يونس وبنت السلطان بقلم سعاد محمد ج١

ردت رشيده اما نبقى أهل هركب معاك ودلوجتى شكرا لك
مع أصرار يونس ركبت رشيده بالمقعد الخلفى للسياره
كانت شارده فيما حدث وكيف أمتثلت له ولكن كل ما يهمها الأن أن ينتهى هذا الطريق وتعود

فاقت من شرودها على قول يوسف ل يونس

بعد ما سيبتك فى المركز ورجعت قابلت أمجد ابن ناجي الغريب

رد يونس أخوك

رد يوسف للأسف أخويا كان واقف على الطريق مع بنت شايله شنطتها والبنت دى لسانها يظهر زالف منها وعارفانى مع انى مش عارفها
بس تعتبر شتمتنا احنا الأتنين يظهر أمجد كان بيضايقها مع أن شكلهم قريب لبعض فى السن يمكن زملاء

لفت أنتباهها حديث يوسف
لتقول شكل البنت أيه يا يوسف

رد يوسف هى بنت متوسطة الطول وتقريباً فى جسمك كده

تأكدت الان من شكها

رد يونس وانتى عايزه تعرفى ليه

ردت رشيده من باب الفضول مش أكتر

تنهد يونس قائلا فضول ولا علشان تدخلى وتفضحى أبن ناجى الغريب

أنا بقول أن بعد الى حصلك وحبسك اليومين الى فاتوا المفروض تعقلى بقى وبلاش تدخلى فى الى ميخصكيش مش كل مره هتجى سليمه وكمان الى سمعته عن ناجى الغريب وأبنه مش كويس وأن الاجرام عندهم متوفر بزياده

ردت رشيده تمام شكرا لتحذيرك الى هاخد بيه
أن شاء الله

كويس قربنا على النجع نزلى هنا وأنا هكمل لدارى مشى وشكراً لك

رد يوسف ليه خلينى أوصلك لحد دارك

ردت رشيده لأ شكرا وجف وانا عايزه أتمشى بجالى ليلتين محبوسه وعايزه أفك رجليا

أبتسم يونس هو يعلم أنها لاتريد البقاء معه ولها ما أرادت لن يضغط عليها أكثر

توقف يوسف بالسياره
لتنزل رشيده سريعاً منها

نظر يونس لها من السياره قائلا بمراوغه مبروك على برائتك يا ذات الخال وعلى وعدك

ودت لو وجدت حجراً بالطريق وقامت بضربه به على رأسه حتى يقفد الذاكره وتضايقت من نطقه
لها بذات الخال
فهذا كان أكثر لقب تحب أن تنادى به لكن أخر أحد يناديها به هو واحد من عائلة الهلالى

لتسير دون رد عليه.

بالسياره تنهد يونس بألم فمفعول المخدر الذى كان تحت تأثيره تقريباً أنتهى وأصبح الألم لا يُطاق نهائياً
وضع يده على صدره يشعر بألم
كانها هى من كانت المخدر له بمجرد أن نزلت من السياره أزداد الألم بقوه

نظر يوسف ل يونس قائلا مالك خلينا نرجع عالوحده مكنش لازم تخرج منها

رد يونس بتألم أنا كويس رجعنى عالدوار وأتصل عالدكتور يجى الدوار مفيش فرق بين الدوار والوحده.

بينما سارت رشيده بالنجع كان الجميع ينظر لها بتعجب ودهشه
كيف خرجت من المركز هى مقبوض عليها
لكن هناك من يصدقون الخُرفات فكيف لمخاويه أن تظل بالسجن لابد أن ما تخاويه أخرجها من السجن دون أن يعترضها أحد.