روح وريحان بقلم ايناس عادل ج ١

ضحك قائلا :
– انتي عارفة انتي سالتيني السؤال دة كم مرة .. وكل مرة لازم احكيلك .. بصي يا حبيبتي .. اخوكي اتوفى بعد ولادته بشهر في الوقت دة كانت خالتك لسة والدة يوسف وباسل وامك كانت متعلقة بيوسف زيادة عشان كان اشبه ليها وبعد وفاة اخوكي زاد تعلقها بيه وكانت بتترجى خالتك انها تسيبه معاها وخالتك مرفضتش .. وبقت امك ىبتعتبر يوسف دة تعويض ليها ويعتبر كان عايش معاها اكتر ما عاش مع امه .. لولا اني صممت ان الولدين لازم يتربوا مع بعض .. وطول الفترة دي كانت امك بترضعه طبعا .. لكن باسل عمرها ما رضعته .. هي مكنتش شايفة غير يوسف اصلا ..

كانت تتمنى أن يكمل حديثه ويخبرها أكثر عن أمها لكنه لم ولن يفعل .. قاطع حديث الذكريات هذا طرقات على الباب .. قامت “ريحانة” مبتسمة وهي تقول :
– دي خالتو ..

فتحت الباب .. لترحب بخالتها .. وعندما همت بغلقه قالت “فاطمة” :
– سيبيه يا حبيبتي .. ريم نازلة ورايا ..

حينها عادت “ريحانة” سريعا جوار جدها .. لتضع ذراعه على كتفيها وتستقر رأسها على صدره .. بينما دخلت “فاطمة” سلمت على والدها وهي تقبل رأسه ويده وجلست على مقعد مجاور …

جاءت “ريم” .. ألقت السلام .. ثم نظرت إلى جدها و”ريحانة” قائلة :
– خيانة .. اللي بتعملوه دة خيانة ومؤامرة ومتدبرة كمان … قومي يا بت انتي من جنبه انتي ايه مبتشبعيش منه ..

ابتسمت “ريحانة” وهي تتمسك بجدها أكثر قائلة :
– ولا عمري هشبع منه ..

ضحك الجد صالح وهو يشير لـ”ريم” بذراعه الأيمن قائلا :
– تعالي الجنب التاني ومتزعليش نفسك بس ..

تذمرت وهي تقف مكانها قائلة :
– لا مليش دعوة هي قاعدة في الجنب الشمال عند قلبك .. عشان بتحبها اكتر .. وانا اعترض بقى واحتج هه .. ما انتو لو كنتو جوزتوني كنت لقيت اللي يحبني بدل ما انتو ممرمطيني معاكم كدة ..

نظرت لها “فاطمة” قائلة :
– ايه انتي ما صدقتي .. اي حاجة وتفتحي موضوع الجواز .. على طول واقعة كدة ..

مالت “ريم” تقبلها قائلة :
– قلبك ابيض يا بطوط .. بهزر يا يا روحي ..

نظر لها جدها قائلا :
– طيب تعالي بس .. تيمنوا فإن في اليمين بركة ..

ذهبت تجاهه سريعا وهي تقول :
– اه ان كان كدة معلش .. بس بردو يا جدو مش لو كنت وافقت على سفري كان ممكن الاقي نصيبي هناك واتجوزه .. بدل ما السوق شاحح هنا كدة ..