سبر اغوار قلبي بقلم نورهان سامي ج12

اؤمأت برأسها قائلة بسخرية رغم اشتعال قلبها بالداخل من الغيرة : أه أصلي كنت بتفرج علي جوزي الراجل الوحيد الشهم اللي في القاعة ديه اللي مفيش رجالة غيره .. أردفت قائلة بغيرة : بس ما شاء الله شكلك كنت مركز معاها أوي و كانت عجباك من الأول لدرجة إنك من و أنت هنا لاحظت إن فستانها اتقطع فقولت أعمل نمرة بقي و استغل الفرصة .. صمتت قليلاً ثم أكملت كلامها قائلة بتهكم : و أحب أبشرك إنك عجبتها و مش عجبتها هي بس لا عجبت بنات القاعة كلهم و هتلاقيهم كلهم جايين يشكروا الجنتل مان أدهم بالنيابة عنها عقبال ما هي تيجي تشكرك بنفسها .. أعمتها الغيرة فتابعت قائلة بسخرية : و بعدين تفتكر واحدة دراعتها و رجليها باينة هتفرق معاها لو حتة زيادةكمان بانت!!

هل تظن بأنه من هذا النوع من الرجال يعلم أنها مجنونة لكن ليس لدرجة أنها تشك به .. ليس لدرجة أنها تظن أن ما فعله .. فعله فقط من أجل عرض سيصفق له المتابعين عليه و يلفت نظر الفتيات ليعجبن به و يمدحونه .. ما فعله كان رد فعل سريع لم يفكر به لما لفت انتباهه فجأة .. هل تتهمه أنه كان يتابع تلك الفتاة كما تتهمه أن مروءته مزيفة للعرض و للفت الإنتباه فقط .. كان كلامها يشعل فتيل غضبه دون أن تشعر حتي أن يده بدأت تآكله .. بدأت يديه ترتفع دون أن يشعر هو بارتفاعها .. شعر فقط بما كان سيفعله عندما أمسكت منال بيده و أرجعتها إلي جانبه مجدداً قائلة بجدية : معتقدش إن هنا مكان مناسب انكوا تتخانقوا فيه و لا انتو ايه رأيكوا ؟

تنهد أدهم بغضب و استغفر ربه و تركهما و ذهب خارج القاعة بأكملها بعد أن قال لها قاصداً : الزفت اللي في عينك ده يتشال و مش هكررها تاني عشان ماشلهوش أنا بطريقتي .. ربتت منال علي كتف تالا قائلة : روحي اقعدي جمب سارة عشان متدوخيش من الوقفة و تتعبي

اتجهت تالا حيث سارة كما أخبرتها منال أما منال فقد أخذت نفسها و خرجت وراء أدهم .. وجدته واقفاً بأحد الأركان يدخن سيجارة فاقتربت منه و وقفت أمامه ليلقي السيجارة من يده و يدوس عليها احتراماً و عدم ازعاج لها .. ربتت علي كتفه قائلة : مالك يا حبيبي ؟ .. أردفت قائلة : و مش قصدي بمالك علي دلوقتى

نظر لها أدهم باستغراب لتقول هي بتساؤل : مالك من ساعة ما رجعت من عند سارة ؟ حاسة إنك أنت و مراتك أحوالكوا مش متظبطة و أنت طول اليوم بره و بترجع متأخر حتي لما قولتوا إنها حامل حسيت انكوا انتو الاتنين متضايقين و مش مبسوطين زي ما كنت متوقعة منكوا لما تعرفوا بأول مولود جيلكوا .. و إيدك اللي كانت هتتمد عليها انهارده ديه وسط الناس و غير ده كله رجوعك للسجاير