره
الجده التى أتت مفزوعه تنظر الى نوارت تقول فى أيه نواره ليه بتبكى وفين رشيده جرالها حاجه مش زينه ليختل توازنها هى الأخرى لتسندها سريعاً يُسر التى أستيقظت من النوم مفزوعه هى الأخرى

رد صفوان مفيش حاجه يا سيتى أطمنوا رشيده هتبقى بخير وهتطلع براءه

لتقول يُسر بفزع براءه من أيه

رد صفوان يسرد لهم ما حدث قبل قليل
ليكمل قائلا أكيد يونس عارف أن مش رشيده الى ضربت عليه نار

ردت نواره مش هيقول الحقيقه دى فرصه للهلاليه وجت لحد عندهم ياما جولت لها بلاش تتحديهم بس صوتها من راسها أكيد الهلاليه مش هيرتاحوا غير ما يحبسوها على الاقل

رد صفوان البلد فيها قانون ومتنسيش انى بدرس قانون وعارف فيه وده أشتباه مش أتهام وبكره الصبح نروح الدوار نشوف أيه الى حصل

ردت الجده ومين الى هيستنى للصبح عاد أنى هروحلها دلوجتى

رد صفوان بلاش ياسيتى وخلونا للصبح يمكن يكون ربنا ظهر الحق.

لتجلس حلميه بقلة حيله جوار نواره قائله ربنا يظهر الحق وتعود رشيده من تانى باكر يا ولدى.
…….. ـــــــ،،،
بالوحده
خرج الطبيب المختص من غرفة العمليات
لتتقدم أليه سريعاً نرجس تقول بلهفه
ولدى كيفه يا دكتور

رد الدكتور أطمنى يا حاجه أنا طلعت الرصاصه ومكانها مش خطير وكمان مكنتش متمكنه من جسمه لأنها وقفت بين ضلوع القفص الصدرى وكمان الى تعامل معاه من الأول وكتم نزيف الدم ساعد فى أن ما يقفدش دم كتير يتعرض بعدها المصاب لمضاعفات
على بكره الصبح هيفوق المريض أطمنى

لتتنهد نرجس براحه قليلا وكذالك عواد وغالب

بينما أخذ يوسف الواقف معهم يفكر فيما سمعه من يونس حين دخل ليتبرع له بالدماء فى هزيانه بأسم تلك
رشيده
كان يهمس أسمها كأغنيه من بين شفتيه تتكرر ماذا تكون بالنسبه له أيعقل أن يقع ولد عمه فى عشق تلك التى دخلت الى الصوان وخرج خلفها هو يعرف رشيده جيداً هى كانت زميلته بالدراسه ولكن لا يعرف حكايتها وكرهها لعائلة الهلالى التى تجاهر به فى العلن.
…….ـــــــــ،،،
بالدوار
دخل أحد الضباط
ليكون فى أستقباله صبحى
ليقول الضابط فين البنت الى أتحفظت عليها

رد صبحى هى جوه بالمندره يا حضرة الظابط

ليقول الضابط أنا معايا أمر بالقبض عليها
أدخل هاتها هنا

رد صبحى بس يونس بيه قالى أتحفظ عليها

رد الضابط هى المتهمه الاولى قدمنا أحنا لاقينا سلاح مرمى قريب من مكان أصابة يونس الهلالى
وكمان دا أمر ولازم يتنفذ هتدخل تجيبها ولا أدخل أنا
رد صبحى لاه هدخل أجيبهالك

بعد ثوانى
وقفت رشيده أمام الضابط

ليقوم بسؤالها أنتى الى كنتى فى مكان ضرب النار على يونس بيه
ردت رشيده أيوا

نظر الضابط لها متعجباً يقول شكلك صغير بس للأسف واضح أنك جريئه ياريت تتفضلى معايا على المركز علشان أخد أقوالك فى التهمه المتوجه ليكى
لتذهب رشيده برفقة الضابط

رأت المنظر من أعلى نفيسه لتدعى قائله يارب تاخدى أعدام ونرتاح منك عمر قلبى ما أطمنلك من أيام المحروق راجحى.
……..ـــــــــ،،،
فى الصباح الباكر
بمنزل ناجى الغريب
وقف ناجى
مع ذالك المجرم الذى سرد له ما حدث وعن رؤيته للشرطه تأخذ رشيده من الدوار

ليقول ناجى
برافو عليك كانت ضربة معلم بصحيح دلوقتي هنرتاح من بنت السلطان ولسانها الزالف وكمان مش بعيد يرحل ولد الهلالى وتهتز الهلاليه لتانى مره بتنجح فى مهمه بديهالك يا عطوانى بعد قتلك للغبى فنجرى ويبان القتل أنه غرق

رد المجرم فى خدمتك يا باشا أنا من صبيانك

رد ناجى أختفى انت اليومين دول مش عايزك تظهر قدام حد وان أحتاجت لك هبعتلك مرسال
ليقول المجرم أوامرك يا باشا.

خرج المجرم ليقف ناجى متبسماً يهمس لنفسه يقول واضح أن المكتوب الجديد على الهلاليه يرحلوا فى عز شبابهم.

كانت أذن همت سمعتهم لتعلم أن رشيده فى سجن المركز لتكون هذه فرصه لها عليها أستغلالها
وتتشمت أيضاً وتتشفى فى نرجس فولدها قد يكون الأحق لراحجى ويموت مثله.
……. ــــــــ،،،
بعد ظهر اليوم التالي
بدار رشيده
جلست نواره ويُسر وحلميه يبكون بعد أن علموا ان رشيده أخذتها الشرطه وهى بالمركز

ليدخل عليهن صفوان ومعه حسين

لتقول يسُر أيه قابلتوا رشيده

رد حسين لاه قالوا لنا محدش يجابلها الا المحامي بتاعها وعدينا على الاستاذ مندى وقومناه وهو هيتابع معاهم وهيجابلها ويجى يجولنا كيفها

ردت نواره بحزن ياما جولت لها بلاش تتحدى الهلاليه

رد صفوان مالوش لازمه الكلام دا يا أماى دلوجتى أدعى لها ربنا يفك أسرها