يونس وبنت السلطان بقلم سعاد محمد ج١

أبتسم يقول يعنى بنت السلطان مثقفه بجى

ردت رشيده لاه مش لدرجه دى بس أهو الجرايه بتاخدنى لعالم تانى
يعنى أنا بقرأ فى كتب التاريخ بتاعتك أتخيلت نفسى أميره فرعونيه زى حتشبسوت وجوتها وأزاى حكمت مصر لسنين وكانت مصر فيها متجدمه بين الدول
رغم أن نهايتها كانت مش سعيده لما هدها أحمس أبن أخوها طمع فى حكم مصر وأخد منها الحكم وبعدها ونفاها وأختفت بعدها من التاريخ
وكمان جريت عن عروس النيل الى كان الفراعنه بيجدموها قربان للنيل علشان الخير يفيض عالبلد

أبتسم يونس هو يرفع رأسها ويضع يدهُ على تلك الشامه التى بذقنها يقول
أنت أميره من نسلهم يا ذات الخال

أبتسمت تقول مين الى جلك عاللقب ده أكيد عم عبدالمحسن تعرف لما كنت بتنادينى بيه سابق كان بيبجى نفسى أجتلك

ضحك يقول ودلوجتى نفسك تعملى فيا أيه أنت جتلتنى فى عشجك يا ذات الخال.
……ـــــــــــــــ،،،،
مرت أيام
فى الصباح الباكر أمام تلك المقبره المدفون بها راجحى

وقفت همت ترفع يديها تقرأ الفاتحه

سمعت من خلفها من تقول أنتم السابجون ونحن الاحجون

أستدارت همت تنظر لها بكراهيه

نظرت الأخرى لها تقول كنت عارفه أن بعد ما سمعيتى الشريط الى بعته ليكى مع أنهار هتجى على أهنه وتجابلينى

ردت همت بسخريه عاوزه أيه يا نفيسه يا بت عمى وأيه مصلحتك من الشريط الى بعتيه ليا مش عيب أما تسجلى لراجل ومرته وهما فى أوضتهم وجت خلوتهم كنتى هتستفادى أيه

ردت نفيسه أستفدت عرفت مين الى جتل المرحوم جوز بتى ورملها وهى شابه
كان عندك شك أن راجحى أتجتل وجولتى أكده يوم الدفنه بس غالب أكد غرجه
جدامك الى جتلوا ولدك رشيده وعبمحسن
مش عاوزه تاخدى بتار ولدك

نظرت همت بسخريه عاوزنى أجتل رشيده عشان يخلى لبتك الجو مع يونس

ردت نفيسه لاه علشان تارك الجديم من نرجس الى فازت بغالب بعد ما أتوصمتى جدامه بعار الخيانه

ردت همت أجفلى خاشمك أنا مخونتش غالب أنتى كنتى مشاركه معانا فى الخطه الى أتجلبت وأنا الى وجعت فيها وغالب مصدق وطلجنى وراح أتجوز نرجس الى كان بيعشجها من جبل أخوه بس نصيبها كان لأخوه وهو من بعده

ردت نفيسه نرجس وغالب عايشين كيف الاخوات لحد دلوجتى عمرها ما سمحت له يشاركها المخدع